.:. ]|[ يوم الإثنين 28-7 ]|[ .:.

http://oasis.bindubai.com/bin/upload...1201028869.gif

يوم الاثنين 28-7-2008

كان يوم عادي حاله كـ حال باقي الأيام ( كنا أنا وخواتي فـ المول نتشرى للدوامات ) ، فجأه يانا إتصال من خالتيه غيـّرلنا مسار هـ اليوم
"يدتكم تعبانه وااايد وانتوا فـ المول!! الدكتور يقول خلوا عيالها ايوون ويسلمون عليها" ، فـ ذيج الساعه ما عرفنا شو انسوي بسرعه
بسرعه ظهرنا من المول وختيه كانت تسرع وتتجاوز ، كانت سيرة المستشفى جزء من روتين حياتنا اليومي وماحطينا فـ بالنا انه
هالسيره بيكون وراها شي !

وصلنا المستشفى ، دخلنا بسرعه ، سرنا العنبر اللي فيه يدتيه ، وعند الباب (يدتيه " أم أمايه" وأمايه وأخويه وبنت عمتيه وولد عمتيه وأبويه وولد عمي)
وعمتيه كانت داخل عند يدتيه ، النظرات ماكانت اتبشر بالخير ، لحظات كانت فتره تواجدنا وفجأه أعلنوا عن حالة طواري فـ الغرفه الفلانيه ، وأنا وبـحاله تنعدم
فيها الحاسيه والتفكير ومع تكرار رقم الغرفه ( هذي مب جنها حجرة يدتيه ! ) ، ماوعينـا إلا بـ ( الدكاتره والممرضين )
يحدرون بسرعه ( غرفة يدتيه ) ووراهم ( أخويه وولد عمتيه ) ، ماعرفت شو أسوي أو كيف أتصرف ، سبقتني دموعي فـ التعبير ومع تزايد
عدد ( الدكاتره ) تزايدت دموعي فـ الانهمار ، دقايق معدوده كانت فترة تواجدهم داخل عند يدتيه وبعدين بدوا يظهرون واحد ورا
الثاني ، شو استوا داخل ! ( سؤال تراود فـ أذهاننا جميعاً ) ، لحظه صمت " شو يستوي داخل الحينه ؟! "
وبدافع من الفضول ( من اختيه الصغيره ) فتحت الباب طاحت عينها ع ( عمتيه وكانت اتصيح وتلوي ع أخويه ) شو السالفه شو صار ( صدت الصوب الثاني )
وجافت ولد عمتيه ( يغطي ويه يدتيه بـ الفراش ) تلتها صرخه ألم " ماااااااااااااااااااااااا اااااتت " واهنيه تعالت صرخات البكاء والحزن
ومع تزايد الصرخات تزايدت معاها نظرات الشفقه والأسى لحالنـا من المتواجدين فـ المستشفى

عمتيه كانت أكثرنـا صدمه ( أميه نشي نشي أدريبج حيه نشي ما أباهم يدفنونج وإنتي حيه !! نشي نشي )

الصياح مابيفيد ، هيه سدتكم وسدت اعيالكم واعيال اعيالكم ، والوالدين حتى لو ماتوا بيتمون حيّين فـ القلب " جمل كلها حكم اتريح الواحد قالها ولد عمتيه "

يدتيه اللي غمرت بحنانها وطيبتها وكرمها كل من يعرفها
يدتيه اللي ما أتخيل هـ الحياه دونها ،، رااااااحت

أبا حد يجذبني
أبا حد يقولي لا هالشي مب صح هالشي ماصار

ياليت والله ياليت

ما ودي أطوي ذكرياتنا معاها
سوالفها معانا ،، مادوي أطويها فـ صفحة الماضي !!

ماعور قلبي غير جمله قالها أبويه "ماتت الحرمه اللي كانت اتحبني"
وفـ نفس الوقت مافرح قلبي غير جمله قالوها عقب ماغسلوا يدتيه وشلوها " ماشاءالله عليها خفيفه وويهها منور "

انا أدري الموت حق
انا أدري الموت ما يعرف صغير ولا كبير
انا أدري الموت مكتوب علينا كلنا
أنا أدري هاي سنة الحياه
أنا أدري
أنــــــــا أدري
والله أنا أدري

وأنا أدري بعد إنه ما بيدي شي أسويه

بس والله شعور صعب صعب
صعب انه نتقبله

" وعسى أن تكرهوا شيئاً وهو خيرُ لكم "

ما بيدي غير إني أدعي ربي

اللهم اجعل قبر "يدتيه حمده" روضه من رياض الجنه، ولاتجعله حفره من حفر النار،،
اللهم أعذها من عذاب القبر، واملأ قبرها بالرضا والنور والفسحه ،،
اللهم يمـّـن كتابها ويسر حسابها وثقل بالحسنات ميزانها وثبت على الصراط أقدامها
وأسكنها في أعلى الجنات بجوار حبيبك ومصطفاك (صلى الله عليه وسلم)
اللهم نتوسل بك إليك ونقسم بك عليك أن ترحم "يدتيه حمده" ولاتعذبها،،

اللهم آميــــــــــــــن

:

http://oasis.bindubai.com/bin/upload...1201028869.gif

الله يرحمها ويغفر لها يارب ..
والله يصبركم يا طير ..
.
.

حسيت اني كنت وياكم :(
الله يرحمها برحمته ويسكنها فسيح جناتـه .. ماشي بيدج غير انج تدعين لها بالرحمه والمغفره
والله يصبر قلوبكم ..

~ هذي سنه الحياه . .

سبحان الله يمكن الموت كان أحسن لها من انها تتعذب مع المرض . .


كلنا راح نروح في هذا الدرب


ماراح يفـيد الصيآح ، ولا راح يفيد الكلام . .


غير الدعاء مابتتريـا منكم شي


أدعـولها


الله يرحمها ويغفر لها


ويصبركم على فـراقها . .



عـظم الله أجرج طير الغرام



واللي خَلف مامات . .

لا حـول ولا قـوة الا باللـــه


محـد بيــدوم يا اختـي ... هم السابقون ونحن اللاحقـــــون


الله يرحمهـا ويرحمنـا جميعـا برحمــتــه


والله يصبــــــــركــــم يارب ... إن شاء الله خاتمة الأحزان !

لا حول ولا قوه الا بالله العـلي العظيـم
اللهـم اجعل قبرها روضـه من رياض الجنـه يا أرحـم الراحمين ..
اللهـم ثبتهــا عند السـؤال .. اللهم اعذها من عذاب القبر ..
اللهم آمين

أحسن الله عزاكم اختيه طير وعظم الله أجرج
شعور صعب =(

دمعتي عيونا يا طير

ربي يرحمها ان شاء الله ويرزقها الجنه

والله صدمني الخبر وايد ,,

اقتباس:

---

المشاركة الأصلية كتبت بواسطة مجموعة إنسان

دمعتي عيونا يا طير

ربي يرحمها ان شاء الله ويرزقها الجنه

والله صدمني الخبر وايد ,,

---

ماعندي شي أقوله غير الدعاء ..
وربي يصبركم يا طير .. .

.... .

الله يرحمها ويجعل قبرها روضا من رياض الجنه

احسن الله عزاج اختيه وربي يصبركم

:

ما أقدر أيود دموووعي ..
والله أمس عبااالي ~ .. .!*

الله يرحمهــآآ يارب ويغمد رووحهااا الجنه ،
عظم الله أجرج ..

،
.
.

الله يرحمها .. ان شاء الله
البقاء والدوام لله ان شاء الله

الله يرحمها و يغفر لها ويسكنها فسيح جنااااااااااته =(

الله يصبّركم على فراقها ...

الله يرحمها،، أحسن الله عزاكم اختيه

اللهـم اجعل قبرها روضـه من رياض الجنـه يا أرحـم الراحمين ..
اللهـم ثبتهــا عند السـؤال .. اللهم اعذها من عذاب القبر ..
اللهم آمين



~ اللهـ يرحمها ويغمّد روحها الجنة ~

عظم الله أجرج أختي طير ..~

اقتباس:

---

بس والله شعور صعب صعب
صعب انه نتقبله

---

ربي يرحمها و يصبركم على مصابكم
قلوبنا معك عزيزتي

.
.

الله يرحمها ويغفرلها ويغمد روحها الجنه..

احسن الله عزاج اختي

والله يرحمها ان شاء الله

لا حول ولا قوة الا بالله

والله انه القلب يحزن ويتقطع على فراق الاحباب
لكنها سنة الحياة ... وإلي بينفعها عملها الصالح بإذن لله
وإلي بيتم خالد فيكم ذكراها الطيبة الي ما بتسونها طول عمركم
ادعو لها بالرحمة والمغفرة والثبات عند السؤال ...

وربي يجمعكم وإياها في جنة الفردوس الأعلى

والله صدمني الخبر .. وأحزني الكلام إلي سطرتيه
ربي يكون فـ عونكم وفـ عون كل من فقد غالي وعزيز على قلبه ..

يوم أحدر هـ الموضوع قلبي يعورني ازياده
ما أقدر أرد عليكم =(

الله يرحمج يايدتيه الله يرحمج برحمته يالغاليه الله يرحمج

احسن الله عزاج اختي وربي يصبركم على فراقها

اللهـم اجعل قبرها روضـه من رياض الجنـه يا أرحـم الراحمين ..
اللهـم ثبتهــا عند السـؤال .. اللهم اعذها من عذاب القبر ..
اللهم آمين

لا حول ولا قوة إلا بالله ..
الله يغفرلها ويصبركم..

الله يرحمها ويصبركم على فراقها

http://oasis.bindubai.com/bin/upload...1201028869.gif


" البقاء والدوام لله "

ردودكــم اتريّـــح البــال
والحمدالله ع كـل حـال


http://oasis.bindubai.com/bin/upload...1201028869.gif

الله يرحمها برحمته ويغفر لها
عظم الله أجركم ختيه...

الله يرحمها

عظم الله أجركم وأحسن الله عزاكم

إنا لله وإنا إليه راجعون

الله يرحمها برحمته ويغفر لها ..

تذكرت شي،، واحد من ربعي قال لي كلام .. عن أبوه الله يرحمه .. وبعد وفاته كيف ربيعي كان تعبان ...

قال : ليش يطول الحزن دام إني في يوم بكون في هالمكان ...

الله يرحمها و يغفر لها و يغمد روحها الجنة


و يباعد بينها و بين خطاياها مثل ما بعد بين المشرق و المغرب



و يثبتها يوم العرض الاكبر يوم لا ينفع لا مال و لا بنون الا من اتى الله بقلب سليم



الله يرحمها و يرحمنا برحمته الواسعة


الله يعينكم على مبتلاكم


انا لله و انا اليه راجعون

الله يرحمها برحمته ويتجاوز عنهاااا
الله يصبـركم يـا طيـر
/

كــل من عليهــا فاان ..


الله يرحمــهــا برحمــته الواسعــة

:'( الله يرحمها ...

عشت بيوم نفس التجربة ،، أحداث ذاكرتي ترفض الاحتفاظ فيها وتتناساها متعمدة ..

ربي يرحمها و يغمد روحها الجنه .. وربي يصبر أهلها و يلهمهم السلوان ،،


اعذري تأخري .. في حضرة الموت حتى الأبجدية تختلف ..