ذكريـات ألوان الطفولية ~ العـــيد ~

http://oasis.bindubai.com/bin/upload...1218199177.gif

مثل ما سبق وتكلمنا .. عن ذكريات أعضاء قروب ألوان وأعضاء الواحات مع الدّكان والمدرسة ...<

.
.

في هالموضوع راح نتكلم عن ذكريات ألوان ... " يوم العيــد "

كل منّا يحتفل [ بالعيد ] بطريقتهـ الخاصة وعاداته المميزة ...~

وكل عيد مر علينا يحمل معاه ذكريات من مواقفـ مفرحة لمضحكة وأتمنى تكون مافي مواقف حزينة !!* :fa51:

.
.

وهالمواقف مطبووعة في ذاكرتنا ..~

من منّا ما كانت لهـ مواقف مع عيال الفريج ... العيدية وكيف نحصلها !!* ... الزيارات العائلية ...وغيرها وغيرها من المواقف ...~

/
/

راح أبدا أنا بذكرياتي فالعيد وكيف كنا نحتفل فيهـ قبل .!!*

أول شي كنت أنش من وقت أنا وخواتي وبسرعة نتلبس ونسوي شعرنا ونتريا بنات يرانا أيونا ..!!
عقب ما أيونا نظهر ونسير بيت يرانا الثاني ونشل بناتهم ربيعاتنا وبيت الرابع والخامس لين نخلص ..~

طبعا عالوقت انكون يمعنا لنا شوية عيدية من البيوت اللي حطناها ..!!*

وعقب ناخذ لنا لفة عالفريج ونرد لانهـ ما يخلونا نسير بعيد :pullhair:

.

.
عقب نتيمع في بيت وحدة من البنات وكل وحدة تيلس تشوف كم يمعت واللي أكثر شي طبعا تخق ع باقي البنات

:fa34:

.
.
عقب هذا نرد بيوتنا ... والعصر نسير بيت يدي .. وهناك بعد كل وحدة اتظهر شنطتها وتشوف كم يمعت وطبعا انكمل عيديتنا من خوالي وخالاتي ويدي ويدو ...~:blush:

..

عندي الكثــير من المواقف .. أتمنى انكم تشاركووني ... ولي عودة !!*

أتمنى إنكم تشاركوني بمواقفكم وذكرياتكم عن العــيد :inlove:

http://oasis.bindubai.com/bin/upload...1218199177.gif

رمششش
الله يسامحج لخبطينييي ويا العنوان.. يلست أقول ليش رمش فتحت موضوع يديد.. ليكون ردودنا انمسحن xD


لي عوده أكييد

اقتباس:

---

المشاركة الأصلية كتبت بواسطة شمعة أمل

رمششش

---

اقتباس:

---

المشاركة الأصلية كتبت بواسطة شمعة أمل

الله يسامحج لخبطينييي ويا العنوان.. يلست أقول ليش رمش فتحت موضوع يديد.. ليكون ردودنا انمسحن xD

لي عوده أكييد

---

lo0Olz

:a0360:

أتريا مشاركتج ||~

:blush:

أحلى أحلى أحلى شي كنــا نترياه يوم العيييييد

رسوم " زعتور " وأحلى ما فيه اغنيته " يمشي زعتووور وهو مسروووور والدنيااا تدووووور إلخ إلخ ...." هالرسوم ما ادري ليش كان يطلع فالعيد بسس !!

وبعد اغنية " العيد فرحة وأجمل فرحة ... " مال المصريين وايد حلووة ... كانو يطلعونها على قناة ابوظبي ما ادري الامارات ....



على فكـرة .... سالفة الحواطة عالبيووووووت وعطونا عيدية وما ادري شووو من هالكلام يعتبر من المحظورااااات ..... والوالدة اظني ما شي قصة تخوف عن هالموضوع الا وقالتلنا اياها حتى لو مب صدق

مرة بناااات خطفوهن وسرقوا اللي عندهن ... ومررة دخلوا العياال وذبحوهم .... ومررررررة ضربوووا البنية وسرقوا فلوسها وذهبها ... ومرررررررررة ......... إلخ إلخ إلخ

المهم كله عشان ما نفكر نطلع نشحت عيدية مثل كل اليهااال خخخخ !!!


