اهتمام الرجل ... بنفسه

السلام عليكم

اسمحوا لي هالمره لو الموضوع فيه جراءة .. لكن بعض الرياييل يفتكرون الاهتمام بالجسم، للمرأة بس ..

يعني هو حده يتسبح .. بدون العناية .. بجسمه وبقدميه ... فعلى سبيل المثال .. نلقى أحيانا في آخر القدم

يكون اليلد خشن، وعرفت شباب مايهتمون بالمنطقة، كونها نوع من خشون الرجل ..



اللي حاب يحلق لحيته ... ممكن يستخدم جل ... بدل من الصابون .. بحيث يغسل وجهه بماء دافي ..

وممكن كذلك تستخدم مقشر للوجه ..

إذا كنت مستحم قبل النوم، وحبيت تتروش الصبح .. حتى ولو لخمس دقايق ... يكون أفضل ..

بحيث تحط شاور جل بدل الصابون اللي ممكن يسبب الجفاف للجسم ..

وممكن تستخدم كولونيا في منطقة الذقن .. ( التفاحه ) وشويه وراء الأذن ...

وهذا مش يعني الاهتمام فقط للمرأة ...

وفي وايد شباب مايستخدمون عطر رجالي واحد .. يستخدم عطر نسائي ظنه إنه بيجذب الحريم من

الريحه اللي هم يحطون منها :4:

بالعكس .. ممكن تختار عطر تحبه ... ومب شرط عطر واحد .. تقدر تحط كل عطر لوقت معين ..

لاتنسى إنك تقلم أظافرك ... أحيانا أشوف شباب كاشخين آخر كشخه ... لكن شوف أظافرهم .. طويله

ووسخه ... :a046: يمكن مايفتكرون بهذا الشي ...
عندك مجموعة ممكن تحصلها في marks & spencer أو Body Shop

وممكن تحصل في أماكن ثانية ..


عندك شاور جل

http://www.thebodyshop.com/images/ba...shower_gel.jpg

وممكن تستخدم هاذي للجلد الميت كل ماتستحم ... تفرك ...

http://www.thebodyshop.com/images/ac..._on_a_rope.jpg

عند ديودرانت ( مزيل رائحة العرق )

http://www.thebodyshop.com/images/ba...rant_stick.jpg

ممكن تستخدمون بدي اسبري من ماركس اند سبينسر

http://ecx.images-amazon.com/images/...X280_SH35_.jpg

وفي محلات ثانيه ماتحظرني أسمها .. اللي تبيع بس هالشغلات .. موجودة في اي مركز تسوق

برجمان .. الستي .. مول الامارت ..


وما ننسى آخر شي الاهتمام بنظافة الفم ...


وإذا عندكم أي إضافة لاتترددون ...

الاشياء الي تتكلم عنها يالمزوحي اساسيةو المفروض انه الشباب بدون ما تقولهم عنها يعرفونها و على طاري الصابون،، اعرف شباب ما عندهم غير صابونه وحده "لايف بوي" في حمامهم و هي حق غسيل اليد من عقب الاكل و حق غسيل الويه و حق السبوح و حق ما بعد دخول الحمام و انته بكرامه oO

اقتباس:

---

المشاركة الأصلية كتبت بواسطة ذنـيـنـي

الاشياء الي تتكلم عنها يالمزوحي اساسيةو المفروض انه الشباب بدون ما تقولهم عنها يعرفونها و على طاري الصابون،، اعرف شباب ما عندهم غير صابونه وحده "لايف بوي" في حمامهم و هي حق غسيل اليد من عقب الاكل و حق غسيل الويه و حق السبوح و حق ما بعد دخول الحمام و انته بكرامه oO

---

:k_nono: عوذ بالله ، شي ناس جذه ؟؟؟

وين أهلهم عنهم :k_puppyeyes: ؟

ذنيني .. هااا انته روحك قلت ...

يمكن تشوف الواحد يرررررش عطر على كندورته ويتسبح به بعد، لكن الواحد يتنظف من الداخل بعد ..

وخاصة اللي جسمهم يفرز دهون بزيادة عن غيرهم ..

يمكن انته تحس إنه كل الشباب عارفين هالشي، لكن لو حتى نحن في هالعصر، في حد يقول مب مهم هذا كله !

قصايد غلا ... اعرف واحد عمره ما استخدم شامبو .. يقول إنه يضر .. مادري يمكن له نظرة ...

مثل ما قال ذنيني لايف بوي يتفرك بها بكبره .. من راسه لريوله .

قصايد غلا مب انه وين اهلهم عنهم،،المشكله انهم اونه مب فايجين ياخذون شاور جل للسبوح و مب فايجين يسيرون ياخذون صابون مال الويهو على كلام "كذا شخص" يعتبرون انه هالاشياء خاصة بالحريم و انه الريال المفروض انه ما يسوي جي لولعاد قومي فهميهم انه هالشي افضل لهم و انهم يضرون اعمارهم بهاي الطريقة الي يتبعونهاالمزوحيعندك الكلونيا الي يحطونها عقب الحلاقة في صالونات الحلاقةكلها من اردى الانواع و اكيد انته مجرب "الصلخه" الي تيك من عقب ما يحطون لك من هالكلونياانا عن نفسي عندي عدة الحلاقة الخاصة فيني و ماخذ بلسم ما بعد الحلاقة من نيفيا يطهر المكان من عقب الحلاقة و في نفس الوقت يمنع تهيج الجلدhttp://www.westonshealth.co.uk/acata...421q_large.jpg يعني شو كالفني اظر عمري بالاشياء الي عند الحلاق و خاصة انه هالباكستانيين الي يحلقون اللحى يستخدمون اردى الاشياء في صالوناتهمبيني و بينك حتى الماي مال الحلاقة اييبه من عندي لأني ما اثق فيهم ابدا

شو سالفة الواحات !! مب طايعه تسوي انتر عشان ابدأ سطر يديد !

ذنيني .. اللي يبغي الصلاة ماتفوته .. والاهتمام بالنفس من سبوح وعطور مب للحريم بس ..

منو قالك الاولاد مايهتمون فعمارهم كثر البنات!!

اخوي يصك درب لين بوظبي بس علشان يعدل الزلف تصور!! ومايشرب الا نوع واحد من الجاي علشان اسنانه ما تصفر! والحين هو وعيال خوالي كلهم طالبين من الكويت جواتي ماتنباع مثلها في الامارات بس علشان الاجواء البارده!!

ونا يوم قلت حق ماما ابي اسير عند خيريه الي في عيمان قالتلي استهدى بالله! >,<

وعلى فكره انا ما حب اشوف ولد مب مهتم بنفسه <,<

مره شفت واحد اضافره طويله بغيت ازوع وويهي اصفر لووول

ما اتخيل واحد ما يحافظ على نظاقه عمره
وما يستخدم هالسوالف
من نفسه لازم يسوويها بدون لاحد يقوله
ان الله جميل يحب الجمال
والنظافه شي مهم جداااا والا بيطفش الكل من حوله

تحووفه زين لو الشباب كلهم شرات أخوج، بس هاااا مب يصكون بوظبي عسب الزلف ....

بالنسبة للجواتي ... في نوعية من الرياييل الكبار، يلبسون جوتي وانتو بكرامه على الكندورة ...

بس مب جوتي رياضة أبيض مثل اللي شفته ...

شفتي كيف لاعت جبدج يوم شفتي راعي الاظافر الطويلة ... في وايدين يلبسون الغتره او القحفيه مليون وديه

تخيلي الريحه كييييييف ...

وعلى فكره على طاري الاظافر، عقب ماطرحت هالموضوع وانا طالع من البيت شفت هندي في الفريج بوزار وفانيله

ويالس برع البيت ويقص اظافر ريوله، تميت اضحك لأني تذكرت الموضوع ...

صدقج يا بنوتة

ماحب الريال الى مايهتم في نفسه بس في نفس الوقت ماحب الريال الى يهتم في نفسه بزياده:fa46:

بس عاد ريال يستخدم صابون واحد لكل شي ايووو .. انا اهم شي في حياتي الصابون .. عندي عشر انواع شاور جل الى يرقققد والى رفرشنغ والى ريحته حلوه ولا ولا ولا وصابون اليد استخدم اليابس والسائل
للحين مب مستوعبه انه في شخص بس يستخدم صابون واحد:fa46:

للعلم شي شاور جل يبيعونه في السوبرماركت وايد فنان .. من st.ives .. لونه اخضر وفيه نقوط زرقاا مكتوب عليه refreshing :alien: < ها وايد مهم يوم عندك شي مهم صدق يصحصحك

اقتباس:

---

المشاركة الأصلية كتبت بواسطة المزوحي

تحووفه زين لو الشباب كلهم شرات أخوج، بس هاااا مب يصكون بوظبي عسب الزلف ....

بالنسبة للجواتي ... في نوعية من الرياييل الكبار، يلبسون جوتي وانتو بكرامه على الكندورة ...

بس مب جوتي رياضة أبيض مثل اللي شفته ...

شفتي كيف لاعت جبدج يوم شفتي راعي الاظافر الطويلة ... في وايدين يلبسون الغتره او القحفيه مليون وديه

تخيلي الريحه كييييييف ...

وعلى فكره على طاري الاظافر، عقب ماطرحت هالموضوع وانا طالع من البيت شفت هندي في الفريج بوزار وفانيله

ويالس برع البيت ويقص اظافر ريوله، تميت اضحك لأني تذكرت الموضوع ...

---

هيه بابا الحين مستوي نفس الكويتيين يلبس جوتي وكندوره :fa35: وايد يعيبني :heart:

والله يعين الصراحه مادري كيف مايهتمون بعمارهم ,, معني احس محد امشي سوق الدوبي غير الشباب!
والله صدق كلشي يسوونه فالدوبي :Oo:

اقتباس:

---

المشاركة الأصلية كتبت بواسطة شمعة أمل

ماحب الريال الى مايهتم في نفسه بس في نفس الوقت ماحب الريال الى يهتم في نفسه بزياده:fa46:

بس عاد ريال يستخدم صابون واحد لكل شي ايووو .. انا اهم شي في حياتي الصابون .. عندي عشر انواع شاور جل الى يرقققد والى رفرشنغ والى ريحته حلوه ولا ولا ولا وصابون اليد استخدم اليابس والسائل
للحين مب مستوعبه انه في شخص بس يستخدم صابون واحد:fa46:

للعلم شي شاور جل يبيعونه في السوبرماركت وايد فنان .. من st.ives .. لونه اخضر وفيه نقوط زرقاا مكتوب عليه refreshing :alien: < ها وايد مهم يوم عندك شي مهم صدق يصحصحك

---

اويه انا بعد! لول!

الصبح استخدم شور جيل مال كيهلز واذا بتسبح العصر مال داماسك بوتس واذا الفليل مالجونس اند جونسون قبل النوم :heart:
حتى عندي ديودرنت الفليل غير عن مال الصبح :fa46:

اقتباس:

---

هيه بابا الحين مستوي نفس الكويتيين يلبس جوتي وكندوره :fa35: وايد يعيبني :heart:

---

امبيه ..
ليش اهل الامارات ما يلبسون جواتي مع الكندوره عقولتج :/

لول توني ادري انها معروفة باهل الكويت ..
عبالي رياييلنا (( الشواب )) مطبقين الموضه اللي عدنا بالامارات مو اللي بالكويت >_< .. !

:

انزين صح نسيت أسلم ..
السلام عليكم والرحمه ..

مثل ما قلت أخوي المزوحي ..
حلو ان الريال يهتم بنفسه (( اساسيات واجب عليه انه يقوم ابها )) ..
سواء نظافة ولا مظهر عام ما يخرج به عن اطار الطبيعه .. !

واقصد من الخروج عن اطار الطبيعه اللي نشوفه بالبعض الآخر من اهتمام مبالغ به ..
يعني مثل ما قالت اختي شمعة أمل ..

ويمكن الشباب ما يلاحظون هذي الشغله .. !

:

أذكر مره لمن كنت بالفستيفيل ستي ..
مر يمبنا واحد من زود ماكان مهتم بمظهره شكيت بإنه بنت والله .. !
لولا انه كان متعصم .. !!!!!

يعني بغض النظر عن طول الشعر المسشور ما شاء الله ..
+ الكوت المخصر ..
+ الرشاقه اللهم لا حسد .. !!
+ كل شي :/

حتى احليله الوالد لمن ظهر جدامنا ماقبض روحه وضحك .. :fa46: !

استغفر الله .. :smile2: !


...

تسلم عالطرح الطيب أخوي ..
وان شاء الله يوصل من طرحك المراد ..
لمن يملك الانتفاع .. !

احترامي وتقديري لشخصك ..
اختك أنامل قلب ..

.......

صح كلامك .. خاصة أظافر الريل ..

انا استغرب اكثر من اللي معرسين وجي حالتهم .. يعني ما ادري هل هو متوقع ان حرمته بتستحمل :k_nono:.. وساعات اقول هاي غلطتها يعني المفروض هي بعد تهتم فيه !


.
.

شمعة أمل .. يالله نتمنى الجاهل يتعلم، لكن مب مثل ما قالت انامل قلب، من كثر اهتمامه ماعرفناه ريال ولا حرمه

لكن هذا يمكن من مشيته وصوته وحركاته، هذا امر ثاني ...

وانا عندي من ها cool blue

http://www.stives.com/images/product...-body-wash.jpg

تحفه .. مب لازم كل أنواع الشاور يستخدم، بس المهم يهتم بالنظافة الشخصية، وخاصة في الصيف، وعلى طاري

الدوبي، لأنه محد يكوي لهم في البيت يضطرون يودونهم الدوبي، لكن العدول مب بس لبس الكندورة، لأنه في شغلات

ثانية بعد ..

عافك الخاطر، معروف دايما يوم الريال يطلع من البيت لازم الحرمة تلقي نظرة على السريع، كندورته ، غترته .. ونعاله )

كله يرد عليها وهذا قام ينطبق حتى على عيالها الصغار إذا نظاف يعني من الام ...بس في فئة الحمدلله، مايتريا

الحرمه، تلقينه هو روحه ازقرتي ...

انزين انا عندي سؤال من متى وفي خااااااطري اسأله

شقايل انتو الريايل تختارون اي كندوره بتلبسون اليوم؟من ابيض لـ ابيض لـ ابيض:fa46: يعني كيف تختارون الكندوره الى ابيض عن الثانيه على حسب المود؟:fa46:

انتو عندكم يمكن عشرين كندوره بيضه او اكثر.. كيف تعرفون اي كندوره بيضه تلبسون؟؟

في العربية وفي الكويتية ةشي درجات شويه تختلف وومكن على الرقعه بعد، والواحد يعرف الاجدم من اليديده

اقتباس:

---

المشاركة الأصلية كتبت بواسطة ذنـيـنـي

قصايد غلا مب انه وين اهلهم عنهم،،المشكله انهم اونه مب فايجين ياخذون شاور جل للسبوح و مب فايجين يسيرون ياخذون صابون مال الويهو على كلام "كذا شخص" يعتبرون انه هالاشياء خاصة بالحريم و انه الريال المفروض انه ما يسوي جي لول عاد قومي فهميهم انه هالشي افضل لهم و انهم يضرون اعمارهم بهاي الطريقة الي يتبعونهاا

---

صــح كلامك يا ذنيني لكن صدقني الأهل لهم دور بــعـــد ، يعني أنا أخويه تقريبــًـا ما يطيح الجمعيات مول ، و المولات سيراته لهم نااادرة ==> ما يحب هالأماكن وما يتفيّج يسير

لكن كل هالأشيا يسوّيــهــا و الشامبو والصابون والكريم و الديودرنت بأنواعه عنده لأنه أميــه تاخذ له هالأشيا كلها هو و أبويه

يعني أبويه + أخويه كل شي يكون زااااهب جدّامهم

أنا و أميه كل ما نشوف شي ناخذ لهم منه


ومرّااات أخويه يوم يشوف عندي شي يقول لي أبا مثل صابونتج أو لوشنج أو السن بلوك أو الغسول المرطّب "اللي تودنين ريولج فيه" اللي يرطب الريل والجسم


يعني صدق الواحد يعاف عمره يوم يشوف غيره أنظف او أرتب منه

كيف هاييلا يتحملون عمارهم ==> ما أقول غير الله يعيييييييييييييينهم ويعين الحريم اللي بيبتلون بهم :fa46:

الســــلام عليكم

....

الصراحــــه حلو ان الواحد يهتم بعمره

ويهتم بنظافته ..

لكن بـــــدون مبالغة طبعا !

يعني مب حــــلوة يوم توصل لدرجة ان الريــــال ما يهمه شي

غــــير شكله .. وعطره .. والنعال الماركة !!

ويتــــم واقف ساعه جدام المنظره يعدل الغـــترة

هالشبــــاب اللي يسوون جي شو خلـــوا حق الحريم !؟

....

صدقتي قصايد غلا ... ممكن هالشي يكون له دور، بس تخيلي إنه فرد من العايلة بيسافر يدرس برع .. هل

يتم جيه بدون نظافة ؟؟؟ هممم ...

صح .. إنه مرات الريال لو متزوج وجلابيته وصخه، مابيبدلها لو قلتي لي بدلها .. لازم تعطينه الجلابيه في إيده

وتقولين له بدلها ...

فراولة دبي ... اللي يوقف ساعة جدام المنظرة، يمكن يكون مراهق ... لانه في هالفترة وايد يتمون يتطالعون عمرهم

في المنظرة وآخر شي يطلعون عاديين .. وفوق هذا كله البعض منهم تلقين نعاله ( وانت بكرامه ) وصخ متقطع

لانه مب مهتم غير في العصامه والكندورة ..

لو الشخص عوّدوه أهله من صغره على النظافة و يشوف كل من حوله يهتم بنفسه بيكون مثلهم ،

لكن صدق شي نااااس عافانا الله روايحهم تقول فطيسه مب أوادم من قلّة النظافة

و يحبون الوصخ و الحلط :fa46:

و شي ناس مثل ما قلت يالمزوحي إنهم إتّكاليين واااااااااااايد ==> هالنوع مادانيه موووول وما عندنا حد جذه الحمدلله ، صح معتمدين علينا بس مب لهالدرجة


أنقهر من الريّـال يوم يكون لابس كندورة جنها ماضغتنها العنز

ولاّ نعاله "و انتوا بكرامة" جنه داقتنّه الشمس من سنين و منين

أو يمشي و ظاهر الوزار من تحت الكندورة

أو هاييلا اللي ظفورهم طوااااااال ==> صدق يلوعون بالجبد

ولاّ هاييلا اللي يطولون شعرهم زيادة عن اللزوم ==> ويتم الشعر غااااااااادي شرا الغافة ...

قصايد غلا في ناس ماتفتكر للأسف ... مب لازم الواحد ياخذ له نعال فوق 500 درهم، بس المهم يكون نظيف ..

حتى لو أحيانا يمر في مكان فيه رمل، ينعرف اللي توه مار وينعرف اللي مب مهتم من الأساس ...

ومثل ماقلتي مب شي يوم الاظافر تكون شرات أظافر الحمير وانتوا بكرامه ...

اسمحوا لي على التعبير بس صدق ..

اقتباس:

---

المشاركة الأصلية كتبت بواسطة تحفه

ونا يوم قلت حق ماما ابي اسير عند خيريه الي في عيمان قالتلي استهدى بالله! >,<

---

خيريه تبع الحواجب ؟! شغلها حلوو واايد :mf_leia:

المزوحي ..
في شباب الله يخليلك الكشخة والعطر .... والكندوره .. اللي ما شي احلى منها ...
وخله يمر عدالك .. ريحته تحت الحايمات .. ريحته تطغى على العطر ... !!!
وصح في شباب الصابونه حق كل شي .. على قوله الرضيعه Mulit perpose

مايهزك ريح .. لو ما أشوف وعن واقع تجربه، جان ماتكلمت وطرحت الموضوع ...

وهذا الشي ينطرح على المتزوج والغير متزوج ...

مب شرط النعال بالآلاف لكن الأهم إن الريال يكون مرتّب و نظييييييييييف :)

مب شرط يلبس بدل ماركات ، لكن الأهم إنه يعرف ينسّق و لو هو ما يعرف خل يعتمد على حد عنده ذوق مب لون في الشرق و لون في الغرب :fa46:

اقتباس:

---

المشاركة الأصلية كتبت بواسطة مزايا

خيريه تبع الحواجب ؟! شغلها حلوو واايد :mf_leia:

---

ابي اروووووح لهااااا ,,, انتي توسين عندها؟ يقولون وايد زحمة عندها

^

زحمه مب طبيعيه ..

صدقك والله في ناس ما يستخدمون الا صابونه وحده وهالناس صادفناهم بالجامعه:fa56: عافان الله

مايسبحون الا يوم واحد بالاسبوع:fa56:


كانو مسببين لي ازمه بالسكن:fa56:

لو الواحد ما يهتم في نفسه عيل منوو الي بيهتم فيه

النظافه من الايمان


انزين خبروونااا شو من صابون تستخدمون؟؟

انا استخدم جونسون اند جونسون:fa56:

والشامبوو مادري نسيت اسمه:fa56:

وعلى هالبرد افكر اشتري جوتي :vampire:


قبل كنت استخدم لوشن للجسم بعد السبوح,, بس احسه مب شي


وعن العطور انا انوع بين النسائي والرجالي

ع الصبح احب العطور الخفيفه..

:icon_rr:

اقتباس:

---

المشاركة الأصلية كتبت بواسطة خطايــا

^

زحمه مب طبيعيه ..

---

صدق اني الحين من الخاطر ابي اسير عيمان

هاذا اكبر طموحاتي للوقت الحالي :ghostface:

هلا خيال .. ابويه خذ لك جوتي ولا تبالي ... بس هااااا أهم شي يتم نظيف لوووووووول ( سوالف ) خيالوووو

انا انوع بالصابون ... مرات يوم يدق في بالي آخذ لايف بوي لكن وحده مب درزن .. بس تنشف واااااااايد وتخلي الينب

املح .. والفترة الاخيرة انوع بين صابون نيفيا ودوف ... وعندي شاور جل لافندر .. والشامبو مره من ذا بدي شوب

ومره ماركة امريكية من الصيدلية ومره دوف ... ومره هيربال وآخر مرتين ايلفايف اللي يطريه مايهزك ريح ..


اووه جونسون تخلي ينبك ريحة بيبي اللللللله ..

استخدم بعد ما تسبح ع طوول بيبي اويل .. وايد زين يخلى الجسم رطب ... [ انا جي اسوي ] لول

انا لازم اتسبح بجل .. مثل لوكس او st ives السويسري .. ولازم كل ما ايخلص الجل افر الليفه وياه وآخذ ليفه يديده ^_^!!
الصابون ما استخدمه إلا لغسيل اليد لأنه يجفف الجسم .. وانا ماداني يتم جسمي جاف ..
والشامبو طبعا إلفايف .. والبلسم من هيربال اسنسزز .. من يربته ما ابدله .. وايد حلو ..

مايهزك ريح في شي معين تحبه من st ives ؟