عرض للطباعة
السلام عليكم ..
طبعا الكتاب قصدي الموضوع مبين من عنوانه في هالمساحه أحب أتناقش وياكم عشان نستفيد
من خبرات البعض في موضوع الآجارات بأنواعها والصلصات الحارة سواء
مجربينها أو سامعين عنها أو شايفينها
وتبون تجربونها
شو أنواع الآجارات / الصلصات الحارة اللي جربتوها وعيبتكم وتنصحونا نجربها؟
وهل هي شغل البيت ولا جاهزه من برع؟
إذا شغل البيت خبرونا شو مكوناتها وكيف طريقة التحضير؟
وإذا جاهزه من برع خبرونا وين ممكن نلقاها؟
الاســـطـــوري
أخوكم
أحم أحم
ما بطلع اللي عندكم ؟!
رجعنـــــــــا
وايدين مايعرفون غير دقوس بو صقر وغرشة الآجار الطويلة هاي مال الهمبه اللي تنباع في الجمعية، الدقوس
أتفق وياكم إنه عنصر مهم وأساسي في كثير من الوجبات ولكن للآجارات
نكتها الخاصة في الضرب بالخمس مع
وجبة العيش
من الآجارات المنزلية عندنا:
(آجار همبه)
يسوونه من الهمبه الأخضر الصغار // ولكن طريقة التحضير بييبلكم إياها عقب
بتلقون الهمبه هذا متوفر في سوق الفواكه في بعض المواسم ومب كلها
وطبعا إذا حضر هالآجار بطل التيمم قصدي بطلت
الأنواع الثانية بالنسبة لي
(آجار ثوم)
يسوونه من ثوم الجبل اليابس // ولكن طريقة التحضيير بييلكم إياها عقب
بتلقون هالثوم مقطع وجاهز في أسواق الجملة في ديرة قريب العبرة على الخور
عند الإيرانية ولما تاكلونه ويه العيش ينعشكم
ويردكم شباب
(آجار بصل)
يسوونه من البصل الصغار // ولكن طريقة التحضير بييكم إياها عقب
أتوقع بتلقونه في سوق الخضره متوفر أي وقت وعقب مايستوي تكون الطبقات لينه وحامضه
والطعم مايخصه بالبصل خير شر ولكن مب متأكد هل هو
البصل الأبيض ولا العادي
(آجار الخيار والجزر)
طبعا هالأنواع معروفه وهي اللي تستخدم في الغالب وحتى يسوون منها المخلل في
المطاعم ومكوناتها الأساسية الخيال والجزر // أما طريقة التحضير بتوصلكم عقب
يعتبر نوع ستاندرد ومستهلك وايد في السوق
يعني من السوالف التراثية
(آجار رطب)
يتكون من الرطب المجفف // طريقة التحضير بتوصلكم عقب
طبعا هذا من آخر الصيحات في عالم الآجار جربته قبل فترة عجيب والطعم
مول مايخصه في الرطب وجيه يكون مقطع
بالنص يم يمي
:fa56:
برجع لكم عقب بالتفاصيل المفقودة + سوالف ثانية
عيل تحطون لنا سوشي ني هااا
دواكم الحين بيصير
التحدي
:fa32:
السموحه
عليكم السلام
كل الآجارات يسونها عدكم بالبيت ؟
آجار البصل الصغار، ربيبة امي تسويه
و الثوم مو دوم ياخذونه ماحد ياكله
الرطب اول مره اسمع عنه :k_shock_1:
عـ طاري دقوس بوصقر ما صرنا نلاقيه
نتريا منك التفاصيل أخوي
عدنا بالبيت خواتي و ابوي لازم اجار الهمبه هذي اللي بالجمعيات.
و انا و اخواني، لازم فلفل :inlove:
كل آجارات الفلفل اللي عدنا جايبينها من البحرين،
اثنين منهم فلفل خضر واحد منهم حبات كامله
و الثاني فلفل خضر مدقوق ريحته فضيعه
و عدنا معبوج ،عباره عن فلفل حمر
اكو وحده فلسطينيه تسوي معبوج صح، تقولون معبوج كويتي
احلى من البحريني
ماحب اجار الخيار، بس اليزر و ناخذه جاهز من الجمعيه (المخلل)
اذا خلص الآجار البحريني
امي تسوي لنا اجار فلفل :heart: بحط الطريقه بعد شوي
"مجموعة إنسان"
هلا والله، تراني حطيت شويه من اللي اييون على بالي لين ماأحصل دعم من
المصدر الأساسي وأحط باقي السوالف ويه باقي
التفاصيل، يالله خبرنا عن
اللي عندك
"مزن هتان"
راجع لج عقب وعن الدقوس بو الصقر في بعض الاماكن أظن مازال
موجود عندهم بجيك وبخبرج بس يبالي دعم
معلوماتي عن أتوهق
:fa52:
نحنا يوم كنا انسير البحرين ..
نشتري عند محل اسمه شويطر ~ اجار مريم ..
بس الحين الحرمة اتوفت .. وقمنا نشتري شي ثاني من عنده ..
فنان هالمحل .. عنده حلوى .. ومتاي ..
اي حد مسافر .. نوصيه ايبلنا .. صدق كان فنان ..
^
ياريال نص المحلات في البحرين بإسم شويطر مستولي على السوق كله في
البحرين وفي محرق، شو رايكم أبيع لكم الوصفه السريه
وتسوون آجار روحكم في البيت
:a108:
^
يبالنااا
//
في صوص يبيوعنه فـ الكارفور بس مااعرف اسمـه
احـلى وأقـوى عن التبااسكوو
رهيييييب وطعمه حلو
^^
ثانكس يالاسطووري
وإن شاءالله لي رجعـه
صلصلة الفلفل الأحمر // بطريقة الوالده
المقادير
فلفل أخضر نقطعه قطع صغار
بصله وحده مفرومه
حبة طماط حب تقطع قطع صغار
ملعقه طماطم معجون
مكعب ماجي واحد
الطريقة
أول شي نحمس البصل بالزيت
نضيف طماطم معجون ماجي + طماط حب
تحركونه عقب تحطون الفلفل الاخضر
^^ :fa41:
:: :: :: ::
المعبوج
مقادير
ثوم كامل
و فلفل أحمر يابس
الطريقة
يحطون الثوم و الفلفل مع بعض
يدقونه و يذرون عليه ملح
برد اذا عندي شي
ولا مره في حياتي كلت اجار.. شكلة يخوف وريحته قويييه
بس من ناحية صلصات حاره من السوق
ليش استووو مايبيعون اكسلينسس؟؟؟ ماروم أحصله!!
والشي الثاني sweet & chili sauce وايد حلوو.. أكله ويا السبرينغ روول
وبس
اقتباس:
المشاركة الأصلية كتبت بواسطة الاسطوري
هي والله صدقك .. كمن محل اسمه شويطر لا وبعد عدال بعض ...:k_harhar1:
توني اتذكرت ..:doh:
بس كان واحد معين نتعامل وياه .. :fa42:
ما اتذكر عاد من زماااااااااان ما سرت البحرين ..
كانوا معزمين في العيد بس استوى حادث الأهل .. ويلسنا> _<
في اجار احب آكل منه اللي يحطه مطعم قيصر ..مال الهمبا بس طعمه غير ~ !
انـا آكـل بس آجــار همبــا وآجـــار ( لـومي )
اللـومي جربـته مره وحـده ، تسويه يـارت عـموه ( هنديه ) بس شـو لذيـــذ !
والـهمبــا تسوي بـعد وحده هنديه ( يـارت ) ربيعـه خـالوه ! ..
بس حلــو ، لــذييييذ وحــــار ..
انا احب الاجـار وايـد ، يعـني عـادي أتغـدى ( عيش أبيض وآجــار بس ) ..
نكـهـته تعـيبني ...
في آجـار تسويه مرت عمي ، بس مب حار ، مب شرات مال الهنود ، لا يكون غييير ، هو حلو بس مب حـار ..
نحـن محد يعـرف يسوي فـ البيت هالسوالف ، بس احيد قبل كانت عندنا بشكاره تعرف وروحت ^ ^
نحن آجارنا كله ايّيبونه من راس الخيمة ، حلو آجارهم مب حار
اممممم هو عبارة عن يزر + ملفوف + بصل وما أعرف شو بعد ===> بس أنا ما يعيبني غير اليزر ، طعمه مثل المخلل حاااااااااااااااااااااااا امض
أحب آجار ايّبونه لــ قوم ربيعتي مادري من وين ، لونه أحمر بس مب حار لذييييييذ ويا السمج المشواااي
فيه لومي بس ريحته مب مثل اللومي اليابس اللي ريحته ما أحبهاااااااا موووول
هيه بعد فيه شي يسوّونه في بيت عمّوه ==> يسوّونه بس حق الشباب في الميلس + لـ ريل بنت عموه
وااااااااااااااااااايــــ ـــــــــــــــــــد حاااااااااااااااااااااااا ر
فلفل أخضر (يقطعونه صغاااااااااااار) + لومي (طبعًــا بس يحطّون عصير الليمون) + طماط مقطّع صغااااااار ومادري شوه بعد
حلو طعمه لكن يوم كلت منه طشّونه حسيت إن أذني بتنفجر و لو شربت دبة ماي كاملة ما بتسدني=D
وايد حلو آجارهماقتباس:
المشاركة الأصلية كتبت بواسطة مايهزك ريح
لي عوده "ساخنه"
برقد الحين وراي دوام
مـال قيصر حلـو ، بس ما ادري ليش كل ما أكله بطني يعـورني ..
نحن اللي نآكلهم فيه حبه سودة اظن ما ادري شو يسمونها يمكن جيه
انا بس جربت اجار همبا في خاطري اجرب ليمون ,,,,
تعرفون (الجتني) شو لذييييييييييييذ وحار ,,,,,
..
الله ..
كل شي حاااااااااااااار
يمي .><
حلاته التباسكو ..><
..
بسال بيتنا جيف يسوون آجارهم وبحط الطريقه ..^^
طريقة تحضير كل نوع تختلف عن الثانية ودام وعدتكم بحط لكم طريقة وحدة حاليا اللي هي طريقة تحضير آجار الثوم، بدش في الموضوع على طول ماعرف أحط مكونات وغيره، طبعا هو يكون يابس فلازم تحطونه في الماي لمدة يومين وخلال هاليومين تغيرون الماي وتنظفونه من كل السوالف اللي تكون وياه وعقب هاليومين تحطونه في ماي و تترسونه ملح وتخلونه على الفرن لين يغلي لفترة عشان يتشرب الملح عدل وعقب تصبون الماي هذا وتخلون شويه منه بس في قاع الجدر وتصبون عليه خل (سركه) كمية أوكيه وتقطعون عليه فلفل أخضر وتحطون بهارات وسوالف مافهم فيها وتحطونه مره ثانية على الفرن وتخلونه يغلي فترة وعقب ماتحسون انه خذ كفايته تبردونه وتحطونه في غراش وتاكلونه يوم ثاني
اللي بيطبق يطرش لي عشان أقوله شو مدى الجودة ولاتنسون كل واحد بيقرا
هالرد يحط نوط إماراتي أحمر سواء بيسوي أو
لأ هاي حقوق المهنة
:icecream:
بالهنا والشفا وجهزوا علبة الكلنكس عشان
ماتصير فضايح على السفره
:k_harhar1:
برجع للردود عقب
آمس اكتشفـت انه في آجار طمــاط ! ..
آمس ع الغدا حطولي منه ، لذييييييييييذ وحآر ..
جان تغديت اليوم بصوره لكم وبراويكم شكله كيف ، بس لاتسألوني عن مكوناته ، لآني مابعرف :P
بيني وبينك الاسطوري انا احب هالاثنينه اكثر
دقوس بو صقر وماينباع في الجمعيه ( بتلقاه قي الدكان ) و احط تباسكو يوم اكون في المطعم
وبالنسبة للآجار احب آجار هنمبه اللي عليه طياره ( من الجمعيه بعد )
يسوون في البيت بس مب عندنا يطرشونه لنا آجار ليمون وشي آجار ثوم
اموووووت فشي اسمه اجار داقوس بوصقر فلفل اي شي حااااااار الين ما لبقت معدتي بس ما اتوب
شهيتوني فييه وانا صايمه جرحتو صيامي
الداقوس نلقااه فالجمعيه
والاجااار من الجمعيه بعد
بس مره كلت اجاااار شو يميي فبيت يدي ربيعت خالوه يايبتنه لذييييذ اجاار همبا
انا مـآ احب الآجار مال السوق ، يعيبني لي يسونه فالبيـوت ~
طعمه غير
والدقـوس آكيد بـوصقر وإلا فــلآ !
ع فكره انا شرآتج ياشوق ، ما احس بمزة الآكل لو ماكان حآر !
مهابه هو صح الاجار مال شغل البيت احلى ^.^
بس يوم ما تلقى وانت ما تاكل شي الا وهو حار فاجار الجمعيه بديل
الحيييين بتعلم وبااخذ الطرق من هنييي فااااضيه الين ما احصل شغل
بشتغل هالشغله وبيبيعها ع اهل الوااحاات ولكم اسعاار خااصه XP
^
هـو كلامج صـح ، مال السوق بديـل للبيت
لـو انا فـ مكانج بآخذ بـريك سـنه كامله أقل شي عن الشغل وصدعه الرآس ! ..
الغرشه يبيعونها عـ 35 ما ادري 40 == >يعني في مجال انج تسـتفيدين
طبعـاً بتسويلنا ديسكاونت اكيييد :P
هههههه عن اسوي عااااد <<< وحده فالحه فالرقاد بس ،.
هيه صح بعد اتذكرت في اجااار ما ادري مخلل بس هو حااار مشكل فيه كل الانواع من بصل وخيار وجزر وثوم وغيره يمي
بعد ها شغل بيت بس ما اعرف طريقته XD
اتريا طرق الاسطووري :icecream:
^
مافي طرق ولا مواصلات سكرنا الهيئه خلاص، الخلطات السرية محظور التشهير بها واللي يبى يكون
عميل يتفضل بنسوي وياه عقد شراكه في الارباح لمدة سنه على
الاقل حزتها نقدر نعطيه بعض
الخلطات
:h_daleel:
هههههه لااااه
ماااصاار اجاااار =d
ماشاء الله عليكم
اسمي بيتنا غني بانواع الأجارااات,,لدرجة في ناس ياكلونه مع الخبز يعني شاورمة اجااار=q استغفر الله
لكن انا ما اكله
انا حدي كشيييب
لو الأكل حااار يعني مفلفل فهذي سر الطبخه و انا ماادخل فيها بس ابلع وانا شاقه الحلج =)