موضوع لمدة يومين بس .!

السلام عليكم

سامحوني عالعنوان الحلو :tongue: .. بس قلت هاي أحسن طريقه عشان تعرفون أني بقول لهم يمسحون هالموضوع عقب يومين :k_unlock:

أنا عندي مشكله أفكر فيها من مده و مب عارفه شو لازم أسوي بالضبط

فقلت بسأل و بشوف شو بتقولولي.. يمكن أعرف أنسب حل :a054:

.
.

ويايه وحده وايد تعق الرمسه و اسلوبها وقح.. ما جد شفت حد شراتها قبل :argue:

كمن مره سمعتها تسب ناس و تقول عنهم كلام مب هيّن "ماعرف شو أسمّيه من فظاعته" :surrender:

صدق ما عرفت شو يعني "إن أكرمت اللئيم تمردا" إلا عقب ما شفت هالإنسانه

تخيلوا وقاحتها وصلت لدرجة أنها تتكلم في أعراظ الناس اللى يعاملونها باسلوب زين..!

.
.

و الصراحه ما أحب أسمع أي شخص كان أنه يغلط على حد جدامي و يكون كلامه هذا من ورا الناس اللى يرمس عنهم

لانه شي أكيد أنه ما عنده الشجاعة على أنه يقوله جدامهم

مادري ليش البنات يضحكون يوم ترمس :glare:.. أنا أحس أني أبى أظهر من المكان اللى هي فيه من تبتدي تتكلم :fa44:

عشان جيه كنت أتشاور على كمن شي

ولا أني أرد عليها و متأكده 100% أنها بتألف عني رمسه و أشيا ما تخصني

أو أني أتم ساكته -بس هالشي ما أظمنه بعد لاني مب مقتنعة به أصلا- :surrender:

أنا مب زايغه من الكلام اللى بتقوله عني لانه ما يهمني أصلا بس أخاف السالفه تكبر و وحده مثل هاي ممكن تسوي أي شي :mad:

فقلت أحسن آخذ أكبر عدد من الآراء عن أستعيل و أتندم عقب :fa39:

عن أبي سعيد الخدري ـ رضي الله عنه ـ قال : سمعت رسول الله صلى الله عليه وسلم يقول :
{ من رأى منكم منكراً فليغيره بيده ، فإن لم يستطع فبلسانه ، فإن لم يستطع فبقلبه ، وذلك أضعف الإيمان }

هذا ما أستطيع قوله ،،

و [ ربما ] تكون لي عودة ..

انا ما اقولج شو تسوين.. بس اقول لو كنت انا مكانج شو بسوي..

اذا واحد من الشباب شفته وايد يسب وعلى انه يظحّك الباقين،، ارد افشله وانا معصب جدام الكل.. بس رد قوي يخليه يقفط.. وطبعاً ما ابالغ في ردي لـ حد ما تستوي الضرابه.. من احس انه البكس بينقع :boxed:.. اسكت :fa52:

يعني مثلاً يطري ام فلان// اقوله استح ع ويهك ياخي.. تبا تضحكنا سبه روحه جيه تطري امه.. شو يخص الامهات واتكلم واتكلم واوني محرج جدام كل اللي يالسين.. :k_icon28: ليين يقفط (جربناها قبل ونفعت)

أو .. اني ارد عليه واعامله بنفس الاسلوب اللي يعامل فيه غيره.. يمكن يفيد معاه ويحس


وسلامتكم

وحي القلم

الله يهديها .... والله يعينج عليها

بس تدرين ...أتوقع إنج نبهتيها كم مره لتصرفاتها ولكنها طنشت أو اتمادت لأنه بو طبيع ما ايوز عن طبعه

ومتأكده إنج استخدمتي وياها كل الطرق عشان تعالجينها ( لأنه هالتصرفات تعتبر مرض الله يبعد عنا أصحابه )

وكلي يقين إنج طفرتي

فيه ناس السكوت عنهم راحه .... حاولي تشغلين عمرج يوم بتبدأ ترمس ...يمكن تحس وتنطب

اشردي من المكان إلي تتوقعين تشوفينها فيه ...يمكن تحس

حاولي تفهمينها إنج ما تحبين أسلوبها ...يمكن بعد تحس

وجان ما حست

اعتبريها سراب جدامج .... وادعيلها بالهدايه

وحي .... الله يعينج

خطاب

شكرا =)

.
.

اسهر معي ليله

أقدر أفهم من ردك أني أرد عليها

لكنه الرد القوي صعب شوي .. يعني يمكن يكون الكلام قوي بمعناه مب بالاسلوب :fa46:

و شكرا على >> ((أرد عليه واعامله بنفس الاسلوب)).. هالشي ما يا في بالي قبل :thumbup1:

.
.

حلم الطفوله

لا و الله هالبنت علاقتي بها سطحية.. ندرس ويا بعض بس مب أكثر

عشان جيه مب عارفه شسوي خصوصا أني ما احتكيت بها

و الحل اللى عطيتيني اياه زين بس ماظني له تأثير دامنه علاقتنا سطحيه

مادري ليش من شفتها ما ارتحت لها.. أحس شي عندها يخليها تكون جيه ..!

هههههه

اسلووب الشوارع ما ينفع معاه غير اسلوب الشوارع
اعرف لهم هذيل

:4: .. شو هالحل المثالي؟!! :fa46:

المشكله يبيلهم واحد ما يستحي ( مب نفسي هع )

حلو يوم الواحد يثبت نفسه بس طبعا مب بهذا الأسلوب المفلس !!

يعني في واحد يبي يسوي نفسه هو المصخرجي والقريض وهو الصايع ومن هالسوالف
هذييل يبيلهم واااااحد لسااانه زفر وما يستحي وجذي
سوري يعني ,, بس تراا انتي ما تعرفين ردة الفعل لو كلمتيها باسلوب محترم يمكن بتقل ادبها وترد عليج بكلمه تضايقج

بس انا عن نفسي لو واحد جدامي جذي ارد عليه بنفس الأسلوووب
ساعتها بيندم !!!

نفس لو واااحد شايف نفسه وخقاااق .. اشوف نفسي عليييه واخق واتفشخر لين يحس نفسه إمعه !! هههههه

يعني أتم ساكته إذا جيه السالفه :10:

وانكري هالشي فـ قلبج وكان الله غفورا رحيما ..

ولا إنج تنزلين مستواج وتطلع منج ألفاظ ما تليق مقامج جدام البنات ، وتفتحين لها باب إنها تعق عليج من هالرمسة ..

وترا في النهايـة حطي شي واحد في بالج ..

الكلمة لو ما ظهرت منج تراج تملكينها وإذا ظهرت صارت ملك غيرج ..

لذلك ما يسوى عليج إنج تحطين حالج من حال هالأشكال ...

شكلي بسوي جيه .. الله يكون فالعون.. المشكله أنها ويايه في كمن ماده مب مادة وحده بس XS

السلام عليكم..

فاهمه احســاسج .. و ضيقج منها..

بس عشان ما اتحبين حد يطري هالكلام الشين في المكان اللي تتواجدين فيه.. اتحسين بضيقه بصدرج..

و ودج لو الحال ينصلح.. عشان ترتاحين.. لانه طروى الناس مب لعبه.. و في ناس عافان الله ما اتحشم و لا اتحس..

..

احس هالنوعيه من الناس ما ينصلحون بنقاش واحد... ولا يحسون اذا عاملتيهم بالمثل..

بس نصيحه.. لا اتعاملينها بمثل اسلوبها.. و اتذكري.. عامل الناس مثلما تحب ان تُعامل.. فخليج ارفع من هالمستوى اللي هي حاطه عمرها فيه..

مع احترامي لآراء الشباب.. الرياييل يتقفطون و يسكتون بسرعه.. بس البنات.. أعوذ بالله .. محد يسلم من لسنتهم.. و بطلعلج مليون خربوطه بتقهرج فيهم زياده..

اسكتي عنها .. و اطلعي متى ما حسيتي انه كلامها يضايق.. ولو مثلا صار موقف و كنت موجوده.. اتكلمي .. وقولي موقف.. كلمه.. اي شي.. المهم يبين انها غلطانه بس بأسلوب مب مباشر.. وجاااان هي لبيبه.. بتفهم !!!

بس لا تعطينها فرصه.. تغلط عليج

ليش ما تحاولين تكلمينها ؟! يعني بينج وبينها ؟
صدقيني المعامله الزينه والاسلوب الحلو إييب نتيجه ، على الاقل بتعرفين ليش جي تسوي ..

دام ان العلاقة علاقة دراسة بس ... انتي مش ملزومة تعرفينها او تتواصلين وياها او تيلسين معاها


في نظري زمالة الدراسة والعمل ... أسوأ انواع العلاقات ... مجرّد مصلحة تضر الواحد اكثر من انها تنفعه ..


والله يعينج على هيك ناس

دامه الموضوع ما بيتم حق اكثر من يومين قلت ادش واستوي الدكتوره فوزية الدريع لوهله لووول XP
حبيبتي وعزيزتي وعيوني وبنتي وحيونه
انا مادخلت في جي سجوشين مادري يمكن دخلت او جربت
بس اعرف تصرفي اذا حد غريب ما عرفه ولا يخصني فيه اتم ساكته لنه في العمر محد ياهل او صغير عسب يتعلم هذا عيب وهذا غلط فالحل هو انه نسكت عن هالاشخاص خاصه انها ترمس على خلق الله صدقها شوق القلوب اذا الاولاد يسكتون البنات ما يسكتون
--
ما حبيت بقيت الر جان امسحه وحيووه سوررري

حبيت اتفلسف لوهلة بعد انا .. بس جملة في خاطري قلت ابدن ماخليها :whistling: ..

عزيزتي هالنوعية من الناس لبعض الناس تشكل تحدي اذا انتي لج بارض و متبرضتلها و ما وراج شي .. ممكن جدا تاخذينها كقضية انسانية و تكونين لها بالمرصاد .. يعني قالت كلمة قولي جملة .. ضحكت الناس مرة ضحكيهم انتي مراات اذا هالشي مسولها عامل جذب للغير ..

هالكلام اذا كان نافع أصلا .. لأن بالنهايـة " إن الله لا يغير ما بقوم حتى يغيروا ما بأنفسهم"

وإذا ما كان .. كل شي ممكن تسوينه يعتبر مضيعه للوقت .. و ادريبج ما عندج وقت زاايد اصلا عشان اضيعينه .. و يتم العلاج في ال Silent Treatment و تركزين عالBody Language

ومثلج غني عن الشرح ،،


اللـــــــه تولهت على هالنوعية ،انقرضوا من أيام الكلية " كانوا مسويلنا جو .. يعني حاليا ساكنه المدينة الفاضلة حضرتي :tongue: "

تحياتي للجميع

شوق القلوب

صدقج.. و جنسية هالبنيه بعد وايدين منهم مب سهلين عفان الله يعلمون بناتهم يلاسنون من يوم هم صغار ..!!

يوم نزلت الموضوع ما كنت أبغي الحل بس .. كنت أبى أقتنع باللى أسويه

اقتباس:

---

المشاركة الأصلية كتبت بواسطة وحي القلم

أو أني أتم ساكته -بس هالشي ما أظمنه بعد لاني مب مقتنعة به أصلا- :surrender:

---

و أحينه بديت أقتنع بانه أحسن شي أني أطنشها :k_icon9:

.
.

