اكشخ في الاجواء الباردة .. ولا تخيّل ..
رد: اكشخ في الاجواء الباردة .. ولا تخيّل ..
رد: اكشخ في الاجواء الباردة .. ولا تخيّل ..
ماشالله عليك المزوحي شاد حيلك
مافيها مستحى ان الواحد يلبس جاكيت ويدفي عمره
اهم شي صحتنا
حشى البرد يضرب في العظم لو مانلبس جاكيتات وشالات ودلغه ... الخ بنتم مجسحين في الفراش
الكولكشن الي حطيته وايد نايس وستايلش والوانه صدق الوان بررررررد
رد: اكشخ في الاجواء الباردة .. ولا تخيّل ..
كل الاولاد الي في القريه يلبسون هالجاكيتات ,, امس كانت درجة الحراره ونحنا ظاهرين 13 !!
اتصور فجبل حفيت تكون بالـ - XS ونااااااااسه احب البرد
رد: اكشخ في الاجواء الباردة .. ولا تخيّل ..
مايهزك ريح هيه أول واحد روعه، تقريبا اللي خذته شراته ، لونه اسود والمخابي شويه تختلف
رد: اكشخ في الاجواء الباردة .. ولا تخيّل ..
هيه بنت الدلع شاد حيلي والله .. وشكرا لو صدق نااايس :)
رد: اكشخ في الاجواء الباردة .. ولا تخيّل ..
تحفه، في ناس تحب تاكل ايسكريم في البررررررد بس ...
للحين مازرت القرية العالمية، السنة .
رد: اكشخ في الاجواء الباردة .. ولا تخيّل ..
أمس فالقريه شفت واحد لابس جاكيت طوييييييييييييييييييييييل يعني لين تحت الركب طبعا فوق الكندوره العربيه
بس كــلش مب شي شكله
ما أفضل الجاكتات الطوال مع الكنادير
رد: اكشخ في الاجواء الباردة .. ولا تخيّل ..
مزايا نحترم وجهة نظرج ..
عيل يستوي كاب مع كندورة ؟؟؟؟
همم يمكن هو كان شكله امبهدل، يعني مب قياسه ..
رد: اكشخ في الاجواء الباردة .. ولا تخيّل ..
^
^
يمكن لانه الريال قصير ف كنت احس بالجاكيت مبهدل ومب شي
امممممم كاب مع كندوره يستوي ، انا توأمي كله يلبس كاباات وكشخه عليه
بس عادة فالشــتا الشباب يلبسون الشالات لانه هذا موسمها وبعد لاتنسى انها ادفي الراس يعني حالها حال الكابات
تصدق يالمزوحي بإني شفت ريال لابس كندوره بربريز مع كاب بربريز
O.o
هييي كندوره عربيه بس قطعه بربريز وكاااااااامله طبعا
حسيت إنه اللبس الاماراتي اختررررررررررررررررررررب موليه
رد: اكشخ في الاجواء الباردة .. ولا تخيّل ..
وين يبى هذا، شو هالموضة اللي يبغي يكون كاشخ لــ هالدرجه ... هنيه عاد stop
رد: اكشخ في الاجواء الباردة .. ولا تخيّل ..
كوليكشن وااااااايد حلــــــو
الصــــراحه
...
خاصه الــــboss head cover
وايـــــــــد نايـــس
...
المزوحي
مشـــــكور ع الصور
رد: اكشخ في الاجواء الباردة .. ولا تخيّل ..
رد: اكشخ في الاجواء الباردة .. ولا تخيّل ..
كشخه جاكيتات الرياييل وكناديرهم الصووووف
أستانس في الشتــا يوم أشوف أبويه كل يوم لابس كندورة بــ لون من الألوان اللي تعيبني مثل :(البنـي بدرجاته لييين البيج ، و الزيتي و الرمادي الغاامج)
حلو أول كوت حاط صورته يالمزوحي
هييييييييييه صدق ، بعد الشالات وااااااااااااااايد روعة ويا الكنادير الصوف
جان زين لو الشتا عندنا في السنه يتم أكثر عن الصيف ==> أحس الناس يكشخون أكثر ،سواء رياييل أو حريم أو يهااااال لوووول
أشكرك على المواضيع الحلوة اللي تحطها :fa35:
رد: اكشخ في الاجواء الباردة .. ولا تخيّل ..
هههههه
ضحكت على كندووورة باربريز !!!
انا اللبس الشتوي احلى شي عندي ,.,
ممممممممم
جنز + تيشيرت + سويتر + جوتي
( بس احب الأسود .. او البني )
رد: اكشخ في الاجواء الباردة .. ولا تخيّل ..
قصايد غلا .. أمس واحد من الأهل زارنا البيت ولابس كندورة صوف كاكاوية، لونها روعه الصراحه ... ومتدلغ ..
قلت له : هيه جيه الواحد يكشخ .. تم يضحك ...
في شالات عند محل أجمل اللي في الهند " الصيف اللي سار .. كنت هناك " كانوا يبيعون شالات مرتبه الصراحه ..
يوم تلمسين الشال زبده، وخفيف لكن وايد يدفي .. والألوان اللي عنده فنانه بعد .. بس في من الناس تقول ليش اشتري
بـــ هالجيمه ( دام البرد عندنا شهرين بعد مب 3 ) .. بس تدرين يقدر يخلي حق عقب .. مب شرط بياخذه له كل سنه غيره ..
بس جيمته 10 آلاف ...
تصدقين قصايد في ناس تكشخ في كل الأوقات وكل شي عليها حلو .. من لبس دوام ورياضة ولبس البيت بعد ..
هيه حلو أول واحد ...
رد: اكشخ في الاجواء الباردة .. ولا تخيّل ..
مجموعة انسان .. ممكن تحصل شغلات حلوة من البلوزات او الشيرت ...
