ذكريات ألوان الطفولية ~ الدكّان ~

http://oasis.bindubai.com/bin/upload...1218199177.gif

كل شخص فينا له ذكرياته الطفوولية سواء مع الدكّان .. المدرسة .. عيال الفريج .. راعي السمبووسة ... ملعب الفريج ... الخ ..~

وإن شاء الله راح نطرح كل ذكرى طفولية بشكل دوري

وأتمنى إن كل عضو يشاركنا بذكرى من ذكرياته الطفولية ..~


الدكّان

من منّا ما سار الدكان وما كانت لهـ مواقف سواء مع "الدكان" أو "راعي الدكان" ..!!

http://oasis.bindubai.com/bin/upload...1218579248.png

.
.

السيرة للدكان كانت \تعتبر روتين\ يومي لأغلب منّا ..

العصر نتيمع انا وخواتي

وإلا نحن وبنات الفريج

ونسير الدكااان\\شلّة كاملة\\ ..~

.
.

ومن أحلى المواقف اللي أذكرها
إن كنّا مخصصين يوم كل أسبوع نسوي حفلة

لول ..

وهالحفلة انيمع من كل وحدة الكمن ربيّة اللي عندها

ونسير الدكان نشتري كيك عود وعصير وسوالف ثانية

ونيلس ويا بعض .. نتجاسم الأكل وناااكل ..~

.
.

و أذكر راعي الدكان ..
من ندش الدكان يتم يلحق ورانا ويراقبنا ..

شايفنّه نصرق والا لنا سوابق يعني هع هع ..!!

:k_icon9:
.
.

يمكن ساعات فخاطرنا شي وبيزاتنا أقل

أنشّله بدون ما حد يحس ..,

\
.
.

http://oasis.bindubai.com/bin/upload...1218579248.png

هالحلاوة Runts

كنت أحبهااااا واااااااااايد ..!

ودوم أشتريها ..

لازم يوم أرد من المدرسة نمر الدكان آخذ الحلاوة و " آآآرسي"

http://oasis.bindubai.com/bin/upload...1218579248.png

لول

.
.

هاي ذكرياتي الشخصية مع " الدّكان "

شاركووني بذكرياتكم الشخصية ..~

أختكم ..

بنت ألوان

رمــش الغــلا
.
.

http://oasis.bindubai.com/bin/upload...1218199177.gif

رمش الغلا

حلو موضوعج.. و أحلى شي أنج بديتي بالدكان *_^

أسميه كان من زمان جنه الامارات مول :birgits_giggle:

أحيد يوم كنت أسير ويا بنت خالي

كنت لازم أسوي اللى هي تقوله طبعا لانها العوده

و هي ما قصرت.. قايلتلي أنه حرامي و لازم نغير أشكالنا عن يعرفنا

عشان جيه كنا نغمظ عيوننا و نمشي هههههه>> مادري شو هالذكاء أونه ما بيعرفنا يعني :4:

.
.

من غير اني كنت وايد أستغرب من راعي الدكان يوم أشوفه لابس الكلوتي

أقول شقايل يخش راسه فالدلاغ .؟!!!! :10:

.
.

و عن الحلاوه و العصير.. اممم.. كان يعيبني عصير أريج

و الككاو ماعرف أسمه.. هو ذايب و في بلاستك شرات الصلب شكله... كنا نسميه الطويل xp

و السموحه :tongue:

رمش الغلا :

حلاوتي ، كنت احبها ، بس كنت أفَر مالت البرتقال والليمون

ماكنت آحبهم . .




~ لي عَوده أكيييد

الدكاااااااااااااااان


امس انا ما قلت لج انتي ام عقوووص ماسكه أهلا
هع


ايااام حلوة قبل ...
وحي القلم انتي تطريين سيلااان
هذا اللي يكون اكثر من لون
صح ؟

تذكروون البيبسي القدييييم ؟
http://www.7yyy7.net/uploads/e116fb34fe.jpg



وكيرلي ويرلي هع
http://www.sweetiebag.com/product_im...ly%20Wurly.jpg

وتووولاااا
http://www.3rbe.com/vb/upload/uploads1/8_819071146.jpg



صدق انج جدييييمه ام عقووووص



مجموعة انسان كاااان يسرق من هذا الدكان هع

http://oasis.bindubai.com/bin/upload...1218199177.gif





أنا راح أشارككم بعد ... بموقف من المواقف اللي أظهرت نحااسة الدكان علي لووول ..~

في يوم من الايام .. في اجازة .. كما تعود احمد الزرعوني يطلع من الاوائل في المدرسة :a018:



يأتي أبيه و يكافأه على تميزه بالمدرسة ..


فتارة يشتري لنا العاب الفيديو و تارآ اخرى ~سياكل~ .. كما كان من اشد المعارضين للدراجات النارية التي حضي بها ابناء عمي ..



اتذكر في سنة 93 و كان آنذاك عمري 8 سنوات ..


اشترى أبي ~سيكل~ من نوع (الامريكي) الذي كان من افخم ~ السياكل ~ و احدثها طفرة ..


:k_harhar1:


حيث انها كانت تتكون من 5 غيارات و ( سنغل ) من نوع اقوى من ~السياكل~ عادية المستوى ..
.
.
.
حيث آنذاك كان سعرها فوق 250 درهم و كانت الاخريات لا يتعدى الـ 70 درهم .. بما معناه اغلى بـ 3 و 4 مرات :thumbup1:..



وطبعآ تغمرني الفرحة بحيث امتلك افضل ~سيكل~ في الفريج على الاطلاق :biggrin: ..


و انطلقت الى الفريج حتى اتمخطر بـ ~سيكلي~ الجديد صاحب الـ 5 غيارات .. و المصنوع من الألمنيوم المخفف .. و حامل (طارة الماي) ... و كم كنت احلم اني سأملئه بالكوكا كولا (بعد ما يطير الـ Stem كله من الخض ) :4:



فمررت بالسوبرماركت الواقع في منتصف الفريج و المتميزة بمكانها الاستراتيجي بحيث يتجمع (اللوث) و اصحاب المشاكل و السوابق ..


و لمحت بأن المكان خالي تمامآ .. و ليس كالمعتاد !!


.
.


فساندت ~ السيكل ~ على واجهة السوبرماركت و الذي حجمه لا يزيد عن البقالة المتواضعه ! حتى لا اضعها بالارض و اخدش ملمسه الناعم المطعم بالالمنيوم و التخطيط الاحمر الناري ..




و نزلت بكل سلاسه و ذهبت لاشتري بعض ( الجبس - صقر الحار , و كافي , ميلكي بار , و الكوكاكولا 1.5 لتر ) كالمعتاد - و بشكل يومي ..


و بعد ان انتهيت من شراء ما لذ و طاب ... و منظر ~سيكلي~ لا يغيب عن ناظري ومخيلتي ..


خرجت من السوبرماركت و اذا أرى صاحبة الغيارات الخمس غير موجوده !!!!~!!!!

الصدمــــة !!~

ويا هي صدمة !!


نعم صدمت !!

لم اتهنى بالجميلة و الخفيفة بربع ساعه ~!!!

يا ويلتي !!


يا حسرتي !!


أين ذهبت ؟!!


التفت يمينآ و يسارآ


لا أثر لها !


هنا ارتعشت من شدة الخوف .. متخيلآ شكل أبي عن سؤاله عن ~ السيكل ~ :k_shock_1:



رجعت الى البيت .. وهموم الدنيا كلها ع راسي ..


ذهبت ~سيكل~ الاحلام .. راحت


أحلم احصلها مرة ثانية


ما إن فتح أخي الباب الخلفي للمنزل


و اجهشت بالبكاء


.
.


لا اعلم كنت ابكي من شدة خوفي من ابي و لا حسرة على سيكل الاحلام و هدرآ لجهد عام دراسي كامل ( لا لعب ولا جيمز ولا طلعات و لا دكان في اي وقت ) .. هكذا ذهبت ؟ حرااااام :k_no:




و بقيت حزينآ ... حزينآ جدآ .. طفل بالثامنه من عمره يحلم في سنة دراسية كامله بامتلاك ~سيكل~ .. سرقت في ربع ساعه !




ماذا تتوقعون حال هذا الطفل المسكين ؟؟ :d010:

















بعد اسبوعين اشتراله اخوه العود واحد ثاني ولا افتكر في الاولاني ولا ياب سيرته :biggrin: :biggrin: :biggrin:




http://oasis.bindubai.com/bin/upload...1218199177.gif

وعليكم السلام ..

موضوع جميل وشيق ويحمل ذكريات حلوه بس حبيت أعلق على سالفة الزرعوني
ياخي هذا المفروض تكلبج عمرك فيه وماتفارقه ليل نهار
عشان ماينسرق هههههه

وفي رواية أخرى تتجلب فيه
:h_daleel:

السموحه

السلام عليكم


والله ييتو عالعوق !!!

ذكريات الطفوله كلها في الدكان !!!

من يومين ولد خالتي لكبير يعايرني !!! عاد حلوم محد ادلع شراتها !!! راعي الدكان استغنى من وراها :tounge:


كان كل حد يشوفني يوديني الدكان !!! :icecream:

وكان بفريجنا ريال فاتح دكان بكراج بيته !!! أسمينا نتسابق عقب صلاة العصر عشان نشتري من عنده !! الله يرحمه

والله أيام :ohboy:

يالله الزرعوني غمضتني
حتى أخوي انباق سيكله الامريكي
بس مش عند الدكان من البيت P:
كان يغتص يشوفها يوميا، بس الريال
عاد صابغنها بـ رش اونه تمويه.

انزين عاد انا مالي ذكريات مع الدكان
ما كنت اروح
بس سالفة العزيمه كنا نسويها كل
خميس نسوي قطيه كل شخص ربيتين

http://www.hdrmut.net/up/uploads/b556b11b5d.gif


من احلى ذكرياتي في الدكان


كنت اخذ بيزات للمدرسة

و ما اشتري شيء في المدرسة


و يوم يخلص الدوام


اطلع و اسير اخذ ارسي


ايخلص


اخذ غيره


لين ما تخلص بيزاتي


و استمريت جي سنة كاملة



ايام حلوة


لج جزيل الشكر على الموضوع الطيب


دمتم بوود


عكس قانونه


http://www.hdrmut.net/up/uploads/a707796ccd.gif

اقتباس:

---

المشاركة الأصلية كتبت بواسطة الحاضر الغايب

وشلوا سيكلي الحبيب

ورديت البيت لا خبز ولا سيكل ههههههه

---

^
افاا طلعت خواف عيل
هههههههه
:k_harhar1:

اقتباس:

---

المشاركة الأصلية كتبت بواسطة الحاضر الغايب

وجي ما افر السيكل والخبز فر بصوب وانا اسبق الريح للبيت بصوب ...

وشلوا سيكلي الحبيب

ورديت البيت لا خبز ولا سيكل ههههههه ...

---

اتخيلت الموقف :hysterical:

.
.

مجموعة انسان

تقصد العصير؟؟

أحلى شي يوم تدش دكـان في فريج ماتعرفه ,الاهم راعي الدكان ماكانت له معرفه سابقه فيك
وتشتري واااايد من عنده وتسجل حســاب ومن عقبها العين ماتشوفك P:

وحي القلم ..~

أحلى شي عاد يوم تغيرون أشكالكم

ههههههه

[ صدق يهال ] لووول ونصدق أي شي ينقالنا هع

.
.
انا حتى كنت أحب اريج توت أكثر شي ..

ولي الحين ربيعاتي من يحصلونه أييبون لي إياه [ لوووول ] ..

والكاكاو شكلي عرفته جيه يكون شرات المخروط أظن...
>> مادري جان هذا اللي تطرينه وإلا لا <<

أشكر لج تواجداج حبيبتي ..
.
.

مهــابهـ ..~

طلعتي تشاركيني نفس الحلاوة ..

بس أنا ما كنت أفر شي ... كلّه يعيبني ^^



بنت ألوان ..

رمــش الغــلا

آآآآآه ايااااااااااام الدكاااااان

اياااام حلووووه كنا نحرس الدكااان العصر نترياااه تحت القاافه الين مايطلع من المسيد

ونوصله دكااانه نفتح الدكااان ويااه ,,

ومراات اياام الامتحانات نطلع من المدرسه من وقت ونمر ع الدكان ونشتري مأونة ونسير فووق بيتنا
والا فووق بيت ربيعتنا ,,

من اهم مشتريااتي

الهوووبييييي اذوبه عقب اكله هع

http://oasis.bindubai.com/bin/upload...1218626652.jpg

وعصيييير اهلاااا مثلج هذاا الين يوومكم اشتري منه

استوالي موقف خلااني احرم اسير الدكان الا وهو

مره سرت بروحي الدكان ولقيت مصبنة الفريج هناك وانااا اركض عشاان ما اجووفهم الا ويزقرني وااحد

وهالوااحد يالس يدووخ خوفني قالي تبييين ويمد ايده دورووني عاد ذيج الساعه ما جاافو الا غبرتي:d010:

ومن يوومها ادق للدكان وييبلي للبيت


___


جاااان استااانس عالموضوووع
تسلميييين رمش عالموضووع الغااوي

ههههههههههه ضحكـت من سالفة السياكل ، وخاصة سالفة الزرعونـي


نحن الحمدلله ما انسرقت سياكلنـا ولا حتى الشرطة شلتهـا ....

السياكـل اشترولنـا اياهـا كهدية نجـاح اووونـه ... كنـا من الاوائـل وكاااان شي عجيـب ان ولدك او بنتك يكون ترتيبهم الأول ... فمـا بالكم اذا امي وابوي عندهم 3 وكلهم ماخذين هالمركـز !!!!

سرنـا خذنا السيااااكل واستانسـنـا وايد ... جنه العيد .... وقمنـا نسير الدكـان اللي شوي بعيد من البيت ، بعد ما يصير نسير الدكان القريب ونحن عندنـا سياكـل ....

طبعـا السيرة بسباااااق ، والردة بسبااااااااااااق

و نفس الشي ما تمت السياكـل وايد عندنا ، اختربت وكانت نهايتهـا للبتاني اللي يشتري الحديد ....!!

يوم كبـرنا اكتشفنـا انه المـامـا ما تحـب السياكـل ولا الدراجـات النارية ، فكـانت تدعي عليهن بالخراب في اقرب فرصة !!!! :(



على طاري حلاوة الرنتس ، نشتريهـا عشان الموز بسسس !

راااعـي دكـانـا ( أقصد الدكـان اللي وايد قريب من بيتنـا ) كـان شيبه ، ونحن مع إنــا صغاااار لكـن الشياطييين راكبة رووسنـا نستعبط عليه، ومنـاك هو حاط دوبه من دوبنـا ، عاليومين ياي بيتنـا يشتكي ! هيهيهيهي يعني لدرجة انه كان ينقهر اذا بنمشي بالسياكل جدام دكااانه :/



عيل الشيء العبـط ، يوم كانـت يدوة فـ بيتنـا ، عمري 3 أو 4 سنوات وأونه عيـب اطلع الدكان
كبـرت شوي وطلعت يدوه من بيتنـا ، فـاستـوى حلال اسير الدكـان هيهيهيهي



موضوع حلو وخفيف .... دمتم !

مجمووعة إنسان ..~

شكلك حسيت إني بنزل موضوع عن الدكان

عسب جيه قلتلي [ أم عقوص وأشرب أهلاً ] لوووول ..~

.
.
أنا ماحيد البيبسي الجديم ... يمكن على أيام الشياب شراتك :4:
وكيرلي ويرلي .. لي الحين اشتري من كارفووور ..
بس الجديم طعمه ألذ هع ..~

الزرعوني..~

يحليلك ... عاد كله ولا السيكل .... [ ياحراام ]
لول
الظاهر حسدوووه خخخخخ
الكل حقد عليك لول ...~

:inlove:
بنت ألوان ..

رمــش الغــلا

~ ياحليله السيكل . .

ضحّكتوني والله ،

أصلاً قبل كشخة اليهال بسياكلهم ، لي عندهم سيكل ومعدلنه ، وحاط فيها اخضر واحمر ومادري شو ، يعني هذا واحد كاشخ لحد يرمسه . .


~ بالنسبه لي انا والدكان ، كانت عندنا وحده في فريجنا الجديم تبيع في بيتها ، وهذا بيتها جريب لبيتنا ، يعني ممم بينا شارع بس . .

وطبعاً كل يوم الصبح قبل لايروح ابويه الدوام ، ولأني كنت الوحيده اللي ماعنديه روضه ولا مدرسه ، يلف بي لفة ع الدكان من الساعه 7 الصبح ، يشتري لي حليب أو عصير المهم ويرجعني البيت

طبعاً انا مستحيل انزل وماعنديه ، 5 ربيات ولا 3 ، المهم يكون فإيدي بيزات

~ وجان ماعطاني ، ما انزل ، ويتأخر هو ع الدوام . .


المهم ( انا مخي أقتصادي )

هالبيزات اخليهن للعصر ، وأول مايظهرون الرياييل من صلاة العصر ، انا شردة بيت يرآنا

احيان اطلع بدون لا اخبرهم بعد


ومثل ماقلتوا ( الهوبي ، والأريج ، ومثلج أهلاً ، وهذيج الحلاوه مالت البقر كنت احبها وايد )

وآروح واشتري

أحيان تكون الحرمة محد ، وعندهم ولد نحيس للحين أذكره ، اسمه نصوور ، مايطيع يبايعني موليه . .

لأنه هالحرمة ماعندنا غير 12 ولد بس ، المهم

يوم مايبايعني ، ارد البيت أصيح لأمايه ، واسحبها ويايه عسب تشتري لي ~ !* . .


غير جيه كان ولد عموه ، يوديني بالسيكل ماله للدكان يعني يردفني ، ونروح


مَره ، كنا بنروح الظهر الدكان

وعمووه راقده ، قال اصبري شويه ، راح وخذ بيزات من غرفتها ، هو سحَب 500

ويتحراهن 5 دراهم

عاد يوم وصلنا الدكان ، صارت الوهقه راعي الدكان يعرف عمووه ، وماطاع يبايعنا

عاد اونه انا بريئه مايخصني بشي


المهم ردينا ، وشوي ونسمع هالهندي الحشره ياي لعموه ومخبرنها ، للحين مب قادره اسى شكل ولد عموه كيف


وكل مايقول لي شي الحين ، اذكره بالموقف

واقول له خل عيالك يكبرون بخبرهم الحكايه بعد


استوت فيها احداث بس مابخبركم حرام، عن افضحه





ألوان تسلمون على هالموضوع :)

يا هلا ..


بنحطيلكم سامان الدكاكين مال اول :biggrin:






http://www.oasis.bindubai.com/bin/at...1&d=1218632732
















http://www.oasis.bindubai.com/bin/at...1&d=1218632732


















http://www.oasis.bindubai.com/bin/at...1&d=1218632745

















http://www.oasis.bindubai.com/bin/at...1&d=1218632745

















http://www.oasis.bindubai.com/bin/at...1&d=1218632760










كم واحد فيكم دمعت عيونه ؟ :biggrin:

^هذا هو الككاو اللى أقصده :11:

http://www.oasis.bindubai.com/bin/at...1&d=1218632732

.
.

و حتى الاسكريم الوردي حلو :tounge:

السلام عليكم

اللــــــه ذكّرتوني بالدكان والآيس كريم اللي كنت آخذه من الدكان

أول فريج سكنّاااااه ما كنّا نسير الدكان ، كان أبويه كل يوووووووووووووووووووم يودّينا فاين فيــــــــــــــــــر =)

منو ما يحب فاين فييييييير
محلاااااااااااااااااة فاين فير ، بس حرااااااااام شلّوه =(

وعقب انتقلنا

عــاااد ما كان في فريجنا اليديد (الثاني) شي اسمه دكّــان:k_no:

لأنه فريجنا يديد و عاااااد ما كنا من قوم الدّكاكين :tounge:

كنّا كل خميس نسير بيت خالوه و الدكان ملازق بيتهم

عاد ما تحلى لنا سيرة الدكان إلاّ عقب الغدا في القاااااااااااايلة الطير ما يطير =D

كنت أسير أنا و أخويه وعيال خالوه و أحفاد خالوه وكلللللهم أولااااااااد وحليلي أنا البنت الوحيدة:11:
ولااااااااازم تكون ويانا ميري بشكارة خالوه =D ، الله يذكرج بالخير يا ميري لووووول :yes:

يـاسلام . .
عـ العيدان

في نوعين واحد حار والثاني بارد ، عاد الحار وياه داقوس ، كشخه

حلم الطفولة + مزن هتّان + الحاضر الغايب + عكس قانونه

عيل طلعتوااا سوالفكم ومقالبكم ويا راعي الدكان ..[ لووول ]
.
.

وجودكم في موضوع قروبنا .... وسوالفكم رسمت البسمة ع ويوهنا ^^
.
.

مزايا

ثرج مب هينة ... تسيرين تسوين حساب في دكان يديد
والله ضحكتيني عليج [ هههههه ]

.
.

شوق البدو

هي والله ... دوم نسير فوق البيت ناااكل ...~ لول

وهووووبي ايااام أحلى شي يوم يكون ذااايب هع ..

تسلمين حبيبتي وجودج الاحلى ..~

.
.
العجيبه

يالشاااطرة ... انتي ..

سيكل بعد ..

انا وحدة اذكر ما كنت احب السياكل .. بس اذكر ابوي شارلنا هالسيكل حق 3 انفار

انا الكبيرة اسوق جدام
وخواتي الصغار ورا هع هع ..~


مهـابه

ضحكتيني بسالفة الهندي يوم لحقكم البيت وخبر عمتج هههههه

,
.

تستااهلون يفاتن عليكم ... عنبو ما تفرقون 500 عن ال 5 ههههههه
....

نتريا الباقين يحطون لنا سوالفهم ويا الدكان ... لول ^^

الزعوني ...

أنا ابا عيدان بطاط ... ليش حطيت استواا فخاطري الحين >_< ..!

والكاكاو ها االلي اربع ويا بعض .. يكون بريال ...
اذكر دوم كل ما ناخذه امي تقول هذا رمل مب كاكاو ..
ونحن طااف نشتري ههههه


وحي القلم

هي الحين عرفت ها الكاكاو كشششششخة ^^
ذكريااات واللهـ ..~


قصايد غلا

عاد مب شي يوم الفريج ما في دكان

شرات فريجنا موووول ما في دكان >_<
مب شي


المهم كنتوا تعوضون يوم تسيرين بي خالتج :)


بنت ألوان ..

رمــش الغــلا

http://oasis.bindubai.com/bin/upload...1201028869.gif

ياااااااااااااه أيــاااام والله
ليـــت الزمـــــــــان الأول يعـــود

ذكريـــاات والله >> بس لين الحينه ما أذكر موقف يستاهل انه ينذكر

بس اللي أحيده الظهر القايلــه قبل لايحطون الرسوم العصــر انروح الدكــان وناخذ حلويات
أهم شي هـ الأسكريم اللي فيه منه لونين أبيض ووردي
جيه كوره فـ البسكوت وامقرطس بقرطاسه شفافه >> مادري إذا عرفتوه ماعندي صورته :fa36:

اتحيدون هـ الكافي

http://www.3rbe.com/vb/upload/uploads1/8_819071240.jpg

ههههه يوم أتذكر كيف كنت آكله أضحك ع عمريه >> فيه كذا نوع هب بس هذا
كنت آكل أول شي الجوكلت وأخلي منه طشوووووونه
عشان عقب أخلط الباقي مع الأبيض وأتلذذ فيــه لني أحب الأبيض أكثر شي :14:

واتحيدون هـ الأسكريم الكوره

http://www.3rbe.com/vb/upload/uploads1/8_819071348.jpg

كنت أحب اللي لونه أزرق

و هـ الجيلي

http://www.3rbe.com/vb/upload/uploads1/8_819071326.jpg

و هـ العــلوج

http://www.qatarw.com/3ashega/005.jpg

اللي معاه تاتوو >> أسميها الإيد اتم امرقعه :4:

وهــذا

http://www.qatarw.com/3ashega/012.jpg

كنــت أعصره وآكل العسل اللي فيه أول وأخلي طشونه عشان يتم مع العلوج وأعلجه ههه

وهــذا اللي بو ربع

http://www.qatarw.com/3ashega/018.jpg

ذكريــــــــات والله :a074:

تسلميـــن ع هـ الموضــوع العجيــب
اللي ذكرنـــا بالمــاضي العتيــــــــق :fa35:

http://oasis.bindubai.com/bin/upload...1201028869.gif

مشكووورة ع اضافتج طيروووه ...~
.
.

والله وذكرتيني بهالصور اللي حطيتيها ..

وأحلى شي الكاكاو بو ربع صدق يممممي ....~

.
.

اياااااااام والله يوم كنا نروح الدكان لوول..

استمتعت وانا اقرى ردودكم :)

ومشكوره رمش الغلا ع الموضوع الحلو

اوييييه بضايعكم امغبره
لين احينه فيه هالسوالف

.
.
.
هيهيه خاطر في لبن مثلج
والا صفاااااااا جوزس
.
.
.
بس تجرون ذكرتوني اب موضوع كنا عارضينه اهنيه بعنوان دكان الفريج
فأخليكم مع ذكريات اعضاء واحات بن دبي القدامى في دكان الفريج
http://oasis.bindubai.com/bin/showthread.php?t=19330
.
.
رمش الغلا .. وكان لموضوعج طعم جميل
هيههيه عيبوني الصور والذكريات
صدق مااال اوللللللللللل
تحياتي / الشوق

:
.

ههههههههه ..

الله يسامحكم .. خصـــه أخوي الزرعوني ههه ..
وأونه بالفصحه بعد لول ..

والله إنكم :fa46: .. !

بس جنه بعض الناس مسحو ردهم :mf_leia: ..
انا شفت الاقتباس بو 3 سطور وجي ضحكت لول ..

بس صدق إن الموضوع يخليك :hysterical: من الخـــــــــــاااااطر !

وينها اختي إيه أحبك .. خلها تشوف بلاويكم :hysterical: ..

:
.

عن السيــاكل ..
فمــــــــووول ولا مره بحياتي ركبت سيكل ..
ولا شرولي سيكل ولا بغيتهم يشترولي حتى ..

أخاف أطيح :tongue: ..

بس وايد كنت أسير الدكان ..

طبعا بكل فريج دكان اللهم لا حسد ،،
بس هذا اللي صوب بيتنا طبعا غيــــــر لول ..

كنت "ولازلت" أحب أشترلي هالمثلجات الملونه ،،
خاصه اللي بنكهة التوت + لبن مثلج ..

وووو ما أذكر الأسامي للأسف ،،
بس لاحظت شغلات غريبة بالطرح ..

يمكن هذول من اللي جيلهم أقدم لول :birgits_giggle: ..

بس أحب هالحلاوة الملونه اللي فيها الموز وجي ..
وحتى هاك العلج الحــــــــــاااامض ^____^ ..

ووواااايد بلاوي ثانيه ..

:

اممم ..

في شغلات لازلنا نلقاهم بالجمعيات ..
وفي شغلات للأسف عـ كثر ما أدور لكن ما ألقى .. . !

وووو كملو كملو ..

تراني ماشبعت من الابتسام ^_^ ..

:
.

.

دمتهم بطيب الطرح ونقـــاءها من ذكريات ..

كما لا هنتو أبـــد على هيك موضوع ..

وموفقين دائما // ورده ~

:
.

ذكروتنا بالذي مضى ..

أحيد قبل كانت الحياة حلوة..نطلب من الدكان ليل نهار و نخليه ع الحساب..وابوي طبعاً يبتلش آخر شي:pullhair:..
امم انا كنت اكثر شي اتصل في الدكان واييبلنا ..بس مرة انا واختي ما عيبنا الوضع و قلنا بنسوي مغامرات :birgits_giggle:و قررنا نطلع بعد الظهر يوم خلق الله رقود و نسير الدكان اللي في الفريج الثاني ، لانه عنده لبان دوم نشوفه بيد وحدة من بنات الفريج الثاني....ها اللي يشبه المعجون و ريحته حلوة..وانا طبعاً زايغة طول الوقت واقولها خلينا نرجع خلاص.. وهي اختي ما شا الله عليها لا تزيغ ولا شي.. وو سرنا و ردينا بسرعة ولا منشاف ولا من دري :look:..
.
.

.
أما عن السوالف اللي كنت احبها :
لبن اب مثلج وساعات لبن عيران شتورة المثلج> ها كانوا يبيعونه بس في الدكان اللي في فريج قوم خالي ..
و هيه بعد كنت احب ها الكاكاو اللي حطته طير الغرام > كنت احب اخلط الابيض والاسود و عقب اكله ..
وهيه شي كاكاو هوبي البنفسجي .. ها عاد كنا نحب ناكله وهو ذايب.. كنا نحطه برع في الحوش في الشمس و عقب ناكله :fa37:
http://www.lakii.com/img/all/Dec07/1yrOCq12021606.jpg

وبعد شي بفك أصفر صغيير مرسوم عليه دقوس..

وهيه شو بعد..بفك بلشرف.. بس ها عاد لو كثرت منه على طول تسمم ..و ما نتوب ناكله مرة ثانية بعد لول

صدق اتولهت على هاييج االايام ، واستانست يوم سرنا انا و ابوي صوب فريجنا السنة اللي طافت ، و طلبنا من نفس الدكان، يحليله راعي الدكان طلع بعده يعرفني .. جان يزقرني باسمي :fa51:و انا في خاطري ..وييه ها بعده يذكرني!...

..
.

موضوع ممتع ، و استمتعت بمغامرات الأعضاء .. صدق طفولتنا كانت حلوة :)
موفقين يا قروب ألوان :)
.
.

خيال الحب ...~

شكرا ع زيارتك وتعقيبك ع موضوع قروبنا
:fa47: ..~

سكـــون ..~

حلو نك نيمج اليديد ..:fa35:

ذكرتيني بالمثلج ... من فترة كنت سايرة السوق وجان أخطف عالدكان وحصلت عندها هالمثلجات الملونة

أحبهااااا وااااااااااااايد ..:fa46:

مع إنه أحس كلها ماي ماشي طعم ... بس بعد يعيبني هع:icecream: ..~.
أشكرج عإضافتج المميزة ع موضوعنا ..~

عافك الخاطر ..

أحلى شي عاد سيرات الدكان الظهر يوم الكل رااقد هع ..~

والحساب اللي ما يخلص لوووول !!
.
.

أحيييييييده البفك الصغير اللي عليهـ دقّوس يمممييي :fa46:..~

:inlove:

بنت ألوان ..

رمــش الغــلا

الدكـان.. هههههههههه! ذكريـات

انا يوم كنت صغيـره كنت وايد خياليه.. احب العرايس وجي! يعني مرات انا أم العروسه ومرات أنا أبلتها.. فـ يابولي سيكل بنوتي. هاللي فييه كرسيي ورا حق العرايس وطبعا عروستيي لازم ايلسها عليه:k_harhar1: لا بعد احيد شاريه السيكل من تويز آر آسس


ويا اليوم الى امي وابويه مب في البيت.. وليـــن الحين عنا نفس قوطي ينحط في الصاله نحط في دراهم ولا خمس ولا عشر .. يعني بيزات مال اي كلام!.. وعاد.. كل الدراهم خلصوو.. مب عشان الدكان.. عشان تعلمنا انه في شي اسمه باص المخبز هاللي يحوط في الفريج:k_harhar1: مالت عليه مول مايي صوب بيتنا!

المهـــم

من آخر سيره للدكان شفت مكينة خياطه عيبتني.. تعرفون هالمكينه مال يهال بو 15 درهم:k_harhar1: ماتذكر منوو بس وحده من ربيعاتي كانت في بيتنا.. وانا كنت ابا اتفلسف عليها اوني اعرف اخييط.. يلست ادور بيزات.. آآآآخر شي حصلت بيزات عماني!! كيف ماعرف؟ فـ شليت بيزات عمان ويايه وشليت ربيعتي والبشكاره وسرنا الدكان (والدريول دوم يعصب انه مانسيـر هالدكان لانه ايراني وغشاش عشان يبيع الجبس الى بنص بـ ريال:wow:) فـ سرت وخذت المكينه وراويته البيزات.. وهو جي يطالعني:shocked: وانا واثقه من عمري بسويله بزنس وايد عندي بيزات:k_harhar1: آخر شي خلاني اخذ كم من جبس وحلاوه بعد:k_harhar1: الله يعين البيزات كم كان!



الاكلاااااات الى كنت احبها
هاللبان الحاااااااامض اسمه shock اظني
وجبس صحار < مادري كيف كان يعيبني
وهالحلاوه على شكل برغر صغير < بعد مادري كيف كان يعيبني
وآيس كريم توت بـ نص
وجوكي وجوكي.. وصلب البسكوت الى فيه جوكلت في كرتون احمر
وعصير اريج برتقال
ومممممممممممممممممممممم هيه جبس نفس بفك بس اصغررر لكن كيس الجبس كبيير واحيد يبيعونه بـ نص بعد

وشكرا على الموضوع! حبيته وايد وايد :)

شمعة امل


انا بعد شراتج كنت احب اسكريم توت بو نص يمييييييييييي ..~
بس اريج توت يعيبتي اكثر عن برتقال [ لول ]
وعرفت البفك اللي تطرينه جي كبييييييييييييييييييير كنت أحب آكله ويا اللبن ...
بس بطني يعورني عقب >_<

تسلمين حبيبتي عالمشاااركة

:inlove:

بنت ألوان ..

رمــش الغــلا