طريق الـ 1000 ميل يبدأ بـ ...

السلام عليكم و رحمة الله و بركاته

أول شي و قبل ما أقول أي شي ابغي اشكر عدة اشخاص كلامهم أثر فيني جدا في هذا الموضوع

عايش وهم سمعت نصيحتك و سويت الي قلتلي عليه و يلست افكر في الي مضى و يلست افكر في ناصر بعد خمس سنين و ناصر بعد عشر سنين و ناصر بعد 20 سنه و بديت ارسم الخطوات الي لازم اتخذها عشان اوصل لـ "ناصر الي رسمته في بالي"
إحترامي لك أخويه عايش

شمعة أمل كلامج الي كتبتيه في الموضوع السابق أثر فيني جدا، و توقيعج الي حاطتنه حاليا ايضا وايد أثر فيني
ما شاء الله عليج صغيره في سنج لكن عقلج يوزن بلد، احترامي لج ...

مهابة قلتي هالكلمه ( ممـكن " أن يولد نـاصر من يـديد " بـتفكير متأني مع النفس أولاً قبل الغـير .. ) و صدقتي فيها
جلستي مع نفسي لوضع النقاط على الحروف غيرت عدة اشياء في داخلي و بديت اكتشف ملامح ناصر في المستقبل منذ الآن
أحترامي لج



كل الي ردوا على موضوعي السابق شكرا جزيلا لكم





حبيت ابشركم اني من بعد ما يلست مع نفسي و تلمت مع نفسي و ناقشت نفسي
أول شي قررته هو اني ارجع الي مقاعد الدراسة لأكمل تعليمي و أحصل على الشهادة الجامعية
لأني اكتشفت بأن اكثر شي مسبب لي إحباط هو عدم وجود شهادة الباكلوريوس
و مخلي في بالي بأنه اول خطوة لأحقق أحلامي هو اني احصل على الشهاده المرموقة لأنه الانسان ما بينفعه غير علمه في النهاية :k_smartass:
بهذه الخطوة بتبدأ رحلة اعادة ناصر للطريق الي المفروض يكون فيه من البداية و الي طلع منه بسبب اهماله لنفسه
ان شاء الله تمر الفتره الياية على خير و ادعولي انه الله يعيني على الخطوة الاولى من التغيير :smile:

شكرا لكم جميعا،،
شكرا من :heart:

بالتوفييييييييق ماااااااااااان

شد حيييييييييييلك

بالتوفيق :laugh:

الدنيا بعدها بخير و بتحصل فيها الزين و الشين بس المهم انك تكون واثق من نفسك و واثق من قدراتك و اصرارك هو اللي بيوصلك للي تباه ...نحن معاك في كل خطوة تخطوها ..... بالتوفيق

بالتـوفيـق ذنيني!!

أحسن خطوه خذتها هي رجوعك للدراسه، لانه هالشي الوحيـد الى بينفعك في هالكارثه العالميـه في السـوق الاقتصادي!
وعشـان هالـ financial crisis بتـعاني وايد من الحيـن ليـن نص 2010. مع انه يتوقعون انه في 2010 بس بنشوف signs بسيطه انه السوق يتعدل، بس انه يتعدل يتعدل يتوقعون بياخذ خمس سنين أو أكثر!!!! بس خذها كـ فرصه تعدل نفسـك، تدرس، تاخذ كورسات ثانيـه نفس كورسات قياديـه أو حتى الماجستير، عشان يوم السـوق يتعدل، تكون the ideal candidate وبتتوفق في حياتك العملـيه.


Go make us proud:thumbup1:

أحلى شي عندي يومك الوآآحد يفكر في مستقبلهـ ..
.
.

وأحلى خطوة بتبدا فيهاا اكمال درآستك وان شاء الله تتوفق فيهآآ أخوي ..~

خطوة مميزة كبـدايـة للتغييـر ....


ربي يوفقـك وييسـرلك أمرك ...

ربي يـوفقك فـ حيـاتك اخـويه ذنيـني

وبأذن الله ، ثم بـ بـعزمك وإرادتـك راح تـوصل للـي تــريده :)

بالتوفيق يا ناصر .. وشد حيلك .. وعقبال ما تاخذ الماجستير والدكتوراه .. والعروس P:

اقتباس:

---

المشاركة الأصلية كتبت بواسطة مايهزك ريح

بالتوفيق يا ناصر .. وشد حيلك .. وعقبال ما تاخذ الماجستير والدكتوراه .. والعروس P:

---

:k_harhar1:اهم شي العروس:k_harhar1:

الله يوفقك ياخوي ناصر.. وشد حيــلك.. وان شاء الله بتكون قدهاا وقدود:fa42:

آلـلـه يـوفـقـك يـآربـي ،،
ويسـهـل عليك آمورك ،
^^

تسلمون اخواني و خواتي
ما نزلت هالموضوع الا عشان اشكركم على تفاعلكم وياي في الموضوع السابق


مايد
يا خويه ها كله عشان خاطر العروس و "ما بعدها" لول

^
هههههه ..

انا مفتك.. الله يخلي الجامعه صح طفرونا بس طلعنا باجلر دايركت ما تبهدلنا .. ^_^

أشجعك على هالخطوة الجميلة وأتمنى لك التوفيق وانك تصمد وتتحمل لين تخلص، بعيد عن الشماته هالشي صار لعيال خالتي تموا يذمون في جامعة الامارات وفي دراستهم ومناهجهم و و و و واليوم ردوا يدرسون من الصفر في جامعات خاصه وصاروا يذمون الفخ اللي طاحوا فيه في التقنية بانهم اوهموهم ان فرق سنه في الدراسه بين الدبلوم والدبلوم العالي ولكن عقب التخرج اكتشفوا ان الفرق 3 سنوات + سنتين لو بغوا الباجلر يعني الاجمالي حوالي 8 سنوات (لو دكتوراه في جامعات ثانيه جان خلصوا قبل) ويقولون لو كنا في الجامعه جان تخرجنا من زمان ففضلوا انهم يستغلون هالثلاث سنوات وياخذون الباجلر في اي مكان ثاني بتخصصات شويه مختلفه ولايردون لمذلة التقنية

الواحد يحاول انه يستفيد من غلطات غيره عشان مايطيح فيها

مشروع التـ ... اليديد اللي انت تطبقه حلو وعملي ولكن يبالك تصمد وتصبر وتمسك نفسك
لأنك اذا تهاونت مره بيخترب عليك البرنامج كله، بالتوفيق وعقبال
مانشوف الذنينيه الصغار يربعون في
أرجاء الواحات
:a033:

شد حيلك اخوي و الصراحة في هالزمن الانسان ما يقدر يعيش بدون شهادة و لا يقدر يشتغل

الله يوفقك ان شاء الله

عاش ناااااااااااااااااصر عااااااااااااااااش :m_9afgah:



الله يوفقك ..

وشد حيلك في الدراسه ..

ان شاءالله تتخرج جريب .. وترفع راسنا ..

وتترقى ف شغلك .. وتحقق كل اللي ف بالك ..


وتعرس ونفتك منك :k_harhar1:

وعلى قولة الاسطوري انشوف الذنينيه الصغار يربعون في البيت :hysterical:

يارب يطلعون يشبهون امهم بس :k_harhar1: هع هع

:

بالتوفييييييييييييييييييق ناصر ,,

سر ونحن من خلفك ..

:fa47:

أنا بكمل دراستي الجامعيه بعد ان شاءالله ..

<< انتي من كم سنه تقولين نفس الرمسه :bash: