غلاء الاسعار

الغلا اللي صاير في البلاد من جميع الاشياء، وإذا كل سلعة زادو عليها ربع درهم، حد يحس بإنه ما يأثر ..


لكن كل شي غلوووه، الخبز، والثياب والبتروا والطحين والدهن وغيره وغيره .............. الخ

لي متى ..

في شخص اقترح ويقول يوم بتسيرون الجمعية مب لازم تاخذون من الحاجات اللي متعودين تاخذونها

على سبيل المثال: لو كنتوا تشربون حليب رينبو بإمكانكم تبدلون، وإذا نيدو خذوا التعاون .. من اشي شي

كان من الصابون .. البهارات .. محارم الورق .. الزيت ... العصاير .. الخ

الحينه زادوا سعر الخبز لانه سعر الطحين غلا ...

يعني الخبز الايراني الوحده بدرهم والخبز اللبناني الكبير 3 دراهم واماكن 3,50 السلايس 3

سعر الخضرة والفواكه ... السندويتشات .. كنت اشتري الفلافل بدرهمين الحينه درهمين ونص .. الخ

ووواااااااايد اشياء .. تفصيل الكنادير ...

انا اقووول باجر كلكم خذوا خبز حق يومين واليوم الثالث لاتشترون .. لو كل الدوله تسوي جيه

بيخسرون يوم واحد، لابد إنه يحسون .. الواحد من وين وإلا وين بيدفع .. من فواتير وغسيل ..

وعيادة ... الخ

وقبل يقولون لي شو يعني يوم رفعوا سعر الكرك .. كان ,50 فلس وعقب ,75 مافيها شي والحينه بدرهم

يالله عاده شوفوا .......... في شغلات لازم عليها رقابه ...

تحبون تقاطعون من ؟؟ وإلا ماتحبووون

الحين الجمعية سعرها اغلى عن بعض السوبر ماركتات ...

شو من المحلات حسيتوا زايدين في الاسعار ؟؟

صدقت اخويه

لكن شو بنقوول

في امكان كثيره غير الامارات

شي جمعية حماية المستهلك



بس اانا اللي مستغرب منه


قالوا التجار زادوا الرواتب ( فقط في جهات معينه )


قاموا وغلوا كل شي


انزين في ناس مازاد عليهم شي


وبس شغالين يدفعون


حتى لو خذينا مال شهر جدام اكيد بيخيس


ومنو بيسمع لك والله


بس نقول الله المستعان

مرحبا أحمد

العرب مسافره تايلند، ورافعين السعر عليهم، ويوم كاسروا، أونه انتوا زادوا رواتبكم، عيل كيف اللي عندنا في البلاد

وثانيا الرواتب رفعوها عسب الواحد يقدر يصرف، بس من زادوا الراتب رفعوا السعر ...

يعني الشي لو تاخذها 5 درهم الحين 8

وبالنسبة للجمعية، مايحطون سعر السلعة وانته تاخذ تتفاجأ عن الكاشيير، شي بسيط 100 درهم وفوق

يعني دبة حليب ودبة لبن .. خبز ...

وفوووووووووق هذا بعد سعر المواطن غير عن الوافد واليوم استوى لي موقف ...

ا

والله اخويه ادري بهذا الكلام


عاد الحينه راابت المواطن في ابسط شغل


فوق ال 5000 درهم ( مانتكلم عن الزيادات )


عاد الوافد كم رااتبه بالله عليك ؟؟؟


وثاني شي


قلنا زاد الراتب عشان نحسن الاوضاع


كل شي زاد مع هذي الزياده


والله ماشي تغير بالعكس صار الى الاسوء


انزين في الاول قلنا البترول غلى ..ومعاه غلى اي شي يحتاج الى التوصيل



اهم متطلبات اي بيت ( الطحين والسكر والماي و الحليب )


ليش يغلى ؟؟؟


والله التجار خاصه في الامارات يستفيدون من شغلات الزياده


وماشي مراعاه للناس



ومره سمعة في برنامج الاذاعه مالت ( بوراشد ) بهذا الخصوص


وقال بناشد المسؤلين وبعد هذا الكلام


في الفتره البسيطه اللي طافن نتفاجأ بهذا الغلاء


وخاصه المواسم الحرجه


( قرب العيد ) ( افتتاح المدارس ) ( المهرجانات )


حشى مجزره مب تجاره هذي


الله المستعان

مشكور اخوي المزوحي ع الموضوع ..

والله انه موضوع مهم واايد ..

والله صدقت اصلا كل شي صاار غالي ..

انا اليوم الصبح سرت الجمعيه اشتريت عصير ب 9 درهم

ويوم سرت العصر شفته ب 11 .. يعني بثواني يزيدون الاسعار ..

والله هاي فكرت المقاطعه . فكرة حلوه بس منو بيقاطع ؟؟

والله يوم ررفعوا سعر العيش .. حطوا ف الرااديو ان لازم انقاطع العيش ..

عشان ينزلون الاسعار .. بس محد سوى سالفة ..

والله ما احس موول محد يساعد ..

والله بس يوم غلوا سعر اللبن .. الناس قاطعوا .. وردوا سعره نفس قبل

لو الناس يسون مقاطعه حق الاشياء اللي ارتقع سعرها .. والله بتطيح بجبدهم .. وبينزلون السعر

والله لو الناس كلهم يقاطعون .. بينزلون الاسعار ...

احس الناس ما يحسون بالفرق في الزياده عسب جيه ما يقاطعون
لكن بعدين يوم بتتراكم الزياده عيالنا هم الي بيبتلشون
الله يعين

ها كله مستوي لان عملتنا مرتبطه بالدولار >,>

مب بس عل اكل

حتى على الديزاينر باقز

الشنطه الي كانت على خمس ونص استوت بسبع ونص >,>

تحفه وينج الشنط وصلت 23 الف هاي شانيل اليديده البرندز خليهم على ينب

بنوته ورديه لو الجمعية مثلا والبقالات هم اللي يرفشون إنهم ياخذون من المصدر، بيكون اوكي

ايه احبك، بالعكس ... يمكن حاسين لكن ساكتين

تحفه، اللي سمعته حتى الدول الثانية غلت والكل يشتكي ...

حتى الهند كنا نقول عنها رخيصه ... ما تزورينها إلا فلوسج طارت

مشكور اخوي على الموضوع

بس انا الي هامني اكثر هم الناس الي معاشاتهم صدق محدوده مثل الوافدين و الهنود هذيل الفقرا .. اذا نحن نشتكي من نص ريال زياده في كل شي هاذيل شو يقولون

و بعدين مثل ما قالت تحفه ترا كل شي يتعلق بالدولار و الدولار هالايام مرتفع و مافي مؤشرات انه بينزل و متوقعين انه الزياده فالمعاشات " و مب كل حد حصل هالزياده " ما بتطابق الزيادات في رسوم المدارس و غيرها و لا تنسون ال VAT "هاذي ضريبه على الاشيا الي نشتريها " بيفعلونها في اي وقت ( عاد صدق هاذي بتكون القشه الي قسمت ظهر البعير مثل ما يقولون )





انا اشوف انه المقاطعات هاذي ممكن تنفع على المنتوجات الي ممكن تنتهي مدتها في اقل من شهر لانهم صدق بيخسرون بس من رايي انه هالازمه ما بتوقف الا اذا حد كلم الراس العود خخخخخ

ماقول غير الله المستعان
ماحسيت بهالشي الا لما انا لعبت دور الام وسرت الجمعيه اخذ اغراض للبيت
صدق وااايد اشيا مغلينها
وعند الكاشيير دفعت 800 وانا بس شاريه اشيا بسيطه للبيت مب كل شي
دبي صارت اسعارها ضو في كل شي
الجمعيات والمكتبات....الخ

مشكور اخوي لطرحك هالموضوع المهم

قطوه ام قصه، مب شرط الوافد اللي مايروم يشتري، ألاحظ هالايام العكس، هم اللي يمزرون السلال في الجمعيه

ونحن نفكر مليون وديه شو ناخذ ..


بنوتةة جميرا .. مرات يوم نكلم حد ونقوله يآوي على الشي، يقولون بخيل، ويوم هم إيربوون يتمون ساكتين

مايفتحون ثمهم ..

مشكور أخوي المزوحي على الموضوع الرائع
مرة سمعت واحد على البث المباشر يتكلم عن غلا الأسعار في الامارات بالتحديد ...
يقول انه سافر دولة اخرى و بقى يشتري( يونية) عيش لقاها تنباع بسعر أقل وااايد عن سعره في دولة الامارات .... و ا ستغرب من فرق السعر من الدولتين لدرجه انه صور (يونية) العيش عشان يتأكد اذا نفسها او لا و طلعت نفسها.. و بعد اشترى علبة حليب للأطفال بسعر أقل من دولة الامارات ...
و الله المستعان .....

انا والله سامعه هالموضوع في الاذاعه واحد كان متصل يشتكي من غلاء الاسعار عند بو عمر و ان الجمعيه الي هي المفروض تكون ارخص استوت اغلى .. ما شوف الجهات المختصه سوت شي !!

و مايفيد الكلام, لازم نظهر بافكار عشان نحد من هالشي .. الواحد يقدر يشتكي من اليوم الين باجر ولا بيستوي شي .. و بعدين لحد ينسى السبب الرئيسي في زياده الاسعار ( الزياده في الطلب و كميات محدوده ) و كل شي يأثر على شي .. الزياده في سعر السكر يؤدي الى الزياده في سعر الكرك الخ ..



و مش شرط تنزل الاسعار ممكن انتوا تزيدون استثماراتكم و تزيدون دخلكم و الاهم انكم توفروووون و هاذي عليها عشرين خط تحتها
اولا, الي كل الناس يقدرون يسوونه و هو مقاطعه المنتوجات الي زايدين في اسعارها و مب شرط فالجمعيه .. فالمحلات الخاصه بعد .. الدكاكين مثلا لان التأثير يبين فيهم اكثر و ثانيا, شدوا حيلكم فالشغل, بدل الوضيفه وضيفتين خخخ و لو بتلاحظون .. يوم تزيد الاسعار .. الحكومه و البنوك ترفع نسبه الفايده عشان الناس يقللون من الاستهلاك و بذالك الشركات تتأثر و تنزل اسعارها يعني مب بس نحن الي نحاول .. و انشاله يستجيبون في اقرب وقت

خلاص انا باجر بروح عند وزيره الاقتصاد عشان نشوف حل .. ادعولي ههههه

امزح ترا لوول

على الاقل مايزيدون سعر الخبز اللي هو الاساس حق الكل ...

نحن عندنا شي غلط يالس يصير في بلادنا

بس شو هو؟ مادري!

مب بس غلاء الاسعار!!!!

السالفه فيها إنــــّ

انا دوم افكر و اقول يمكن هني يبون يتخلصون من الفقارا

عسب بس يتمون الاغنياء يعيشون في البلاد!!!!

و ساعات اقول هذه طرده !!!!!

ماعرف يود يفتحون هالموضوع افكاري تتشتت

على فكره...الكرك...في مكان متعودين نسيرله كان بدرهم الحينه يقولك بـ بدرهمين....هذا واحد جي بيسوي الباقييين بيرفعون اسعارهم وياه ليش هذا سوا انا ماسوي!

يقولك ارباب يقول كل شي غالي هذا بعد لازم غالي

انا عن نفسي قاطعته و قلت له في الويه قول حق ارباب مالك انا و بابا و ماما و الربع كلنا ما بنشتري من عندك من اليوم جين؟ قال جين !

هذا هو الكرك (معلوم هندي لازم )

انزين بالنسبه للحريم يعني يوم ابغي افصل عبايه لازم اسوي لي ميزانيه هييييييييهاء وين ايام قبل كنا نسوي عبي بالدرازن ولا نحس

لكن الحينه عبايتين هاه طيرت لي نص المعاش


و شو بعد....

المهم انا لو رمست مابزيد ولا بييب شي يديد كفيتوا ووفيتوا

و نحن اللي علينا نقاطع و نروح للارخص عسب الاغلى يسوون شرات الارخص مب نسير للأغلى عسب الارخص يسوون شرات الاغلى....

لكن في ناس روسهم مخبوقه !!!! يقولك باخذ الاغلى جيمته فيه اكيد.... و من هناك قاص على عمره و عالناس...

يالله

حسبنا الله و نعم الوكيل

(^_^)
...

لا .. مب شرط كل غالي زين ... صح في بضاعة في السوق كوالتي واغلى

لكن مب نفس ركعة العباة او الكندورة وحده 300 والثانيه بألف

وإلا عسب .. نظافة الشغل بيتعلثووون

صح من جي اقولك قاص على عمره
...

ماشي حل غير المقاطعة
دام جمعية حماية المستهلك ما سوت شي عيل نحن بنحل الموضوع بالمقاطعة
وشو فايدة زيادة الرواتب اذا كل شي زاد ... بيصير اقل معاش 50 الف وبيصير كيس الخبز ب 500 درهم !!!

هممم نتكلم عن غلاء الاسعار اكتشفت انه غلاء الاسعار طال رسوم الجامعات سبحان الله بقدرة قادر ولانه انتقلو لمبنى يديد تحولت الرسوم من 800 الى 3000 للماده الوحده !!!! وين دبي للعطاء عنا ؟؟ يعني لو الواحد فينا يشتغل ويستلم راتب شهري هذا ما يعني انه الراتب يصفاله كامل وما يعني انه يوم يقرر يكمل دراسته يفكر اعيش والا ادرس ؟؟؟؟ والمصيبه يوم تكون الجامعه ملك لواحد من كبار الهوامير الي قرر يبني ويطلع جيمة بنيانه ع حساب الطلبه *_*

الحمدلله ع كل حال الواحد يقول ادرس الحين اخير عن السنه اليايه جايز تصير الماده بـ 10000 حشا ماستر مب باجلر ...

الله المستعان بنتكلم لباجر لكن لا حياة لمن تنادي

صدقت ياولد الشحوح


الجنيه .. اللي يملك شي، ورفع السعر نحن نتضرر !

المزوحي ... المشكله انه يملك الشي عشان جذي محد يقدر يتكلم مع الي بيدهم الحل شايفين وساكتين

للأسف اللي متضرر من الغلاء المواطن بس !

ما عاد يهم الوافد الغلا اللي نشوفه،

:mf_leia: هذا كله من لبنــى القاسمي . :glare: مادري ليش احس إن هيه راس البلا ما منها فايده :k_nono: .