عرض للطباعة
السلام عليكم
عندي مشكـله
وين أقدر أحصل الواير مال انترنت؟؟ يعني هاللي ينحط في اليدار & المودم؟؟
عندنا واحد بس قصيـر يمكن مترين ابا واحد طويــــــــل على قل 6 امتار >_<
وين أقدر أحصل هالوايـر
يفـضل لو المكان يكون في امارات مول .. ولا بن بطوطه
وسؤال ثاني
شو يسموون هالواير؟؟؟؟؟ وكم تقريبا سعره؟
وبليز ردو علي ASAP لاني لازم اشتريه باجر الصبح..
انتي تقصدين الواير الي شرات واير التيلفون بس يكون مال النت ؟
اذا تقصدين هذا فكل مكان بتحصلينه
بتحصلينه في السوبرماركت والجمعيه ومكان الكترونيات
ومحلات الكمبيوتر
في كارفور (امرتس مول)
مش أكثر عن 30 درهم
وعن المودم i guess تطلبينه من اتصالات
لالالا بس أبغي الواااير =)
يعني بحصـله في السوبرماركت عادي؟؟ بسيـر كارفورر باجر!!
هيه بتحصلينه فالسبرماركتات كلهن تقريبا فيهن ومستحيل كارفور ما يكون فيه؟ بس انتبيهيله من عالاطراف؟
عن تاخذين شي مايركب عـ الي تبينه ......
^ لان هالواير واايد يشبه واير التيلفون
فاسئلي الرياال او اقري بيكون مكتوب وراه انه مال الانترنت وشوفي كم متر
او بتشوفين ان ظاهر منه 4 lines على ما اظن
شي سايزات O_o ماقصد بالطول اقصد يعني هالمربع.. يعني شي مربعات اكبر ولا اصغر O_o اويه
هيه شمعوه انتبهيي احسن شي واظمن شي لول شلي الي عندج وحطيه فشنطه P;
الإمارات مول : كارفور
ابن بطوطة : شرف دي جي
خذي الواير معاج وراويهم أحسن لج ، وسعره رخيص ما يتعدى 20 درهم ها اللي أذكره
راسه : RG 11 (ها اللي تقولين عنه كبير أو صغير ) :)
تنبيه : الراس من الطرفين لازم يكونون نفس الشي
شكلي بشل الواير ويايه!
وعندي سؤال ثاني
لو أغير الواير.. بيشتغل النت صح؟؟ مابيخترب؟
انا اخاف اجلع الواير والنت مايطيع يشتغل =s
شلي الواير وياج أحسن ، عشان ما تشترين شي ثاني وبعدين تقولين كله من حصان طروادة
وإن شاء الله النت بيشتغل ، لأن تبديل الواير أمر عادي جدا
بس انتي ليش تبين تغيرين الواير ؟
توني الاحظ انه نكك حصان طرواده .. انا من الصبح واتحرى نكك حصان طردووه!!
أبا واير طويــل لانه يوم حطولنـا هالنت قبل سنتين كان عندنا نت اتصالات في الصاله ف حطو هالنت في الميـلس .. ويوم طلع هالنت احسن عن اتصالات كنسـلنا اتصالات وتم هالنت.. بس المشكله ماروم أحول المودم للصاله لانه هالشي الى في اليدار مال اتصالات بس الى في الميـلس غير
والمشكـله
اني انا من قبل كنت أدرس في غرفة الطعام الى في الميـلس بس الحيـن خواتي احتلوو هالمكان
وانا من النوعيـه الى احب الهدوء & أحب أرمس عمري p;
ف ماعندي مكان ادرس فيه
ومادري ليش بس حجرتي الوحيده الى ماشي كنكشن نت فيــه (غير انه اللابتوب جديم ف مايقبض الكنكشن عدل).. ف بشتري واير اطول عشان اقدر احط المودم واخشه في الممر وبأشر المودم على حجرتي وانشاءالله احصل كونكشنننننننننننن وابدى ادرس في غرفتييي
وهالسالفه كلها >_<
بصراحة ما فهمت شي :fa46:
شكله الرقاد مأثر علي !!!
اتمنى إن الواير اليديد يفيدج
بس خبريهم إنج تبينه للمودوم ، مب يعطونج واير عادي ، ترا النت ما بيشتغل
ــــــــــــــــــــ
وبعدين شو حصان طردوه !!! :a058:
وحده تقول حصان طراد
والثانية حصان طرداوه
وألحين طردوه
الله يكثر من الأسامي :glare:
اويييه انتي نفسييي
انا بعد الواير لس مايوصل لحجرتي
فكنت اسوي نفسج
اخذ واااااير طويييييل امده من الصاااله للغرفه
بس بعد ماكنسلوا هذيج الخدمه
قمت ايلس يا في الصاله يا في الميلس او في غرفة الطعااام (وهو الافضل عشان مافيييييييي حدددد)
عندي واير طوله 45 متر ..
محل مزايا فالشارجه ف منطقة سمنان بيسويلج على حسب الطول اللي تبغينه .. اعتقد المتر ب 1.50 او 2
و بعد للواير لس بتحصلين اريل بيلقط اشارات مودم من الفريج الثاني ههههههههههههه .. جيمته 180 درهم اذا ما خاب ظني
حبييييييييييييييييييييييي يييييييت هالشــــــــي :fa41:اقتباس:
المشاركة الأصلية كتبت بواسطة شرجاوي
بحصله في مزايا ؟
اف ماداني اسير هناك
احس كلهم اوغاااد :a058:
افر كل شي على بابا وهو يسير يتفاهم وياهم
اوكي يعني هالاريل لو احطه في غرفتي بيلقط الارسال من المودم الرئيسي الموجود في البيت ؟
That's greaaat :a033:
مشكوورييييين ماقصررتوووووو اشتريييت الوااااااير ويالسه اكتب هالرد من حجرتي< مستانسه لول:a033:
اظني حجرتي منحوسـه
حولت المودم و الحين كل غرفه في البيت فييها نت:hysterical:
بس مادري ليش حجرتي النحسـه طالعلي low في النت شوي بطيء بس يله ماعلـيه.. شي احسن من لاشي:tounge: اصلن روحه لابتوبي جديم.. يبالي اشتري لابتوب يديد السمستر الياي:11:
شرجاوي
شو ابا في نت الفريييج .. نت،،نا أحسن عن مالهم.. قم فلكر وهالسوالف مب مسويله بلوك على النت مالنا:hysterical:
مبرووووووووكه ششمووووعه تستاهلييين
صج عاد قهرر كل الغرف فيها الا غرفتج .. ولا بعد لووو .. يالله احسن من لاشيئ ;)
النت عندكم مقراي عليه ؟؟
بنت الدلع بتحصلين الاريل ف مزايا
ماوحشتك
الله يبااارك فيييييج
^
على كيفه طرش رديي .. ماخلصت اكتب لول p:
شرجاويي
لاااااااا النت مالنا سبشلللللللللللللللللل
بيض و بطاط ؟؟
هاها p:
^
ههههههههه (< خخ شوازنج تضحكين :fa46:لول ما بخليها فـ خاطري:icecream:
شرجاوي
ما يباله ها كله ، شكلك تبا تضرب على عيال الفريج وتأجر النت عليهم !!!
حل أفضل من هذا ، وبصراحة في البداية بغيت أحطه لكني ما بغيت أضيع الأخت ، مسكينة روحها متعقدة من سالفة الكيبل .
تقدر تشتري جهاز وايرلس ثاني وتسوي بين الجهازين شي يسمونه (Bridge ) أو بالعربي : جسر .
الطريقة هذي تربط بين الجهازين وتغطي أكبر منطقة ممكنة في البيت.
طبعا عوامل كثيرة راح تدخل على الخط وتأثر ، منها موقع الجهازين ، وعدد الجدران ، وعدد الغرف اللي تبا تغطيهن ، إلخ ...
هذا بالمختصر المفيد :)
^ نسيبي قالي عن هالشي
بس كيف يوصلون البرج ؟
يسوونه بالfrequency ولا لازم وايرات وهالاشيا ؟
صدقني ما يباله جسر .. عمود واحد يكفي و يوفي هههههههههههههه
^
رايق هالانساااان ههه .. شرجاوي شو يسمووونه هالاريل ؟ عدنا وحده بعد متأزمة من هالسالفة فـ البيت ..