رد: ..::خلـــط بــــلط::..
برجع عقب
اخاف ما تفهمون شو کاتب
مسططل عالآخر
بس فهمت الموضوع
رد: ..::خلـــط بــــلط::..
السلام عليكم...
و صباااحكم عســــل..
صدقج هزايم .. هالايام اختلطت المعاني كلها.. ما صاير للريال هيبته.. ولا للحرمه حياء..كل شي ضاع.. و انعكست الادوار..!
يمكن الحرمه تبا تثبت قوتها و شخصيتها بهالتصرفات.. لكن العيب في الريال اللي يضيع رجولته و شخصيته و كرامته بهالنعومه..
..
هذا آخر الزمان.. والله يعينا على تربيه عيالينا تربيه صالحه..
رد: ..::خلـــط بــــلط::..
أمس أنـا وقصـايد غـلا نـرمس عـن ريـايـل هـالـزمن ..
لـي عـــوده
رد: ..::خلـــط بــــلط::..
البنآآت الحين ..
فئة منهم .. ، // ما نتكلم عن الكل ..!*
ما يتشاهدوون من تصرفآآاتهم ..، نحن البنآت لو شفنأهم نشمئز ، من منظهرهم .!
بــس ..ـ أتمني أعرف كيف أهلهم متقبلين منظهرهم بـ هالشكل و هاللبس وهـ السلوك .. الـ....!
،
والأولاد .. قصة ثانية ... يعني فئة من الشباآب قمنا نشك هل هو
بنت
،
أو ولد ..!*
من اللبس والمظهر والأصباآغ اللي عالويهـ ..~
وللحديث بقية ... الله المستعآن ..
تسلمين هزايم على هالتوبيك ..~
:heart:
رد: ..::خلـــط بــــلط::..
:
كم بنقـَول وكم بنرمـَـس .!
:fa46:
خـَلآص بـ النسبه لي وآيـَد اتعـَود ع هـ المظـآآهر ،
خـآصه البويـَآت ، كثـرآنآت هـ الآيـَـآم ، ولآسبـَآب متعدده . .
والعجب يوم تكتشفيـَن ، إنـَه الأهـَل عآدي عندهـَم ، الإخوآن عآآدي ، الخوآت يشجعوون !*
لا حيـآآء ، ولا شـَي ،
بس نصهم ، ومآبقـول إنه مآ عندي ربـَع بويـآت ، بس مب بويـآت بالتصـَرفآت ،
كـ ستآآيل بس ،!!
والنعـَم فيهن وافتخــَر بمخوتهن ،
لكـَن النـَوع الثـآني من كـَل النوآحي والعيـَآذ بالله ، اتشوفينهن كنج اتشوفين ولـَد
حتى تستحين من النطـَرآت لول *~
،
اقتباس:
فتياات يكتسيهن ثوب الغرور
و "يقعدن ورى الكاونترات" ليستقبلن الحضور
سطووور و طوابير و خطوط بالعرض والطول
يصطف فيها "أوادم" عباار البحوور
تشير الساعه الرابعه مش وقت الحرور*
وحواءاتنا يمضين بالعمل
بلا كلل أو ملل
تستغرب
تستعجب
فترى انثى تأمر "الهندي ولد عم البنقالي"
بحمل الحقائب
او انها تقف مع العمال
لتشرف على تفريغ بطن الطائره من الحموله القادمه
نعم في الخارج,, وسط الظلام الزائل,, رافعة الحواجب
اذ أخطأ العامل
اقلب وجهك,,قبل ان تصل اليك شرارة النظره
وتذكر
فانك رأيتها
"برووحها وسط الرياايل وااقفه",,
"لحالها تتمشى بالمطار",,
"وحيده تدخل وسط الشباب لتأخذ الاختام",,
فـَديتج لاتعترضيـَـن ع هـ السوآلف عشـآن محد يقـَول عنج
إنه مخج مقفل ومآكل تبن :pullhair: . .
و ( مـآآآآل أول )
.
.
رد: ..::خلـــط بــــلط::..
هزايم .. مره كنت اتمشى في باريس غاليري ..
استغربت من شباب اثنينه شكلهم جنهم بنات .. ويالسين يسئلون عن المكياج .. ويتحاورون ويا اللي تبيع ..
طبعا انا مبحلق ويالس اتطالع ..
اشوفهم سايرين يدفعون ..
شو شارين مب امخلين كريم ولا مكياج مب شارينه ..
قلت حق اللي تبيع حرام عليكم المفروض ما تبعين لهم .. قالت ما نقدر هاذيلا كستمرز ولازم نبيع لهم شو نسوي !
من غير اني كنت الأسبوع اللي طاف موصل الأهل حديقه شاطي جميرا .. يوم الأثنين .. ( المفروض يكون يوم حريم )
بس الأهل يوم ردوا البيت تموا يتحرطمون على البنات اللي مظيعات المذهب ولا أخلاق ولا دين ..
اللي مسويه عمرها ريال ( بويه ) واللي لابسات مايوهات على البحر عشان يتشمسن ..
الرضيعه زختها وحده روسيه ( مسلمه وريلها روسي مسلم ومن شكلها مدينه )
اتقولها هاذيلا مسلمات .. طبعا الرضيعه قالت لها .. بصراحه ما اعرف شو مستوي في البنات ..
بس كله من الأهل .. والأبو والأم .. اللي هملوهم وما عرفوا يربونهم ..
يلسوا يقولون لي شو شافوا ..
عاد يحليلها الرضيعه اتقولي انا عمري 36 سنه ما جد في حياتي شفت مثل اللي شفته البارحه ..
كانت صدمه ..
وقالت ثاني مره ما بسير !
والله يحفظ عيالنا من هالبلاوي .. قولوا آمين !
ساعات الواحد يقول الحمدلله ما عندي عيال .. ولا كيف بربيهم على الدين في وسط هالمجتمع التعبان ..!
والسموحة من كاتبة الموضوع
رد: ..::خلـــط بــــلط::..
انا افضل ان عيااالي يطلعون صيع وخريجين سجون بس ما يطلعوون جذي ههههه
لي عوده!!
رد: ..::خلـــط بــــلط::..
مجموعه
لووووووووووووول
الله يعين بس .........زمن يخوف الصراحه .....
رد: ..::خلـــط بــــلط::..
بـــاك . . .
أبـدا أقـطع الشبــاب ولا البنــات قبل ؟ :4:
زمـانـا يـخَـوف وايـد ، يـعني نـحن نـرمس بـ واقعـيه مابـنقول بأنـا متـشائمين أو ننـظر للأمـور من نـاحية وحـده ( السلبيـة )
بس الواقـع يفـرض نفـسه وهـالشي انـشوفـه جدامـنا . .
[ البـنات ]
~ لـو رمسـنا ويـا كثـر مارمسـنا فـ هالموضوع و لاتـغير شي ( البـويـات )
لـ وين وصـلوا ؟
يـعني مــن عـلامات الرجـوله عـند البنات ، انـهـا ماتـلبس الوقـايه جدام الدكـتور أو الريـايل بـشكل عـام ( تـراها ولـد ) يعـني من بـني جنسـهـا = > هـذا تـفكيرهـم . .
العـباه كـَرتون ، آحيـد كانت وحدة ويـانا ، تـفَـصل من قـطـَع الشبـاب ملابسهـا ( احيدني شفت عليهـا وحدة كـحليه )
شـَعـر الشبـاب أسـتوى اطول عـن شـعر البنـات هالأيــام :fa46: ، وغير انـهن يـتعمدن يسكرون الفتحة لي فـ أذنهم عـسب مايلبسون حـَلق ( تــراهم شبــاب ) . .
والعـطور حَـدث ولا حـرج . .
في أشيـا أخس من جيـه والله ، بس عــيب اكتــبها اهنيــه ، وكل شي أشـوفه جــدام عــيني . .
الـنوع الثــاني من البـنات :
~ العـباه مـفروره ، الشيـله لـولا ( بــرج العـرب ) مثــبتنهــا جـان طــاحت ، الميــك آب ( جنــهن بـاربي ) ويـاليـت لو يــت ع جيــه بــعد
يعـني والله فـيه بنــات ، فـ ليله عـرسهن مابيكون مكـياجهن جيـه آوفـر ، يـعني جـَد ما ابــالغ
واللـبس حـَدث ولا حـرج ..
ومب عـلى جيه ، كل هـذا بــرايهن ، هـن وربهن بيـتواسن
بس المشكلـة يوم بـتي تيلس مع بنـت ، يعـني حـتى طريقـة تـفكيرهم ، واسـلوبهم ، وهـدفهم فـ الحياه تـغَـير
يعـني كيـف هذيـلا بيـستون امهـات ومسـؤلات عـن أجيــال ؟
وكــيف الريـال يـقدر يخـتار حــرمة ، يحس انهـا فـعـلاً حــرمة ، انـا مـابقـول انه مـافي ، بالـعكس فـي بنات جــنهن البخـت ..
لـكن ! نحــن نــرمس بشـكل عـام والأغـلبيه . .
أمـا ( الشبــاب )
~ شبـاب هالأيــام ، مـال سهر لـين 4 الفـير بـَرع البيـت ، مـولات ، وسينـما ، وقـهوة وشيشه والحـال لله ( وماخفـي أعـظم )
مـا بـنقول لاتــظهرون ، لاتغـيرون جـو
بالـعكس هالشـي من حقـكم ..
بس مـب انه هذي حيـاتكم وخـلاص . .
الحـين انـتوا شبـاب وعـزابيه مافـي حد بيقول لكم شي ، بـس عـقب يـوم بـتعـرسون ؟
يـعني والله نـسمع من بنات وايد معـرسـات ، اللي هادنها فالبيت هي وعيالها وكله عـند ربعه فـ الشيشه . . .
واللـي واللـي
يعـني ( الريـال السـنع ) احس انه صـار نـادر ، الحين تـفكير الشبــاب تـغير ، حيـاتهم ، كل شي . .
يعـني شبـابنا ( مال شعر لين الجتف ، والحلق اللي فـ الأذن ، والـسلاسل اللي تــارسه الرقـبه )
وغـير الأشيـا البــاجيه ، صــار حـالهم وحـــال البنات واحد
البنـات صـاروا ريـاييل والريـاييل صـاروا بـنات :3:
كـيف البنـت أو الأبـو بيـعرس بنته ؟ بيـرضـى فـ ريال جيه ؟ طبــعـاً لا
وزيـدوا الطيـن بــله ( وعـَنسوا ) . .
وانا اشـوف اني ايلس فـ بيت أبويه معـززه مـكرمة ولا ريــال ما احس انه ريــال انتخي بـه وينشد الــظهر فــيه . . .
نحـن يمكـن زمـنا يكون شويه احسن من اللي عـقبـنا
بس المسـتقبل كيــف ؟
عـيالـنا ؟ شـقـا بنربيهم ؟ شقـا بنأمن مسـتقبلهم ؟ الجيل اللي عـقب كيف بيكون ، دام انه جيـلنا الحين ( معظمـه غـلط فـ غلـط ) ؟
الله يســتر !
رد: ..::خلـــط بــــلط::..
هزايم
هاذيلا اللى هم مب رياييل و لا حريم يبالهم علاج نفسي
و يقهروني يوم يقولون "لا و الله حليلهم عندهم خلل في الهرمونات ...!! :glare:
أنا بروحي سامعه الدكتور من مده يقول أنه الشذوذ في التصرفات سببه نفسي مب عضوي
مادري ليش يقنعونهم بانه هذا شي انفرظ عليهم و غصبن عنهم يسوونه؟!!! :a046:
.
.
ما يهزك ريح
اقتباس:
شاطي جميرا .. يوم الأثنين .. ( المفروض يكون يوم حريم )
مره وحده بس دخلت هالحديقه بالغلط و حرمت أسير مره ثانيه :d014:
يوم دخلت و شفت اللى مستوي سرت يلست عند الباب لين ما رد الدريول
ماعرف شو اللى مستوي عندنا .. الأهل وين؟؟ و شو هالتربيه اللى وصلت البنات لهالمستوى :10:
عفان الله
..
رد: ..::خلـــط بــــلط::..
^
ذكـرتـيني ، البنـات قـابضـات حجـه ، اونه انـا بنت وحده من بد 5 أو 6 شبـاب فـ البيت
عسب جيه ..
عيل جـان اسـتون لي قبلكـن بويات
رد: ..::خلـــط بــــلط::..
ما عليج.. هي بروحها تبى :glare:
و بعدين شي فرق بين يوم أنه البنيه طبيعتها دفشه و بين تقليد الرياييل
لانه الشكل و المشيه ما يخصهم فالموضوع.. يعني إذا هي الوحيده بين أولاد لازم يكونن حركاتها و لبسها شراتهم ..!
ها من غير العطور الرجاليه.. هاذيلا بروحهم سالفه
رد: ..::خلـــط بــــلط::..
اقتباس:
المشاركة الأصلية كتبت بواسطة وحي القلم
ما عليج.. هي بروحها تبى :glare:
صدقتي
:: :: ::
حسبي الله عـ بليسهن هاييل اللي غاديات شرات الاصبيان
مو منهن من الاهل اللي تاركينهن عـ حل شعرهن، يقهرني
بـ لبسهن غربلات بليس العدو ما يخيلن ؟!
كلام وحده تخاف منهن
و عن الشباب -نص و نص-
فضل فضل ما يموتني الا هاك اللي خاط حايبه :k_icon28:
فيه طبع خايس جيه اصير :shocked: يوم اشوفهم اقعد
اطالع مستعيبه
يالله تحفظ لنا عيالنا، و ربي سترك من الاجيال الجايه
أقول نقعد بـ بيوت اهالينا ازين لنا لا هم زوج و لا هم عيال
رد: ..::خلـــط بــــلط::..
^
هـَـذآك اليـَوم أتمشـَى فـ صحـآرى ،
ويوم شفت الشبـَـآب أنصـَدمت ، كيف جيـَـه !!
أشـَوفهم جني أشـَوف استغفر الله مآعرف شـَو آقـَول ،
وين الكندوره وين الغتـَره ، أشـَوفهم بـ بنآطلين ، وبديـَآآت والسلآسل والعلآقـآت ،
خطير مآيرقـَصون رآآب بعد . . لول
والبنـَـآت ، الكشه بـَرع والعبـَآة مفتـَوحه ، والبنطلـَون مطلع المفـآتن كلهـآآ ،
حتى استحيت مآعيبني إنـَه خوآآني يشوفون هـ الأشيـَآآء ،
.
.
اللَــه يستـَـر من اليـَـآآآآي . .
:a018:
.
.
رد: ..::خلـــط بــــلط::..
مالومهم !! ليش محرجين .. العتب على إلي سامحلهم !! يبالهم هاك القب الي يكسر ضلوعهم عشان يتأدبون .. ولا التجنيد الإجباري .. اتمنى اسمع في يوم من الايام " تم إصدار قرار بالتجنيد الاجباري " اسميهم بيصطلبون " .
اتمنى اني ما خرجت عن مضمون الموضوع في هذا الرد بس هذا إلي فهمته .. واحب اضيف .. بخصوص البنات .. والله شو بنقول .. فتره بعد فتره .. وكل ما نشوف بنات .. تلوع جبدنـــا من الاشكـــال الخايسه الي تصادفنــا في المولات والمراكز من اجنبيات ومن مواطنات ( من النوع الي يسوون لنا برج ايفل فوق راسهن ولا يحطون لنا قوطي لبتون ولا الي حاطه ويهها بكبره بقوطي بودر ) .. هاك اليوم انا والوالد واخوي .. شفنا وحده في المول .. جان نقول " بسم الله الرحمن الرحيم " شي صار لا يحتمـل !! قمنا انفضل انسير البر ونبتعد عن سيرة المراكز .
ويقولون اونهم طلعوا قانون فـ مول الامارات بخصوص الاحتشام ، اونه .. كلام بس .. اشوفهم بعد ما صدروا القانون شوي وبيتفصخون زين بعد لابسين تنوره من الصدر للركب .
نحن الشباب مساكين .. الله يعيننـــا على البلاوي .
الله يحفظنا ويحفظ شبابنا وبناتنا ،
بوسند.
رد: ..::خلـــط بــــلط::..
بالنسلة للبويات // ومن بعض الامثلة اللي كنت ألقاها بالجامعه ،،
وحده تلبس بدل العباه دشداشه سوده + تفاصيل ثانيه خاصه بالرجال !
حتى أخاف أوقف يمب وحده مسترجله ،، يعني اللي يكونون صدق من الخاطر ،، يدوب نفرق !!!
بلا مبالغه ،، قمنا نرتبك من الوقفه يمب هالفئة مثل ـ إن ماكان أكثر ـ ما نرتبك من الوقفه يمب ريال غريب .. !؟
,
بالنسبة للرياييل // فما أتخيل إني أشوف واحد بالواقع ،، بس توصلني إيميلات بخصوص بعض الأمثله !!!
هممم ،، أصلا بكل صراحه ماصدق إن في أولاد بالواقع صدق جي يعني ^^" // عالأقل ماتوقع أمثالهم بمجتمعنا !
هو أدري إن في ،، بس ماتخيل مادري شلون ،،
نحن اذا شفنا رياييل (طبيعيين) بس فيهم صفات تناسب النساء أكثر انحسهم لازم يغيرون من نفسهم شوي ،،
فمابالكم باللي يوصلون لدرجة الأشكال والصور اللي شفتها كذا مره بأكثر من ايميل !
,
احتمال يكون لي عوده !؟
