غرفت

السلام عليكم والرحمه

http://tn3-2.deviantart.com/fs14/300...larafairie.jpg



إحساس .. يمرني وايد هـ الفتره
اذرف دمعتي لـ أتفه الأسباب
ما اقدر اسيطر على مشاعري & عواطفي

لو شفت فيلم لو تذكرت موقف & حتى لو مع ربعي وحسيت دمعتي بـ تنزل
قمت عنهم بـ سرعه عسب لا احد يلاحظ

حتى في هـ اللحظة وانا اكتب .. بـ الرغم من اني مع أغلى ناسي في الوجود
أحس انه العبره تحنقني ..

دمعتي تنزل وما لها أي أثر .. ولا يتغير شي من حولي .
أحس اني غرقت في بحر .. وصلت لـ أبعد أعماقه
ملوحته تحرق عيني ...
ولي ذرفت دموعي .. ما لها اي وجود
ما احس بها على خدي .. لانها تختلط في بحره قبل لا توصل
وتختفي ...

----
-----------
----


إحساس صعب .. لو تذرف دموعك
ما تشوفها .. ما تقدر تحسها ..
بـ بساطة .. متخوفه انها تصير فيني عاده & شي روتيني



----
-----------
----



على هـ الحال .. من سمعت طاري سفرنا

بـ كلمة وحده ][ خـــايفــه ][

لي عوده

انا رجعت ,,

ماعليج من ردي واايد ,, بس خذي اللي ممكن تستفيدين منه !!

انا بتكلم عن نفسي شوي ..
اذكر من فتره طويله مريت بمرحلة مشابهه .. كنت واايد اتضايق من اي شي
حتى في نفس الفتره قطعت الواحات شوي ,, لان ماكنت اعرف اتصرف مع تصرفاتي ومشاعري

بس الحين ما ازعل ولا اضايق ولا شي
(مستحييل هالشي دووم ,, بس يعني اذا اضايقت عندي خلطه سرية يروح عني الضيق )

حاولي تاخذين المواضيع كلها اللي بحياتج بجانب كوميدي
يعني مثلا الحين الليدر الشبه مالنا مستوي غلس بدرجه مب طبيعية
وبما اني انا اصغر واحد يحاول يثبت وجوده علي .. بس هيهاااااات وانا بو رؤى ,,

هذا المسكين تفاجئ فيني لما شافني ما استحي ولسااني طوييل
بس شو الحلو في الموضوع
ان لما الشباب الباقين يعصبون عليه وانا اكون معصب بس اخذ الموضوع بطريقة كوميدية
اقعد اضحك على السالفه وعلى الأسلوب وعلى كل شي
يعني اقلب الموضوع مصخره ,,

لا تحاولين تكونين سيريس واايد
ابتسمي واضحكي ,, ولا تزعلين روحج ,, في وايد اشياء احلى من الدموع
خذي الحياة رحلة او مسرحية
حولي المواقف اللي تتعرضيلها لشي يفرح
لا ادورين على الأشياء اللي تزعل
لان في النهاية محد يفتكر فيج اذا زعلتي اللا اللي قراب منج بدرجه كبيره


اشتري وناااستج واذا حد حاول يضايقج عطيييه بمطرقه ع مخه
لا تسوين سالفة لحد , خااااصه هذيل اللي يتفلسفون ويتغيلسوون لان ما وراهم غير عوار الراس

انا فيني طبع مب شي ,, ان لو ماحصلت حد اضحك عليه اضحك على عمري !! وهالشي مغير فيني شوي

مثل ما يقول عبدالرحمن جار الله (مذيع في اذاعة صوت الخليج ) في نهاية البرنامج
" لا تنسوا ابتسامتكم " ,,

عـذبه :

~ يمكن تـكون [ مده معينه ] فقـط ، نتيجة تجـربه مريـتي فيهآ


للأمانه أنا يتني فتره كنت شرآتج ، انا بطبيعتي حسآسه ، بس هالفتره خلتني أصيح عـ كل شي وعـلى أي شي


يعني عآدي فـ اليوم أصيح أكثر من مره ، ما اتحمل ولا كلمة من حد ~ !


وهالفـتره [ مـؤقـته ]


بـعدهآ راح تحسين انج انتي ~ " أقوى "


وماراح تصييحين عـلى أي شي ~ ! . .


وماراح يهزج أي شي ، بالعكس ! دمعتج بتكون صعبه


الضربه اللي ماتجتلك تـقويك ! . .


حآولي تتجنبين أي شي يضآيقج أو يزعلج ، ،،


وتأكدي بـ أن بقدر كل " دمعه " تذرفينهآ الحين ، راح تبتسمين ان شاء الله


بس خلج [ متفائله ] و قــنوعه ~

مجموعة إنسان = هواجيس مشتاق

قريت امس ردك ..
لكن عجزت ارد عليه هاك الوقت لاني صحت

والحينه دمعتي تحرق عيني ... لكنها ما انزلت

تعودت على الصياح
تصدق لو قلت لك ... انا ما ابى أضحك ...!!

لأني جربت الحزن وجربت الفرح
ولقيت الحزن أحسن
ليش ..؟

من تجاربي
في حالاتي الطبيعيه
تقدر تقول ابتسم في اليوم مره أو مرتين
والباقي .. مبووووووزه

ولي ضحكت أو حتى ابتسمت
التالي .. اسرح شويه واقول .. ضحكتي! هيه نعم .. تراج ضحكتي
وفـ قلبي اقول الله يستر من اللي بيي

واتأكد عقب ضحكتي .. تييني جرعة نكد ما يتحملها احد
بغض النظر عن مصدر النكد
لو خبر .. او موقف .. او ذكرى .. أو حتى كلمه مرت على مسمعي من ربيعاتي أو الاهل أو الـ TV

صدقني اخويه
انا فعلا .. ما اريد احول اي شي لـ الضحك .. ما اريد
في احد اييب المصيبه لـ عمره .. طبعاً لا
وبـ النسبه لي ..
الضحك .. ايي بعده مصيبه

وبـ النسبه لـ اللي يتفلسفون & يتغيلسون عليّــه
صدقني ما يرومون
لاني انا بـ تفلسف & اتغيلس عليهم دبل & تربل

امييييييييييييييييييييييي ييييييييييييييييييييييييي يييييه جنج ترمسين عني ؟؟!!!!
حبيبتي هذا فايروس منتشر ف الجو اتصدقين اني من اسبوعين ع هالحاله ؟؟ ع الاقل انتي بتسافرين بتغيرين جو وانا يا حسره ولا طشه
عادي اكون يالسه روحي وعيوني تدمع واحس بضيجه وخنقه مش طبيعيه مع ان ماصار شي ولا حد قالي شي ؟؟؟؟ الخميس الي طاف يالسه ف امانة الله ف الدوام ليش ما انقع صياح باسم الله شو الي صار ؟؟ شو استوا ؟؟ لا تعليق ما قدرت شليت بعمري وطلعت بروح البيت والتعذيب عندنا مبنى الباركنات بعيد ولازم اتخطفين ع ستين مليون آدمي ف دربج من كثر ما دموعي تنزل اظطريت اتغشى عشان محد يعرف اني اصيح بس تميت اشاهق في اللفت والي فيه يتطالعون مستغربين ما سويت واحد اثنين صحت لين لاعت جبدي وعقب تميت اضحك ع عمري ليش صحت ؟؟ ما اعرف

كلامج ذكرني بكلمه "* "المرأة أسرع من الرجل في البكاء وكذلك هي أسرع منه في تذكر الأشياء التي من أجلها ذرفت دموعها".........إبراهيم المصري "



احس ان مشكلتج مب انج حساساه او انج تتصنعين هذا الشي!

تقدرين اتتزيدين مرات التبسم لاكثر من مره او مرتين !!
وحاولي تزيدنها مع الوقت ,.,
خذي الأمور كلها بسلاسه و وناسه
وتاكدي ان مافي علاقة للضحك والحزن من الأشياء اللي بتي في المستقبل



عيشي ساعتج
لا تسبقين الأحداث . بالعكس مافي احلى من الأبتسامه والوناسه والضحك
ليش ما تغيرين نمط حياتج مثلا ,,
حاولي تغيرين في الأشياء المهمه في حيااتج
وابتدي من اصغر شي
ديكور الغرفه .. وعقب في الملابس واللوك واشياء ثانية
غيري بعد في نوعية البرامج اللي اتابعينها في التلفزيون
وايد اشياء تستحق انها تتبدل في حياة كل واحد منا

ازرعي في نفسج الثقه .. اتحكمي في دموعج ,,
(في نظري ان فايدة الدموع بس لتنظيف العين )


واسمعي فيرووز وروقي المزاااااااااااج

وهذي من ذوقي انا
http://www.youtube.com/watch?v=hQX5RVmTVT4

مــهــابه


من شفت وجودج بـ الموضوع .. قلت الراحه وصلت

التفاءل كلمه كبيره في قاموس حياتي

واشك بـ وجودها بين صفحاته

أحييج على الروح الطيبه اللي أنعشتني

خاصه الأسطر اللي بعد (فتره مؤقته)

ربي يسمع منج ..

وأملي الوحيد حالياً .. رب العالمين

والله يقويني .. قبل لا تقوى دمعتي

مشكوره لـ حضورج الطيب

ويسلمووونيشن مهابتنا

عذبة الروح.. إذا تبين تحلين المشكله غيري رايج عن فكرة "اني إذا ابتسمت أكيد بيستوي شي مب زين عقب"

خذي الموضوع على أنه تحدي تغيرين به هالفكره.. صدقيني بتنحل مشكلتج

يوم تتظايجين.. ابتسمي و حاولي تسوين أي شي تستمتعين به

يمكن يكون هذا صعب فالبدايه.. بس بتتعودين عليه عقب

و كوني قويه لانه حياتنا أغلى من أنه نظيعها في الظيج.. لازم نكون متفائلين ^_^

إذا تبين حــل لازم تقطعين الماي عن عيونج,,, والحل لا تشربين ماي :mf_leia:


مثل ما قالت مهابه,, يمكن هذي فتره وبتعدي بإذن الله :smile:

ولا تسمعين كلامي واشربي ماي :4:

ان شاء الله بتصيرين أقوى...

كوني أقوى عن الظروف وحبي نفسج وايد وغيري جوي

ما احب أفلام الرعب واستوت ما تأثر فيني وايد يمكن اصلا الفيلم سخيف...

فترة وبتعدي كآبة منتشرة بالجو...حطوا قرآن والرقية الشرعية حطوها عقب صلاة الفجر والمغرب وانتي رايحه الدوام اسمعيها وربي يزيل الهم والكآبة..


كم بنعيش عشان نتضايق

الجنيه

طلع الحال من بعضه .. هااا !


ما ادري .. هـ الحاله تيينا وايد .. لكن هـ الفترة طولت علي ... زياده عن اللي اقدر اتحمله

واحس الحين الحال اسوأ عن اللي كان عليه من كتبت الموضوع

أتمنى انها تكون حالتي .. مجرد // سحابه صيف !

ولين الحينه ما ضحكت .. ضحكتج اللي رمستي عنها <--- أتمنى

عساه خير .. يا رب

مشكوره اختي
وتسلمين

صدقج ام عبد الله

كم بنعيش عشان نتضايج

عذبة الروح

الله يبعد عنج الهم والضيج ان شاء الله

خلج كوول ومفرفشه..

راجعي نفسج وحياتج عدل .. جوفي اذا في حد يخليج جي تكونين وانتي مب حاسـه..
انا تميت سنتين عايشه في ضيج! أصيح كل يوم اذا مب كل يوميـن.. كلحد كان يقولي فلانه انتي متغيره .. 24\7 متضايجه.. ليش شو السالفه؟؟
اكتشفت انه بديـت اتضايج يوم تعرفت على ربيعتي الى استويت وايد كلوس وياها!! يعني في الاخيـر صداقتي لها هي الى سببتلي هالضيج.. وفعلا كان مأثر علي.. يعني مرات عادي ماداوم اسبوع وماسير المدرسـه!!! عقب يت فتره حسيـت خلاص يعني.. كله اشياء مب زينه تستويلي حتى ابتعدت عن اهلي! وآآآآخر شي طلع كلاام اهلي وربيعاتي وكلهم صح.. انه هالبنت هي سبب هالشي!! فـ آخر شي قطعت علاقتي فيها.. والحين شوفيني :)

أكرهه الضيج والحزن والصياح!!!!!! آحلى شي عندي الضحك!! يعني شوفي انتي قلتي بعد الضحك شي مب زين بيستوي.. انزين ليش حاطه هالشي في بالج؟؟ لانه الشي الوحيد الى يستوي عقب ماتضحكين هو انج تفرحين ..

انتي شوفي الناس الى حوالينج.. لانه محد يتضايج بس جي !! مب بالحاله الى انتي تمرين فيها!!

لازم تبديـن تضحكين وتفرحيـن وتغيرين حياتج شوي.. صدقيني اذا تميتي على هالحال بتخسرين وايد اشياء ومن بينهم ناس تحبينهم ويحبونج..

أهم شي الإراده.. دايما حطي في بالج.. الحيـاه حلوه :)

هواجيس مشتاق


كلامج ذكرني بكلمه "* "المرأة أسرع من الرجل في البكاء وكذلك هي أسرع منه في تذكر الأشياء التي من أجلها ذرفت دموعها".........إبراهيم المصري "

لـ الأسف
وايد اوقات .. أصيح بليا سبب !


تقدرين اتتزيدين مرات التبسم لاكثر من مره او مرتين !!
بـ اختصار .. الجو ما يساعد
ولو ابتسمت .. ما في لابتسامتي اي لذة !
عيل شو استفدنا


حاولي تغيرين في الأشياء المهمه في حيااتج
وابتدي من اصغر شي
ديكور الغرفه .. وعقب في الملابس واللوك واشياء ثانية
غيري بعد في نوعية البرامج اللي اتابعينها في التلفزيون
وايد اشياء تستحق انها تتبدل في حياة كل واحد منا

حاولت .. وقررت
وبدينا في اللوك .. وبعدين
ما حصلت شي التهي به & يشغل وقتي !
ما اشوف التلفزيون .. واكتفي بـ أفلام عـ النت
حتى اني مدمنه افلام رعب .. قلتلازم أغير .. و اتجهت صوب الكوميديا ولكن ما اضحك :fa44:
حليلها اختي تيلس وياي تضحك .. وانا مبوزه .. اقول لها ليش تضحكين ما يضحك ؟:3:




ازرعي في نفسج الثقه .. اتحكمي في دموعج ,,
(في نظري ان فايدة الدموع بس لتنظيف العين )





خير ان شا الله

الفارس2000

والنعم بـ الله
بارك الله فيك على الآية & التذكرة

يسلمووونيشن فارسنا

الدنيا ما تسوى شي يا نااااااس لا تصيحووووووون



تعرفين ... لاحظت من ردودج انه انتي متعلقة بفكرة انج حزينة وكله تصيحين

ترددين : ما أقدر أضحك ... ما أحس انه في شي يخليني أضحك أو ابتسم ,, كل شي ممل ، كل شي اييبلي الحزن والكآبة


انزين ليش ما تغيرين هالاشياء اللي ترددينهـا وتقولين جمل حلوة تفتح النفس
مثل : الدنيااا حلووة .... كل شي جميييييل .... راحتـي فـ ضحكـتـي وابتسااامتـي ... الطلعاااات اتونسني .. دمعتي غالية ما تنزل على أي شي تافه .... إلخ إلخ

يعني انتي رددي هالجمل فالبداية حتى ولو انتي مب مقتنعة فيها ، مع الايام بتقوليها باقتناع تااااام وانتي مؤمنة بهالاشياء ....


الفكرة فكـرة تحـدّي وتغلّب عالافكـار مثل ما قالولــج ... يعني أول ممكن تسوينه انج تغيرين مودج فـ الواحات من هالشي http://oasis.bindubai.com/bin/images/mood/Dead.gif لأي شي ثاني حلووو http://oasis.bindubai.com/bin/images/mood/Fine.gif أو http://oasis.bindubai.com/bin/images/mood/Cool.gif أو http://oasis.bindubai.com/bin/images/mood/Happy.gif أو أو أو ... الخيارات كثييييرة ( أنـت تختـار )



وبس

اوووه عذوبتنا انا يوم شفت الموضوع قلت جديم واكيد اتغير الموود
بس يوم شفت ردج البارحي اكتشفت انه نفس الحال
اخواني واخواتي ما قصروا في النصح
بس سؤال هل انتي في وقت فارغ
اذا ما عندج شي يشغلج راح تصيحين وتجلبين عالمج اسود وكل شي عندج سواد في سواد ومافيه غير الحزن لكن اول ما تبدين تنشغلين في شي بيخوز عنج هالتفكير وهالصياح لنه يوم ما عندج شي اتسوينه غير تفكير بتفكرين بكل شي اسود على اقل شي بتصيحين وبتصارخين يعني اكتئاب هذا نورمل امس شفت دعايه انا معروف عني احب الشياب والعيايز اكثر من اليهال فا الي شفته عباره عن دعايه فيها شيبه مالت رمضان عور قلبي صحت مب صحت اعلنت دبي عن هطول امطار بغزاره في البيت لوول XP
هالدموع ما كنت بس حق الشيبه لوول كانت بسبب الفارغ
بس انشغلي وكل شي بيطير عن بالج
طالعي الناس انا اقرب الناس لي ما شفتها اتصيح طول 9 السنوات الي وياها وان شالله ما اشوفها يا رب بس ها مب معناته انه في 9 سنوات هاي هي حياتها كلها حلوه او ضحك وما فيها احزان لا اتمر لكن تمنع الدموع حتى من اقرب الناس لها تمنعها
فا انتي مب احسن عنها انتي بعد امنعيهم
وانتي لنج رابطه الضحك بالحزن اضحكي اول مره بتشوفين شي حزين بس لا تفكرين انه يه بسبت هالضحكه واضحكي مره ثانيه وثالثه لين ما تشوفين انا هذا ما يخصه بهذاك
دوووم اتذكري في اي لحظه في اي دقيقه في اي شي يستوي لج
انه الله كاتب هالشي
والله ما يبغي لعبيده الا سعاده ^-^
والله يبعد عنج الأحزان يا قلبي