[ *-- رابرسويل -- سويسرا--*]
رد: [ *-- رابرسويل -- سويسرا--*]
ما شاء الله حلوة رحلتكم اخويه مايد
سويسرا من البلدان الي اتمنى اروحلها
من البارحه يالس اقردن الوالده خخخخ اقولها شو تبغين بلندن و النمسا،، كل سنه تنقزين و تسيرين هناك ويا عيالج
فـ شكلنا بنغير الوجهة هالسنه الى سويسرا
رد: [ *-- رابرسويل -- سويسرا--*]
حلوو المكان والله ..
عيبتني الصور اللي فوق المطعم ..
تسلم يدينك ..،
رد: [ *-- رابرسويل -- سويسرا--*]
حيالله ذنيني..
تبا اتشجعها .. اذا الوالده اتحب الأسواق ..
ترى زيورخ فيهاشارع اسمه بانهوف ستراس .. كله shopping
وبعد مكان ثاني اسمه Old town تكملة للأسواق .. وطبعا تتحرك كله بالترام ..
واي معلومات تباها عن زيورخ انا حاظر .. لأنه نحنا قازينها كامله
بصراحة في اماكن كنت اتمناك تكون ويايه .. تعلمني على التصوير ..
والمناظر وايد حلوه الواحد ما ايعرف شو يصور ..
انا مانزلت الكيمره عن ايدي .. من كثر الأماكن الحلوه ..
شكلي بنزل الصور على اجزاء ..
عشان اتشوف الرحلة كاملة ..
رد: [ *-- رابرسويل -- سويسرا--*]
تسلمين على الرد اختي العجيبة ..
ان شاء الله بتفيج .. وبرتب باقي صور الرحله .. وبنزل جزء ثاني ..
رد: [ *-- رابرسويل -- سويسرا--*]
واااايد حلو المكان ..
والصور بعد وايد حلوة ..
رد: [ *-- رابرسويل -- سويسرا--*]
مشكورة اختي اهلاوية على الرد ..
احلى شي في هالمكان .. انه كله ورود .. والمكان وايد هادي
رد: [ *-- رابرسويل -- سويسرا--*]
رد: [ *-- رابرسويل -- سويسرا--*]
ما شاء الله عليييك مااايد.. شكلها واايد حلوة سويسراا
شوالجو هناااك ؟؟؟
رد: [ *-- رابرسويل -- سويسرا--*]
السلام عليــــــكم
ياحيالله اخوي مايهزك ريح
صووور تفتــــــح النفــــــــس ^____^
ولو فــي زياده لاتبخـــل عليــنا فديت خشــمك :)
رد: [ *-- رابرسويل -- سويسرا--*]
ماشاءالله عليك تصويرك غرااام
والمكان روعه ، الله يقدرنا ونزورها
؛
وبنتـظار الباقي طويل العمـر
:)
رد: [ *-- رابرسويل -- سويسرا--*]
مجموعة انسان .. الجو رهييييييييب .. يبالك اتسير .. واتشوف ابنفسك .. وتسلم على الرد
رد: [ *-- رابرسويل -- سويسرا--*]
وعليكم السلام والرحمة .. حيالله سعووود ..
ان شاء الله بحاول انزل الجزء الثاني ..
رد: [ *-- رابرسويل -- سويسرا--*]
حيالله دمعة شوق .. نورت البقعة اختي ..
واتريي .. اليديد .. ياي في الدرب ان شاء الله
رد: [ *-- رابرسويل -- سويسرا--*]
سلاااااام !
وااااايد حلوه الصور يا مايهزك ريح ..
سويسرا : من اكثر البدان اللي احبهااااااااا واسييييرها كل سنه .. من كثر ما احبها من كم يوم اقول
خاطري اعيش في جنيف والا مونتريكس مال خمس سنين وعقب برجع ..
بلاد هاااديـه وراااقيـه ومافيها زحمة عرب وايد وايد .. والـ shopping مالها وايد حلو
رد: [ *-- رابرسويل -- سويسرا--*]
نـايس:inlove:
حلوه الرحلـه
رد: [ *-- رابرسويل -- سويسرا--*]
صدق انه بلادنا تفتقد الطبيعه الخضرا
والله حلوه البلاد ما عرف ليش اختي ما تتمدحها
وايد حلوه طبيعتها
بس ما تعبتو في الباخره انا ساعه ويالله يالله ايود عمري ما ياكم دوار البحر O_o
رد: [ *-- رابرسويل -- سويسرا--*]
حيالله .. الياه .. :a070:
هيه عن حلوه تراها وايد حلوه .. والأهل من ردينا وهم حاطين في بالهم انه السنه اليايه ان شاء الله انسير .. باقي الأماكن .. لأنه نحنا مالفيناها كلها .. :4:
المره اليايه يبون ايكملون .. بحيث انهم ايسيرون انترلاكن ومونترو وجنيف .. وانا ابا اسير كرانز مونتانا وجستاد ..ان الله راد :inlove:
وعن الـ shopping تراهم ما قصروا .. ما خلوا شنطه ما دعسوها .. حتى شنطتي سطو عليها .. :3:
رد: [ *-- رابرسويل -- سويسرا--*]
مهابه .. مشكورة على الرد ..
رد: [ *-- رابرسويل -- سويسرا--*]
مرحبا ايه احبك ..
لا ما يانا دوار البحر .. اصلا اللي تلوع جبده ما يطلع برع .. ييلس داخل ..
والباخره كلها درايش زجاج اتشوفين كل شي وانتي يالسه .. وداخل كوفي شوب .. انا كنت بموت على الهوت شوكليت مالهم ..
كل ما نركب الباخره ..اطلب انا واختي .. كان لذيذ بصراحه ..
رد: [ *-- رابرسويل -- سويسرا--*]
واااااااااااااااايد روعه الصراحه
خاطري اروح سويسرا ،، وايد عجبتني الصراحه :)
رد: [ *-- رابرسويل -- سويسرا--*]
اشكرك على الرد اختي .."يغار مني القمر "
وان شاء الله يكتب لج .. وتروحين سويسرا عن خاطرج
رد: [ *-- رابرسويل -- سويسرا--*]
حلو الورد ... وانا زرتها مره وسكنا صوب اليبل نسيت اسم المنطقه ... بس المكان هادي
رد: [ *-- رابرسويل -- سويسرا--*]
اشكرك على الرد المزوحي ..
رد: [ *-- رابرسويل -- سويسرا--*]
تسلم عدستك عالصور
مناظر سويسرا وايد حلوه
عيبتني بعض من صور الورود
حسيت بك تتفنن وانته تصورهن
رد: [ *-- رابرسويل -- سويسرا--*]
مايهزك ريح :
هيه ونصيحه الاماكن اللي لااازم لااازم تسيرها هي ..
جنيف + مونتركس اللي هي مونترو ع قولة العرب لول + لوزان ..
رد: [ *-- رابرسويل -- سويسرا--*]
^
انا سرت هالأماااكن
لوزان أحلى شي 3> وايد روومنسيه p=
الصور حلوه مايهزك ريح .. احلى شي فيهم انه شكل جوهم نظيييف وبارد
رد: [ *-- رابرسويل -- سويسرا--*]
مشكورين على الرد خواتي ..
بنت الدلع .. الياه .. شمعة أمل ..
ينت الدلع .. كنت يالس اتفنن وانا اصور بس للأسف يوم كنت هناك ما كانت عندي عدسة الماكرو .. جان تفننت عدل .. يالله المره اليايه ان شاء الله ..
الياه ..ان شاء الله انسير مرة ثانيه عشان انكمل باقي الأماكن ..
وربيعي يمدح منطقه اسمها vevey .. ويقولي اهلك بيحبونك .. كلها shopping ..
شمعة أمل .. اختي اتقول انه لوزان مدينه الفقراء مادري ليش P: ..
وعن الجو انه نظيف .. ما اعتقد كان نظيف .. كان اشويه يخنق ..
اختي كانت سايره قبل عشر سنين .. وقالت انه قبل هالمدينه غير.. وايد كانت نظيفه وجوها كله نظيف .. وكله ريحة ورد .. الحين كله جكاره .. والشوارع وسخة .. تمت تتحرطم علينا ..
رد: [ *-- رابرسويل -- سويسرا--*]
لوزان مب مدينة الفقراء =s
بالعكس
كله فيها ناس مشهورين .. وكله شيوخ بوظبي .. وأولهم الشيخ زايد الله يرحمه كان يسير هناك 3>
هي مدينه وايد رومنسيه .. تنفع ل شهر العسل لووول
رد: [ *-- رابرسويل -- سويسرا--*]
^
لااااااا .. كان يسيرها بس مب يصيف فيها
جايفه كيف شكل بيته اللي في جنيف من برع .. روعــه .. كان يعشق شي اسمه جنيففف
رد: [ *-- رابرسويل -- سويسرا--*]
انا اللي اعرفه انه الشيوخ يكونون دايما في جنيف ..
والحين حد منهم يسير جستاد ..
ما كنت اعرف انهم يسيرون لوزان ..
على العموم انا حاط في بالي المره اليايه اسير الأماكن اللي ما شفتها لأنه هالمرة ما كان شي وقت .. اجازتي كانت ثلاث اسابيع بس ..
المره اليايه ان شاء الله برتب .. لأنه اجازتي بتكون 45 يوك كاملات ..
