خطوة حلوة مني

وانا يالس جدام شاشة الكمبيوتر، يالس أفكر بعدة أمور، ومن بين هالأمور، خطر على بالي .. http://www.dxbmoon.net/vb/images/smilies/juggle[1].gif

كـــــــيف اتـــــــغير للأحــســن ؟؟

فــعلا كـــيف ؟؟
صــح إنــي دايــما أفــكر قــبل مــا أرقــد، شـــو الأشــياء اللي ســويتها، ومــاعيبتني ..

تــقدرون تــقولــون انــتقد نــفسي ..

خــطوة حــلوة ... http://www.dxbmoon.net/vb/images/smilies/Jumpy[1].gif


أتــمنى يــمر لــو يــوم ( بــدون مــا أخــطأ ) كل بني آدم خطاء ...

http://www.dxbmoon.net/vb/images/smilies/shutup3[1].gif

بس اكــون أفــضل مــن اليــوم اللي مــضى .. http://www.dxbmoon.net/vb/images/smi...ban[1].gif



كيف ممكن الواحد يمسك أموره، يعرف يتعامل على حسب طبيعة الغير ؟ http://www.dxbmoon.net/vb/images/smilies/afro[1].gif

اللي يجمع هاي الصفتين - تقبله لنقد الآخرين و حرصه على انتقاد تصرفاته بحدود المعقول - يكون من السهل عليه التغيير و حتى سهل انك تتعامل معاه أحياناً ..

اقتباس:

---

كيف ممكن الواحد يمسك أموره، يعرف يتعامل على حسب طبيعة الغير ؟ http://www.dxbmoon.net/vb/images/smilies/afro[1].gif

---

الإنسان لازم يكون مرن في التعامل مع غيره باختلاف طبايعهم وطريقة تفكيرهم ..
يعني السمستر اللي طاف كنت في قروب .. وحد من اللي ويانا كان معروف انه غير ملتزم بمواعيده و مب شغيل .. فـ اعترضت وحدة من اللي معانا و قالت لازم نطلعه من القروب.. وطبعاً طلبها انرفض..
فـ تمت في كل اجتماع تعامله على انه انسان ما يعرف شي و كان يبين عليها انها منزعجه .. لين ما كلمناها وشوي شوي بدت تتقبله و ها الشي ياب نتيجة ..شفناه عقب يشتغل اكثر و حريص اكثر على انه يحضر الاجتماعات..
فـ عشان جي .. لا تحكم على الناس على اساس كلام سمعته عنهم قبل ما تتعامل معاهم و بجي بتقدر تتعامل معاهم اكثر..

ودوم خلي بالك طويل وحاول تفهم طبيعة الشخص اللي تتعامل معاه..

...

انته ذكي وصعب بنفس الوقت .. تدري ..؟؟!!

كيف جي مادري ..,,""

..,,

كيف نتعامل معاهم .؟؟؟ اهااا ..

حلو انك تكون وسط ...

لا ترخي ولا تشد .."

انا من النوع الي احب اعامِل كما اعامَل .!!
عامل الغير ع حسب شخصيتهم .. ع حسب انطباعهم ..
في ناس يتحملون الغشمره والضحك .. وفي ناس لا ..

في ناس .. دقات ... مزاج .. يوم بيضحكون بيضحكون ويم لا .. قوم عنهم واهني تبدى المشاكل ..
وهذول الخوف منهم .. والتعامل وياهم يكون صعب ومعقد ،،

وايد صارتلي مشاكل بهالسبه ..اني ماعرف كيف اتعامل مع ناس مزاجهم او طبعهم مختلف ...
بس الحين الحمد لله .. وايد اوكيه ..
انته تقدر تتعامل وياهم بكل سهوله وبدون اي تعقيد ... شي طبيعي وايد ..
بالصبر وطولة البال ,, والتفاهم بتوصل لك الحلول ..
الشخص شوفه هو كيف يحب الناس تعامله .. من حركاته كلامه .. اسلوبه .. يعني ادرس الشخص عدل ..
وشوفه كيف يعاملك ...

يعني هني انته بتقدر تفهم الكل .. بس يبالها هدووووء وتركيز وادب بالتعامل .."

"
"
"
مادري اذا فهمت علي ولا لا ..
انا اجوف جذي ..*_*

عافك الخاطر عيبني الرد الصراحه ...

و

الا انا فهمت كلامج ...

شكرا على الموضوع .. الصراحة فعلا خطوة حلوة منك . يعني الواخد يحاول انه يصلح نفسه

للاحسن .. لاهنت

غموض

صح مرات نعامل كل واحد غير، مب إنه نفرق ولكن طبيعتهم تلزمنا نحن نتشكل ..

شرط انه ما يكون علي حسابك .. يعني .. ا تشسوي شي انت مش مقتنع فيه بس عشان


ترضي الاخرين .. يعني لكل شي حدود .. لاهنت

خطوه حلوه منــك ..تفكيرك بالتغير...
حلو انك تطمح للأفضـــل...

والشي يبدأ منك أنت ...أنا أحسن ...أنا أفضل... هذي كلمات لازم ترددها بينك وبين نفسك...:a034:

ما بخطي ...ليش أخطي ...أنا شوه ناقصني ...ليش غيري ما يخطي كثري...ليش أنا مب قد المسؤليه ...هذي تساؤلات لازم تخليها في بالك دايما..

أنا أقدر أكون غير...غير عن الشخص اللي الناس عرفوه ..يمكن نفسه وبذاته لك بروح أحلى وأسمى ...بروح قادره على التغير والتميز...:k_smartass:

فضول فيني ...ليش قلت ان تبغي تتعامل على حسب طبيعة الغير...؟؟

الغريب في الأمر انك تبغي تتغير عشانهم مب عشانك وهذا هو الأمر الأسوأ ..:fa45:

حلو انك تتغير عشان نفسك وذاتك...وتخليهم هم ينقادون لك ...هذي مب أنانيه ...مجرد شعور انك تكون القايد...:bow_arrow:

شي ثاني ...تقدر تعامل كل شخص على حسب طبيعته ...يعني اللي ما يحب يسولف ويضحك وايد

ما تيلس تسولف وياه بطريقة ما يتحمله:a018:ا ...تعامله على حسب طبيعته بس هالشي ما يخليك تغير طبعك الكلي عشانه ..أقصد أنك تكون مرن مع الكل..:a034:

السلام عليكم والرحمه

فعلاً خطوة حلوه
كـ بداية لـ إكمال مسيره

لكن فعلاً
خطيت عدة خطوات
يعني اتخذت قرارت .. ولـ الأسف
أقدر استمر فيها يوم ويومين ويمكن أكثر
لكن في النهايه .. أرد مثل ما كنت

يعني هني تنقصني .. قوة الإراده ؟!
شو الحل ؟


أشكرك اخويه عـ الموضوع
والله يديم عليك هـ الطبع الطيب
إلا إن كان التغير لـ الأحسن :)

ربي يوفقك دنيا & آخره

رحيق، أحيانا ألوم نفسي على الامور اللي تصدر مني، لكن أهدي نفسي، لأنه مابغي اجرح نفسي

أسيئ لذاتي، خلني أوقف عند هالنقطة وأحل المشكلة .. لأنه كثرة تبويخ الذات مب لصالحي ..

بس في نفس الوقت ما استصغر التصرفات البايخه ، عسب ما استمر في هالدرب ..

عذبة الروح قوة الارادة، خلني أقول بس خلاص يكفي ولي متى ... بكون جيه، خلني ابتدي هالخطوة الحلوة

احاسب نفسي، واتخيل الطرف الثاني لو عاملني بــ هالطريقة ، ولو هالشي صار لي، كيف لي بتقبل الأمر

بالتالي بسوي حساب للغير ..

وانا أقولج حاولت ونجحت في بعض الأمور

ذكرت نقطه

أحاسب نفسي ....؟!


يا ترى كيف ؟
ترى سالفة قلب المواقف واني اتخيل لو مكان الشخص المقابل ..
وكيف بـ تصرف .. ما تمشي معاي ؟!

إلا في حالة موقف في الأساس ما عجبني .. وهذي قناعتي !
"سالفة معقده ... ما له داعي ارمس بها"


القرارت اللي اتخذتها .. كسرتني
يمكن لأني أتخذ قرار أقوى عني ... اممم ما ادري والله


كانت لي متابعه من فتره لـ برنامج (خطوه)
ومن وقت ما عرض سلسلة حلقات "غير حياتك"
حطيت في بالي إني لازم أغير حياتي
ولكن ... لين الحينه ومثل ما قلت قبل
أتغير فتره قصيره .. وارد مثل أول .. ويمكن اسواء

تم تداول قوة الإراده
ولكن فعلاً أحس إنه إرادتي معدومه ..
مب إنها ضعيفه أو قوية
متى أقدر اوقف بويه هـ الإراده ؟ .. واتغير !!


أكيد في نقطه لازم اوصل لها ..
حتى أثبت على قرار صدر مني وانفذه !




لين هني أكتفي ..!
كتبت رد طويل .. ورديت حذفته ..
حسيت إني شرقت & غربت :)
اسمحلي اخويه

كنت أتمنى لو خليتي الرد الاولي، ما فيها شي، وأنا بتقبل كل شي صدقيني، القصد احترم راي الغير

وجهة نظركم، وإذا في شي انا كذلك برد على تعليقكم .. وما في حد منا بيزعل من الثاني بإذن الله ..

بخصوص برنامج خطوة خبروني عنه وانا ماجدت تابعته، بس يقولون إنه صدق يغيرك ..

يمكن في البداية تتغيرين لمدة يومين وتردين على طبايعج الأولية، وعقب المحاولة الثانية والثالثة

تكونين انسانه غير ..

بصراحة اللي يشوفني الحين يقول هذا يتفلسف ويالس يقول خطوة حلوة مني ..

هممم

بس اللي يعرفني قبل ويشوفني الحين بيلاحظ الفرق والتغير اللي طرأ عليّه، وبيحس بعنوان الموضوع ..

اقتباس:

---

يمكن في البداية تتغيرين لمدة يومين وتردين على طبايعج الأولية، وعقب المحاولة الثانية والثالثة

تكونين انسانه غير ..

---

يمكن ... ليش لأ !

من كلامك .. حسيت إنه يبالي أحاول مره ومرتين وثلاث
المشكله إني من كنت ارد مثل اول .. أيأس
واشوف نقطه ثانيه ..
واحاول أغيرها ..

ما أوقف عند النقطه الأولى واقول ليش ما قدرت .. ؟!
ليش ما احاول فيها أكثر عنه مره حتى أعرف السبب .. ؟



يمكن التشتت ..
أحد الأسباب اللي وقفت عائق بيني وبين التغير
يبالي أركز في النقاط اللي أبى أتغير فيها
وامشي وحده وحده ..

صح كلامج، وصدقيني بتحسين بسعادة ...