عرض للطباعة
السلام عليكم ورحمة الله وبركاته
ابا اتعلم استخدم برنامج ادوبي الستريتر (مادري قلتها صح ولا غلط)
المهم ابغي اتعلم كيف اصمم مجلات مطبوعه
فـ تعبت وانا اسأل كله يقولون لي المعاهد اللي تعلم برامج كمبيوتريه مب شي و مايعلمون عدل مب شرات الكليات و الجامعات
انزين انا وين اسير؟ يعني ماشي مكان زين يعلمون عدل شرات الكليات؟؟؟؟
فيدوني بليز
:k_sadwalk:
....
>>>>>>>>>>>>>>>>>>>
شو هو هالبرنامج ؟
هييييييييييييييييه
الأستطريييطر هو ده
وانتي بعدج عليييييه !!!
الله يعييينج
للأسف انا هالبرنامج ما عرفته اللا منج !!
تطرين برنامج الـ Adobe illustrator
هو صح فـ المعاهد بيعلمونج عليه
والطبيعي انهم بيعلمونج الأساسيات وانتي تتفننين فيه
انا عن نفسي روحي تميت أعابل ع النت واجوف دروس
وأنقي من كل بستان زهره :fa46:
حدي كان فيه الرسم ما اتعمقت فـ سوالف المجلات
جربي اتنزلينه واتعابلين فيه اشوي ،، اذا امجربه تشتغلين ع الفوتوشوب
بيكون استخدامه اهون اشوي من انج دايركت تستخدمين هـ النوع من البرامج
إذا فيج همـه وعندج طولة بال اتعلمي عن طريق الدروس اللي عـ النت
وإن شاءالله يفيدونــج =)
مجموعة انسان
انت حادر هنا بالغلت يا ابني روح مناك طوالي بعيد هيناك هتلقى واحات لعب العيال العب و هيص هيناك روح ازلف عاد شو هالمسخره صندرت راسي بأه الللللللاه شو هالحاله.... (اسولف وياك مب تزعل من كلامي هههه )
هي والله يا صديقي بعدني ورا هالبرنامج بشوف وبعدين وياه...
يا طير الغرام... انا غبيه مابفهم بالدروس عن طريق النت ابا حد يوقف فوق راسي و يعلمني عرفتي؟...انا اعف اشتغل عالفتوشوب و الالستريتر عابلت فيه و ماعرفت له كل مره احاول وياه مايستوي اعصب و ابنده... و بعدين بأه
....
عيل مالـج غير معاهد الكمبيــوتر بيعلمونـج الأساسيــات
وفـ نفس الوقت بيكون في حد واقــف ع راسـج :thumbup1:
وبعد بتحصليلـج شهــاده عن هـ الدوره شو تبين أحلى عن جيــه :a034:
http://oasis.bindubai.com/bin/upload...1201028869.gif
زين يعني وين اي معهد اسير اي معهد انتوا مجربين و تنصحوني فيه؟
شو هازا
(اوني معصبه)
....
مايا
اتوقع والله العالم انه هالمعهد مختص بهالاشياء مال سينما وتصميم وهالأشكال
ما ادري وين موقعه ... في دبي او وين بالضبط ... اسألي البدالة عن رقمهم واستفسري عن الخدمات المقدمة عندهم ووين موقعهم ؟!!
يعني اسمه معهد مايا؟ ولا شو بالظبط؟؟
برنامج الاليستريتور هو اكثر شي مختص في الرسم
بس اذا تبين اتسوين مجلات ومطبوعات
احسن برنامج لها الاشيا برنامج ال adobe In Design
برنامج الاليستريتور تعلمته في معهد بس تبين الصراحه المعهد فاشل
علمتني الاساسيات بس وعقب تميت انا الى اعلمها مب هي
والي كانت تعلمني ما عندها اي خبره بس اللهم تفتح الكتاب واطبق الخطوات ،، :birgits_giggle:
اشتريت ديفيدي تعليمي من موقع Amazon
يعلمج كل شي عن الاليستريتور ،، بصراحه الديفيدي فناان وبيفيدلج لو خذتيه ،،:fa42:
:
ايوا ... شكلي عطيتج معلومات غلط
مايـا يعني بيدرسونج على برنامج المايا للرسوم بالابعاد الثلاثية ... فما اتوقع يفيدج في مجلات وهالسوالف ..!!
سوري .....!
خيال الروح شو اسم الدي في دي اللي خذتيه من امازون؟
عطيني الاسم بالظبط عشان اطلبه
و تسلمون
...
:14:
تسلمين خيال الروح
(^_^)
...
جان تبين تاخذين كورس في جامعات ولا كليات عليج بـقرية المعرفة في دبي
اقتباس:
المشاركة الأصلية كتبت بواسطة عمة العيم
العفوو ~