رؤى: يوم في حياة سائح [ البرتغال ]
~ السلام عليكم ورحمة الله وبركاته ~
رؤى: يوم في حياة سائح [ البرتغال]
~ جزيرة ماديرا~
مرحبـاً بكـم في مدونتي الخاصه لـدى رحلتي لـ جزيرة ماديرا، البرتغال.
http://oasis.bindubai.com/bin/upload...1217790644.gif
نبذه ~
جزيرة ماديرا المعروفه بـ لؤلؤة المحيط الأطلسي، جزيره جبليـه مرتفعه، تابعه للبرتغال وتقع في شمال غربي أفريقيا وعاصمتها [فونشال]. يبلغ سكان ماديرا حوالي 250,000 نسمة، ومعظم سكانها (90%) كاثوليك، في الجزيره عدة كنائس و كل كنيسه يبدأ اسمها بـسان، مثلاً سان باتريك، جوسف، مارتن.
جو الجزيره معتدل نوعاً ما حول السنه، و نظيف جداً فالتلوث هناك قليل لذلك من المعروف ان سكان جزيره ماديرا يعيشون عشريـن سنه أكثر عن سكان أي دوله. كذلك، لايوجد فيها حيوانات خطره كالعنكبوت والثعابيـن. (بس فيها مليون طيطار لول)
تعتمد الجزيره على السياحه فهي تشكل معظم استثمارات و ارباح الجزيرة ، أما الزراعه فتمثل 2% من الدخل. سابقاً كانت الجزيره مشهورة بزراعه قصب السكر أما الآن فهي تزرع الموز . و لكن موز ماديرا يمنع بيعه في أوروبا و بالاخص الدول التابعه للاتحاد الاوروبي (لأنه موزهم قصـير ولازم يكون أطول اذا يبون يبيعونه في أوروبا).
و تشتهر أيضاً جزيره ماديرا بخمرها المعروف بخمر ماديرا الذي يلقى اقبالاً كبيراً في الصين و الولايات المتحدة . و تتولى عائلة بلانديز البريطانيه- أشهر عوائل الجزيره - صناعه خمر الماديرا . وفي يوم ميلاد سان باتريك في نوفمبر يحتفل أهالي الجزيره بطريقتهم الخاصه و ذلك بفتح براميل الخمر و تذوقه.
http://oasis.bindubai.com/bin/upload...1218228212.jpg
اللغات المستعمله في الجزيره: اللغه البرتغاليه، اللغه الانجليزيه، اللغه الألمانيه، اللغه الفرنسيـه < وذلك بسبب كثرة السياح البريطانيين والألمان والفرنسيين
العمله المستعمله: اليورو
الأكلات المحليـه والخاصه لـ جزيرة ماديرا هي:
Espada اشبادا، سمجه سوده وقبيحة الشكل! .. تنأكل كـ فيليه مقلايه مع [موز] مقلاي
http://oasis.bindubai.com/bin/upload...1217972173.jpg
Espetada اشبتادا، لحم على صيخ من شجره خاصه، مب صيخ حديد، وهي طريقه خاصه لـ طبخ هاللحم.. وينأكل مع البطاط المقلي أو الـ baked potato
http://oasis.bindubai.com/bin/upload...1218232855.jpg
دليل الفنادق
فنادق خمس نجوم
Reids Palace Hotel
http://oasis.bindubai.com/bin/upload...1218228212.jpg
السعر: يبدا بـ 333 يورو للليله مع الفطور
للحجز: http://www.reidspalace.com/web/omad/reids_palace.jsp
رأي شخصي ~
فندق ريدز أرقى فندق في الجزيره، كانت تملكه عائله بريطانيه سابقاً، الفندق يحسسكم انكم عايشين في بريطانيا قبل 100 سنه او أكثر من ناحية المفروشات.. فـ مب مناسب للناس الى يحبون الفنادق المودرن. من ناحية الخدمات فـ السفرس حلوو وحجرهم نظيفه وشي مطاعم مختلفه وسبا، وحلو للاطفال لانه شي احواض وحوض خاص عند البحر بماء البحر وسبا وملعب تنس.
CS Madeira Atlantic Resort and Sea Spa
السعر: 109 يورو لليله مع الفطور
للحجز: www.csmadeiraatlanticresort.com
فندق أربع نجوم
quinta de penha de franca
السعر: 85 يورو لليله
للحجز: www.penhafranca.com
همـسة: الموضوع لا ينتهي الا عند إنتهاء الرحله..!
برعايـة~
رؤى
http://oasis.bindubai.com/bin/upload...1218228212.gif
رد: رؤى: يوم في حياة سائح [ البرتغال ]
اليوم الأول
بما انه نحن في لندن، بريطانيـا؛ اظطرينا نسافر من مطار لندن غاتويك ومب هيثـرو، لانه المطار الوحيد الى يودي لهالجزيـره. واستغرقت الرحله تقريباً ساعه وربع بالسيـاره من نايتسبردج لـ مطار لندن غاتويك.
http://oasis.bindubai.com/bin/upload...1218231283.jpg
وعشان نوصل الجزيره استخدمنا طيران البرتغال المعروفه بـ TAP Portugal
http://www.flightsciences.com/templa...Portugal_F.jpg
وموعد اقلاع الطيـاره من مطار غاتويك الساعه 4:25 العصـر، وتوصل الطيـاره الساعه 8:10 مساءاً (وماشي فرق في التوقيـت بين بريطانيا والجزيره :)
بأمكانكم تحجزون من هالموقع:
http://www.flytap.com/Portugal/en/Homepage/
الطياره فيها درجتيـن وهم درجة رجال الأعمال والسياحيـه، لكن بكل صدق وصراحه (ماشي فرق!). الفرق انه الطياره كلها في ثلاث كراسي على كل صوب بس يوم تكونون في درجة رجال الأعمـال الكرسي الى في النص يكون فاضي ف ترومون تحطون شنطكم عليه، لكن ماشي مساحه بين الكراسي والمكان ضييج!! وماشي تلفزيونـات. (نصيحه من بنـت لـ بنات ترسووو شنطتكم جبس وحلاوه ومجلات:4: )، من كثـر الملل على الطياره رقدت! ويلسو يصوروني وانا راقده:4: ويوم نشيت يعت (مع انه كانو يقدمون وجبه على الطياره بس نحن ماناكل اكل طياره :s ) يلسنا نحن البنات نقّسم كتكات بينا! بنت عمي كلت صبعين واختي الصغيره واحد وانا واختي الكبيره نص >_<
صور طريفه من الرحله:
http://oasis.bindubai.com/bin/upload...1218231283.jpg
http://oasis.bindubai.com/bin/upload...1218231283.jpg
http://oasis.bindubai.com/bin/upload...1218231553.jpg
وصلنا هناك المساا، والحلو انه المطار فااااااااااااااااااااضييي ييي!!! ومن ركبنـا السياره ولا يوصلنا اتصال من ربيع أبويه الروسي عازمنا على عشا:wacko: في هاللحظه يلسنا نحن البنات نتحرطم ليييييش لاء تونا وصلنا نبا رووم سيرفس، بس الصراحه العشاااا كان كشخه جنه فلم كوميدي:biggrin:
دايماً أبويه يقولنـا كيف ربيعه هذا بالذات وايد خقاق بس في نفس الوقت جبااان! فـ قبل لانسيـر العشا خبرت بنت عمي! أقوللها هااا اتحملي هاايل خبايل على خقاقين على جبانين على X مافيا
من زمان ماضحكنا هالكثثثثثثثثثثثثثثثثثثثثث ثثثر:4: والمشكله الانجليزي ماله مب لهناكـ وهو من الصبح يقول انا كنت ألحق السفينه وانا بنت عمي من الصبح نتحراه يقول انا ألحق العنز:hysterical:
وسكنا في فندق الريدز بالاس (المعلومات موجوده فوق)، كان غريب شويه في البدايه! لانه الفندق كان أصغر ويوم كبرووه حطو قسم يديد فـ عشان نسيـر حجرتنا لازم نمشي من الرسبـشن عقب ننزل طابق من الدري عقب نسيـر يسار عقب نمشي زياده للسكشن الثاني عقب ناخذ اللفت وننزل تحت!! سـالفه طويله يعني! بس اذا بتسيرون هناك قولولهم تبون حجره في القسـم اليديد لانه المنظر من القسم اليديد روعه!!
ونسيت أقول، ياخذ تقريبا 20 دقيقه من المطار للـ فندق
برعايـة~
رؤى
http://oasis.bindubai.com/bin/upload...1218228212.gif
رد: رؤى: يوم في حياة سائح [ البرتغال ]
حلووو .. أحب المواضيع اللي مثل هذا ، خاصة اذا كان الموضوع عن أماكن يديدة ...
بانتظــار الباقي ، وأكيييد متابعييين وبشغف لمعرفة المزيد خخ
وتسلم يديــج يا شمعة أمل ، الموضوع جميل ومرتب بالشكل والمضمون !!!
رد: رؤى: يوم في حياة سائح [ البرتغال ]
رد: رؤى: يوم في حياة سائح [ البرتغال ]
:
.
السلام عليكم ورحمة الله وبركاته ..
ما شاء الله ..
حسستيني بـ إني خذت جولة لـ يوم ورديت البلاد .. . !
:
حبيت الفكرة وأسلوبج بتناول الموضوع ..
يعني لا هو حش للمعلومات ولا هو يوميات ..
دمج مثل ما يقولون باسلوب خفيف ،، محبب =)
+ حبيت ارفاق الموضوع بالصور فيما عدا أكلاتهم المحلية لول ..
الصراحـــه ينفع للي حاب يخفف وزنه .. بتلوع جبده :tongue: ..
:
أكثر ما يثير بالطرح إنه من وجهة نظر اخت لنا بالواحات ..
يعني نحـــس بالأمان ونحن نستلم المعلومات لول ><" !
بس فعلا من غير مجامله اختي ،،
حبيت الطرح والفكره كذلك جدا ^_^ ..
لا هنتو على هيك أفكار ..
ودامت أيامكم بـ عذوبة قطر المـــاء ~
:
امتناني ..
اختكم المافيويـــه =)
:
.
رد: رؤى: يوم في حياة سائح [ البرتغال ]
رد: رؤى: يوم في حياة سائح [ البرتغال ]
موضوعج حلو " شمعه أمل "
والأحلى انه في دليل لكل شي ~ !* . .
الرحله كانت ممتعه ، بإنتظار تكملتج ~ !* . .
رد: رؤى: يوم في حياة سائح [ البرتغال ]
رد: رؤى: يوم في حياة سائح [ البرتغال ]
أنامل قلب
وعليكم السلام ورحمة الله وبركاته
اسعدتيني بوجودج وافرحتيني لانه الموضوع نال على اعجابج:wink:
رمش الغلا
عيونج الأحلى سويتي، تسلمين
مهابه
تسلميـن، ومشكوره على المتابعه مهابه:k_smile2:
طير الغرام
مشكوره اختي على الرد والمتابعه :)
ترقبـو اليوم الثاني... باجر!
رد: رؤى: يوم في حياة سائح [ البرتغال ]
الله كشخة الصراحة وانجوي شمعة وأول فندق حلو .. عيبني المكان وفي خاطري ازوره
الله يحفظكم
ومشكورة على التقرير
رد: رؤى: يوم في حياة سائح [ البرتغال ]
رد: رؤى: يوم في حياة سائح [ البرتغال ]
الرده كان عذااااااااب لانه مشونا ليـن الفندق .. حست عمري امش على ماونت ايفيرست >_<
عقب هالمشي انتهيناااااا.. وعلى المغرب وصلتنا دعوة عشا مره ثانيه.. بس نحن البنات ماطعنا نسيـر.. اونه بناخذ روم سيرفس..
نصيـحه: سيروو المطاعم في الفندق .. لانه الروم سيرفس مب شي..p;
برعايـة~
رؤى
http://oasis.bindubai.com/bin/upload...1218228212.gif
رد: رؤى: يوم في حياة سائح [ البرتغال ]
شمعة أمل
واااايددد عيبني موضوعج :inlove:
ماشاء الله كتبتي عن كل شي قريته كله
احس هالجزيره وايد مال إسترخاء جي مافيها حشره .. وعيبني الفندق احس حلو من داخل
ههههه :birgits_giggle: ضحكت عليج فالتلفريك
عيل انا في سويسرا ركبت هالتلفريك المفتوح اللي جي نفس مريحانه
ولاااااااا .. لو خوزتي ريلج عن هالمكان اللي تحطينها عليه تحت عادي ترفعين الحديده :k_puppyeyes:
وتتبطل من جدامج وتطيحين تحت لووووول يعني بس ريولنا اللي تكون ميودتنه
الله لا يراويج تحت :fa54: لوووول
:a074:
تسلم ايدج ع الموضوع والصور الحلوه
ونتريا موضوع الورد 3>
.
.
.
رد: رؤى: يوم في حياة سائح [ البرتغال ]
تدرين شمعة ! اليوم في الدوام فاتح السايت على الفنادق وأشوف المنتجعات من بلاد لبلاد، اونه
ربعي المزوحي شو ياك ؟؟؟؟ :k_shock_1: عقب قلت لهم انتوا اسكتوا .. ابغي اسافر ... سكتوا
وتموا ويايه يتطالعون الفنادق ( مع تعليقات جانبيه ) :4:
شمعة أمل شكرا لج على الصور ونحن متابعين وياج :a042:
رد: رؤى: يوم في حياة سائح [ البرتغال ]
اليـاه
هيييه ركبت هالنوع في لـبناان!!! بس تدرين مايخوف قد هذا.. لانه كله ثلج تحت ف حسيـت انه اذا التلفريك طاح وانكسـر مابمووت p; وافضله مليون مره على سكييييينغ p;
miss u:fa41:
المزوحي
لووول!! بتسـتانس هناك اكثـر لانك ريال.. تروم تسوي وايد اشياء
http://oasis.bindubai.com/bin/upload...1218048322.jpg
رد: رؤى: يوم في حياة سائح [ البرتغال ]
موضوع جميل ورائع ..
طرحج للسياحه يخلي الواحد يكمل في سياحته وكانه هو اللي سافر
.
.
تقريبا نفس فكرة موضوعنا ..
بس راح يكون في اختلافات
واترقبونا
مميزه يالغاليه
تحياتي : بنت زايد
الشوق
رد: رؤى: يوم في حياة سائح [ البرتغال ]
الشوق
مشكوره الغاليه، فرحتيني بردج على موضوعي:fa41:
رد: رؤى: يوم في حياة سائح [ البرتغال ]
تـرّقبو الـيوم الثالث بـ 30-08-08
وسـامحوني على التأخيـر
رد: رؤى: يوم في حياة سائح [ البرتغال ]
رد: رؤى: يوم في حياة سائح [ البرتغال ]
ترقبـوا اليوم الرابع ~ رحلة الهليكوبـتر
برعايـة~
رؤى
http://oasis.bindubai.com/bin/upload...1218228212.gif
رد: رؤى: يوم في حياة سائح [ البرتغال ]
اقتباس:
المشاركة الأصلية كتبت بواسطة بنت ناس و عرب
مسموحه و ننتظر الجزء ٣
:wink:
رد: رؤى: يوم في حياة سائح [ البرتغال ]
:fa47:ياسلام عليج يا شمعة امل:fa47:
تنفعين تكونين مذيعه و مألفه:fa47:
كشخه والله.. عيشتيناا الجو:fa42:
هالمواضيع انا احب اخزنها عندي في الوورد.. يمكن الواحد عقب لو يبغي يسافر يستفيد منها
تسلم ايدج وبانتظار الجزء الرابع^___^
بس لاتتاخرين:d014:
بس كشخه الطيطار هههههه مصورتنه صورتين بعد:k_harhar1:
رد: رؤى: يوم في حياة سائح [ البرتغال ]
اولا حمدلله على السلامه
وربي يعطيج العافيه على هالموضوع الرائع !:heart:
تسلمين على هالتقرير الرائع و المفصل للجزيره .......
الصراحع عيشتينا الجووو .. و ونستينا وياج :icecream:
يالله شدي حيلج و وكملي باجي التقرير :11:
يوم شفت "البرتغال" :love:بطلت عيني و شقيت حلجي :biggrin:
( لانه شايفه جزيره تابعه للبرتعال ) واشوف انها جزيره خياليه غير عن كل الجزر الي شفتها من ناحيه الطبيعه خاصه البحيرات )
ونخطط انه انروح لها .. ف شهر 3 بس لحينه مب محصلين :a058: مكتب عنده رحلات للبرتغال وعنده خلفيها عن الجزر التابعه) ولا نعرف شو الجو بيكون في هالفتره ><
انا مجهزه تقرير روحي لوووووووول ... و لحينه ولانه ماشي طيران دايركت ل البرتغال ... للي عرفته احينه الاقرب من تركيا و المغرب
(و الجزر طبعا طيران الداخلي للبرتغال) >< و جاري البحث ادعيلنا :k_blush-anim-cl:
^
داشه عرض لاه :birgits_giggle:
لا تنسين في نهاية الموضوع تذكرين لنا
* التخطيط للسفر + الرحله بشكل مختصر ( بدايه من مدار كذا الى ... ) الطيران - كيفية الحجز من المطار الدخلي في البرتغال -
( عدد الساعات من الى )
* تقيمج للجزيره ( من كل النواحي - الفنادق - الطبيعه - الطعام - الاسعار - الخ...)
* اهم المعالم في الجزيره ( التي تستحق الزياره والتي لا تستحق )
* الايجابيات - السلبيات
* اخرى .....
عشان الموضوع يكون متكامل و يكون فيه فايده للجميع ( للي حاب يزور هالجزيره )
والسموحه منج :a010:
