شو رايكم بالQ7?

السلام عليكم

بغيت اسال عن هالسياره

سعرهاا

اعطالها

سامانها بالوكاله رخيص ولا غالي

نصيحتكم نشتري السياره ولالا؟؟


لما نخلص من هالسياره بسالكم عقب عن سيارة ثانيه ..:9:

سعرها يطيح بسررررررررررررررررررررررر رعه .. قطع غيارها نار ... و اتوقع خرابات الاودي ف اي وقت .. اذا ما تهتم لهالنقاط .. خذها

اللي احيده انها كانت ب 220 ألف .. يوم سرت الوكاله اسأل عن S5 متى بتنزل !
بس ما اعرف حد ماخذنها عشان اقولك اذا اوكيه أو لأ !

مثل ما قال شرجااوي بالضبط

خرباتها تطلعلك من كل مكان و انته ما تعرف ليش
وكاله النابوده تعيسه و قطع الغياار غاااليه
و لو اخترب شي عندك اتريا كمن شهر لين ما توصلك القطعه
و لا تستبعد الموتر يتم فوق الشهر واقف عندهم

كل تجييك بتدفع 15 الف اذا مب اكثر ....

بصراحه موتر ما يستاهل تدفع عليها هالمبلغ


خذلك رنج ابرك لك و و كاله الطاير ما فيه احسن عنها فالخدمه
و السييرفس Contract .. بنسبه لي احسن عن اي مكان ثاني
صدق تحس انهم يهتمون فالعميل لابعد الحدود

مرحبا اخويه، بشكل عام الأودي فخمة والصيانة غالية في حال صار بها شي ...

يعني أحيد واحد عنده أودي A8 واختربت قطعة كلفته 25 ألف

وهالشي من كذا سنة، يمكن تغيرت وطوروا فيها مثل البي اللي فيها تحسن عن أول ماعرف ..

ربيعي في الدوام عنده أودي Q7 عنده من 5 شهور الحين، بس ماذكر لنا أي شي عنها للحين ..

الرنج مشكلته وحده .. استوى تكسي .. كل من هب و دب قام و خذاه ... ب جيمة الرنج تقدر تاخذ كاديلاك اسكاليد .. 285 الف اعتقد

ياهلا والله بالغاليين

شاكر لكم ردودكم من القلب للقلب:inlove:

امس كنت قاعد اقرى عن هالسيارة فلفت انتباهي هالشي

اقتباس:

---

و لا يفوتنا إنجازات أودي في سباقات الـ 24 ساعة , و هي سباقات تستغرق مدة 24 ساعة كاملة و تعتمد على تحمل المحرك و الديمومة , فتخيل سياراتك تقودها بسرعة عالية جدا و لمدة طويلة جدا بدون إراحتها فقط لتعبئة الوقود , و طبعا أودي أر 8 , كانت تحصد المراكز الأولى , و بفضل نظام
للمحركFSI

يمكن تقولوا ليش كل هذا الحش , ما خذينا لا حق و لا باطل , بقولكم ليش , الانه الأودي الجديدة المبتكرة من بتسبرغ , تحتوي على هذا النظامين
FSI + Quattro = Q7

---

عشان جي قلت بسالكم.. وشكلها زعيم الصراحه


عن الرنج مافكر اشتريه.. يمكن لاني كرهته,, وصار ما يعيبني شكله,, ومثل ما قال اخوي الشرجاوي صار نفس التكسي..


وكالة البورش قالو السياره بتوصل بعد 11 شهر:glare: شو اباها انا بعد 11 شهرر


يبالنا نخطف جدا البنتلي:k_harhar1:>>بس ماعرف سعره كم.. بخاطري الكوبي:k_harhar1:(بس اتغمض امشي فيه بشوارع راك:3:)



انزين اخوي المزوحي ممكن تسال ربيعك هذا لو مافي احراج يعني شو رايه بالسياره:icon_rr:

البنتلي المستعمل بتحصله ف حدود 500 الف .. اليديد اتوقع 900 الف اقل شوي او اكثر شوي

خيال قبل الرنج اللي يمتلكه يلفت نظرك، الواحد مب قصده يفرق بين الناس، أكيد انته اتدور من وجهة نظر

مياكنيكية .. حلوة هذي ..

المهم ماتنظر من يملك الموتر من الناس !

بس انا مادري ليش اقول لو عندي باخذ بنتلي ... جي تي

همم حتى ميزراتي واستون مارتن على لساني هاليومين ..

بسأل ربيعي عن الكيو 7

يعني ماتبغي اكس فايف ؟؟؟؟ ( صح موضوعك عن الكيو 7 ) بس قلت يمكن تغير رايك

الشرجاوي

لوول لالا ماباه خلاص لوول

اخوي المزوحي

بتسوي فيني خير والله

وعلى طاري الاكس فايف كانت داخله بمخي بس مادري ليش غيرت رايي عنها

طبعا الاكس6 شكله عبيييييييييييييييييط @_@ من اول مره شفته فيهاا قلت شوهالسياره العبيطه واخر شي طلع بي ام لوول

خيال الاكس فايف عايبتني شخصيا، ولو إني كنت اقول فيها عيوب أول

يمكن الحينه تغيرت، بس فعلا الاكس 6 ما اقتنعت منها .. ماتعرفها فورييل وإلا صالوون

فكر بالاكس فايف مره ثانيه وشوف هي وإلا أودي

مافي احلى عن ال سي أل لس ^_^

كشششششخة ^^

اخوي المزوحي

ترا انا محتار بين كذا سياره والله ومن بينهم الاكس فايف

نصبر لين بداية السنه ونشوف شو اليديد الي بينزل

والبورش بيتغير شكله 2011

والحوت قالو بيتغير شكله فننتظررر


الدلوعه

@_@ سي ال اس مووووووووووو شييييييي صغييييييررررررررر

وبيني وبينج مرسيدس خلاص ماتدخل راسي لو شوو يسوون فيها

خيال الاكس فايف فنانه .. بس ربيعي يوم خذ الاودي .. قارن بينها وبين الاكس فايف .. إنه الاوبشن اللي في

الاودي

اكثر عن الاكس فايف من حيث سعر الموتر ... لكن الواحد يفكر عقب .. مثل ما قلت الصيانه وغيره ...

الحوت هي موظف الوكالة قال لي بيتغير ..

المزوحي

ياهلا والله

يلا نحنااا نترقب اليديد في عالم السيارات وان شاء الله خير

ومشكور عزيزي ^_^

مرحبا

سألت ربيعي عن الأودي قال زينه، بس تدري مب الكل يعطيك التفاصيل، او إنه فعلا ما واجه شي للحين

دام إنها ما كملت سنه من خذها ... وعلى فكره قال إنه يبغي الأكس فايف، لكن وايدين قبحوها له ...

بس دام إنك تبغي موتر أوربي وفورييل ، نقدر نحط كذا موتر وخلاف تختار الأحسن من بينهم ..

على فكره،،،، مادري ليش للحين ما اقتنعت بالكايين ...

ماعرف ليش الاكس فايف ما دشت بخاطري.. يمكن لاني ما شفتها عدل وعن قرب..

طبعا حالياا شليت فكرة اني اخذ موتر لفترة معينه لين بداية 2009 وعقب بشوف ان شاء الله

يجوز ما تقتنع بموتر معينـ خاصة يوم حد ينصحك .. يعني انا الاكس 6 مادخلت مزاجي ..

مع هذا انته شووف مثل ما قلت لين 2009

أحس جنها باص .. ما تعيبني وايد:boxed:

واللي اعرفه انه قطع غيارها غاليه وايد


بس انه حق عايله وجيه .. عمليه

وممكن تستوي حلوه :k_harhar1:

رايي في الQ7
عندنا اياها بس السبورتيه الاس لايـن

رايي الشخصي ماحبها مولياً وكنديشنها معفن لا بارد ولا حار.. والمشكله انها زجاج من فوق.. ف الكنديشن المعفن + صيف ويا شمس داقه عـ راسك:ghostface: وترا اذا تاخذ هالاس لاين.. مايرومون يصلحون الكنديشن... لانه ماعرف شو السالفه

واشوف كلحد يرمس عن الخرابات... مممممم هالشي مب صح! بالعكس الحمدالله لين الحين ماستوى شي! بس مره وديناها عشان السكان يلف على اليسار وايد وصلحوه.. وحق السرفسس


الاشياء الى حلوووه فيهـا
- وايد فخمه من داخل
- وايد ناعمه في السواقه
- مريحه
- عندها نفس شي حق الباركينغ وايد فنان.. ينفع حق الناس الى مول مايعرفون يبركنوون
- عجيبه في الشتـا