عرض للطباعة
بالنسبة لإستخدام الدبل على الرمله ...
أفضل إني أخليه على القير الثالث اللي هو 4HLc بدال 4LLc ؟ لأني جربت الثاني لكن الموتر
أثجل ...
ويوم نوقف الموتر ... نرد الدبل على العادي، بحيث نخلي الموتر في الخالي ..
شو عن تجربتكم في القيادة برع المدن ... ؟
وصح يقولون مب شرط الواحد يكون عنده فتك عسب يدخل الرمله ...
يعني يعتمد على السويق ..
http://www.jeddah4x4.com/images/phot...4/large/04.gif
السلام عليكم ..
"المزوحي"
قبل كل شي لازم تنزل ضغط التواير لـ 15 أو 17 او المهم مايطوف الـ 20 ، وعقب تحطه على 4H مثل
ماقلت وهذا حق المشي العادي في كل مكان أما إذا طاح الموتر أو
دخلت مكان وصخ وكان الموتر مايتحرك عقب
تحطه في 4L عشان
يطلع عمره ومثل ماتفضلت حتى لو السيارة كانت مشايه عادي اييك واحد ويطيحها في مكان وصخ
ويضيع الوقت كله بس عشان يحاول يطلعها وإذا كنت دوم تروح يفضل إنك
تيمع لك عدة كاملة من قلص وقياسه وشيول
ومكينة للهوا والنفاخه
طبعا هالاشياء على حسب الحاجه
والرغبة ،، رحلة موفقه
:thumbup1:
الاســـطـــوري
أخوكم
الاسطوري مرحبا بك " عندنا " ... دايما يصادف يوم أشوف حد مغرز وحد يساعده .. ويبون يقلصون الموتر
ينقص القلص .. مواقف حلوه تصير أحيانا ...
صح الموتر يوم تنصخ عن التواير أفضل .. لكن نحن دوم ندخل جيه بدون تخطيط .. لا .. نكون مستنين وندخل ..
بس كلامك صح الاسطوري ...
لكن هل يفيد إنه أخليه 15 عقب مايغرز الموتر .. :6:
اول شي يالمزوحي يعتمد ع الدريول .. اذا كان عاثر لو تمشيه ع الكج بعد بيغرز
يعني السواقه اول شي عقب الموتر
و عن الدبل ... الدبل العادي ينفع في كل الدروب
و ناادر ما الشخص يحتاج للدبل الثجيل الا اذا كان يبغي يضرب ع العراقيب فالبداير ولا الفايه او كان غاط في بعقه خايسه و الرمله ناعمه "دهسه"
و طبعا يوم تكون حاطنه ع الدبل الثجيل تقوم الموتر ع القير الثاني
لانه الدبل الثجيل يأثر واايد ع القير و ممكن يطحنه
و يوم توقف الموتر مب شرط ترد الدبل ع العادي لانه الموتر واقف فما يحتاي ترده ع العادي
و طبعا وناسه القير العادي احلى بمليون مره من الاتماتيك
و اذا الشخص يخاف و يوسوس واايد مثالا يوم يصعد عرقوب يخاف يكون ورااه قص او يخاف ينجلب و هو يمشي عرض ع العراقيب تأكد مليون فالميه بيغرز دوم
و عن التجارب خارج المدن
تقدر تقول بشكل اسبوعي اذا مب يوميا حتى لول
يوم الواحد ملان و يقول يالله نتمشى في جيمرا ولا ع الممزر
انا اقول يالله نسير نقطع فالبرور هههه
1 - اذا كنت داخل البر حق يلسه و مش تقطيع ما يحتاج تنصخ ع التواير لانه ما بتدخل واايد فالبر
بس اذا داخل عسب تقطع خل التواير ع الـ 20 .. و حط في بالك انه كل ما تنقص الهوا تحت الـ 20 .. الـ risk انه التاير يفصخ يزييد
2 - يوم بتوفق الموتر دووم وقفه ع صعده ولا نزله عسب يوم تبا تتحرك عقب ما تغرز ..
3 - خل وياك قلص من الكبار شرات حبال البواخر اللي ما ينقصن "ينباع في ace hardware" و ابتعد عن القلص الحدييد لانه اذا انقص ممكن يرد ع السياره او ايي في اي شخص و يكسره
4 - موول ما يحتاج تعطيه ريس كامل فالبر ... فدوم سوق ع راحتك و ع الصعدات زييد الريس .. لانه كل ما تعطيه الموتر ريس كامل بيتم يحفر واايد و هو يمشي.
5 - دوم خل فالسياره شيول و قييج هووا و وولف
6 - ابتعد عن المواتر الامريكيه فالبر لانها ثجيله و دوم الشنب يكون ناازل و بينكسر عليك طبعا نستثني الـ jeep خخخخخ
7 - اذا مغرز اتصلبنا و امره بنفزعك ع طول لو تاالي الليل.
8 - السموحه ع التفلسيف و الهذربان الزايد
:14:
طول الله بعمرك صريح وتسلم لو بتفزع لنا ..
ربيعي عنده مورانو وحدرها الرمله وماشاء الله ماغرزنا بالمره، وجدامنا لاند وفتك داقين الارض ..
وعندي فكره على الوقفه ... بس هل ارد الدبل يوم انزل من الموتر ؟؟؟ وإلا أخليه على 4H ؟
موضوع جميل الصراحه.. وانا مالي فهالسوالف بس احب اتعلم
متابع معاكم
المشكلة إني ما أسوق في البرور، مع إني أحب هالطلعات ...
وإن شاء الله اسهر معي ليله تستفيد وكلنا وياااك ..
متابعين ..:woot:
صدق الواحـد يستفـيد من خـبرات الغير ..
.
.
"المزوحي"
يالله اقنع اسهر معي ليله انكم تروحون تقطعون في موتره،
أنا بيي عشان أصوركم بس
:14:
صريح ماشاء الله ماقصر شرح لكم السالفه من طق طق لـ سلام عليكم، في جيك متوفر في
السوق هو مثل الأحمر مال المحلات بس أصغر وأحسه عملي لأنه أسرع
في الاستخدام وتروم تحطه في جهات مختلفه يوم تغرز
ووايد يفيد للطوارئ أظن سعره بين
250 - 300 درهم
قرموشة ... أمس شفت بدويات ... ينسمن على التاير ... الموتر مغرز ...
يالله قرموشة تعلمي مافيها شي ...
ترى بتظهرون رحلات وبتصادفكم هالامور
بارك الله فيك الاسطوري على المعلومة ...
عايبني الموضوع
يعني حتى لو ما ندخل برور بس نستفيد
مثل ما قلت !!
كنت اترجى اميه ادخل البر على ايام سيارتي
الجديمه ما كانت اتطيع، وايد تعيبني هـ السوالف
اتخيل نفسي اقطع !!
متابعه لكم
مزن .. مب مشكلة ممكن هالمعلومات تعطينها لأي حد مغرز يوم تكونين منظمة للمجموعة بس ^_^
::
وينكم عنا البارحه ..
ماتم حد ما غرز ..
يقهروني اللي مالهم في البر .. ويتفلسفون .. ايون يبون يطلعون الموتر أونه
وروحهم يغرزون !!
تمينا نتريه كمن ساعه .. لين قدروا يطلعون المواتر ..
لأنه البقعه صج كانت خايسه ..
:
عيبني الموضوع وايد ..
وشكلي بسوي كوبي بيست .. وبوزعه على شباب العايله ..
كل واحد فيهم تفلسف وسوا عمره بدوي .. ودش البر :biggrin:
وهم مالهم فيه ..!
:
متابعيــــــــــــن
اسقونا من غيض فيضكم :fa47:
مرحبتين ملاك حياااج تفضلي ... استريحي واشربي لج فنيال اقهوه ..
http://www.moeforum.net/vb1/uploaded/3287_1182467365jpg
وبتستفيدين من التجارب ..
تمي متابعه والأيام اليايه ( إن شاء الله ) يوم بتسيرون البر .. بتعرفين تتصرفين
هــــــــــلا ..
يوم السبت كنا في الورقه من العصر لليل سحبنا وانسحبنا كذا مره وطلعنا شباب عندهم
استيشنين وفتك طايحين في بقعه مافيها حد صوب الشارع الثاني
من ورا وفي دربنا واحنا طالعين شفنا
اكس فايفين من
اليداد وانفنيتي اف اكس واقفين على البدي في مكان يابس قريب الشارع ومول السيارات
ماتروم تحرك نفسها والريال بروحه ويه اهله المهم كان عندنا قلص
بس حديد جيه مال مش حالك حاول
الفتك يطلع
الاكس فايف بس مارام لأن الاكس فايف أثجل قريب مرتين فيبنا السيارة الثانية وكان الريال
بيخشع خشعه خفيفه وإذا بالقلص بنقص ويرد على الاكس فايف
ويضرب الدبه ويكسر الجامه ونزل
راعي الاكس
فايف فاج حلجه مب عارف يسب منو ويخلي منو بس سكت وكان يقول خلاص أنا بطلع
السيارات وعقب وصل فاعل خير وياب العده اللازمه ويلسنا
نحفر بالشيول وإستخدمنا قلص مال
الشاحنات من
ايسي هاردوير ولين قدرنا نطلع السيارات بعد معناه في التحفير والدز والحين راعي
الخشعه ضميره يأنبه يبى يدفع تحمل التصليح لراعي الاكس
فايف بس مب عارف وين يلقاه!
شو الحل؟
السموحه
الإسطوري
ما عندي فوريل.. وسيارتي اصلاً اتكنسلت خخخ
بس ان شالله لو طلعت اللي فبالي.. حاظرين :fa42:
:
:
ملاك الرووح
جيه البر حق البدو بس هههه :k_harhar1:
لازم الواحد يجرب.. وما يتعلم الا اذا غرز كم مره
وكل سوّيق لازم في يوم من الأيام ما كان يعرف يسوق
:
:
انا عن نفسي ماعرف اسوق فالبر.. بس امشّي حالي
شو رايكم في الرانجلر وسواقته في البر؟.. عذبني هالموتر :k_blush-anim-cl:
http://www.brunswickautomart.com/ima...ngler-2007.jpg
عيل يالاسطوري راعي الخشعه وين حزتها، يعني عقب ماسار الريال، قال شو أسوي ... لو حافظين رقم الموتر
تقدرون وبكل سهوله تطلعون رقمه من المرور، ويتصل به ويكلمه ..
عيل وايد يذمون الباجيرو في الرمله !
على طاري الباجيرو قبل فترة كنا رايحين ليوا Fun Drive ويه غلف نيوز وكانوا هناك حوالي 150 - 200
سيارة ومشينا في البر مسافة 170 كيلو من الصبح للعصر وفي نص الدرب
تقريبا يوم قربنا من الكيلو 100 وقفنا لأن سيارة
واحد من ربعنا فصخ عنده
التايـر والحبيب مركب رنجات وماعنده سبانـه قياس البلوط ومب قادر يضـرب جيك المهـم كنا صـوب
الجيك بوينت الثالث وواحد من ربعنا عنده باجيرو فضى عليه التانكي مال
البترول وطلع يفول في أقرب محطه وبند الموتر
وعقب فتك سحبه مسافة
10 كيلو للمحطه (في الشارع طبعا) وفي وقفتنا مر علينا حوالي 5 او 6 سيارات باجيرو يسألون عن
أقرب محطة بترول وكلهم البترول عندهم على الامتي مع ان سيارتنا كانت
شفروليه سلفرادو 8 سلندر بس حزتها كان
عندنا فوق النص والفتكات
تحت النص بشويه يعني مول ماتتفاهم الباجيرو أما عن المشي كان باب واحد ويمشي عادي يعني
ماشفته طاح مثل مايقولون هو عالسايق هذا والله أعلم ، شوف مابتعرف
ولا بتتأكد إلا إذا جربت وطحت في مشكله
وحاولت تحلها
:h_daleel:
مرتين استوت الحركة انا عندي باجيرو وربيعي برادو .. نمشي على نفس الرمله وهو يغرز، لكن انا ما امدح نفسي
في سواقة البر .. امدح السيارة لوووووووول ... يبالي تجربة عميقه وياها .. مرات تغمضني ..
متابعـيـن لـكم
^^
السلام عليمك ورحمة الله
ماشاء الله الاعضاء ماقصرو هني
وشرات ماقال صريح السواقة اول شي عقب الموتر
يعني مثلاً انا ربيعي عنده كامري V6 يدخله البر و يقطع فيه
من أم القيوين لين عيمـان !!
إسهـر معي ليلة
يمدحونــه الرانجلر في البـرر :14:
حيــااهم :)
كنت أدور كامري V6 بس شكلي بهون هههههههههههههههه :fa34:اقتباس:
المشاركة الأصلية كتبت بواسطة عيماني وكلي فخر
أشكركـ وأشكر فنكـ يا " المزوحي " على الخبرة :a033:
عقولتهم :12: >> ومنكم نستفيد
عيماني .. يبالي اجرب الكورولا في البر :6:
عيناوي إذا على الخبره الاعضاء ماقصروا الصراحه في المشاركة :fa56: