ماشي برنامج يرصد الرادار ؟

السلام عليكم

صدق تعبنا من موضوع الرادار، الحمدلله أنا من النوع اللي ما يمسكني الرادار، قولوا ماشاء الله ... بس يمكن مرتين في حياتي

المره الثانيه طبعا 600 درهم، من عقبها قمت امشي 80 حتى لو كاتبين السرعه 100 :a0360:

شو السبب اللي خلاني اسوق بسرعه :b050: جدامي هندي قاهرني، قلت بدوووس وأشخط 120 في مكان السرعه يحتاي

تكون 80 :m_9admah:

وصح الرادار اليديد على قولتكم بوليزر ( الأزرق ) مايزخ على نفس السرعه :m_atmasha:

مافي برنامج للسوني أريكسون، يحذرنا من وجود رادار، مثل ما هو موجود للنوكيا ؟؟؟

بالرغم إنه لو الشرطة عرفت هالشي، يعطونا مخالفه :4:

يعني أنا ادور الرادار قبل مايمسكني :hysterical:

لا تسرع يا المزوحي خل عنك ما شي برنامج ههههههه ^_^


اذكر يوم كنت سايره العين ويا اخويه 3 رادارات زختنا يهيهيهيه ...ما مسوين لهاا سالفه ...شووو اسووي كناا مستعيلييين ...):

عهد الوداع، انا ما اسرع سرعات جنونيه، الحمدلله، دومنا هاديين، لكن أحيانا يوم شويه هه اتودسين ممكن يولع

الفلاش ... وبعدين من ايام سرت الدوام ،،، ختمت وظهرت المحطه أخذ لي ريوق، وعند الرده واحد كل ثانيه يدح بريك من

غير سبب، ما داني يوم تستوي هالحركه .. يوم سويت نفس الحركه ودست ... شفت شرطي مذري وراء العمود وماسك

الرادار اليديد ( المسدس او الجن ) مادري التجارب عليّه .

هههههههه شكلك اول واحد دووم تكتشف اماكن الرادارات ...عاد خبرنااا وين ^_^

يالله صج سواقة المهنده ترفع الضغط ....غصب تسوي شي لا ارادي لوووول

اللي استغربت منه إنهم كاتبين في الجريده بيبتدون تفعيل رادار الجن من 15/7 ونهار ثاني شفت الشرطي، بس يمكن

يكون تجريبي !

شو هذا رادار الجن ؟!

دمعة شوق

هذا اللي في الصورة

http://www.dubaipolice.gov.ae/dp/por...0962414446.jpg

^ هو شرات نظام هذا.. ولا غير؟

http://www6.0zz0.com/2009/07/16/13/112038338.jpg

وحي القلم ماظهرت لي الصوره !

عدلتها '(^^)

وحي القلم نفس اللي في الصوره


كأنه ماسك مسدس


http://www.dubaipolice.gov.ae/dp/por...0962414446.jpg

ممكن يوقف الشرطي وراء عمود أو شيره ..

لا ماشي برامج ،
حتى لو شي ان شاء الله تظهر كلها مالها فايده ، يااارب ..

بالنسبه لي أشوف عدد الرادارات قليل جدا ،
المفروض يسوون شي يخلي الشوارع كلها تتحسس للسرعه ،
ما يحتاي عقب لا عمود بالزاوية ولا شرطي منخش ورا شيره ..

آمين ..!

بسنا من الحركات اللي تصير بالشوارع ،
نص المتوفين عدنا بالدوله من الحوادث ،
صرنا مستحيل انلاقي عايله مافيها أحد متوفي من حادث ..

ماعليه صعبه عاللي من الأساس ملتزمين ،
بس لسلامة الفئات الأخرى اللي مو ناوية تصطلب ..

أنامل قلب
لمن تسوقين راح تلاقين انه كثير
و لو انه مقهوره بس بعد أقول أحسن، شبابنا قاموا يغيبون واحد ورى الثاني


ربي يحفظنا من كل سوء يا رب

يالله اباكم عون استويتوا فرعون ..

مزن ، ليش مايكون لأنكم تسوقون ، تحسونه وايد !
يالله نضارب P= / ^____^ ..

لا صدق والله ، صح إن مرات تحسين ابـ بعض الشوارع
مبالغين بحدود السرعه ، بس يظل خيار أحسن لو قارناه
بالبلاوي اللي قامت تصير بشوارعنا ..

,

أخوي المزوحي ، فرعون فرعون ، ما يخالف ،
المهم تظلون جميعا بخير وعافيه ..

أنامـــل :blush: