ناوي على شي!

ناوي على شي كلمه بودي تفهمون معانيها، والنيه محلها القلب، وتراني لو عزمت أتزوج على سنة الله ورسوله، بس يحتاي

تباركون لي، في شي هناك موقــّف خطوتي اللي أبغي أخطيها، بنت أخلاق وذوق نفس سلكنا، ونفس مستوانا الاجتماعي ..

مابغي أكثـّر من الرمسه، بس حبيت أقول إنها تكبرني بــ 3 سنوات

فأكيد الرفض بيكون، وليش التشاؤم ! أكيد وايد من البنات ما يحبون يرتبطون بانسان اصغر منهم في العمر




الغلا مافيه قلبن ما لعبـّه

اللهـ يوفقك .. وليش هـ التشآؤم .. ان شاء الله خــير =)

اتفاءل ... والله يسعدك ان شاء الله ويتمم لك كل شي عـ خير ..

تدرين رمش الغلا، هالشي صعب، إذا احصل اللي اباه ويتم الرفض، بس بسبب فارق العمر .!

ما تعرف الرد ..!

ولازم تتوقع وآحد من الأمرين .. ووتقبلهم بـ صدر رحب ..

سوآء القبــول أو الرفــض ..!

" أعرف كيف موقفك .. وخاصة يوم أشوف أخواني وهم يتريون الرد سوآء بـ القبول أو الرفض" ..!

..


وفي هـ الزمن فــآرق العمر ما أشوف فيه أي مشكــلة .. أهم شي الشخص نفسه وأخلاقه ..

أنته اهم شي تكون "مستخير" وان شاء الله .. الله بيجدم لك اللي في الخيــر =)

ما تــعرفين إنه فلانه خطبها واحد، وقالت كل شي فيه زين إلا إنه قـــصير، وفلانه خطبها واحد وقالت كل شي فيه زين

إلا إنه اصغر عني، وأنا هنيه أقول يحق لهم يرفضون، شو بقدر أسوي يعني ...!

تفــآئلو بـ الخير تجدوه =)

وان شاء الله ما يقولون اللي قلته توه ... =)

إن شاء الله رمش الغلا

السلام عليكم و رحمة الله و بركاته

أخوي المزوحي
" فأكيد الرفض بيكون، وليش التشاؤم " << ليه هـ الجمله
حط الرحمن بـ صدرك و توكل عـ الله

أعرف ثنتين رجالهم أصغر منهم ( كلش ما وقفوا على انه ازواجهم أصغر منهم )

دعواتنا لك يالطيب

وعليكم السلام مزن هتان، الله يعيني يارب على هذا الأمر، ولج تحياتي.

خلك متفائل ياخوي
و اللي خير لك ان شالله بيصير ^_^

خير باذن الله ..

عفاريتووو + أنامل قلب إن شاء الله خير

موفق أخوی
لا تنسی تعزمنا عاد

بسم الله الرحمن الرحيم

~

في البداية أخي وعزيزي قبل لا ابدأ بالكلام ، اسأل الله جل في علاه أن يوفقك لما يحب ويرضاه
وإن كانت هذه الفتاة مصدر سعادة لك وتوفيق في دينك ودنياك وآخرتك أن يوفقك ويجمعك بها ، وإن كانت شرا أن يصرفها عنك
ويبدلك بالتي هي أحسن ، إنه ولي ذلك والقادر عليه

بالنسبة لموضوعك عزيزي ، هو بيني وبينك حساس
وأنا دوم أفكر في هالموضوع ، ومرات أكون إيجابي فيه ومرات سلبي ، وأميل للإيجابية اكثر

طال عمرك بالنسبة إنك تاخذ حرمة أكبر عنك في السن
بالنسبة لي ما أتقبلها ، وإن فكرت فيها واستصعبتها ...

بحكم إن المرأة تكبر قبل الرجل ، وبحكم الاطفال حيث إن المرأة تصل لـ سن لا تستطيع فيه الإنجاب

صحيح يا إخوان الحب موجود ، واهم شي تفاهم القلوب مثل ما يقولون
لكن أتوقع وما ألزم هالأمر ، إنه ممكن التغيرات الي بتطرأ على المرأة كونها أكبر بتأثر على شكلها بسرعه
وبتلاقي الريال في ريعان شبابه ، والحرمة تكبره سنا ً [ بالشكل ]
لكن مع ذلك ما يمنع ، في حريم ما شاء الله يحافظون على شبابهم

وأدري الإخوان والأخوات بيقولون مب شرط الشكل ، وهاي كماليات ووو الخ
بس اعتبرها نقطة مهمة ، خاصة في مرحلة الشباب ، لأنه الهدف من الزواج هو تكوين أسرة محافظة منتجة ، وإشباع رغبات كلا الطرفين العاطفية والجنسية والفكرية ..

لكني أرد وأقول إنه ما يمنع .. وكل إنسان ورغبته وأهم شي الاستخارة ..

بالنسبة لي طال عمرك
أفضل إنه البنت اتكون أصغر عني ، وأنا دوم أفكر بهالموضوع
وأقول مثلا لو البنت تصغرني بـ شهور .. هل هذا يمنع أو لا .. بحكم إنها بتكون في سني
وما ألقى إجابة ، او بمعنى أصح ما اقدر أقول شو أحسن .. !
لان في النهاية إذا الحب موجود والتفاهم موجود بينهم والاحترام كذلك ، بيعيشون أحلى حياة ..
وأهـم شي الديــــن { فاظفر بذات الدين تربت يداك }

والله يوفقك عزيزي ويكتب لك إلي فيه الخير ، وتفاءل بإذن لله ربك بيسر لك الأمور
واسأل الله الخيرة في أمرك ..

اقدر اقول كلولووووووووووش ولا بعد .!!

لوول

شو هالتشاؤم ياخي .. خلك متفائل ..

وعادي وايدين عرسوا وخذوا بنات اكبر عنهم وعايشين الحمدلله ومرتاحين ..@


^_^ موفق يارب

مجموعة انسان مب مفكر اسوي عرس رياييل :hysterical:

خــّطاب كلامك اللي قلته صح، والحين مثل ما انته تقول مابغي آخذ وحده اصغر عني، مرات شو يصير، ممكن الأهل يدورون
لك وحده وتقتنع بها، وعقب تظهر اصغر عنك . وتم متردد، وهو طبعا الاستخاره مهمه. :k_icon9:

الا انا اصبري عليّه، خليني اخلص وبخبرج :a108:

قبـل كل شي أقـول لـك

" أسـتخير "


لآتـقول أكبــر عـني ولآ آصغـر عـني ، وايـد نـآس نعـرفهم الفـرق بيـنهم سـنه وسنتـين

وبـعدين 3 أهـون ، عـن 4 و 5 و 6 سنيـن

وشي واحد لازم تعـرفه

أن رسـول الله أصغـر عـني السيدة خديـجه بـ وااااااايـد

فـ هو خير القـدوه اللي نقـتدي بـهـآ ..

قبل الـتشاؤم وقبــل كل شي أرد وأقـول " اسـتخير "


وربـك بيسـهل كل صعب جان فـ الامر خيـر

وبيصعـب كل سهل دام فـ الأمر شــر


والله يكتب لك اللي فـيه الخيــر :)

مهابه أكيد الواحد يستخير، بس الفكره الأولى شو هي ..! وبعدين مادري بردة الفعل، وإن شاء الله تتيسر الأمور .

^
خذهـا عن قـناعه بأن الحيـاه " قسمه ونصيب "

سـواء كان الـرد سـلبي أو ايجـابي فـ هذا من رب العـالمين واكيـد فـيه خيـر لـك

لاتتشاءم :)

المزوحي .. انا اقولك .. صل استخاره .. وتقدم للبنت وشوف بعدين رد الفعل .. اذا وافقت كان بها ..
واذا لأ .. فحط في بالك انك مستخير رب العالمين واللي الله كاتبنه انته لازم ترضى به ..
والله يوفقك ياربي ^_^
انته طيب وتستاهل كل خير ..

مرحبا مايهزك ريح، صح كلامك، لأنه لو هي اصغر عني واستخرت وماصار نصيب، ما بيكون موضوع العمر له دخل من الأساس.

تسلم ياربي :blush: