السلام عليكم
ممكن حد يعطيني نبذه سريعه عن هالموبايل والخدمات الي فيه .. لانه كل حد يقولي شي
انا الي ابا اعرفه .. هل يفتح المنتديات العربيه
يفتح الالعاب الاون لاين مثل ترافيان وهالسوالف
سؤال صغيروني بعد
اقدر اخزن عليه كتب الكترونيه؟
عرض للطباعة
السلام عليكم
ممكن حد يعطيني نبذه سريعه عن هالموبايل والخدمات الي فيه .. لانه كل حد يقولي شي
انا الي ابا اعرفه .. هل يفتح المنتديات العربيه
يفتح الالعاب الاون لاين مثل ترافيان وهالسوالف
سؤال صغيروني بعد
اقدر اخزن عليه كتب الكترونيه؟
بقولك الي اعرفه عن البلاك بيري
تقدر تجيك ايميلك ويييين ماتكون وبدون ماتحتاج للانترنت
أخويه يمدحه ومليون شخص ثاني مامدحوه لي، وعاد انته شوف الحين ...!
حلوو!
بس لو انت من النوع اللي وايد ترمس فالموبايل .. بطاريته تفضي
يعني ممكن تخليه كـ موبايل ثاني
هممم كل الناس ياخذونه عسب سالفة البلاك بيري مسنجر .. يعني بين بلاك بيري مالك وبلاك بيري الشخص الثاني
احس يفيد اكثر لو نص ربعك عندهم بلاك بيري ...
هيه يفتح المنتديات افتح فيه الواحات
اقدر اخزن عليه كتب الكترونيه؟
ماعرف شو يعني كتب الكترونية لول
مرحبا
نصيحة :
لاتاخذ الـblackberry bold .. ليش؟ لانه في كم من خلل بس مايخبرونك هالشي الى عقب ماتتبهدل والمشكله شركات الاتصالات مايرومون يسون شي لانه خلل فني
شو المشكله
في كل بلاك بيري البطاريه مب لين هناك.. بس انا احس البولد اخس شي
- البولد تليفون مزااااااااااجي وايد.. كل ما يجدم يتحسن.. بس في البدايه مأرف .. في البدايه مزاجي في المسجات العاديه.. بس بعدين يتحسن وبيكون مزاجي في الـ mms .. والارسال فيه كجره.. مزاجي متى ما يبا يقبض الارسال! انا تليفوني دوو مب متبهدله كثر ربيعتي الى اتصالات.. هيه وحليلها رايحه فيها لازم تشل تليفونين وياها
- الشي الوحيد الى مافيه مشاكل هو البلاكبيري مسنجر! في هالشي توب! اما باقي الاشياء مب لين هناك
- تقدر تدخل منتديات عربيه منه
- تقدر تنزل العاب
- ماعرف اذا تقدر تنزل كتب الكترونيه ولا لا.. بس اتوقع تقدر
نصيحتي
البلاكبيري حلوو.. لانه عملي وايد! خصوصا البلاك بيري مسنجر.. هذا اهم شي! والحلو يوم تكون ملان وانت طالع تقدر تدخل النت منه! ولا تجيك ايميلاتك.. الخ
وسالفة البلاك بيري مسنجر.. انه محد يقدر يخدعك.. خصوصا يوم تشتغل.. لانه يقولك يوم حد قرى المسج ولا لا.. فـ محد يقدر يقولك والله سوري يا خيال ماوصلني المسج انك بتغيب اليوم فـ انت مطرووود p;
بس البووولد عورلي راسي >_<
شو عن بلاك بيري ستورم ؟
http://blogs.zdnet.com/gadgetreviews...storm-left.jpg
صريح إذا عندك الكيرف خبرنا عنه ...
ابغي آخذ بلاك بيري، آخر شي بشو تنصحونا ؟؟؟؟
أختي واخوي عندهم البلاك بيري البولد .. وحلو بس يقولون وايد يفضي الجرج ><!
كان عندي بلاك بيري بولد و استعماله حلو
افضل من الكيرف في شي واحد بس !!
الفرق بينهم انه البولد يدعم شبكه ٣ جي و الكيرف ما يدعمها
و للعلم شبكة ٣ جي عندنا في الامارات اقل ما يقال عنها انها زباله و انتوا بكرامه
لذلك انصح بالكيرف و الحمدلله ٢ من الي اعرفهم خذوه و مرتاحين منه وايد
و انا بعد ناوي على واحد من عقب البولد
الستورم لا تفكر فيه لأنه بالمختصر زباله
مجرد تج سكرين و مافيه مواصفات
حتى اقل المواصفات و الي هي دعم الوايرلس نتوورك مب موجوده فيه
بولد او كيرف مع الافضلية للكيرف طبعا
انا اول ما خذت البولد كل حد قالي لا تاخذ كيرف ولا تاخذ كيرف و و و و و الين ما اقتنعت بان البولد افضل
لكن عقب اكتشفت بان البولد زين لكن الكيرف ما يقل عنه في شي و خاصة اني كنت استعمل شبكه ٢ جي
توكل على الله و خذ الكيرف =)
رمش الغلا إذا يفضي يجوز احط رقمي الثاني مب الاساسي ...
ذنيني الكيرف موديلات له وإلا نوع واحد عندنا، وناخذه من اتصالات وإلا من اي محل ؟
^
بس شرآت ما قال ذنيني صح وايدين خذوا البولد ..
بس انا لو فكرت في يوم آخذ بلاك بيري ..
ما بتردد اني آخذ الكيرف =)
شي موديلات قديمة
اليديد هو curve 8900
شرات الي صريح حاط صورته
بالنسبة لسؤالك عن مكان الشراء
بصراحه ما ادري‘ شي محلات تبيعه بدون ضمان و فرق السعر يوصل الى 800-900 درهم
الي من الاتصالات مع ضمان و بالنسبة لي شخصيا افضل اني ادفع زياده و احصل الضمان
بس انته اذا الضمان ما يهمك وايد شوف محل في السطوة اسمه الجسمي
يقولون انه اسعاره ممتازه بالنسبة للبلاك بيري
الحمدلله إني ماخذت البلاك بيري، من كثر ما الكل عنده كرهته
صح إني مابحكم العالم انا، بس اشوفه بشكل مبالغ، حتى الواحد مايكون مميز
مع كل احترامي انا جربت الكرف الجديم اول ما نزل البلاك بيري .. الدقم ( buttons ) ماله موليه ما منها فايده مب عمليات للكتابه السريعه .. اشتريت ٣ اول واحد شاشته اختربت قلت مش مشكله ثاني واحد الكوره اختربت قلنا يالله علينا بال٣ اشتريت الثالث عكيفه يعلق وماكان فيه خاصيه مسجات التلفون بروحه و مسجات الباقيه فملف ثاني ..
وقفت سنه و ردت صرخه البلاك بيري مره ثانيه ..
خذت البولد من شركه دو في رايي انه تمام بس عيبه انه بطاريته تفظي لكن كالعاده نحن ماشاء الله من التلفون الواحد نشل ٣ تلفونات فما تفرق اذا البطاريه فظت و لا لا
أكيد الواحد له حرية الاختيار وشو يبغي يقتني ! لكن عندنا واحد في الدوام صدعني، كل يوم يقولي ابغي اشتريه
خلاص سير خذه، نجيره
السلام عليكم قويتوا خخخ
وشحالكم ..؟
أممممم انا عندي بلاك بيري البولد بس الصراحه الحين فارنه في الدرج ماستعمله في البدايه ادمان وعقب تمل منه هههه وعندي مشكله في المسن اول فترة دخل عادي وعقب قام يشفر يعطيني سيرفر نت الاود عاش الانجليزي خخخ
ويوم اتصلت وتخبرت قالوا اونه المشكله في الايميل نفسه يتمصخرون ومن ذاك اليوم وانا عقاب له حطيته في الدرج هههه
بس احسن مافيه البلاك بيري مسنجر هو بشكل عام مفيد للي يدخلون النت ..
بس خلاص تعبت .. وشكراً :h_negab::k_devil2:
^ do an update for it
بسم الله الرحمن الرحيم ..
انا خذت البولد من يومين واشوفه تمام ! ..
لكن مشكلتي وياه هو انه مايشبك وياي بالنت وخاصه ف الواير لس ..
ما اعرف شو السبب والضاهر اني بسوي اشتراك احسن لي ..
بالبركه ألم ترى
أختي بتاخذه هاليومين و الا تبيني آخذه معاها :surrender:
أمي تسميه لامبرغيني :fa56:
وين بلاك بيري و ين لامبرغيني !!
^
آنـآ عـيبني ( البـولد ) بـعد ، قـبل مـآكنـت مقـتنعه بشي أسمه بـلآك بيري ، ويوم شفـته عيبـني ودخل فـي خـآطريه
لكـنه شويه دفش ، ومحـد شجعـني آخذه
اتصالات مسويه اوفر
تاخذ بلاك بيري + الخدمه وتدفع 1800 واذا بدون خدمه على الفين وشي
شو احسن اخذه من الاتصالات ولا من اكسيوم تليكوم ؟
وآذا من آتصـآلآت لازم اللي بآسمه البطاقه يروح ياخذه ولا كيف ؟
ربيعتيه كانت بتاخذه وقالولها لازم ابوج اللي باسمه البطاقه ايي وياخذ التلفون !
لو خذتيه من اتصالات او من اكسيوم نفس السعر
امم لا مب لازم اللي باسمه البطاقة يروح بس لازم تاخذين وياج صورة جوازه
عسب تشترون التلفون ( بدون الخدمه ) ما تحتاجون اي شي غير الفلوس
حضوور الشخص صاحب الرقم او تيبون صوره الجواز ولا الليسن عسب الاشتراك في الخدمه على رقم التلفون بس
مجرد اجراء عادي .. عسب مب كل واحد ايي و يطلب الخدمه حق اي رقم ما يكون له و يشرد ( اخسااس يعني لول )
:4:
و انا افضل تاخدونه من اتصالات ..
1 - لانه عليه ضمان من عندهم لو صار اي شي فالتلفون تودينه عندهم
2 - الكيبورد يكون معرب من المصنع
باقي الاماكن الكيبورد فالتلفون يسونه فالبلاد بالليزر و ما يكون بنفس الجوده من اتصالات
و نزل بلاك بيري يدييد BlackBerry Tour ( اصغر عن البوولد و اكبر عن الكيرف يعني بينهم ) بمواصفات احسن
بس بعده ما نزل فالبلاد
^
صريح .. ما عندك فكره متى tour بينزل في البلاد .. !
وبالنسبه للي يشتريه من إتصالات .. اقدر اطلع الـ sim كارد متى مابا .. يعني اذا فكرت اسافر وحبيت اشتري بطاقه من برا يتقبل ولا لأ !
مايد
والله ما اعرف متى بينزل عدنا .. ناس تقول عقب العيد و ناس تقول في رمضان ولا قبله
بس هو من فتره قريبه نازل في امريكا .. فاتوقع يباله وقت لين ما ينزل عدنا
اذا خذته من اتصالات بيكون عليه Lock .. بس بطايق اتصالات يشتغلون ع التلفون
بس فكر فيها اذا جلعت بطاقة اتصالات و ركبت بطاقه من برع
ما بيكون ع التلفون خدمه البلاك بيري فبشو بتستفيد من التلفون في هاي الحاله
حول الخدمه من محليه لدوليه و استخدم التلفون برع و خذ تلفون ثاني حق بطاقه الدوله اللي بتسيرلها ( و هاللي الكل يسويه الحين )
و يوم ترد البلاد كنسل الخدمه الدوليه و ردها محليه
الدولية = 295 فالشهر
المحليه = 185 فالشهر
و الخدمه الدوليه ما تشتغل الا ع البطايق الفاتوره ..
اذا بطاقة مدفوعه لازم تحولها فاتوره عسب تقدرت تستخدم خدمه البلاك بيري الدوليه
:smile:
مرحبا صريح .. في امريكا عادي تاخذ بطاقه T mobile واتقولهم انك تبها حق البلاك بيري وتشتغل .. بس ما ادري عن الدول الباقيه !
ومشكور على الرد
احــم
El Curve
وبــس
:icecream:
^
وانا بعد هـ اللي أقولهـ
الـ Curve وبـس ..،
أختي و أخوي عدهم لامبرغيني بولد
و أمي خذت الكيرف
خلق الله كلها تخبلت !!
عيـل نحن كل البيت [ انا وخوآتي الثلاث ]..
أخوآني الاثنين
مرت أخوي =)
والعـآيلة كلهـآ طبعا الكزنز اللي كبرنا لول ..
بعيدا عن الموضوع، و للفائدة العامه
كل اللي نزلو تحديت اتصالات المضرووب registration اللي خرب تلفونات الخلق
شركة بلاك بيري الام RIM .. نزلت بيان صحفي انه التحديت مب من الشركة و غير مصرح فيه
و التحديث عباره عن برنامج تجسس Spyware و نزلت Application يمسح التحديث المضروب
اللي نزل التحديث و ما مسحه يدخل على هاللنك من البلاك بيري و ينزله و روحه بيمسح تحديث اتصالات
http://www.blackberry.com/registrationappremover
::
:
و هذا لنك موقع البلاك بيري Registration App Remover for BlackBerry smartphones
و هذا الخبر في BBC
UAE Blackberry update was spyware
و نصيحه لا تسون اي update الا اذا كان من شركة بلاك بيري RIM
:smile:
مرحباااا
صريح : يعني اللي كان من الاتصالات مب زيـــن ؟
الحمدلله تلفوني ما خرّف لكن زيغوني من كثر ما يطرون هالموضوع
قصايد غلا
التحديث يخلي التلفون يرسل و يستقبل معلومات في back ground
يعني الشخص ما يحس بشي .. و هالشي اللي خلى البطاريات تفضي في نص ساعه
اتصالات فقط موزع معتمد من شركة بلاك بيري مالها صلاحيات تنزل اي تحديث غير معتمد من RIM
و مالها اي تحكم على البلاك بيري من خلال حظر او توقيف اي خدمه فيه لانه السيرفرات تتحكم فيها الشركة الام
اتصالات حاولت بجتهاد شخصي ( و انا اعتبره تخلف ) .. انته تضيف تحديث هيه مسوتنه للبلاك بيري الموجود فالبلاد
عسب تتحكم فالتلفونات .. و تقدر تمنع الاشياء اللي ما تبغيها و تحظر اي شي ع كيفها .. بس فشلت
اهــااا .. يعني جذه الساااااالـــفـــة :h_daleel:
شكراً على المعلومات اخويه :) ...
نسير وناخذ ونشتري واخر شي نرجع ل ...
http://oasis.bindubai.com/bin/upload...1248290543.png
سوني اريكسون :heart:
تحفه
كيووت ..~
=====
حبيت المسن اليديد للبلاك بيري
وخاص في خاصية الصور والp.m
واختيار الناس اللي ابا اطرش لهم البرودكـآست
ووايد سوالف ثانية
حسيتبه مرتب اكثر عن البي بي مسن العـآدي =)
^من وين هذا انزله؟
وانتي الي كيوت حبيبتييي :*