ويسلمووو عالموضوع ........

السلام عليكم ..

"رمش الغلا"

بما ان فريجنا تقريبا مافيه عرب فأنا مالحقت على المعايده في الفريج ومن الاشياء اللي ذلونا عليها قناة
دبي اغنية المازم (عساكم من عواده عطونا عيديه وبحب وخير وسعاده
عطونا عيديه) احيد من بداية التسعينات
قبل ايام الدشات
وهم يحطونها مادري جان وقفوها ولا بعدهم مستمرين لأني مادري عن التلفزيون تقريبا خير شر بس
احلى شي في العيد اللبس اليديد والعيديه والجمعه تكون في الرتبه
الثالثه وأحس من الاوقات اللي مول مب
حلوه جيه من العصر
لين المغرب وقت مول مب حلو يعني تونا طالعين من رمضان وكان فيه قريب وقت فطور وندخل على
العيد بانه خلاص مافي شي في هالوقت فيكون ملل بشكل فضيع
ومادري جان حد ياوافقنـي الراي
بهذا الخصوص!

الاســـطـــوري
أخوكم

يا ريااال الظهر ملل ومافي شي تسويه
ههه

عااااد انا ما كنت اطلع من البيت ايام العيد
لان اللي احصله في البيت اكثر من اللي برع
واغاايض الصغارية وااايد
بس طبعا نهاية الفلوس شلق او السيايير بو واااير اللي ما تكمل ساعه وتخترب

عــيدنـا أيـام أول كـان كـ الـتالي :
يوعــونـاَ من غبشه ، ونلبس هـاك الفسـتان الغــاوي :4:..

طبعـاً التجمع يكون بيـت ( يدوه ) ، العـايله الكريمــه تكـون هنــاك

نـتولف أكثر عن 30 نفـر ، عــمومي ، وعيــــالهم ، تــستوي الخبصه ( بنات وأولاد )


طبعـاً نتعـرف على الأشكال اليديدة من العـايله بحكم انه مانشوفهم إلا فـ الأعـياد . .


والعـيديه ( وهذي المهم والأهم بالنسبه لـنا كلنـا ):fa56:

يبدأ فيهـا ( عميه ) بـجـر يدوه ، وهذا ماعنـده ون تـو ، يطلع الـنوط ويعطيهم لـ واحد من عيال عـمتيه أو واحد من عياله ايوزعـون


العـيديه تنفـر علينا ، وألـحق ماتلحق ، اللي تــروم تآخذه ايدنا :4:

وطبعـاً أكثر البيزات نجمعها من بيت يدوه ، يعني نطلع بمبلغ لايسـتهان فيه ..


عـقب تطلع العـايله كلهـا من بيت يدوه لـ بيـت يديه ، ونفس الحاله بس التجمع يكون اخوان ابويه لـي ساكنين مع يديه


وخلاف ابويه يمـر عـلى عماتي فـي بيوتهن ونحن معاه ..

وعـقب من زود الحواطه ، نخـمد يلييييييييين المغرب ولا العشــى



طبعــاً ماكنـا نروح نحــوط من بيت لـ بيت ( منقـــود ) :k_no:



يعـني أكثر شي كــان حلو فـ العيد لمة الأهل ويمعـتنا وسوالفــنا ..

وفـي 2 و 3 يـــوم لازم نطلع رحلات ، وفـ الغـالب 3 يكون لازم تـكون فـ المزرعه أو البر ( عـائليه طبعـا ) ونطلع أكثر من 7 أو 8 سيــاييير

مع الـعلم الشواب مانشلهم ويانا ، بس جم وحده من العـيز عسب يطبخون:fa46:



أمـا يوم كبـرنا ماصرنا نسير ويـاهم بيت يدوه ، عسب عيال عميه وعمتيه والتجمعات لي تستوي ( احسن ):3:


فـ نقر فالبيت ، ولاجنه عـيد

والعـيديه صرنا ناخذهـا بس من الـوالد واخـواني ، طبعـاً من التواضع لي فيَه أخذ 500 فـما فـوق:fa56: ( غيري مايرضى إلا بأكثر )

استاااانست بـ مشاركاتكم وسوالفكم ...~

يلا نتريا الباقين ..!!



مهــابه بالعكس يمعات العيد أحلى شي في بيت يدي ..~

وناااسة نتيمع كلنا خالاتي وبناتهم وخوالي وعيالهم ... [ لوووول ] نرتبش صدق لي فليل !!

.
.

لاتنســون عيديتي .. أنا راضية بأقل من 500 مب شرات مهـابه ..~

^
رمش :
نـحن عـايلتنا زحمة ماشاء الله ، بيـت يدوه مايسـدهم ، قبل كنـَا احنا وعيال عميه وعمتيه ، اما الحين ، الأحفاد الصغـاريه بعد
كل واحد عـنده 2 و3 ..


يطلعـون فـوق الـ 35



بـتخبل لـو رحت هنـاك ، زحمة من الخاطر . .


لاتضربين تحتي دبــوووه:4:

^ لووول

نحن ترا قبل شراتكم

الحين الاحفاد وعيالهم وااايدين ماشاللهـ ...

يعني ازعااااااج وحشرة وتتخبلين وياهم ..!! [ لوووول ]

بس لو ما سرنا بيذبحووونا قوم يدوه ..!


يلا اتريا عيديتي مهاابوه ..P:

^

لا حـنا فيهـا عيب وفيهـا منقود بـعد:fa46:




خليـني احصل خلاف بتجاسمها انا ويـآج :4:

:

:fa35:
العيـَـد . .

دآيمـَـآ عيد الفطـَـر آحلى من الآضحـَـى مآدري ليش لول *~

لآزم آول شي النشه من الفيـَـر ، ونسيـَـر المصلى انصلي
صـَـلآه العيـَـد ،
ويوم أنرد ، نكشخ عدل ونلبـَـس ، ويوووو آحـَـلى شي الأكل ،
كل مآ لذ وطآآب ، غير الحلوآت من بـَـرع ، هريسه وبلآليط أمآيه روحه له نكهـه
مآيستَــوي العيـَـد من دوون هريــَـس . . :4:
وعآد كل شوي حد إيي ، خوآتي
عمآمي ، بنـَـآت عمي ، الأهـَـل . .
و مرآت الضحـَـى انسير انكمـَـل فـ الفريـَـج . .

لين نوصل بيت عمـَـي ، من نوصل هنـَـآك ، يبدى معسكري من الضحى لين المغـَـرب . .
إلا العيـَـد إلي طآف حسيت إني أول عيد اتغدى فيه ويـآ آهلـَـي لول *~ . .

والعيـَـديه لهـَـآ طعم ثآنـَـي :icecream: من كل صـَـوب هع هع . .

وجيـَـه ، عآد مآندري كيف العيــَـد السنه ، !

تسلمـَـون ع الطرح المميـَـز آلـوآن =)
،
.
.

الحين عيدنا مب شي

الصبح نسير المسيد ., عقب التجمع في بيتنا نتريق وهالسوالف ,, لازم نقدم الولاء لعمة ابوي في بيت عمي

وعقب
نسير فريجنا القديم نسلم على 3 شواب و 3 عيايز
عقب يخلص العيد
نقعد في القهوة لين وقت الغدا
نسير نتغدا في بيتنا او بيت عمي
عقب نرررررررقد لين الفجر
,, ويكون باقي العيد ممل وااايد لان مافي شي

هيه صح ترا لين الحين اخذ عيدية
اصغر واحد بلاااش
ههههههههههههههه

اقتباس:

---

المشاركة الأصلية كتبت بواسطة الاسطوري

ومن الاشياء اللي ذلونا عليها قناة
دبي اغنية المازم (عساكم من عواده عطونا عيديه وبحب وخير وسعاده
عطونا عيديه) احيد من بداية التسعينات
قبل ايام الدشات
وهم يحطونها مادري جان وقفوها ولا بعدهم مستمرين لأني مادري عن التلفزيون تقريبا خير شر بس

---

للأسف ما يحطونها :tounge:

كانت حلوه مب شرات اللى يحطونهن أحينه :10:

.
.

أنا كانوا يصرقون عيديتي

أحيد كانت عندي 100 و واحد من العايله يوم شافها عندي قال لي شو رايج نتبادل

شوفي اللى عندي لونها أحلى عن هالحمرا تلوع الجبد :hysterical:

و اللى عنده كانت 10 أنها 50

و من الذكاء الزايد تبادلنا و كنت وايد مستانسه بعد :fa46:

المهم مادري شقايل أمه وصلها الخبر آخر شي و انهزب و رد عليّه بيزاتي :d014:

ظني الا طلعت مرتين للعيد مع أخواني و أختي و عيال خالاتي
و خوالي، كانوا يظهرون مبجر و أنا ما ألحق كنا نروح بيت أهل أمي
متأخرين. كنت أزعل جيه ما يتريوني. كلللللهم يروحون الا أنا !!
أذكر وحده من المرتين من كثر المشي و التعب رحنا الكافتيريا :fa56:
و ما ذكر اذا كنت أحصل وايد !!

و كنت استانس أكثر في بيت أهل أبوي (يدي) عيديتهم
أكثر :fa34: و لو انه اللي هناك أقل من هل أمي.

شي واحد ما تغير من يوم كنا صغار الين اليوم، الغدا لااازم
يكون في بيت (يبااه) أبو أمي. و نقعد الين قبل المغرب لااازم
نروح بيت عم أمي، عند بنات خالتها. مع صلاة المغرب نكون بالبيت
نتريا بس صلاة العشا و نرررقد عقبها لين اليوم الثاني

مجموووعة

انا اتريا العيدية ... انتهـ أكبر عني [ لوووول ] ..!!*

.
.

مزن ..
لو انا منج ما بخليهم يسيرون

ريلي ع ريلهم .. لوووول

اهم شي العيدية هااا !!


يلا نتريا الباقين يخبرونا سوالفهم فالعيد ..~

دمعوه ..

صدقج حتى أنا أحس عيد الفطر

وطعم العيد غيييير ..~ فيهـ [ لووول ] ..!!*

وناااسة الريوق والصلاة ويا بعض .. نحن ما عدنا جيه !


وحي القلم

يحليلج غمضتيني ..~

عيل تبادلين النوط بأقل منه هع هع ..!!*

رمشووو

سولي تقدير عمر طلع عمري 12
يعني انا اصغر !!
اتريا العيدية ترااا

::

يااااااااااااااه

ذكريات العيد والله !!

:

أيام يوم كنا نعيّد .. وما نرد البيت ..

الا ونحن تارسين شنطنا ..

طبعاً نص العيديه تسير عالدكان ..

كل شوي نعطش ونيوع .. ناخذ بريك نسير الدكان ونصرف بيزاتنا :biggrin:

:

أذكر مره سرنا الجمعيه عقب ما عيدنا .. وكنا صغاااااااار

نحن وبنات عمي ..

وكل وحده فينا تارسه لها ترولي ..

واختي الصغيره وبنت عمي تحمسوا وايد وما خلوا شي ما شروه ..

ويوم يينا نحاسب .. طلعت اغراضهم اكثر عن بيزاتهم :biggrin:

ويلسوا يردون الاغراض لووووول

ويوم ردوا البيت حسوا على دمهم .. لانه عيديتهم كلها راحت ع الحلاوه

ف يلسوا يبيعون اغراضهم على عيال عمي واخواني لوووووول :hysterical:

:

وأذكر مره كنا نلعب بالشلق في العيد ..

تعرفين هالصاروخ الصغير ؟

حد ولعه .. وجان يطير ويدش ف جم كندورة اخوي ..

وشعر ايده احترق .. :hysterical: هع هع

:


صج والله ذلونا على اغنية محمد المازم يالاسطوري

أنا كانت تبط جبدي هالبنت الكبيره اللي وياهم :3:

عيوز وتيلس تمط النيطان من ايد الحرمه والريال ..

تقهرررررررررررر :pullhair:

:

سقى الله تلك الايام .. << بلاها عاشت الجو .. :biggrin:

ذكرتينا بالذي مضى يا رمشوه !!

ذكريات حلوه والله ..


كل عام وانتوا بخير مقدماً .. والله يعوده علينا بالخير واليمن والبركه ..

:inlove: