تجميع أصوات .. حريم الواحات وبنوتاتها .. تعالوا هني بلييييز!

السلام عليكم ورحمة الله وبركاته

بن دبي اشترط اني اجمع اكبر عدد أصوات ..
إذا كنـّا نبا واحة خاصة (للحريم وووو بس)..!

فـ المؤيدات .. تعالن هني وحطـّن أوافق ويا ريت لو تكتبن رد ع الموضوع .. مش بس ع الاستبيان!
:12:

خلـّنـّيه اشوف همّتكن عزيزاتي ..
كل الـــودّ. . .
أمطار

وأنا أول وحدة أوافق

بسم الله الرحمن الرحيم ..

هلا اختي ..

صح إني ريال ولكن معاكم ف اللي تفكرون فيه ! ..

ولكم خصوصيات نحن نحترمها اكيد ..

اوافق ومحد يعصب عليه ويقول هذا بلاه داز بويهه :whistling: ! ..

دمتم بحفظ الرحمن ..

مشكـــور أخــوي ألم ترى ..
وربــي وااااايد فرحت بردّك . . .!


شكـراً

أنا أوافق و بشدة ..

=)

وعليكم السلام والرحمه

قبل ما اصوت
عندي كم من سؤال اتمنى القى اجابات عليهم:)

1- شو بيكون الفرق بين واحة الحريم و واحة المرأه الموجوده حاليا؟؟
2- هل الواحه اليديده بتكون بس للبنات؟؟ يعني الشباب ما بيقدرون يدخلونها؟؟
3- هل مواضيع الواحه اليديده بتختلف عن الواحه الحاليه؟؟
4- هل تعتقدون ان الواحه اليديده بتصير شرات الواحه الحاليه في يوم من الايام؟؟

ولي عوده للتصويت بعد الرد على الاسئله

والسموحه

سؤال راودني عن نفسي

ماذا لو دخل شاب الواحات باسم فتاة ،،،؟؟؟

جنون امرأة..
مشكــــــووورة يا قلبي..!

ما ننحرم يا رب

..

الغلا نجمة دبي ..

فيه مواضيع "خاصة جداً" ما نقدر نناقشها أو حتى نعرضها في واحة المرأة والسبب وجود "الشباب" الدائم ..

ع الأقل هذا سببي الشخصي لـ عدم طرح مواضيع في تلك الواحة ..
وعن الخصوصية ..
بتكون مخصصة للنساء فقط..

يعني بن دبي وافق انه يسويها خاصة ولا يشوفها الا النساء.. عن طريق كلمة سرية..!

وتقدرين تشوفين موضوعي في واحة الشكاوى والاقتراحات..

..

أخوي وردة روز..
اللي يدخل باسم بنت.. ما اقول الا انه "مريض نفسي" و"شاذ"..
^
^
يعتمد على ضميره ..
إلا اذا كان عند بن دبي وسايل يعرف فيها الأعضاء سواء من اسماء ايميلاتهم او بطريقة ثانية!

المهم..
اللي نسويه حالياً مجرد فكرة ونستقبل اقتراحاتكم..
واذا انتو موافقين على هالواحة الخاصة .. ولا لا!؟!؟

الأمور التقنية .. على بن دبي
ومشكورين

امطار....

فكره حلوه وانا وياج خيتو .."""

وعليـكم السـلام ورحمـة الله وبركـاته


مــواااافقـة ..

^_^

موافقه=)

السلام عليكم يا أغلى أمطار :)

اموافقه ....

و أنا بعد موافقه =)

بنستخدم مسميات خاصه بالبنات XD

موااااااااااااااااااافقه .. ليش لاء ..

تسلمين اختي ع الفكرة

وافقت ...


بس نتمنى إنهم ما يدخلون أي بنـت يديدة بدون التأكد من هويتها !


وبعد نتمنى ما نشوف متطفلين من الجنس الخشن !

وفكرة حلوة نتمنى إنها تنجح وما يتضاربن الحريم هناك لوول

وانا عـده ويـاكـن

بس نفس ماقالت العجيبه يعنـي الحينه مثلا ً بيكون باسورد لكل بنت وحرمه في الواحات المعروفات فقـط يعني اللي يكون مدة في الواحات مش اللي توهن داشات ونحن مانعرف إذا بنت ولا ولـد ، اتمنى عرفت اوصل فكرتـيه :)

أوافق وبشدة

حيـّاكن خواتي .. ومشكوووووووراات ع الأصوات ..
على فكره الصوتين الوحيدين اللي حاطين مش موافق كانوا لـ "شباب" !

يعني مش محسوبين لوول ..!
ما أدري بن دبي كم صوت يبا ..

بس ياليت لو يشاركن حريم وبنوتات أكثر . . .!
وعن العضويات الجديدة ..
ان شاء الله يشوف لها حل بن دبي ..

ثااااااانكس حبوبات ..
واتريا المزيد!

من زمان هالفكره فـ بالي

انا معاكم صبـايـا

أوافق وبشدة

انا صوتت باوافق
بس انا عضوه مستجده ،، يعني كم يبالي لين اشارك وياكم فيها:d010:

أوافق ولا أوافق لول ..
هو يعني موافقه بس مب موافقه :k_special2: <<< أقول مو جنج تنثبرين بره الموضوع وايد أحسن :h_negab: ..

انزين صح بالبداية .. وعليكم السلام والرحمه .. ^_^ ..

اختي الكريمه أمطار ..
شفت موضوعج بساحة الاقتراحات وعجبني لكونها بتكون ساحه طيبه ونحن فعلا بحاجه لها ..
يعني ناخذ راحتنا أكثر (( اللي يسمعني يقول إني مول مب ماخذه راحتي :rock: ))
بس لا من جد شورج حلو ومثل مانحن شايفين .. الكل موافق يعني رايي مب ملزوم من الأساس .. :blush:

انزين ..
الحين شوسالفه المو موافقه اللي فوق .. :k_icon9: !!

اممم ..
مادري اختي .. بس أحس إن يعني مادري شلون .. :fa46:
مستحيل مابيصير به تطفل من قبل أحد الأعضاء ..
طبعا مع احترامي للجميع ..
لكن نحن حتى ماندري عن العضوات اهني غير نك نيمهم والشخصية اللي انبت لنا بالبال من خلال تفاعلهم معانا ..
تخيلي لو تظهر وحده منهم واحد :whistling: .. !!
وهم لو اعتبرنا ان كلهم بنات ..
هل نحن ظامنين عدم دخول أحد الأعضاء أو بالأحرى أحد السينات من الجنس الخشن عقولة عجيبتنا .. !!

:

بالأخير أكيد بتقولون إنزين يابنت الناس عطيني الزبده (( هذا إذا كنت بنت لول:fa56: ))
شو موافقه ولا .. <<< اللي يقول ناطرين موافقة حضرة جنابي :shutup: ..

فـ مواففقه نعم لكن بعدم ارتياح ..
و ماظن إن بناخذ راحتنا فيه مثل مامتصورين .. (( أو بالأحرى باخذ بما إني ماقدر أتكلم عن غيري لول )) .. !!

بما إن رايي مب مستقر فأحبذ إني لا أصوت للموافقه ولا ضد الموافقه ..
وربي ييسر لكم اللي فيه الخير ويانا .. :k_smile2:

كل ودي واحترامي لشخصج عزيزتي ..

والسموحه جان لقيتي بردي أي سوء ..
لكني ماكنت بناقش ولا بنثر لكم رايي لوما إنكم طلبوته .. ^_^ ..

إختج أنامل قلب ..
وأكرر اعتذاري على استعجالي بالرد + عدم ترتيب الكلمات + الاطاله ..
هنا .. !!

موافقه

لووووول يا انامل داخ راسي وانا اقرى ردج فمبال صاحبة الموضوع XP
فشي بعد ما نقدر نضمنه انه العضوه نفسها تعطي العضو الي ترمسه الباسورد وياعيني ويا ليلي XD
بس احس مب سالفه مهمه الي ما يستحي على ويهه لا يستحي وخله يدش الواحة ويعرف شو مكتوب
يروي فضلوه عن خاطره لووول
بس عندي اقتراح
شورايكم انه انخلي العضوه اليديده اتشارك 100 في مجال المرأه عشان نوثق انه هي بنت وبعدين نرشحها او نعطيها الباسورد شو رايكم XD مب جني اماجنيري برسن لووول
جانيه XD

انا الصراحه اقتنعت بكلام اختي انامل قلب >>> مب جنج يديده و رازه و يهج :a046: >>ككككككك

بس بعد لو سويتوا ع اساس ان الي تشارك 100 مشاركه بتعطونها الباسوورد يا ايه احبك ،، ترى انامل قلب نبهتنا لنقطه ثانيه و هي ممكن اي بنت تعطي الباس لحد من الاعضاء و يدخل ببرود

وكلامج يا ايه احبك عن خل يدخل ما في شي مهم بعد مقنع

لكن سؤال !!!
يعني شو الي بيميز هالقسم ؟؟ شو الي يخليكم ما ترضون بدخول الجنس الثاني؟؟؟
اذا عادي يدخل الملقوف و يشوف يعني عادي يدخل غيره >>> شو الخصوصيه ف الموضوع ؟؟


>>>>>>>> اسمحولي مرزة مستجده :biggrin:

الهدف انه نبي عالمنا الخاص XP
ا بليس ما فيه رييايل XP

كككككككككككك

للاسف الابليس الثاني يكون نص العالم لوووووووووول


انزين شو رايج نسوي حركه تتخذها بعض المواقع هي يمكن شوي نحسها ما تنفع بس هي مجرد اقتراح

" ان قبل لا تعطون الباس لاي عضو تخلونه يقسم بانه بنت :whistling: " >>> هذا اقتراحي :9:

انا صوت .. وفكرة حلوة انه تكون لكم واحة خاصة

لكن مثل ما قال وردة روز يمكن حد يدخل باسم بنت .. ويمكن العضوات يكونن ماخذات راحتهن بمنااقشة مواضيع خاصة

صوت اني موافقه اول ما دشيت بس من عقب ردوود بعض الاعضاء رديت افكر في الموضوع عدل

اممم حاليا موافقه بس مثل ما قالت انامل موافقه بس مب مرتاحه ...

جيه كلكم زايغين ؟!! :fa56:

شككتوني فالسالفه :boxed:

.
.

أنا اللى أشوفه أنه كل شي واضح

و نحنى ندري بأنه لو حتى كان هالقسم خاص

ما بنظمن الفضوليين :fa55:

عشان جيه المفروض نراعي هالنقطه في مشاركاتنا و ردودنا .. و بس :k_harhar1:

.
.

انزين أقول ..

أنا مالي شغل ..

ماقلت شي .. :shutup:

.. !!

......... !!

..

انامل لا تعالي بنضربج XP

ههههههههههههههههههههههههه ههههه
اويــــــــــه .. استوت ساااااالفه وانا ما ادري ..
:fa56:

أولا ً مشكورات يا حبيباتي العضوات المشاركات .. بالموافقه أو موافقه بس متردده
وثانياً مشكورين اخواني اللي شاركوا بـ لا أوافق ... بس ياليت لو تحطون آرائكم وتناقشون اسباب (عدم موافقتكم) في الموضوع!

أنا كنت متوقعه أنه حد ما بيكون موافق عسب جي من بداية الموضوع .. اللي موافقه تختار أوافق
واللي مش موافقة تختار لا أوافق ..

يعني الموضوع بكل ما فيه .. كان ولا زال مجرد اقتراح
ونشوف الموافقين والمعارضين أو حتى اللي عندهم تساؤلات عسب من الحينه نمحص الفكرة عدل قبل ما تتطبق وتستوي مشاكل أو نوع من عدم الارتياح . . .!

أختي أنامل ..
بالعكس يالغلا .. أنا اشكرج على هالرد ،، صح نحن بنفتح واحة خاصة بـ باسوورد !
لكن فيه خاصية .. لأعضاء القروبات قديماً.. يعني اللي مشاركين في القروبات كانوا بس هم يشوفون واحتهم!
الأعضاء اللي مشاركين مثلا ً في قروب المافيا كانوا بس يشوفون واحة قروب المافيا ..
وأعضاء الطلاسم.. ما يشوفون الا واحة قروب الطلاسم !<< وطبعاً كان لها باسوورد ما يعرفونه الا أعضاء هالقروب ..

