عرض للطباعة
السلام عليكم ..
"أعضاء واحات بن دبي"
يقولكم العمدة في مباراة الامارات وايران صراخ صراخش ويقول الحاضر الغايب هكونا ماتاتا واقول انا
ترقبوا طرح مهرجان القروبات خلال الأيام القليلة القادمة اللي راح تاخذ شكل
ومضمون مختلفين تماما عما كانت عليه قبل ونتمنى مشاركة
الجميع ويانا في هذا الموسم اللي بيكون
إن شاء الله مليئ بالفعاليات
والأنشطة الترفيهيه
:a033:
تــرقبونــا
رئيس لجنة تنظيم القروبات
يثبت بعد إذن مراقب واحة
الأصدقاء والتعارف
الاســـطـــوري
أخوكم
يعطيكم العاافيـة ... وموفقين بإذن لله
:
.
السلام عليكم ..
ما شاء الله ^_^ ..
وأخييــــــرا بشوف شو سالفة القروبات ><"
أعتبر من الخوات اللي ماكان لهم النصيب للتواجد بتلك الفتره ..
يعني بمعنى ثاني ماعرف عن القروبات الكثير .. لكني بالانتظار أكيد .. . !
:
ربي يعطيكم العافيه أخوي ..
وأي خدمه فنحن حاضرين دوم ..
وأخونا خطاب كذلك لوووووول .. >> عـ كيفج ههه
يزاكم الرحمن خير ..
والمعذره منكم عالقصور ..
احترامي وجل تقديري عـ مجهودكم الطيب ..
اختكم أنامل قلب ..
:.
.
.
الله ~ أحس بترتبش الواحات شوي وبتتحرك ..
وفـ حمااااآس بيصير فـ الموضوع !* =)
أنا بعد ما لحقت ع سالفه القروبات قبل ~ ..
وانشالله بنتعرف عليهاا ويااااكم .. ،
ونحن فـ الخدمه إذا احتيتوااا > يعني برز عمري ويااكم رضيتوا ولا مارضيتوا هع !
عساكم ع القوه انشالله
،
.
.
وعليـكم السـلام والرحمه
حــي هالـطاري ،يحيـهـن يوم ردن شـويه بترد الواحات شرات قـبـل وبتتحرك ،،
بالانتـظـار ،، واذا احتيتوا شـي ترانا موجوديـن
=)
هـــــــــلا ..
"خطاب"
الله يعافيك اخوي ويوفقك وان شاء الله نشوف
نشاطك ويانا هالمرة
"أنامل قلب"
وعليكم السلام .. إن شاء الله بتشوفين القروبات وبتستمتعين فيها وأهم شي نضفي
روح المرح والمنافسه والحماس، الله يعافيج ولاتنسين
تتواجدين وقت الطرح
للأهميه
"دمعة عين"
هذا اللي نسعى له وإن شاء الله جو الواحات راح يتغير ونحتاج
تواجدكم ومشاركتم وحماسكم، الله
يقويج اختي
"دمعة شوق"
مادري ليش حاس ان هالبني آدمه ناويه على شر وبتمسك قروب بروحها وبتحارب الباقين فتحذروا
منها، يالله شدي حيلج بس ترا في وايد شروط وقوانين مختلفه عن
قبل، يقولون قروب المافيا تقدم على
قروب اعيال زايد
:fa32:
مافياوي أحيل إلى
التقاعد
:d010:
السموحه
هيييييييه
الأسطووووووري شاااد حييييييييييييله هههه
يلله اللي يبيني قي قروبه يخبرني الحين
عسب اجهز عمري واكشخ والبس بنطلون وقميص مع غتره وعقال
"مجموعة إنسان"
اشوف بدينا نسوي دعايه شكلك داش انتخابات وتبى تفوز بس ماتعارف كيف، يالله نبى نشوف
النشاط بعد الطرح مب الحين بس و زين تسوي لو تكمل الكشخه
وتلبس دلاغ ونعال وتتصور وتطرشلي
الصورة انزلها
هني عشان يمشي سوقك في الترشيح، ذكرتني يوم كنا في المهرجان السينمائي واحد من
المنظمين قال الحين محتاجين 3 بنات مع عباه رد عليه واحد قاله
ماتبون شباب مع كندوره جان يقفط
ويعدل الجمله
:doh:
اقتباس:
المشاركة الأصلية كتبت بواسطة الاسطوري
:k_harhar1:
هيـه انا بوس واحد من القروبـات واتزعمهم للشـر ههيهيهي
:h_negab:
\\
اهااا لاماعليك بنكسر القوانين وبنخترقهن وبنحطم كل شي
قروووب عيال زايد :fa41:بعده موجود ، ولاقروب المافيـا تلاااشى كل التلاشي
:k_special2:
//
ننتـظـر القروبـات بفارغ الصبر
متى بيبدن ؟
:
.
اممم ..
من أمس وانا متردده اسأل ولا ما أسأل ..
واليوم قررت إني أسأل ولا تسئلوني ليش :/
بخصوص فكرة القروبات فـ اممم مادري ..
كيف يعني قروبات "من الناحيه الوظيفيه لول" .. ؟
ولـ كمن قروب يتم تقسيمنا بالعاده .. ؟
+ كيف يتم تجزئة الاعضاء ..
يعني على أي أساس وكيف يتم الاختيار والتقسيم ><" .. ؟
وووو اذا بيتم ايضاح هذي النقاط او انها بتكون مفهومه بديهيا
بعد البدء بفكرة القروبات يعني بالطرح اللاحق فـ لا داعي للاجابه عليها الآن ..
عادي بنصبر أكيد ..
والمعذره من شخصك أخي ..
:
اختي دمعة شوق ..
الله يستر ^__________^ ..
:.
جاااان اتحمــــس وياااااكم :fa51:
تراني زاهبه =)
باجر بخلص امتحانااااااتي وبففففففتك
الي يبا اي مساعده تراني ماعرفه ولا هو يعرفني :k_harhar1:
اثوولف :biggrin:
حاضرين وفي الخدمه
---
مجموعة انسان
انا اقول لو تكملها وتلبس السروال بو الكاروهات شكلك بيطلع ترتوبي
رتب ويا عموه وهي بتسلفك :4:
--
الاسطوري & الحاضر الغايب
مشكورين وماتقصرون
الله يتوّل بعمااركم
وعليكم السلام ورحمة الله وبركاته
الاسطورى شكراً لك على الموضوع
وذكريتنا بالقروبات والايام والذكريات الحلوه
تسلم يمناك ونتظر الموسم اليديد وان شاء الله نشوف تفاعل ومواضيع يديده فى الواحات
يعطيك ألف عافييييه وماقصرت
اخوكم/ بحر الموده
الأسطوري
صورة أمس تكفي للنشر يوم كنت مصبوووغ
"دمعة شوق"
شكلي بكون متعصب وبمنع إنشاء قروب بالاسم اللي تبينه بس، إن شاءالله قريب بنطرح موضوع
الإشتراكات وتكوين القروبات لمدة اسبوعين تقريبا عقبها راح نبدأ الموسم
بس ننتظر التشطيبات النهائية على الشروط
والموضوع بشكل عام
"أنامل قلب"
بالنسبة للقروب عبارة عن مجموعة من الأعضاء يختارون بعض بنفسهم دون تدخل اللجنة ويختارون
إسم معين للقروب اللي حابين يكونونه طبعا حسب الشروط اللي راح تشوفونها
وبيكون لهم واحه خاصه فيهم محد يشوفها من باقي
الأعضاء وهناك راح يبدأ
شغلهم الجماعي اللي في الغالب رئيس القروب يديره لمنافسة باقي القروبات وكل المواضيع والردود
والمشاركات والمسابقات اللي يطرحونها تنزل بإسم القروب وتنحسب لهم نقاط
يتم تقييم القروب عليها حسب الإقبال والتفاعل وأمور
ثانية راح نذكرها لكم عقب
أتمنى تكون الصورة المبدئية وضحت والتفاصيل
بنطرحها في الموضوع الياي
:yes:
"بنت الدلع"
نبى تواجدكم الدايم يتحول لنشاط وإبداع والعفو
اختي وشكرا على المرور
"بحر المودة"
العفو عزيزي هذا واجب وعاد مانباك تتعذر وتقول مسافر ماروم أشارك
نبى تنزل شلات وتزيد نقاط القروب
اللي انت فيه
"مجموعة إنسان"
أفكر نخلي صورتك خلفية للواحات
كلها هااا شو رايك
:k_harhar1:
وعليكم السلام والرحمه ....
واخيرا بيرد الحمااااس و النشاط للواحه ...
ان شاء الله الاعضاء يتفاعلون ويا الموضوع .....
الله يعطيكم العافيه ...
الاسطورى
جيه نسيت التاى لازم نسافر مانعرف خخخخخخخخ
جيل اليوم مب مال شلات وقصايد مال اغانى بس ... لى يدشون الشله كم واحد بس وين الواحد بينزل
وشكراً
الأسطوري
تتحدى ان صورك اللي عندي اكثر عن صوري اللي عندك ؟
^
على وزن ..
تقدر بطتكم تبط بطن بطتنا مثلما بطتنا بطت بطن بطتكم
:k_harhar1:
"عهد الوداع"
إن شاء الله يتفاعلون بشكل المطلوب عشان نعرف نقيم الفكرة ونشوف إذا
في مجال نطرحها مره ثانيه عقب ماتنتهي
الفترة هاي
"بحر المودة"
ماعليه بنترياك في كل الحالات وتروح وترد
بالسلامه إن شاء الله
مقدما
يلغى التثبيت
الله أحـس ونااسه ويا سالفه القرووبـــات
بيكون لي الشرف اني أسااعدكم
:fa35:
موفقيــن خير إن شاء الله
:)
بالتوفيق ان شاء الله :)
بالتــوفيــق .... :)
دومك مميز اخوي ب مواضيعك وافكارك الجهنميه ههههـ
يلا ونحن نتريا.. :=)
والله أيـااام القروبـأأآأت .. كانت الواحات فـ أحسن حالاتهـا فـ العصر الحديث لول ..
لا بس صدق كان في ربشهـ ..
بس ان شالله ان ردت القروبات ترد نفس ماكانت واحسن .. مب أسوء !
كنت فـ المافيـا قروب أحيدني ^^ كان [ وناااصهـ ] !