حالة، شوفوا المعادلة

بس خلاص مليت طفرت، ولي متى بيتم الحال جيه، انا السبب في إني ماعرف اتعامل، وإلا كيف اطنش

أحب كلمة دافع منكم تخليني أطنش البشر اللي يغثوني، صدق ملل ..

على الجهد اللي اسويه في الدوام، حتى لو ما قالوا لي كلمة شكر، أباهم يسكتون عني ولا يغثوني ..

هل اتبع اسلوب الرد الجاف، او استمر في التجاهل ؟؟ وإلا في حكم ثاني،


انا موظف قانوني، لا بيدي سلاح ولا مطرقه اضربهم على راسهم، بس سالفة إني اكون موظف ملتزم

بالمواعيد، وأخلص شغلي كله، حتى لو الكمية تتعبني، المهم ارضي ضميري ...

بس شفت التعامل من قبل مروؤسيني في العمل للموظف المستهتر، افضل واكثر تقدير، ويعطونهم الاعذار

وأنا اللي ( لازم يطلق عليّه ) لقب الموظف المثالي، لو حد منكم شافني كيف، أشوف من استئذاني

ومن حقي اطلع إجازة، لقيت المذلة، والرفض بكمية الشغل وغيره من هالكلام ...

ماشفتوا حالي كيف في الدوام من يومين، ومابغي أزيد عمري ..

ادور على وسيلة تبدل وضعي اللي أنا فيه ..

شربت كوفي: ونتيجة الكوفي كانت ...

اشتغل ساعتين في اليوم + تطنيش طفيف + تجاهل المسوؤل نوعا ما = راحة بال وراتب آخر الشهر كامل

ولا تحرق اعصابك ...

مادري، هل أطبق المعادلة هااي باجر، وإلا بتكون خبيصه .. ؟

ويقولك : انته تختار ... الحينه بالذمه انا شو اختار ... !

عيفوني حياتي، ماعرف وين ادق براسي ...

كل ما اقول ببتدي يوم يديد واكون كوووول، يعكرون مزاجي، ومب انا مزاجي، لكن دمروني ..

الله يعينك اخوووي

برد عليييك عقب ,,
يمكن باجر

لان الحين مخي كله معادلااات وارقاااام وصدعة راااس

السلام عليك ورحمة الله وبركاته

- اخي الكريم المزوحي بالنسبة لتفانيك واجتهادك في العمل هذا شيئ تشكر عليه ولانك عزيز النفس وضميرك حي فانك ماتحب اي احد يتكلم عليك وان كان الكلام من مرؤسك لانه ممكن يكون سفيه او الشخص الغير مناسب في هذا المنصب خليها على الله ما لنا غيره اخوك كذلك موظف ( first line emploee) .


من سبعه ونصف ألين الثنتين والنصف يوميا ضغوط من المراجيعين من الامام والمرؤوسين من الخلف ومن الادارة من على الطرف .

نسيت غير ام العيال من صوب في المختصر المفيد ( كلنا في الهوى سوى ) .


شو ألي يخليني اصبر تدري شو ؟


ما أدري هل هو قرض البنك ، مصاريف البيت ، هل هم الناس المساكين ألي افرح وقت أخلص أشخالهم

يقول رسولنا الكريم ( انما الاعمال بالنيات ولكل امرء ما نوى ............)

الحمدالله صار لي عشر سنوات في الخدمة ، البارحة تميت ألين الثلاثة والنصف واليوم ألين الثلاثة في الدوام يالس ومجابل الخلق ، يسألوني زملائي والمراجعين دوامك ما خلص شو يعطونك اجر عمل اضافي !


الحمدالله التكريم مر علي مرور الكرام كذى مرة ، يستاهلون هم ما أحسدهم لكن خليها على الله اذا كنت اقدم موظف .

على قولة الممثل حسين عبدالرضا ( سوي خير وقطه بحر ) والله يعينك ويعيننا جميعا .




اخوك / بن شداد

مجموعة انسان، عيل محد سلم من المعادلات الصعبة، والله يعينك .. تصبح على خير

مرحبا بن شداد

دخلت هنيه عسب أفضفض، ومب قصدي أقول إني انا اشتغل وأبين لكم شو أنا ...

بعض الزملاء يضحكون عليّه ويقولون، وايد مسوي لهم سالفة، ليش تشتغل ؟؟ الـــخ

أنا يصرفون لي راتب، ولازم أخدم المكان ... وأنا ما اخاف من المسؤول ..

لكن كلامهم تم يدور في بالي، يوم حسيت بأن المسؤولين يغثوني، قلت شو جابرني أخلص كل الشغل ..

بسوي كذا معاملة، وبتم أسولف ... قلت أكيد بحصل تقدير من المسؤولين ...

بسكم ظلم

هاي المشكله أزليه .. وحقيقيه ... يعني اتحصل مسؤول يتجاهل مكانة و اهمية تقديره للموظفين (( ياخي كلمة حلوه .. ابتسامه .. شيء يسمونه اهتمام .. ما تلقى .. )) بس تعال في الجانب السلبي تأخر لك دقيقه .. أو اصر على تاريخ معين للاجازه السنويه و غيرك من المقربين للمسؤول يبغون يظهرون في نفس وقتك .. أو خل حد منهم يقول فلان ما يشتغل .. ولو كنت اتكد كد .. بتشوف خصم الراتب بانواعه و المعامله الجافيه باشكالها .. بس هذاك المتخصص في دهان السير .. و الفنان في قضاء حاجات المسؤول الشخصية .. هذاك الي يشجع نفس فريق مسؤوله و يهتم بكل تدقيقه و كبيره عنده .. ابو لسان يقطر عسل أقول هو الشخص الوحيد الي مرتاح في دوامه و يحصل اجازات على كيفه و الاعذار موجوده في درج المسؤول .. و العلاوات حدث ولا حرج .. المشكله يالمزوحي ان في ناس اتحب اتكون مثل المهرج في الدوم يضحك هذا و هذاك و ما ايهمه اذا ضحكوا عليه .. و يخدمهم كأنه فراش ما عنده مشكله ولا حرج .. و ناس ما تقدر تستحمل هالشيء .. ادري طولت بس موضوعك ذكرني بمعادلات فاشله كثيره .. السموحه

مرحبتين كبار اخويه خنفروش، بعد هذا كله، كنت ابغي اطله بنتيجه وحده على الأقل ... ومثل ما قال واحد من الربع

دبي بكبرها جيه .. يعني لا تقول بقدم استقالتي ... وانا مب من النوع اللي بينفخون عليه وبركض بورقة

الاستقالة .. انا صبرت عليهم وااااااااااااااايد وكل شي له حد .. يمكن هذا اليوم هو حدي واحس بإنه يقيس شعوري

مشكور على المرور خنفروش ...

صباحك سكر *_*

سبحان الله جنك تتكلم بالنيابه عني ... اعطي واعطي واساعد واسوي شغلي وشغل غيري و بالاخير ابسط حق من حقوقي ما آخذه ... اتصدق انا مثلك تماما والكل يقولي ليش متعبه عمرج بس الي يخليني راضيه اني ارضى ربي الحمدلله اسوي الي علي واداوم مثل ما هو مطلوب مني واحاول اطنش الي حولي قدر المستطاع لاني لو يلست اقارن شغلي بشغلهم بتعب نفسيا وايد لاني اكثر وحده متواجده في المكتب فتره الدوام واكثر وحده اكرف ومتحمله مسؤليات تخصني وتخص غيري لدرجة انه ممكن التفت حولي ماالاقي حد في المكتب غير انا والسكرتيره يعني شي يعور القلب ويوم اتي سالفة الترقيات والتكريم يطلعون اصحاب المعالي ...

اتعرف شو الحل عشان ترتاح ؟؟؟؟
جرب اتخلص اشغالك على يومين بترتاح نفسيا ومهنيا يعني انت بهاي الطريقه ترضي الطرفين ضميرك ورب العمل ع قولتهم اشتغل ع راحتك و لا تضغط عمرك صح انت تبي تخدم الناس بس مش على حسابك وغيرك متربع ويشرب جاهي ...

ما ادري يمكن وصلت لك الفكره والا لا لاني روحي متغصصه ومعصبه مب قادره اعبر عن البراكين الي بداخلي بس قررت اتحدى نفسي واجاريهم اليوم بشوف وين بنوصل

توها المس يالسه ترمس عن هالحاله
انا في العمل المسؤولين يظلمون بعض العاملين
تعرف شو قالت
هذا يسمى حمار job وانته بحشيمه ما اقصدك بس هذا الي المس قلتلنا اذا انتوا جي استويتوا في مكان عملكم
اتقول انه اذا الشركة رقت حد ما يستاهل وانته تشتغل اربع وعشرين ساعه وما تحصل ترقيه
اعرف انك فاشل في برموتنغ نفسك ما عرف كيف افسر لك
يعني تعرف لسان حلو شرات لبنانيه اتوقع جيه قصدها اقولها يعني نفاق اتقولي لا مب نفاق XP
اني وي اتمنى قدرت اوصلك نصيحة المس
^_^
بنسبة لنفسي انا لو ما عيبني جو العمل مستحيل اشتغل فيه
اذا اشتغلت فيه وانا مغصوبة مستحيل ابدع
بيئة العمل وايد تأثر على الشخص
اذا مب مقدرين جهدك دور لك على وظيفة تستاهل تعبك وتقدرك وصدقني وايد امكان يبون موظفين نشيطين
انا اختي جي كانت وغيرت دومها وارتاحت وايد صح الراتب ما كان كبر هذاك بس اذا انته مرتاح يومك ايكون حلو
وانته مب عايش عسب تعصب وتتنرفز كل يوم
هاي طريقة تفكيري انا احس جي بسوي لو كنت مكانك
انشالله فدناك ^_^

....

اسلوب جاف + تطنيش &طاف + تعطي بالويه اشكره ( خل ويهك لوح ) + نغزات + تغيير بالاسلوب + لا تسوي سالفه لحد + اشتغل ع قد ما مطلوب منك وبس ... + ارضي ضميرك + داوم عالوقت وروح عالوقت = راحة بال "

.... انا جذي صرت .... يوم اشوف غيري ياخذون درجات اعلى عني وهم ما يستاهلون .. وطبقت كل هاا ..
والحين محد يقدر يقولي شي ..""

الله يعينك .. ""

الله يعينك يالمزوحـ:k_no:ــي

لا تخاف ، ربّــك يعلم بــ حالك ، طنّشهم و سو اللي عليك و بإذن الله الله بياخذ لك الحق و بتشوف كل شي بــ عيونك:yes:

بــ غمضة عين يمكن يتبدّل حالك للأحسن ، يوم الله يريد يستوي اللي محد يتوقعه

لا تتريا من حد شي ، اتريا من اللي خلقك
اللي ما بيتمنّن عليك ولا بيذلّك


لا تكلّف نفسك فوق طاقتها لأنه هالشي انته مطالب عليه عند ربّــك

عليك إنك تسوي الواجب اللي تحس إنه ربّــك بيسألك عنه "لأنه كل شي نسويه ننسئل عنه ، و لازم نتم و نتقن عملنا مثل ما وصانا الرسول عليه الصلاة والسلام" + في نفس الوقت ما ترهق نفسك و انته مب محصل كلمة شكر ولا محصّل كلمة تبــرّد الفواد


والله العظيم إنه الكلمة لها تأثيـــــــــــــــر فظيـــع محد يقدر يتخيّــله ، يمكن تكون كلمة عاديه بس تغير الإنسان 180 درجة ===> يا ترفـــ:thumbup1:ــع معنوياااته لأبعد الحدود ، أو تحبّـــ:fa55:ـــط الإنسااااان لأدنى حد


لا تفكّــر بالإستقالة إلا يوم بتلقى لك مكان أحسن و تحس إنك بترتاح فيــه :k_smile2:

اصـــبـــر .. لأنه ما بعد الضِّيـــج إلاّ الــفَـــرَجْ :k_unlock: ...

عشان جي يوم يقوولون لي دشي فاينانس اقولهم لا

عشان فالمستقبل يوم اشتغل ويكرفوني ماقعد اطالع الساعه من ادش الكتب اشوف متى دوامي بيخلص! لول

عادي عندي ما اسوي شي في حياتي غير الشغل! بس يعطوني شغله احبها! < ( شغله احبها ) > احلام اليقضه لولز !

بكون محضوضه اذا حصلت شي احبه :doh:

محظوظه***

الجنيه، أنا عسب ما يمسكون عليّه أي شي، أخلص الشغل اللي عندي كله، وإذا على سبيل المثال عندي

وقت، زيادة وشغل بيكون حق باجر، بعد أخلصه، وأسوي كل شي أول بأول، وعند التقييم، يقولون مايستوي

نحط لك امتياز، لأنه لازم في القسم كله 2 يحصلون ...

مره حطوا لي امتياز، وتموا 6 شهور يقولون شوووف نحن كيف حطينا لك امتياز، ذولني عليها، قلت لهم طيب

يعني تشوفوني ما استاهل هالتقدير ؟!!

ايه احبك، انا ينقزوني بالرمسه، ومع هذا امشي وياهم، وارمس وما احط في خاطري، واسولف وياهم ..

مع إني ادري يبون ينافسوني ويخافون على كرسيهم، ماباه يابووج ...

الدافية مقاديرج مضبوطة، بجربها بالأحد

مشكورة قصايد غلا، وانا يوم من الايام يوم اتنرفزت منهم، تميت ماسويت شغلي، بس صدقيني نهار ثاني ضميري

أنبني، وقلت مايستوي جيه ...

بس الحين بسوي الشغل، بس مب فوق طاقتي، وعقب انذل

تحفه، تفكرين في العمل من الحينه عيل، كل شي يمكن يتغير .. الله يوفقج في الدراسة والعمل

اقتباس:

---

المشاركة الأصلية كتبت بواسطة المزوحي

الدافية مقاديرج مضبوطة، بجربها بالأحد

---

... جرب وبتشوف ..

واول شي .. بيقولونه .. لك ..
شو بلاك ؟؟..

الدافيه، كنت اخلص شغلي 120% لكن من عقب الموقف اسوي الشغل 85% يعني ما يكون شي متأخر ..

لكن ما أكظ عمري على الشغل، وبالأحد إني الله احياني وعطاني عمر ... بخليهم هم واليدار واحد، تعبت من النفاق

وانا بعد مابغي أجامل ...

^^^

جذي احسن ...

لا تنافق .. وخل ويهك لوح ... وعطهم بالويه بس بطريقه محترمه .."" يكون الكلام فيها موزون وقوي بنفس الوقت
صدقني بيكون لك الف حساب .. وبتفرض نفسك باحترامك "
وبالتوفيج ..

دور ع شغل ثاني

والدافية فهمت عليج الحينه ...

عد، وايدين يقولون لي كل مكان نفس الشي،

اخوي المزوحي ..

والله انا امر ف نفس موقفك فالدوام

فالبدايه كنت انقهر واسكت .. وفوق هذا اكمل شغلي وانا مقهوووووووووووره

بعدين يت فتره .. تغيرت فيها .. قلت لين متى بسكت؟؟؟؟ لين متى بنقهر ؟؟؟؟؟؟؟ ولين متى بيكون ماشي تقدير بالمره؟؟؟؟؟

الحين اسوي شغلي باللي يرضي ضميري .. اذا حد نرفزني ارد عليه بنفس الاسلوب

مره .. احد الموظفين الزلمات طبعا .. رد علي رد ينرفز .. رديت علييييييييه ولأول مره .. ماسكت عنه

جان يقوللي : غريبه انتي متغيره وقمنا نسمع منج ردود .. قلتله مايفيد وياكم الطيب والسكوت .. بس بطريقه كأني اضحك

ومن هااااااااك اليوم .. يخافون يرمسون والا يقولون شي .. واللي ينرفزني اعامله بالمثل ..

وبعد شغلهم مرتبط ب شغلي .. اذا نرفزوني او قهروني يعرفون اني مابتواصل وياهم ولا بسوي الشغل عدل او يمكن أأخره ..

يكفي انه دوامنا لين 4:30 لا وبريك الـ نص ساعه ماناخذه من ضغط الشغل .. وفوق هذا ننقهر؟؟؟

ف يوم من الايام يايه الدوام رااااااااااااااايقه .. ومداومه 7 وربع تقريبا مع انه دوامنا 8

والله كنت رايقه ومستااااااانسه من الخااااااااطر ..

اول ما يو الموظفين .. على طوووووول استوا هاك الموقف اللي يغصص ويقهر .. وزميلتي فالمكتب قالت الغلط من القسم الثاني مب منج انتي ..

من قهري وغيضي .. ماقدرت اني اشتغل فهاليوم موووووووووول .. تميت يالسه ع مكتبي .. اتمشى فالمنتديات .. وشوي ألعب ف تلفوني .. وسولفت مع ربيعاتي عالمسنجر .. يعني صدق صدق سويت طاااااااااااف للشغل اللي ماكان مستعيل

الزم ما علي راحتي والله .. ومب مجبوره اقهر ب عمري واتحمل بس عشان الشغل يمشي؟؟

الحمدلله انه شغلنا مب مرتبط ب أي مراجعين ب شكل يومي .. عسب جيه مافي اي شغل يوقف

اخوي المزوحي .. عاملهم بالمثل عسب يحسوون .. لانه في ناس عزك الله .. هم واليداااااااار واااااااااااحد .. لا احساس ولا شي

http://www.moq3.com/img/uploads/bit52585.jpg

مرحبا لحن الحياه

انا فتره قمت اداوم من وقت، يوم اسلم، يقولون اول مره نشوف مواطن يداوم من وقت ... وواحد منهم كان يقول

انته ليش اتداوم من وقت انت مواطن وارتاح ما يحتاي تهتم في الشغل وايد .. هاي بلادك وعادي ..

ما بيفصلونك .. قلت له انا احب اخلص الشغل اللي عندي ..

حتى مره واحد من ربعي في الدوام قال: ليش جيه مستوي انته ؟؟؟ قلت له يوم بيقهرونك بتعرف السبب

ومب بس هو كل ربيعي اللي ويايه قاموا ينقهرون، ويتمون يتحرطمون ..

قلت لهم : شفتوا ؟؟



ومب بس هذا .. إلا قاموا يمصخونها .. لأني اخلص كل شغلي، قاموا يفرون شغلهم .. الحين مثل ما قلتي طنشيتهم

لكن وقحين ينقزون بين فتره والثانيه ...

من ايام ما اسوي حق مسؤولي سالفه، لأنه وايد يستهبل ..

يعني ادخل الصبح الدوام اشغل الكمبيوتر وما اتكلم 0.. اسوي اللي عندي واظهر ...

يوم يومين ثلاث

قال: اقوول فيك شي، حد مضايجنك، شي صاير ؟؟؟؟

قلت له : لا

قال: بس يبين إنه في شي ...

حسيت جيه احسن، لأنه مايسوون بي مثل اول