غير جي .. واحة الإداره مخفيه.. مايشوفونها الا الاداره.. صح؟
فـ ما احس انها فكرة الواحة المخفية ويكون لها باسوورد مستحيله !
حتى لو وحده مالها ضمير.. وقامت عطت عضو الباسوورد.. أصلاً هو ما بتظهر له الواحة من الأساس عشان يروم يحدرها بالباسوورد ..!
:birgits_giggle:

وبعد العضوات اللي يبون يدشون هالواحة ممكن يقسمون قبل كل شي أنهم بنات!
مثل ما قالت الأخت يغار مني القمر ..

صح انه فيه منتديات *خاصة* للنساء..
لكن هل هم وقفوها لأنهم شككوا انه بيدخلونها شباب؟!
لا.. لكن خلوا الأعضاء اللي يسجلون في المنتدى يقسمون قبل كل شي على أنهم *بنات*!

فـ هالشي صار بين العضو وربه
إذا يخاف من ربه .. ما بيسوي هالسواه!
إذا ما يخاف من ربه.. شعلينا منه؟!

وغير جي..
أنا ما بقول اني ما شاركت في منتديات نسائية..
أمبلى شاركت.. لكن ما لقيت اجوبة لمعظم اسئلتي !

والسبب انه مشاركاتي بس للاستفسار أو التعليق على موضوع فقط!
بس مثل هالمنتديات ما نحصل عضوه بذاتها نقدر نصارحها ونشاركها بتساؤلاتنا..

على عكس عضوات بن دبي اللي صارلي 5 سنين اعرفهم ويعرفوني!
وهذا اللي شجّعني من البداية إني اطرح هالفكرة . . .!

وبعدين يا بنوتات ..
مواضيعنا العادية اللي نتسائل فيها عن مثلاً الصالون الفلاني..
والمعدلة الفلانية ..
أحس بصراحه انها بعد *خاصه* ..

يعني ماله داعي يعرفون *شباب* الواحات اني بسير مثلا ً للمعدلة الفلانيه . . .
:fa44:

مب شرط تكون مواضيعنا *خاصة وفي الصميم* من أولها لين ما تثبت أمور الواحة الخاصة..
ونتأكد من العضوات اللي يشاركون فيها ..

بعدين خذوا راحتكم ..
هـذا وسلامتكم!

كانت وياكم محدثتكم من قناة أخبار الواحات ..
أمطار
:fa51:

ابي واحة حره مافيها اغلاق موضوع ولاحد يسكتنا يوم نتناقش ونتكلم

انا الصراحه اشوف الفكره واااااااااااايد حلوه و تنفيذها بيكون احلى :) ...

اقتباس:

---

المشاركة الأصلية كتبت بواسطة تحفه

ابي واحة حره مافيها اغلاق موضوع ولاحد يسكتنا يوم نتناقش ونتكلم

---

عـشم أبلـيس فـ الجنة:fa56:



رمسوا بن دبي خلاص ، جمعنا أصوات لابأس بها

ماصوت ..

راي من راي تحفه .. مش سالفه تستوي واحة خاصه بالحريم والا .. بس ع الاقل يخلون الواحد يرمس
مب كل شوي ( لا تحولون الموضوع جات ) مع انه يكون خاص بالموضوع ..
او قوانين خاصه يحطها العضو ع كيفه في كل موضوع >.>

المهم
وعن سالفه هالفكره
( من وجهة نظري انا ) ماحس اني بشارك فيها لانه شو من المواضيع ممكن تنطرح ومايستوي الاولاد يقرون الا مواضيع العلاقات الزوجيه ومادري شو وسوالف خاصه بالحريم ( بالقو )
وانا ماحب جي >.<
وماحب ارمس ع العام جي ..

وشي سهل ان الواحد يشترك بنك نيم ثاني ويدش الواحه .. واصلن الاداريين جي والا وجي يجوفون
وكلهم رياييل ..


سلام =)

صدقج اليــاه
المراقبين اغلبهم رياييل
فعادي يقدرون يدشونها :k_special2:

: