وبعدين يعني ...؟!

السلام عليكم


اشحالكم خبرائنا .. عساكم بخير

المهم ..
من فترة وانا الف & ادور بين بلقز إن & فيرجن & جمبو .... & إلخ
أدور على لاب توب زين وحليو

يوم الخميس اللي طاف شفت لاب توب
وهذا هو ....


http://www.sony-mea.com/product/vgn-...ite=hp_ar_ME_i


خاطري فيه
لكن من قلت حق وحده اعرفها اني وأخيرا اخترت لاب توب
تقولون انقلبت معنوياتي 180 درجه ..
كل شي اسأله عنه تقول مب زين
خاصه يوم عرفت انه

نظام التشغيل Windows Vista® Home Premium

هي ضد هـ النظام كله على بعضه
اونه لو نزلتي الفوتوشوب ما تقدرين تشغلينه ][ كله ولا الفوتوشوب ][
وله نظام خاص بالصور وتحميل البرامج وتصفح النت .. إلخ

يعني فعلاً قمت أفكر أغير عنه
مع اني مقتنعه فيه .. السالفه كلها إنه يبالي وقت أتعود على استخدامه

المهم ..
أي حد يعرف عن نوعية & جودة اللاب توب
بليييز لا تبخلون عليّ ..
بـ أي شي تعرفونه لو زين أو لا
عن الصيانه .. والاستعمال .. البطاريه وكل كل كل شي
بلييييييييييييز

:(




بعض الصور عن اللون اللي اخترته

http://sp.sony-asia.com/media/28/13631

http://sp.sony-asia.com/media/28/13540

http://sp.sony-asia.com/media/28/13630

http://sp.sony-asia.com/media/28/13633

http://sp.sony-asia.com/media/28/13499

http://sp.sony-asia.com/media/28/13496



سلاااااااااااااااااامي

انا عندي تقريبا نفسه (VGN-CR26G/P ) الأسود ..
بس يفرق الهارد ديسك انه 160 .. ونظام التشغيل Windows Vista® Business
وبعد شاري نفس الشنطه اللي في الصورة .. بس ما حصلت الماوس .. :bash:
استعماله ما فيه احسن منه .. ومنو قال انه صعب !
كنت شالنه ويايه في السفر .. خفيف وحلو .. كل ألوانه حلوه :biggrin:

ما نزلت الفوتوشوب حاليا لأنه ياي وياه برنامج خاص لتعديل الصور !

وما اتذكر كم اتم البطاريه لأني عادة اركب الجارج .. وانا اشتغل عليه .. بحاول اتأكد لج من هالأشياء ..
بس على فكره انا مثلج ما عيبني شي غيره .. واللي انا ماخذنه سعره تقريبا 5995 من عند جامبو ..
ويكون كل شي فيه .. حتى اذا تبين الـoffice فيه يكون التريل فيرجين ..ومعظم البرامج اتكون منزله على الكمبيوتر .. !

بس فيه شي لازم تنتبهين له انه فيه كام .. لازم اتحطين عليها ستكر او لزقه يوم تشبكين النت !


عن الصيانه انا توني شارنه من كمن شهر وما عندي معلومات عن الصيانه إلا انه مركز الخدمة في الرمول صوب القرهود .. :10:

ان شاء الله اكون فدتج :k_smartass:

http://www.sony-mea.com/product/vgn-...ite=hp_ar_ME_i

أختي عذبة

سؤالين دايما أكررهم للي يبا يشتري لاب توب

1- ليش تبينه ؟

2- كم ميزانيتج ؟

لا تقولين لي ميزانيتي مفتوحة ، تراني بييب لج لاب توب يتعدى 20 ألف درهم .

أما إذا مقتنعه من الفايو ، بعدها بنعطيج نبذه عن نظام التشغيل

مايهزك ريح

عن البطاريه
سمعت انه كل الأجهزة ما يصير نشغلها وهو تنشحن
لازم نشحنها بـ الأول ويوم تصير البطاريه فـُل عقب نبدى شغل عليه

وليش الـ office يكون تريل فيرجن

هي سمعت عن الكام .. وحطينا هـ النقطه في بالنا بارك الله فيك :)

------

أبى أركز على النقطه مره ثانيه
شو تعرفون عن نظام Windows Vista® Home Premium
وكيف استخدامه في تصفح النت وتحميل البرامج .. الملفات الصوتيه .. الصور .... إلخ

انا دايما اشغله واشحن في نفس الوقت .. إلا يوم يكون توه يديد .. اشحنه قبل لين يخلص عقب اشغله !

بالنسبه للأوفيس .. لازم تشترين السي دي الأصلي تقريبا بـ 1300 اذا تبينه .. ما ايي ويا الكمبيوتر ببلاش !
عن النظام اللي فوق ابصراحة ما عندي معلومات ..
يمكن حصان طرواده يفيدج في هالشي !

مب جنج لبستيني !!!!

اخويه حصان طرواده ..هدي اعصابك .. هيه تبغي الفايو .. اللي حاطه صورته .. وتسأل شو رايكم فيه ..

حصان طروادة

افااااا عليك بس ...!
انا نزلت ردي على مايهزك ريح .. وسرت كلاسي
والحينه أول ما خلصنا .. رديت الواحات :)

أول شي
اباه حق الجامعه الأبحاث
وطبعا شغلي الخاص من تصاميم وهـ السوالف

اخترته .. لاني فعلا حسيت انه مميز بشكله ومواصفاته حلوه ومقبوله

وسعره زين حصلته فـ جمبو الخميس اللي طاف بـ 4995 درهم
مع إني كنت حاطه ميزانية أقل !!
قريب الـ 3000 هذا اللي عندي
لكن يبالي اتسلف من خواتي :)
إن وافقت عليه .. وخذته بعد ما اعرف عنه كل شي (تقريباً)

وانا خاطري من زمان بلاب توب فايو
وشفتهن في بلقز إن يمكن من شهر
لكن عقب هونت ..
وحطيت في بالي التوشيبا .. فتره طويله
لكن مره دخلت منتدى سعودي وقالوا كل التوشيبا الحينه في الاسواق .. تجميع جبل علي
وااااااااصدمتاااااااااه

ما ادري لو صدق .. المهم
هونت عنه




يا خوي أفدنا :)

مايهزك ريح

وعن الأوفيس ..
اللي اعرفه نقدر نوديه أي محل خاص بالكمبيوتر وينزله لنا بمبلغ بسيط يمكن 100 درهم !!
ما ادري يمكن الحال تغير الحينه
أو إنك تقصد شي ثاني ... !

هيه ادري بس ما يكون مرخص .. يعني من ناحية الليسن !
تلقين هالمحل شاري السي دي .. وطلع جيمته من كمن واحد ^_^



و التوشيبا ما ينفع .. نحنا عندنا توشيبا وكله مشاكل .. ايحر ابسرعه ما تقدرين تشتغلين عليه وايد !


ملاحظه :صبري اشويه احتمال ينزل سعره لأنهم نزلوا واحد ايدد اللي هو VGN-CR35G/B ^_^!!

:

تصدقين عذبه اني أنا بعد عايبني ..

ونااااااااااويه آخذ واحد شراته !!

خاصه هاللون يخبلللللللل البيبي بنك

:fa56::fa56:

:

بس أمس بنت عمي تقولي انه اخوها شاري حق حرمته

لاب توب يديد فايو بعد .. بس تقول انه شكله جيه من فوق يلد تمساح مادري يلد شو :boxed:

وأنا أتخبل ع هالسوالف

ف قلت بتريه وبشوف لاب توبها اذا عيبني باخذ لي شراتها :fa56:

ردي بحطه بالليل إن شاء الله

:

نتريه :fa56:

:

عذبة

اللاب توب اللي حطيتيه كمواصفات جيدة لحد ما ، لكن ثلاثة أشياء ما عجبوني فيه :

1- إصدار الويندوز وهو Home premium
2- ذاكرة ال (RAM ) وحجمها 1GB
3- الهارد درايف حجمه صغير 120GB .
4- كرت الشاشة غير مستقل .

انتي ركزتي على النقطة الأولى وهو إصدار الHome premium ، حقيقة هناك 6 إصدارات من ويندوز فيستا ، والHome premium يأتي كإصدار ثالث لهذا الجيل من نظام التشغيل ، وهو محدود جدا في إمكانياته ، وأصحاب هذا النوع من أنظمة التشغيل من اللي يحبون يوفرون ميزانيتهم وما يحتاجون لكثير من التطبيقات المهمة التي لا يدعمها هذا الإصدار كدعم خدمات الشبكة ، ولا الوسائط المتعددة ، ولا خدمة الألعاب ، وليس فيه شيء يثير المهووسين بالبرمجيات .

أفضل إصدار من إصدارات الفيستا هو Ultimat ، ثم يليه الbuisness ، فالأول يحتوي على كل ما يحتاجه المجانين بعالم الكمبيوتر ، والثاني فيه كل ما يحتاجه المستخدم الغير مهووس بعالم البرمجيات .

واعذريني إذا ما حطيت تفصيل لميزات كل واحد منهم لأنه لن تكفي صفحات لشرحها .

النقطة الثانية والثالثة والرابعة :

حقيقة أقول ، الرام قليل خصوصا إذا كنتي تبين تنزلين عليه برامج مثل الفوتوشوب وغيره ، راح تتعبين معاه كثير ، وأنا أنصحج لا تنزلين عن ال2GB .

أما الهارد درايف ، فإذا كنتي من النوع اللي يخزن على هارد درايف خارجي فمناسب ، وغير جذه فهو قليل جدا ، خصوصا إن تطبيقات الفيستا بتاكل ثلث الهارد درايف وما بيتبقى إلا القليل منه .

أما كرت الشاشة ، فحبذا لو كان مستقل ، وما يقل الرام عن 256 ، خصوصا إذا كنتي من محبين ال3D ، والأفلام ، والألعاب .

بخصوص سؤالج عن إمكانية تشغيل البرامج على الفيستا :

أي برنامج متوافق مع نظام التشغيل فيستا بيشتغل ، وغير عن جذه ما أظن يشتغل إلا القليل جدا ، وعموما غالبية البرامج الآن في آخر إصداراتها متوافقة مع نظام الفيستا وحتى الفوتوشوب .

بخصوص التوشيبا :

الكلام اللي قرأتيه غير دقيق ، نعم هناك ما هو تجميع جبل علي ، لكن مازال هناك ما هو يُصنع في الصين بجودة عالية جدا ومن الدرجة الأولى .

وحتى المجمع في جبل علي جودته درجة أولى ، وشركة التوشيبا معروفة بدقتها في الجودة .

وحقيقة أنا من المعجبين الآن بلاب توبات التوشيبا ، فهي تعطيج أعلى المواصفات بأسعار مناسبة جدا جدا ، وجودة التصنيع عالية جدا .

ويخطأ اللي يقول :

التوشيبا ما ينفع ، فيه مشاكل .

هذا الكلام غير دقيق ، إذ أنه لا يمكن لأحد أن يحكم على شركة منتجة لأكثر من أربعة موديلات من اللاب توبات بأن أجهزتها تعيسة لمجرد إنه ما توفق في شراء نوعية واحدة وواجه مشاكل .

نعم هناك موديلات لا تتناسب مع حجم المشتري ، إذ أنها صنعت خصيصا لأصحاب الميزانيات المحدودة ، ولكن إن ارتقينا إلى مستويات أعلى كالساتالايت ، والساتالايت برو ، والتيكرا ، بيكون أفضل وأفضل .

بخصوص البطارية :

أكثر من ثمان سنوات وأنا أستخدم لاب توبات والشاحن موصول !!!

عذرا ، لكن ما واجهت أي مشكلة .

ـــــــــــــــــــــــــ ـــــــــــــــــــــــــ ـــــــــــ

في شي نسيته غير هذا ؟؟؟

كفيت ووفيت اخوي حصان..

انا خذت حق عمي دل ب 2750.. الصراحه سعره حلوو.. ودل زين حق مكده ..

مواصفاته
فيه بلوتوث وواير ليس..

السرعه 1.8
ماذكر التفاصيل الباقيه بالدقه..

بس حلوو

اخويه حصان طرواده ..
انا كان عندي التكرا .. ودايما يحر ما اقدر اشتغل عليه اكثر من ساعتين .. ووايد يعلق .. بهدلني ..
عشان جيه ما احب التوشيبا ..
والستالايت كان عندي الرضيعه بعد نفس المشاكل تقريبا !

بس فيه شي حلو .. سعره بالنسبه للمواصفات اوكيه !

يعني بجيمة الفايو تاخذ اعلى واحد في التوشيبا ^_^ ( على حسب اللي شفتهن في جامبو )

بالنسبه للرام ..تقدر اتسوي ابجريد لها الموديل لين 2 GB وفيه موديلات ثانيه من فايو .. لين 4 GB * اعتقد *

خيال الحب

الله يعطيك العافية يا أخوي ، وكل شركة تمتاز عن الأخرى بأجهزتها وخدماتها المقدمة وإلخ ...

مايهزك ريح :

التكرا ، والستالايت ، والستالايت برو ، كل هذي االأنواع يندرج تحتها موديلات كثيرة من اللاب توبات .

إلى الآن أنا بنفسي أخذت لأشخاص 4 لاب توبات من نوع توشيبا ستالايت برو (ما أذكر الموديل بالضبط) ، والحمدلله البعض كمل معاه سنتين والبعض ثلاث وإلى الآن مافي أي شكوى .

في النهاية ، يعتمد عليك كشخص وفي كيفية انتقائك لأفضل لاب توب . بالنسبة لي ، ما أشتري أي لاب توب إلا بعد مراجعة التقييم من قبل شركات لها باع طويل في هذا المجال مثل CNET .

لذلك أنصح كل واحد إنه يراجع التقييمات الموجودة في الإنترنت واللي يسمونها (Review ) قبل لا يقدم على شراء أي جهاز إلكتروني ، ويشوف الإيجابيات والسلبيات ، وبالتالي راح يتفادى المشكلات المتعلقة بالموديل اللي بيختاره .

بالنسبة للرام :

أكيد تقدر تسوي له أبجريد ، لكن لازم تتذكر إنك راح تستعمل السلوت المخصص لشريحة الرام ، وبعدها شو بتسوي إذا احتجت لزيادة الرام مرة أخرى ...؟

أضف على هذا ، بترجع وبتحتاج للبحث عن أفضل رام يستحق إنك تحطه على لاب توب مثل السوني فايو ، وعاد شوف السعر اللي بتدفعه !!!

في النهاية ، بتحصل سعر ال2GB بدون إضافة هو نفسه سعر ال1GB مع الإضافة .

دخلت هني أشوف الردود على السريع
واحس إني ضعت .. وافكاري تشتت

بليييييز ارمسوا رمسه بسيطه & سلسه
أقدر أفهمها واستوعبها
لا تعقدون الأمور أكثر من ما هي متعقده !!

وشوي شوي عليّ .. ترى ما لي خص بـ هـ السوالف
احم احم



المهم


حصان طرواده

اشكرك عـ التواصل & التوضيحات
ربي يسلم يمناك على كل سطر كتبته بـ هدف المساعده


لي تعقيب على هـ النقطه

اقتباس:

---

بالنسبة للرام :

أكيد تقدر تسوي له أبجريد ، لكن لازم تتذكر إنك راح تستعمل السلوت المخصص لشريحة الرام ، وبعدها شو بتسوي إذا احتجت لزيادة الرام مرة أخرى ...؟

---

فـ جمبو قالي المسؤول
إني الرام يتغير لـ 2G
والهارد ديسك لـ160 GB

كلامك اللي في الاقتباس عن هـ النقطه ما فهمته عدل ؟



وهيه قبل لا أنسى
ممكن توضح لي أكثر عن كرت الشاشه .. ما فهمت شو هو ؟
وشو سالفته ويا الأفلام & الألعاب

لاني مدمنة أفلام
أنزلهن على الكمبيوتر من الانترنت عقب أسيف الفيلم على سي دي
واشوفه !


===========

لي سؤال عن التوشيبا
لو بغير راي ما ادري للمرة الكم ...؟!
ورديت أفكر بـ التوشيبا
بـ أي لاب توب تنصحني & ما يزيد عن 3000 درهم
(يعني اختار لي جهاز توشيبا واحد .. واكتب لي رايك عنه)

وحط لي مقارنه بينه وبين الفايو اللي حاطه عيني عليه
يعني إيجابيات وسلبيات كل جهاز


========

ملاك الروح = على يكون زين // ونقدر عليه وأهم شي
أفهمه & يفهمني

خيال الحب = ربيعتي اليوم في المؤتمر يالسه تقولي يابت ديل & وايد زين
لكن ما تشجعت موووول حق هـ البراند :( ؟!

مايهزك ريح = شجعتني وايد بـ ردودك حق هـ الجهاز ..
تحمست له واااايد :)

عذبه

ما عليج من النقاش اللي بيني وبين حبيبي مايهزك ريح ، هذي مناوشات وحرب إعلامية بيننا :fa34:

ـــــــــــــــــــــ

بخصوص الرام ،

هو ما يتغير ، يتم إضافة شريحة 1GB ثانية ، لأنه في العادة أي لاب توب قابل لزيادة الرام يحطون لج سلوتين وكل واحد منهم يشيل 1GB .

بخصوص الهارد درايف ، إذا بيغيره وبيحط 160GB بيكون شي حلو .

بس شي واحد حطيه في بالج ، شوفي فرق السعر كم بيكون .؟ لأنه مستحيل يسوون لج شي ببلاش .

بخصوص كرت الشاشة ، له علاقة بالألوان ، وفي حالتج ما أظن تحتاجينه ، لكن حلو لما يكون مستقل .

بخصوص التوشيبا ، بمر السوق وبشوف إن شاء الله لاب توب بسعر 3000 أو في هذا الحدود ، عطيني لين يوم الجمعة وإن شاء الله برد لج خبر .

ـــــــــــــــــــــــــ ــــــــــ

عموما ، أنا مع السوني فايو ، ولا تظنون إني ضده ، وفي نظري وإلى الآن السوني فايو من أفضل اللاب توبات على مستوى العالم وما أخالف أبدا .

ولكن لابد نحط في بالنا أمور :

1- سعره في العاده يفوق أغلب اللاب توبات مع قلة مواصفاته .
2- لو أنا أبدل لاب توبي كل سنة أو سنتين أفضل شي في هذي الحالة إني آخذ براند أقل بمواصفات عالية ، وأحط في بالي إني أقدر أمدد الضمان لسنتين بدال سنة واحدة ، وبالتالي أفك عمري من صدعة الراس .
3- أما إن كنت ناوي أخليه لمدة 3 أو 4 سنوات أو أكثر فالفايو بيكون أفضل حل .

بالنسبة لي كناصح ، أحاول أقدم لج حلول اقتصادية قدر الإمكان ، وفي النهاية الإختيار لج :unclesam:

الأبجريد تقريبا بـ 600 درهم للرام ..ويسوونه في مركز خدمة العملاء في الرمول (ديره ) وياخذ 45 دقيقه ويسلمونكم اياه .. هذا والله اعلم .. :biggrin:

وبالنسبه للدردشه ويا حصان ما عليج منا نحنا ناس فاهمين في الكمبيوتر ( تخصصي علوم حاسب آلي ):k_blush-anim-cl:

المشكله يا حصان طرواده اني كنت ابا واحد كل شي فيه .. :14:
وما عندي مشكله في السعر .. و كنت ابا هالموديل بالذات .. :smile2:
بس للأسف الوقت اللي اشتريت فيه ما كان من هالموديل نازل الـ 2G رام .. :3:
اما الحين نزل في كمبيو مي .. :bash:
وبسعر اقل عن اللي انا اشتريته في جامبو .. تخيل .. اسميني مقهور .. >_<

انا دايما آخذ وقت لين اشتري شي .. بس هالمره مادري ليش استعيلت :k_no:

والله راسي افتر :boxed:


اكتشفت اني ميييييح ف هالسوالف

:h_daleel:

:

الحين آخذ الفايو ولا شو ؟

:hysterical:


<< وهم من الصبح شو يالسين يشرحون ويقولون :a058:

:

خل استلم بس بيزاتي وباخذه ان شاءلله داش خاطري وايد

وبعدين انا ما بستخدمه الا حق تنزيل الصور وحق المسن وبس ..

سو أحس ات دازنت ماتر .. مش فارأه معي :biggrin: أنا أهم شي عندي الشكل لووووول

مشكورين اخواني
وربي فيكم الخير




شكلي ما بغير رايي عنه!



لانه أنا اباه لفترة طويله يعني ممكن توصل لـ أكثر عن 3 سنين
والفايو يخدم ونقدر نستهلكه وايد


المطلوب الأخير

وين أقدر أشوف لاب توبز حق الفايو غير عن جامبو & بلقز إن



يعطيكم العافيه

كمبيو مي .. وجاكيس .. موجودين في مول الإمارات ..
كمبيو مي جريب السينمات .. وجاكيس في الدور الثالث في سيد دبنهامز .. جريب على مصلى الحريم فوق .. وعداله Lenotre كافيه !

احم احم

:)




فـ بوظبي

اوووه نوووو ما اعرف في بوظبي .. انا من دبي .. ^_^
ان شاء الله الجماعة ايساعدونج

وأنا بعد من دبي

إن حصلتي شرف دي جي بيكون ممتاز

عموما ، سواء جمبو أو بلج إنس ، في العادة أسعارهم وحدة ، وهذي ميزة السوني

مبروك عليج اللاب توب مقدما

وعقبال العزيمة على كثر النصايح اللي حطيناها

بس شرط واحد

ما تعزمين مايهزك ريح

وحليلي ليش ;_;

يعطيكم العافيه اخواني
ما قصرتوا ...

اونه عزيمه !!

بروحي اقولكم ما عندي بيزات بتسلف من خواتي
ما يصير تركبون علي ديون ..حق العزيمه بعد !


جثت ثوالف .. :)

إلا ما بعزمكم
يبالي اعزم الواحات بكبرها :)
لا خلى ولا عدم
يسلمووونيشن

انزين انا ابا اشتري لاب تووب حق اخواني التوام ..

يعني مابيه يتعدى ال3000

استخدامه للانترنت+power point & word

can some one help me

خيالووه .. في عروض في جمبو .. وشرف دج اعتقد على اللابتوبات .. وشفت شي في هالحدود ..
مر وشوف اللي يعيبك ..
في مول الإمارات حاطينهن عند الباب اول ما تدخل .. ^_^

بن عمي

ما تتذكر شو انواعهم؟؟

مب متفيج ادق خط ليييييييييييين امارات موووووول@____@ وايد بعيييييييييييييييييييييد

وخاصه الحين زحممممممممممممممه..

لو رحت بيت عمــي يمكن اخطف مول الامارات

ما اتذكر .. كانوا اكثر من نوع .. توشيبا على LG .. وسوني فايو .. امممم .. و Dell
اكثر من واحد
انته متى تبا تشتري ..يالس افكر اسير احينه واييبلك كل المعلومات .. لأنه عدال بيتنا ^_^

قول ما شاء الله ..
سرت مول الإمارات ..وتوني راد .. بس عشانك ..
بس للأسف ما قدرت القط لك المواصفات ..
لأنه وايد كمبيوترات عليهن عروض ..
من بين اللي اتذكرهن .. ienova اللي هو ibm سابقا بـ2300 درهم .. ومواصفاته كانن اوكيه ..
وعندك باكارد بيل .. 2800 ..
وعندك HP بـ 3500..
وعندك توشيبا بـ 3150
وكلهن مواصفاتهن تنفع للنت ^_^
و
شي غير بس اغلى يعني من 4000 درهم وساير ..

والسموحة ما قدرت اكتب المواصفات

انا اشــهد انـــك اصــيــل ولــد اصــيــل يا بن عمـــي:fa42:,,


تســـــــــــــــــــــلم يــاخــــــــــــــــــــ ـــي ما تقصــــــــــــــــــــــ ــــــر:fa42:,,

بشـــــــــوفلــي يــــــــــــوم وبـــــــــــــروح فيــــــــه دبــي ان شــاء الله ..


وتســــــلم مره ثانــيه اخوي مايـــد:fa34:

يسلم غاليك .. حبوب ^_^

اطمش :whistling:

سوري اختي عذبة الرووح .. خربنا موضوعج ^_^