كلمــــات ،،

بسم الله الرحمن الرحيم ،
السلام عليكم ورحمة الله وبركاته ..

ربي يديم عليكم جميعا خير السمت وأطيب الأماني ،
ويكرمكم بـ نوايا صافية ، ونفوس بيضاء ، وارتقاء يليه ارتقاء دايم ~ ..

×××

امممم ..!

بالبداية بوضح غايتي من هذا الطرح ،
واللي هي احساسي بإني حابه أبدي { كلمــات .,، لكم ..

ممكن يكون من باب الامتنان على كل شيء ،
وممكن يكون من باب تصفية العلاقات أكثر وأكثر ،
وممكن يكون شيء من الواجب اللي أحب أبديه للناس من حولي ..

×××

بتكون لي إضافات متتابعه كل كذا يوم ،
وبكل إضافة بوجه كلمة لـ بعض الاخوان والخوات ..

كما يكفيني ممن يتلقى هذي الكلمات أنها وصلت إليه ،
وفيما عدا ذلك ، اعذروني جدا على تقصير مضى ،
تقصيري اليوم ، وتقصيري باجر ..

اختكم أنامل قلب ..

يتبع بشكل متجدد ،
حتى يصلني شيء من الاكتفاء ..

~ ....

{ دمــوع قلم ~ ..

للحين ما أذكر شلون بدت صداقتي معاج ، يعني متى وكيف بدينا ناخذ ونعطي مع بعض أكثر ،
وشلون صرنا على ما نحن عليه اليوم ، امممم مادري صج سبحان الله ، بالنسبه للصداقه أحس
إن رب العالمين أكرمني واااايد ، وايد ، مع إني مش من النوع اللي يكون علاقات قوية بسهوله ،
ولا إني اجتماعيه أحب أعدد معارفي وما إلى ذلك ، هذا إن ماكنت العكس ، دوم أقول إني ما أحب
أكون علاقات بزياده ، ولا أدري للحين كيف تشكلت صداقتنا / بدينا بثاني ثنوي ، لكن وكأني معاج قبل ذلك ،
يعلم الله شلون إني أحبج وأقدرج وأعتبرج قريبه جدا لـ شخصي ، والحمدلله إني التقيت بج دموع ..

وانا اكتب لج اهني والحين ، قاعده أذكر مواقف صارتلنا ابـ مقاعد الدراسه / لمن نتمشى ،
اهتمامج فيني أحيانا ، شلون تهديني أحيانا وشلون أهديج بالمثل أحيانا ،
لمن تميت أعاند ولا أبي امتحن شفوي الفيزيا وانتي والابله لاحقيني كل مره تذكروني !

مشكلة لمن يصير الآدمي لا مبالي بزياده :whistling: ..

طلعاتنا ، وشلون تناقشيني بمسائل كثيره بس لأنج تبيني أكون بخير والدوريلي الأحسن ،
تعليقاتنا نغزاتنا حطاتنا على بعض ، مقالبنا الخفيفه على بعض ، وشلون لمن أحط عليج ،
وايد متغيره دموع ، للأحسن دائما باذن الله ، إلا سالفة اللي خبري خبرج ،
مادري إذا بتفهمين علي ولا P= / بس امممم ، وايد كلام بخاطري ، شو أسو ..!

مستانستلج وايد على فكره =)
وإي صح ، الشي اللي ماحبه صدق لمن يصير إن ننحرج ولا نستحي من بعض ،
مع ان نحن من الأساس ما يخصنا ، صح ! / "تخيلي" بالفصحه P=

وبالأخير أقول ، لا تسوين قدر كبير لأنامل قلب ،
+ خله بالج دومه طيب ومرتاح ^-^

ولا تستهينين ابـ صديقتي بأي شكل من الأشكال ،
احم ، وجني مو ناويه اسكت :whistling: !

,
,

{ وحي القلم ~ ..

سبق وقتلج ، مادري ليش كله أحسج رفيجتي من أيام المدرسه ، يعني كيف أييبها ،
أحسني جي عادي آخذ وأعطي معاج وكأن لي علاقة سابقه تربطني بج ، احسبج بشخصيتج
وتفكيرج قريبة من الناس الطيبه اللي أصادفهم بمثل هالأماكن ..

اممم مرات كثيره أحسبج جي مستحيه لكن تكتفين بأخذ المسائل ابـ روح خفيفه وغشمره حلوه ،
مادري اذا صج ولا ، وووشو بعد امممم إي أحب أشوفج بمواضيعي وايد ، يمكن مثل ما سبق وقلت
لأني أحسبج وحده اعرفها وبالتالي اضافاتج تكون دائما أقرب للـ سند + وأحب أحط عليج بعد =)

مرات أحس إن أشيا كثيره الدور بفكرج بس ماتطرحينها ، مادري ليش !
يعني مثلا حتى لمن ندخل بنقاش ولا غيره باختلاف المواضيع المطروحه ، أحسج "أحيانا" تتقيدين ..

مادري ، لكن أنامل قلب تحب تلقاج بالمواضيع ، وتحسب فيج أمور طيبه كثيييـــــــره ،
فـ ربي يوفقج بكل خطوه تخطينها ، واسمحيلنا إن بدر منا شيء ، وتقصيرنا دائما ..

,
,

فكره حلوه
الله يعطيج العافيه
بس هل عاصف يقدر يشارك؟

مـوضـوع جميـل ورائع وسيزيـد من التـواصل بيـن القلــوب ..

ولكـن ،، هل بإمكــاننا المشـاركة أيضـا كما أسلف وذكر أخي عـاصف ؟

:blush:موضوع ولا عالبال :blush:

أخواني ، تسلمون على مروركم الطيب ،
بس الموضوع هذا خلوه حقي :blush: ..
أحسني متروسه ، لازم باخذ راحتي بزياده ..!"

+ لو حابين تضيفون كلمة شكر لأحدهم ،
فـ في موضوع قديم لأخونا الطيب ألم ترى من هنا ،
قد يفي بغرض من أحب إبداء كلمة =)

واعذروني جدا ..

,

اختي عهد ، انا كلي على بعضي ولا عالبال :tongue: ،
أثولف طبعا ، ويزاج الله خير على تحفيزج الدائم لأنامل قلب ..

^-^

{ عفاريتووو ~ ..

وايد تواصلت مع أعضاء خلف الكواليس عبر الرسائل الخاصه لـ مواضيع عديده ،
والاخت عفاريتوو كانت من هؤلاء اللي يوجبون ويلبون حاجات المواضيع بأجمل الطرق وأكرمها والله ..

ما شاء الله عليها ، هي كذلك من الخوات اللي تحب تلقاهم أنامل قلب جدا بالمواضيع ،
مش استهانة بغيرهم ، لا والله ، لكن في ناس مادري كيف تحسونهم يحتوون أسلوب معين
أكان بالتفكير أم شخصياتهم ككل يذكرونكم بأمور تحبونها ، ممكن يكونون ناس شفنا منهم كل خير ،
وممكن يكون تشابه ابـ جانب فيهم ، وممكن يكون لأمور كثيره نجهلها ..

أحسج جي من النوع الجدي بعمله ، مادري ! / وابـ نفس الوقت أحسبها سوالف لكن مع اللي تعرفهم أكثر ،
ما قمنا نشوفج للأسف بينا بشكل كبير ، وعساج بـ خير وعافيه وسالمه من كل ما يكره ربي ..

اممم ، أحب أشوفها :yes: ..

,
,

{ أخوي المحاق المشتعل ~ ..

ذكرته الحين لأنه صارله غايب من مده ليست بالقصيره + أهو احليله من أوائل اللي ابتلو فيني وبردودي الطويلة بواحته ، واحة الرسم ..

أذكر من سجلت بالواحات ربيعتي دموع قلم بعدها بفتره قصيرة نبهتني إن عدنا بالواحات واحة خاصه بالرسم ، وتمت تمدح
الرسوم اللي تنطرح بهالواحة ، وانا وقتها تخبلت لول ، فـ تميت اتواصل بالواحه بشكل احسبه كبير ، ويااااكثر ما كانت لي اضافات قصيره ، احم !

أخ له وزنه بالواحات وقدر طيب عند الكل ما شاء الله ، طيب جدا + جدا لبق بالتعامل لولا إن قليل ما كنا نلقاه يتواصل بالمواضيع بشكل عام ،
ملاحظاته جميله جدا ، أي استفار كان يطرح أكان من قبلي ولا من قبل أي عضو آخر كنا نلقى منه ردود ونصايح كريمة جدا جدا جدا ،
مادري من اللي زعله وخلاه يطفش من الواحات ، ها يالله اعترفو ..!

أحسبه من اللي يحبون يكرمون الغير وايد ، والعكس يتفادى التقليل من قدر أحدهم ولو كانت بملاحظة تطرح على رسمه !
له أسلوب وأفكار طيبه جدا ، حتى كنت استغرب ليش مانلقى منه ذاك التواصل بـ مواضيع الواحات الأخرى ، او يمكن بالوقت اللي
سجلت به في الواحات كان الكل بشكل عام يتواصل بشكل خفيف ^^"

ما شاء الله عليه ، صدق مفتقدين محله بالواحات جدا ، باحترامه باخلاقه بافكاره ، وبحس الرسم عنده ،
عساه بخير ، وربي يوفجه وين ماكان ، وفيما يحب ..

للحين كل أمور الرسم تذكرني فيه ، متى بتعلم وبوصل لـ مثل هالمستويات الطيبه مادري ..!
+ انامل قلب تعتذر من شخصك عالقصور ..

,
,

يايين بالدرب ، اخواني خطاب ومجموعة إنسان ، بخاطري أحط عليهم من زمان :14: ..

نبدي بالأكبر سنا :whistling: !

,

{ أخوي هواجيس إنسان ~

اممم بالأول أهو يعتبر من أكثر الأعضاء اللي ينوصفون بالطيبه ، بشهادة كثر كما كنت ولازلت أقرا بعدة فواصل ،
ما أقصد الطيبه اللي ممكن تنوجد ابنا كلنا ، لا لا أقصد طيبه طيبه P= / ووو و هيك يعني ..

أحسبه من النوع اللي وايد يراعي الغير ، وايد وايد يراعيهم / إلا الغربا طبعا عادي يقطعهم تقطيع :a018: ،
وووو شو بعد ، اممم إي صح ، كنت قبل وللحين أقول إنه يملك أشيا ما يظهرها ، مادري ليش !
حتى سبحان الله لدرجة إن من بيتكلم بجدية شوي سيده بنحسبه متغير ، لأنه ما اعتاد يظهر بمثل ذلك ،
وبالتالي تناوله لبعض المواضيع تكون قليله مقارنة بغيرها ، واهني مثل ما سبق وقلت ، مو لأنه ما يملكها ،
لكنه يميل لإظهار جانب دون جانب ..!

وشي بعد ، اممم ما يعيبني فيه إني أحسبه أحيانا وقد يكون عالأغلب من غير قصد ،
يعرض نفسه لحساسيات أهو في غنى عنها ، مثل لمن يسكت بمواضع أشوفها أنا شخصيا غير مناسبه ،
صحيح السكوت جميل والصمت هيبه ، بس مو دوم ، خاصه لمن يكون مثل هذا السكوت ما ينفع كثر ما إنه
قد يترك شيء بنفس الإنسان يضايق ، وهذي ـ عني أنا ـ أحسبها طبيعة فينا ، الاستغناء عنها يتسببلنا
بوقفات كريهه ماتحبذها النفس / وبالمثل لمن يساير أمور ، ما بقول إني أتنرفز :14: ..

ممكن أكون غلطانه ، مادري ، لكنها أشيا أحسبني لاحظتها ، وأمور أشوفها من وجهة نظر أنامل قلب ،
مع إني أحبذ بالمقابل شغله مادري إن كانت بك أخوي ، وإهي عدم الاهتمام واللا مبالاة أحيانا ،
فهي نعمه لأمور بالأخص ، تجعلنا نمسك زمام أمورنا ونتحكم بما نشتهي ونريد ..

أخ ما يقصر وقت الحاجه ، حساس لأمور كثيره ، عملي ويتقن الشي اللي ينحط بين ادينه ما شاء الله ،
يحب يونس الغير ، علاقته ابـ أبوه جميله ، ونحب نشوف تواصل أكبر منه بالشكل اللي يريحه ~ ..

اسمحلي أخوي على أي قصور بدر من اختك أنامل قلب ، وجل تقديري واحترامي لـ شخصك ..

,
,

{ أخوي خــّطاب ~

احم ! ، ماعرف لول
مادري بس ما الحق أقول شي ، كله يقفط ويسكت ويقطع ويزعل :whistling: ! يعني ما ينفع نقول عنه طيب :mf_leia: !

أخ تواصلت معاه بأكثر من موضوع ، وياما كنت أحط عليه ، أحس مادري وايد أغثه من غير قصد ،
واهو بالمثل ما قصر فيني ، كله يقولي ردودج طويله ردودج طويله ، مثل اللي فوق اونه أنامل الحديديه / يحبطون صح:fa54: ..!

اممم أحسبه من النوع اللي ممكن تلقون منه إضافات البعض قد يتحسس منها ، لكنه ما يكون أساسا بالصورة اللي تنفهم ،
وبالمثل يصير بعكس الأطراف ، ممكن يشد أحيانا على أشيا ما تستحق أو ماتكون بالمعنى اللي يوصله ..!

وأرد أقول ، الحلو به إنه ممكن يشد بأشيا أحيانا ، لكنه يرد يطيب بسرعه ، فيه نوع من السماحه ،
يعني مش مثل اللي يقعد يتم حاط الموضوع ابـ باله بحيث يتم متحسس وحاط اكس على أشيا ..

كذلك ما يحب يسكت عن الأشيا اللي ماتعجبه ، جدي ، لكنه بنفس الوقت سوالف ،
بس نصيحتي لحد يفوت على عمره عصبيته ، بتستانسون وبتستفيدون وبتمر عليكم كل الألوان :fa46: !
+ أحسبه أحيانا نفس خيو مجموعه يساير أشيا بأوقات ، مادري !!"

وإي صح ، شي مهم جدا ، ماحب لمن يتم يقول تشككيني بعمري ، أقوم أنا أشك بعمري عقب لول
ووايد كان ولازال يذكرني بأخوي ، أو بالأصح في أوجه تلاقي امبينهم بكذا شغله ..

حلو اهتمامه بهله والمواقف اللي يذكرها عنهم ، صدق وايد حلو إن يكون الشخص قريب من هله ،
وووو كنت بقول شي ! ، امممم أحسبه واااااايد يحب يفيد الغير باللي يملكه ، يعني من النوع اللي
إذا تأثر بشي ولا استفاد من شي ولا عنده أفكار ، يحب ينقلها للناس من حوله ، وكذلك اهني بالواحات ..!

أتمنى ما يزعل من أي ملاحظه / أي كلمه ممكن أبديتها ، لأن غرضي منها ما بيكون غير كل خير باذن الله ،
وبالمثل ، اختك أنامل قلب تشكرك على كل ملاحظه ونصيحه مباشره أو غير مباشره أبديتها لها ..

اسمحلي ، وجل احترامي وتقديري لـ شخصك ..

,
,

/

وايد تفاصيل ومواضع نحب نوقف عندها ، ما تحضرنا حاليا ...!

{ دمعة عين ~

مكانها وايد وايد مبين !

اضـآفـآتج أكثر من مميز ^__^

وكلامج عن الاعضـآء أأيدج فيه 100%



استمري ..~

^ تسلمين رمش ،
وصبري علي دورج ياي بالدرب =)

ربي يحفظج ~

والله استمتعت باضافاااتج الحلووووه ..^^

وردج اسعدني يا حلوه ،
بنقبضج قريب صبري انتي بس =)

{ اختي رمش الغلا ~

من الخوات اللي ما كان يجمعني ابهم تواصل ملحوظ ، وبديت ألحظها والتقيبها بالمواضيع أكثر وأكثر
خاصه من فتره كونها من المجموعة اللي لازالت نشطه ما شاء الله ..

كنت كله أظنها عكس اللي اظنه فيها الحين ، يعني كنت أحسها مووول ما يخصها بالاجتماعيه ،
وعبالي انها خجووووله وهاااديه بزياده وما يخصها بالعصبية =) / بس عقب كنت اشوف تعليقات وملاحظات منها تقول العكس ،
ومن ذلك بديت أحسها مختلفه عن الفكره اللي كنت احملها عنج اختي ، خاصه ان قمنا نتواصل معاها أكثر ما شاء الله ..

حلو شغلها دوم ، واهتمامها باللي تلتزم فيه ، وهذي أعتبرها بالنسبه لي من الأمانة الحلوه ،
حتى وقت القروبات ، كنت ولازلت أميل لقروبهم ، مادري كيف كنت أحسهم ما شاء الله ، أفكارهم جميله ،
أداءهم جميل ، ماتحسونهم يسوون كل هذا بثقل / مادري يظل هذا اللي احسبه ، شي كان ولازال يجذبني لقروبكم ..

جديتها حلوه ، وأحسها بتنجح ابـ مجالها ابـ تميز ما شاء الله ..

ربي يوفقها ويعينها على كل خير ، أتمنالج كل الخير اختي :a074: ..

,
,

{ اختي عهد ~

ياربي هذي اشكثر تقفط ، أسلوبها يحرج الواحد ويحسسه بالـ :blush: " ، مرات صدق ماعرف شلون أرد عليها ..

فيها الخير ، تسأل دوم عن الكل ، وتتواصل مع الكل ، وتونس الكل وإن كان تواصلها خفيف ،
ما يبان عليها كل شي بسرعه ، وبالمثل حســـــاااسه ، واظني جنها الحساسيه صايبتنا كلنا داخل وبرا الواحات ..!

كل اللي يستخدم كلمة "فديتج" ابـ كوم ، واهيه بكوم ثاني ، ما اذكر اني شفت لها رد تضايج به أحد ،
وتقول إنها انطوائيه ، لكني أشوف تواصلها حلو مع الكل بالواحات ..

احم ، كلمتها وأخيرا ، وفشلت عمري من الخاطر ههه ، ربي يعينها علي ، شلون تميت بالبدايه مب طايعه اتكلم من القفطه بس اضحك !
وطلعت مثل ما توقعتها صدق ، اسلوبها بالكلام ، صوتها ، مادري كيف إن يعني هذي هي عهد الوداع اللي بالواحات =]

هيه صح ، وباذن الله ماكون ضايجتج ابـ شي اختي ، أمثالكم مابنفكر نضايجهم والرب يشهد ،
بس نتمنى تظل مثل ما إهي ، واضحه وتواصلها دايم عدنا ..

ربي يحفظج اختي بالدارين ، ويرزقج اللي يريحج بالدارين ،
ويزاج الله خير على أفعالج الطيبه معانا :a010: ..

,
,

/

من الخوات اللي أحب أشوفهم دوم بالواحات ،
أحيانا كثيره تستوقفنا لحظات نحس فيها بإن محتاجين نطرح كلمه ،
لكن وقت ما نبي نطرح ، نحس بإن لازال هناك الكثير مما لم نذكره ..!

اسمحولنا دائما على تقصيرنا ..

~

جد جد جد استـآآآآنست بإضافتج فالموضوع ..
اممم كل حد يشوفني هـآدية كانطباع أول ياخذونه عني ..!
بس عقب يشوفوني يوم اتأقلم مع الكل .. يتأذون من كثر ما ألعوزهم لول ..
واللي يعرفني عدل يبتعد عني يوم أكون معصبة.. =)

تسلمين أختي أنـآمل على إضافاتج الأكثر من مميزة ^__^

وعليكم السلام ورحمة الله وبركاته

انامل قلب يسلموووو الانامل على هذا الموضوع المميز

وماشاء الله عليج عن كل عضو وعضوه مسويه تعبير كامل لووووول

اتمنى لج التوفيق والنجاح دوم ونحن فى انتظار اليديد منج وربى يعطيج الصحه والعافيه

~~ بحـــر الموده

انامل ..


عبرت لج عن راااي برساله والصراحه ما عرف شوو اقوولج بالفعل اضافه جميييييله ...

تسلمون جميعا ، خواتي واخوي بحر الموده ،
وشسمه ، بعدني متروسه !.

/

أبي أستلم أخوي فرفوش ،
باذن الله بيكون لي عوده ..

{ أخوي فرفوش ~

من سجل عندنا ، أول شي لفتني فيه الـ [ عنجهي ] :k_smile2: ، مادري شلون احسبه كان يتلقى انتقادات كثيره
مع إني ما كنت أشوف به شي غلط ، ويمكن آنا اللي غلط هي هي هي / :mf_leia: ،
بس يمكن لأني أعتبر شغلات كثيره "حريه ما يحق لي أتدخل ابها" ،
ولا لي مبرر أحشرني بأشيا أجدها خارج حدودي ، بس الله يسلمكم ، من يقول إنه سلم مني ،
أحسبه كان يتضايق من ملاحظاتي احيانا ، مع إني ما كنت أقصد أي سوء بالعكس والرب شاهد ..

وووهيك يعني ، أقولكم ، ماتحسونه صدق ما شاء الله يحب الواحات من الخاطر ، يحبها بأفعاله ما شاء الله ،
بذل جهد يستحق الوقوف عنده مطولا ، وكيف تحسونه هادئ بمواقفه ، ما يشد ولا ينفعل عالأغلب ، ولا يحب يضر أحد ، أقصد بالكلام ..

له اضافات تحزن ، أحسبه قليل ما يميل لإخراج ما بجعبته ، يمكن يكون من باب الحرص ، او يمكن !
أمور كثيره ما يتدخل ابها ، ما يفتكر ابـ أشيا ، وبالمقابل ، تحسوبه شخص يقدر جدا الفعل الطيب ..

فاصله :
وانا احط هالاضافة اتصلت فيني حبيبتي دموع قلم وقطعت حبل أفكاري ، احم ..
بس ضحكتني ، حشينا شوي فيه ـ بس شويه ـ بعد ما سئلتني شو تسويــــن ؟.

دموع قلم : اممم هذا اظنه عضو قديم صح ، تعرفين منو ؟
أنامل قلب : امبلا أعرف ، بس ما بقول ، ما يخصج XP > أحب ألعوزها ..
ـ سوري ترى بس جي سوالف ـ

+ بعد ما سكرت من عندها ييت بكمل ، رد ناداني الوالد / مالي نصيب أركز :whistling: !.

المهم ، شو كنت بقول ؟!
إي ، لو كانت الكلمه ببداية ما سجل بالواحات ، كنت بقوله يحبذ لو إنه ينوع بأساليب طرح الاضافات ،
بس الحين ما يحتاج ، بعد ما رسى ووضحت صورته أكثر للأعضاء قمت أحسه صار ياخذ ويعطي بارتياح أكبر ولله الحمد ،
يحب يشوف الكل متنشط ، الكل متواجد ، الكل يشارك ، وكذلك يسأل عن الغايب ، ويحب يبين اهتمامه بالغير ،
+ حلو إنه لمن يتواجد تلقونه بفروع الواحات كلها من غير لا يحصر مشاركاته بواحات محدده ،
وربي يديم تواصله وحماسه / يناسبه لقب دينمو الواحات ..

أقوله لو طرحت عليك انامل قلب مره ملاحظه تضايق ، أو لقيتها ما تناسب ، فالمعذرة ،
لكني أكيد ما طرحتها عبث ، يمكن لأن في مجموعة أحس التواصل معاها سهل ـ يعني ما استصعبه ـ
تلقوني تلقائي هذول آخذ واعطي معاهم بالملاحظات أكثر ، ما أقول إن كل ملاحظاتي صحيحه ـ ابتسامه ـ
بس كلها تكون لما أحسبه مطلوب وبالتالي أتضايق إن ما أبديت الملاحظه فيما يصلح بنظري المداخله به ..

احم ، خلاص كلمه أخيره وعقبها بسكت !. :
أظني واضح امتنان الأعضاء للمجهود اللي تبذله ، فعلا شكرا لكل ذلك ، ولأي تقصير من قبلي أعتذر ،
ما بجذب صدق مفتشله لكذا شغله أحسني ما عاونت فيها ، لكن شو نسوي ، هذي انامل قلب وهذا تقصيرها !.

الله يعين كل من يعرفني علي ، ولك جل التقدير والاحترام أخوي عاصف الفرفشه ..

أختي أنامل هذا كثير عليه
وكل شخص له وجهة نظر ورأي
هنا قد أكون ليس كهناك
،
وبابي مفتوح لأي نصح
ودائم أحب أسمع نصائحك لي
أعذريني
،
حاولت أتجاهل موضوعك فخفت أن أبخس حقه
،
فلا أدري لما لا أقدر أن أكتب كثيرا هنا وأنتي تستحقين الأكثر
كوني بخير وسعادة
وشكراً لمن شكر
وننتظر عن شخصيات أخرى
نحب أن نسمع عنها كل خير
دمتي للواحات

أخوك فرفوش كان هنا

لا ابد بالعكس تماما اخوي فرفوش ،
طبيعي جداً ان نظرة الناس لنا تكون مختلفة بشكل غريب عن نظرتنا لأنفسنا ،
وبموضوعي أهني ، وعني دائما ، مالي في الحكم عالناس كثر مالي بالحكم عشعوري تجاه أفعالهم ،
مثل ما ان الناس مالها حكم ع مشاعرنا وظنا تجاه اللي يظهر يظهر منهم ، كثر مالهم في التحكم بافعالهم ذاتها ، اي العكس تماما ..

وهذا شعورنا تجاه اللي نشوفه بتواصلكم مع الواحات ، المواضيع ، الاعضاء ، تعليقاتكم ، شوللي يهمكم والعكس ، وهذا للكل اخوي ،
اكان صائب ام خاطئ ، يظل هذا اللي نحسبه فيكم لا اكثر ، وفيما عدا ذلك مالنا فيه أكيد ..



وشكرا جزيلا كذلك لشخصك ، ما تقصر اخوي فرفوش ^_^ ..