macbook pro

هلا .. بشتري لابتوب يديد ان شاء الله
كنت وايد افكر ومازلت في الابل معنه ايه احبك دايما تقولي الابل مب شي ومادري شو وايد شي ..

ونا وايد اختبصت .. شورايكم فيه؟

احس عمري مقتنعه فيه وايد :nerd:

http://www.apple.com/macbookpro/

أفضل لابتوب في العالم

شو اقدر اقول اكثر من جي !!

و تقدرين تركبين عليه ويندوز فيستا كـ نظام ثاني
و موووووووول ما بيأثر على نظام الماك

بس الي عنده ماك،، ما اعتقد انه بيرجع لشي اسمه PC

خذي نفس مالي ؟؟!!!
Hp pavilion dv6000


ويندوز فيستااا !!

بس تعرفيييين الآبل واايد حلو ..
مادري ليش مراات احسه معقد ..
يذكرني بالفرق بين السوني والنوكيا



اووه نسيت ..

حمدالله على السلامه ..
نورتي الواحات ..

أنا عندي اياه .. بس شويه يلعوز يوم تستخدمين الوندوز عليه لانه مثلا نحن في الكمبيوترات العاديه نسوي دبل كلك .. بس في الماك بوك بروو لاااا

يعني الوندز الى فيه استخدامه مب نفس الوندز العادي..


وتأكدي انج تاخذين لابتوب فييه عربي.. لانه مالي مافيه عربي لا على الكيبورد ولا في الكمبيوتر ف لا يكتب ولا يقرا عربي.. الا على الم أس ان

وصح صح ام اس ان ماك وايد احلى عن مال وندوووز ..شكله أرقى

ذنيني + شمعة امل : شكرن وايد ان شاء الله اخذه الويكند الياي

مجموعة انسان D:

تحفه

خذيه وانتي مغمضه عيونك

طاااااالع منووووو هني XPxPXp ولكم أحلى باك XP

تعرفون انا شو قلت لها
قلت لها الله يسلمكم ويعافيكم انه مب كل البرقورام تنزل عليه
صح موصفاته قووو بس نظامه يختلف عن الوندوز وهني البلشه تعالي وتعودي
واغلبية برامجه لازم تشترينها ما ترومين تنزلينها اون لين

صح كلامي ولا خرطي XP ترى يبته من ولد عمي "الكومبيتر" XP

ايه أحبك

كلامج منطقي

بس حاليا تقدرين تشغلين عليه نظام تشغيل ويندوز وبسهولة تقدرين تنزلين عليه البرامج .


..........

يقولك اللي مطول الغيبات ياب الغنايم :)

لاااااا

لا تاخذي مثل مال مجموعة انسان

تراه مثل مالي :/

بعد ما خذته شفت وحدة عندها مثله .. والحين مجموعة انسان

شكلي بسير أعقه بحــر .. حق شو يقلدون ما أدري !!



خذيلج من هالماركة SonyVaio

حلوة مواصفات لابتوباتهم وأنيقة بالمــرة ..

لووول لاحاظي العجيبة شو بتسوي في لاب توبها عشان اكتشفت انه كمن حد شاري شرات لاب توبتها لووول

حصان
يعني الويندوز بيكون شراتنا وما بتتبهدل
وصدققك اتيب الغانيم تحفه نبي غانيم XD

shokria

انا من مستخدمين الـ sony vaio واشوفه احسن واحد استخدمته للحين ..

الـ mac اتعقد نفسيا ً يوم اضطر استخدمه فالجامعه >.<
يلعوز شوي

بصراحة ...

اشوف انه شي غلط واحد مبتدأ مع عالم الماكنتوش و ياخذ جهاز من آبل مواصفاته عالية مثل الماك بوك برو و ما بيقدر يستخدم نص قدرات الجهار حتى تنزل آبل تحديث أفضل و بمواصفات ارقى و بنفس السعر ... شخصيا آشوف ان البداية السليمة مع عالم الماكنتوش تكون مع ال macbook العادي او افضل حل تكون مع ال imac سعره جدا مناسب و مواصغاته حلوة او اذا عندج شاشة lcd فحربي الماك ميني.

شركة آبل تحدث اجهزتها خلال فترات قصيرة في أحسن الأحوال سنة و تحدث نظام التشفيل كل سنتين او سنة و نص و شي ناس يشترون الجهاز اليوم و باجر فجأة ينزل جهاز احسن منه و بنفس السعر و يموتون قهر!!!

أخوي الموضوع قديم !!!

و لو أخوي ..

معلومات عامة مهمة جدا و ما يعرفها الا اللي استخدم الماكنتوش لفترة و راقب تحديث الاجهزة و برامج التشفيل و شركة آبل هي شركة المفاجآت و كنت اتمنى اي احد من الاعضاء يفهم في الماكنتوش انه ينصح الاخت انها تنتظر و تشتري الجهاز مع نظام التشغيل اليديد leopard اللي نزل الشهر الماضي مب مع نظام التشغيل الجديم tiger اللي مرت عليه سنتين و للحين يبيعونه مع الاجهزة!

عل و عسى تكون الفكرة وصلت..

أخوي الكريم ، أشكرك جدا على المعلومات

ما نختلف أبدا في مضمون ما ذكرت ، وأبدا ما يخفى علينا ، لكن الشركة لا تلتزم بمواعيدها (في الغالب) ، فبالتالي لا نستطيع إلزام الناس بأشياء ممكن تتأخر أكثر من اللازم .

الخطأ خطأنا في إنا ما ذكرنا هذا الجانب .

لك كل التحية والمودة .

اقتباس:

---

المشاركة الأصلية كتبت بواسطة حصان طروادة

ما نختلف أبدا في مضمون ما ذكرت ، وأبدا ما يخفى علينا ، لكن الشركة لا تلتزم بمواعيدها (في الغالب) ، فبالتالي لا نستطيع إلزام الناس بأشياء ممكن تتأخر أكثر من اللازم .

---

ملاحظة صغيرة ..

السياسة التسويقية لشركة آبل تحتم عليها إخفاء مواعيد إطلاق الأجهزة الجديدة أو أي تحديث للأجهزة الحالية و ملحقاتها و تسعير أجهزة شركة آبل ثابت مهما طال العمر بالمنتج و مستحيل يتغير و في حال نزلت أجهزة جديدة يتم سحب الأجهزة القديمة من الأسواق و مستحيل تباع بسعر مخفض بسبب صدور أجهزة جديدة.

أما بخصوص البرامج فالشركة واضحة بشكل كبير من هذي الناحية فمثلا التحديث الرئيسي للجيل العاشر من نظام التشغيل ماكنتوش و اللي اسمه leopard كان معروف من فترة طويلة و تأخرت الشركة في موعد الإطلاق لمدة بسيطة بسبب التطوير و هالشي عادي .

المهم كقاعدة أفضل توقيت لشراء الجهاز هو خلال أول ستة أشهر من موعد الإطلاق حتى ما تكون فيه أي مفاجآت محزنة.

في عالم الماكنتوش الهاردوير أهم من السوفتوير البرامج مقدور عليها لكن الأجهزة مكلفة و تحديث المعالج مستحيل و الشي الوحيد الممكن تعيدله في أجهزة الماكنتوش هو الرام و الهارد دسك و بس!!!

راجعوا الموقع ..

http://www.macrumors.com/

كل الود ،،،

ماك برو اير يذببببببح

تحفه ^ ماشي ماك بوك برو اير MACBook Pro Air

فيه بس ماك بوك اير MacBook Air

لا يستوي تطلبين ..واحد من ولاد خوالي مسونها واينن ;)

امممم مادري اذا سمعتي عن الماكبوك بو 15 inch .. نفس الماك بوك من داخل بس شكله من برع ماكبوك برو

فكرت اخذه لان الماك برو بالمقارنه وي الماكبوك بطيء والصراحه حجم الشاشه يهمني وايد لان تفكيري استوى تفكير عيايز واحب اشوف كل شي كبير لول< بالمختصر هالصيف استويت شوي وايد عميه p;

بس انا احتاج لابتوب يديد حق الجامعه ومابي اي تاخير

واليوم جمعه و الـ I STORE امبند X,X والابيض مخلص من كل محلات الـ I STYLE :S

قلت اذا ماحصلت باجر باخذ الاج بيه اليديد

بس عندج فكره ليش ينباع ب6 في شرف دي جي وفي فيرجن اب3 مادري اربع؟!!! اتكلم عن الج بيه البافيليشن اليديد المنزل بنظام الانتل .....

تحفه في شارع المطار شي محل يبيع كمبيوترات ماك باسعار اقل من اسعار السوق
لأنه هو الي اييب منتجات ابل و يوزعها على المحلات

و انتي يايه من صوب السيتي و سايره صوب المطار بيكون على يمينج
بتحصلين علامه التفاحه على المحل


ولد عمي خذ الماك بوك برو 17 انش من عندهم و انا ان شاء الله بعد باخذ آي ماك من عندهم
اسعارهم اقل بوايد

اقل بحوالي كم؟ تعرف ديره ما تنطاااق ..... مابصك درب لين هناك بفرق سعر اقل بشوي S:

واذا ممكن الرقم واللوكيشن علشان اتاكد ان عندهم ستوك!


وشكرا وايد مقدما

شارغ المطار وين؟ S: lol

^^"

شارع**

ما عندي رقمهم ولا اعرف اسم المحل
اعرف المحل يوم اشوفه D=


شارع المطار هو شارع المطار لول
الشارع الي فيه مطار دبي


الفرق في الماك بوك برو الي خذناه كان حوالي 1500 درهم ;)

شششششششوووووووكككراااااان :fa41:

حصلت خريطته للي يبي ..

http://www.graphitech.co.ae/image/Location-Map276.jpg


اسم المحل graphitech ورقمهم +971(4)- 28 22 559



ماعرف ليش مايطلع عدل بس هالوبسايت مالهم http://www.graphitech.co.ae/Contact.htm

مانقصولي السعر وايد :S بس خمسمية درهم :S يمكن محل ثاني

انزين خمسمية بتاخذين فيها عطرين
او 5 او ست روجات
أو 500 بيبسي
أو 100 همبرغر من كفتريا عنتر


الفرق في المواصفات بعد

نحن حصلنا الماك بوك 17 انش مع بروسسر 2.4 و هارك ديسك 350 جيجا بـ 12500
و حصلنا في هالمحل ماك بوك مع بروسسر 2.66 و هارد ديسك 500 جيجا بـ 11000

يعني مواصفات اقوى و سعر اقل ;)

بس هالديسكاونت يعطونه عادي حق اي طالب يدرس من اي محل ( اي ستايل - اي ستور - فيرجن - etc ) مب بس هاذاكي المحل يعني