مزايا

صعبه.. هي دوم تباغم و ما ترمس شرات الناس ..!

من غير أنه وياها رباعتها اللى بصراحه أتجنب أني أختلط بهم

أسلوبهم موول ما يعيبني و أفضل أني أتم بعيده عنهم :fa39:

.
.

العجيبه

صح أنه ما يخصني فيها و هي ما بتنفعني ولا بتظرني

بس بعد شي ألفاظ ما تحبين أنج تسمعينها

الله يعين

مشكوره =)

.
.

الدكتوره ايه أحبك الدريع

لا خلصت المدرسه XP

و عن الرساله.. لا ما أروم أسوي جيه هاي نميمه انتي ما تبين وحيوه تدخل جهنم عشان وحده ما تستاهل :tongue:

عالعموم.. شي ناس قالولي أكلم حد من المسؤولين عنا عشان يتفاهم وياها بدالي

لكن هالشي بعد يباله تفكير خصوصا اني ماعرف حد أثق فيه و يكون اسلوبه زين "يحل المشكله و ما يزيدها"

.
.

طفله من هذا الزمان

انتي وين؟ لو أدري هالموضوع بيظهرج جان كتبته من زمان :wink:

اممم ما عندي وقت لها جانج تبين الصدق.. هبابي أخلص الشغل اللى ما يوقف :fa56:

بس جانج متولهه على هالاشكال ترا ما عندي مانع أنه نتبادل

أبى أجرب أعيش فالمدينة الفاضله :4:

اقتباس:

---

المشاركة الأصلية كتبت بواسطة إسهر معي ليله

اني ارد عليه واعامله بنفس الاسلوب اللي يعامل فيه غيره

---

هذا هو شعاري & أسلوبي
في كل علاقاتي الاجتماعيه ....

ويقولون اسئلي مجرب ... وخلج من الدختر :whistling:
وانا مجربه هـ الأسلوب ومضمون مليون بـ %

خاصه مع هـ الاشكال من الناس <--- ان كان ممكن اقول عنهم "ناس" :fa52:


احتراماتي

لا تسمعين كلام اخوي هواجيس + اخوي اسهر معي ليله XP

نحن بنات ،، مهمن كان اسلوب البنت دفش تظل رقيقه مقارنة بالشباب P=
ماتخيلج بصراحه تعاملينها بالمثل // ما أقصد الفاظها طبعا والخ لأنه أبعد من البعيد عن شخصج ولله الحمد =)

هممم ،، وبما إني ماعرف البنت ولا مريت ابـ مثل هالتجربه القويه مثل ما تخيلتها وانا اقرا الموضوع + الردود =#

أحس مادري ،، يعتمد جدا جدا جدا عـ شخصيتج وطريقة تعاملج مع المعنيه ..
إن كانت سطحيه مثل ما قلتي ،، وانتي من الصنف الهادي معاهم مثلا ،،
وقتها مش بالضروره انج تبدين الكلمه عشان تبينيلها إن فعل معين منها ضايقج !

ممكن صدج عنها ،، ولا "العبوس" وقت ما يضحكون البنات عـ سوالفها !
+ شغلات ايحائيه يعني ،، بحيث اللي يشوفج يدري انج ماترضين بالكلمه ولا الفعل اللي انطرح ..
عشان عالأقل تبرين ذمتج من أفعالهم ،، تبينين لهم قدر استطاعتج انج مب راضيه وكارهه الفعل !
+ ان كنتي ممن يملك ابداء كلمه طيب تنفعهم ،، كذلك لا تقصرين // واهني إنتي أدرى بشخصج وشخص المعنيه !
يعني مثلا جان وجهت كلمة تذم فيها أحدهم ،، تقدرين تبادلينها بكلمه تمدحين من خلالها نفس الشخص ..
وإن لقيتي منها نفس الفعل تكرر ،، أو ذم وجه لج // فـ يكفي انج تبتسمين بـ عجب + استخفاف + استنكار من الفعل ..
+ بعض التطنيش كذلك مهم + الدعاء لها عسى ربي يهديها وإيانا جميعا =)

+ في حلول كثيره ،، بس أحس مادري // مب قادره أعيش اجواء الشخصيه =$

بس أظل أقول ،، عامل الناس كما تحب أن تعامل ،،
بخلق حســـــــن :fa51: ..

/

احم // جان تبون الصدق ،، حسستوني إني ابـ فلم هندي ^^"

.. .

ادعي إنه الله يكفيج شرها، ويمكن ماتضرج ولاتستخدم هالاسلوب البايخ، ولو تنقهرين منها ....

بس في ادعيه تخليها تهدأ وتبطل هالحركات .... الله يصلحها بس

انا بعد ابغي اتفلسف بس احس اني وصلت بعد فوات الاوان


ممكن تمددون وقت المسابقه اقصد المشاركه يوميين بعد


الله خليكم بطني بينفجر اذا ماقلت لكم رايي

سكون

فلم هندي ...! :shutup:

الله يسامحج

اقتباس:

---

لا تسمعين كلام اخوي هواجيس + اخوي اسهر معي ليله XP

---

كلامهم من ظمن الحلول.. و بعد زين منهم أنهم ردوا و اقترحوا عليّه

لا تحطون عليهم وايد عن يظهرون من هني :laugh:

بس تدرين يوم فكرت في سالفة اني أعاملها بنفس الاسلوب شفتها صعبه

خصوصا عقب اللى قالته شوق أنه وحده مثل هاي ما بتسكت :3:

من غير انه أسلوبها في الكلام يكون على انه مزح و مصخره.. و أنا متنرفزه منها شقايل بقدر أمثل بانه أعصابي هاديه شراتها :a052:

.
.

المزوحي

ان شا الله.. شكرا :laugh:

.
.

خنفروش

:4:

ما يستوي خلاص قلتلهم يومين بس :tounge:

طاف يوم واحد.. و بقى يوم

يالله شارك بسرعه عن يطوفك السحب :fa46:

عذبه الروح.. آسفه تأخرت في ردي عليج

اممم هو صح ينفع.. بس ما تحسين أنه يعتمد على شخصية الناس اللى تتعاملين وياهم؟؟

/

تدرين وحي ،،
انا مرو علي برا وداخل الجامعه // ناس يستخدمون ألفاظ قبيحه كـ مزحه ..
يعني ما شفت للدرجه اللي تخيلتها اهني بالموضوع ><" // بس في شغلات كثيره يعتبرونها بسيطه ..

الواحد يسب رفيجه عساس انه يمزح + يمكن يعتبرونه اسلوب تدليع =$
والبنت تسب الاستاذ أو الاستاذه // بس جي ،، لأن اللسان تعود على هالألفاظ !

/

احيد مره كنت قاعده مع بنات الكلاس ،، وتمو يتغشمرون والخ وانا كالعاده مجابله لابي ولا لي خص ابـ أحد ^^"
كان الكلاس جي حشره من الأغاني وسوالف البنات وحماسهم // ليمن شفت البنت اللي حذاي سوت جي حركه صدمتني فيها وايد
وايد وايد وايد وايد وايد وايد وايد وايد وايد وايد وايد وايد وايد وايد وايد وايد ولو بقولها ليـ باجر ما بتسدني هالـ وااااااااااايد =$

بالاول سوتها لربعها وهي تضحك واهمه يكملون عليها // عقب اونه بتشاركني الضحك وكررتها صوبي وانا ( :wow: ) ،،
والله من القفطه ماعرفت وين أودي ويهي ،، شلون لمن تبتسمين لـ شغله مب مستوعبتنها
وكأنج تقولين ( أمبيـه شنو هذا اللي شفته بالضبط ) !

وجي تميت أتلفت يسار فوق تحت أحاول أسو روحي ما شفت =$
شفتها ابـ نفس الوقت (طبعا لاحظت) يايه تحط يدها عـ جتفي وكأنها جي بتحضني
وإهي تقول " احليـــــــــلها استحت ،، وانا ( :shutup: + >< ) !!!!! > بدون تعليق !

بس لاحظت عليها انحرجت عقب ،، وكأنها حست إن اللي سوته غلط ><"

فـ يعني ،، ممكن تكون ردود خفيفه منج تحسبينها هينه لكنها ما تغفل عن الأطراف الثانيه ..
وأحيانا الأثر اللي تتركينه بشخص معين يبان متأخر عليه // لكنه يبان !

فـ حاولي مهمن صار تبينين لهم انج مب مرتاحه لأفعالهم ولو مالفظتي بكلمه !

/

+ سؤال لو ممكن يعني ؟!
شو تقصدون بكلمه (((((( عامليها بالمثل )))))) // كيف يعني تعاملها بالمثل :bye2: ؟!

.. .

على قولة المثل: حد احشمه و حد احشم عمرك عنه

أنصحج ما تردين عليها و ما تنزلين مستواج لهالأشكال

و بما أنه الموظوع مظايقنج فأنصحج تكررين آية

"فسيكفيكهم الله و هو السميع العليم"

و دعاء الخروج من المنزل:

اللهم إني أعوذ بك أن أضِل أو أُضل أو أزِل أو أُزل أو أظلِم أو أُظلم أو أَجهَل أو يُجهل عليّ

و الله يهديها

المشكله النااااااس الجنقل ما ينفع معاهم غير الأسلوب الجنقل!!!


ههههههههه

دام ماينفع معاهم الاسلوب الزين .... أقل شي ممكن تسوينه إنج تتفادين هالبنات
وكأنهم مش موجودين من الاساس

ابعـدي عن الشر ..
وريحي بالج وحــي ..


ربي يعينج على هالفئة ..!

,

سكون

ان شا الله =)

اقتباس:

---

شو تقصدون بكلمه (((((( عامليها بالمثل )))))) // كيف يعني تعاملها بالمثل

---

اللى فهمته أني أرد عليها بنفس اسلوبها

يعني هي أونها تمزح .. لازم أحاول أني ألمح لها بانه مب عايبني اللى أسمعه بمزحه بعد

مادري عاد إذا صح اللى فهمته ولا لا :blush:

.
.

أنشودة المطر

مشكوره عالنصيحه :yes:

.
.

مجموعة انسان

هيه هاي هي المشكله :shutup:

.
.

مزايا

شكرا ً :laugh:

.
.

دموع قلم

آمين :7:

أويه ما بقى شي.. غمظني الموضوع :k_sadwalk: شو رايكم ما أمسحه؟؟ :fa46:

ما كنت أدري أنه بيكون شي تجاوب ما شا الله لانه مواضيعي مب وايدين اللى يردون عليهن :tounge:

^ إي خليه ،، سبحان الله ممكن غيرج يمر بنفس التجربه ..
فـ يحتاج لهالموضوع للإفاده !

+ قلة الردود ظاهره منتشره بكذا واحه وكذا نوعية من المواضيع لول ^^"

+ أخوي هواجيس إنسان // ضحكتني لول ..
ماروم أمر على ردودك من غير ما أبتسم غصب طيب P=

/

ربي يحفظكم وإيانا جميعا :a018: ،

.. .

إن شا الله ما تمرون في مثل هالموقف :boxed:

لو تدرين اليوم كانت تفتي بعد..! و كل اللى قالته غلط

و أنا جيه >> :glare:

وحي القلم

أحسج تتكلمين عن وحده تضطرني الظروف أشوفها دوم بدوامي !!! حتى اليوم جان تفتي .... الله يرحمك يالشعراوي

حلم الطفوله.. ترا الدين مستوي لعبه عندهم هالايام :fa52: