معرض جيتكس 2007 ، زياراتكم ، مشترياتكم ، طلباتكم

من دون مقدمات ، ومن دون لف ودوران ، كلكم تعرفون إن معرض جيتكس 2007 تم افتتاحه رسميا أمس الأحد وبيستمر حتى نهاية الأسبوع هذا .

ما بطول عليكم ،

في هذا الموضوع نحب نعرف منكم منو زار المعرض ، وشو شفتوا ، وشو اشتريتوا وشو تبون تشترون وإذا تبون نصايح .

ببدأ بنفسي :

بالنسبة لي كنت أدور مشغلات mp3 ، وبعد دواره وتفكير استمر لشهرين استقريت على
iriver x20 ، سعة 8GB .

وهذي صورة الجهاز :


http://oasis.bindubai.com/bin/upload...1189435028.jpg


مميزات الجهاز :

1- يعتبر الجهاز من مشغلات الفيديو ، والتي تشمل المسارات التالية : AVi and WMV .
2- يدعم مشغلات الموسيقى والتي تشمل المسارات التالية : MP3, WMA, ASF and OGG .
3- عرض الشاشة 2.2 اينج .
4- عمر البطارية 22 ساعة للموسيقى و6 ساعات للفيديو .
5- يُوفر فتحة للإس دي كارد .
6- يحتوي على مشغل الراديو FM ، وكذلك تستطيع تخزين ما تسمع .
7- يحتوي على voice recording .
8- يستطيع عرض الصور .
9- وطبعا يحتوي على وصلة الUSB .
10- وكذلك يحتوي على built in speaker

طبعا حصلت مع الجهاز ، ذاكرتين سعة كل وحدة 1GB ، مع غطاء جلدي .

السعر : 749 درهم . (عرض خاص لي أنا بس )

اشتريت الجهاز من محل بلج إنس .

بتحصلونه عند شرف دي جي بسعر 745 مع ذاكرة وحدة وغطاء جلدي ، وبتحصلونه كذلك عند جاكيس بسعر 799 مع ذاكرة وحدة وغطاء جلدي .

السلام عليكم ...

موضوع جميل

وانا بعدني ما رحت ... واذا حصلت فرصة بروح ان شاء الله


ما تشوف انه كبير شوي ... وفي انواع صغيرة وتقريبا نفس المواصفات بس بدون عرض الصور احسن ؟؟؟

يثبت الموضوع لإنتهاء المعرض ..

والسموحه ...

كووووووووييييي الجهاز ما يتوافر بالألوان ثانيه
الصراحه ما عليه كلام وخصايصه حلوه قريبه من الأكريتف
مبروك عليك الجهاز
وانا عن نفسي ما صار لي وقت اسير جيتكس بس ان شالله بسيره خلال هالأسبوع اذا الله كتب
يالله نتريا راي الباقين
شكرا يا حصان على الموضوع ^_^

هو حجمه قد البي اس بي ؟؟؟ ولا اكبر ؟

أخوي الحاضر الغايب :

عدلت على الموضوع وحطيت السعر ، الظاهر كتبت ردك قبل التعديل .

المهم ،

بالنسبة لي حجمه يعتبر مقبول بالخواص اللي يحتوي عليها ، هناك مشغلات أصغر حجما من اللي عرضته عليكم ، مثلا عندك مشغلات ال creative ، و الipod ، حجمها صغير ، لكن إمكاناتها مقارنة بهذا جدا ضئيلة .

حاليا ما أذكر مميزاتهم ، باجر إن شاء الله بكون هناك من الساعة وحدة الظهر ، باخذ الكاتالوجات وبعرض عليك المميزات في أقرب فرصة .

ايه أحبك

الجهاز ايي بلون واحد بس ، وإذا الله وفقني ورحت باجر بعرض لكم مقارنة بينه وبين الipod و الcreative .

وبخصوص الحجم تقريبا :

الطول : 9.5 سنتيمتر
العرض : 4.5 سنتيمتر
سمكه : 1.5 سنتيمتر

يعني طوله ما ايي نص شبر .

حلوو لني ادور على شي ما يكون وايد عوود
تسلم مره ثانيه وموفق

ايه أحبك ،

ووزنه بعد خفيف وايد ،

وهذي صورة من زاوية ثانية :

http://oasis.bindubai.com/bin/upload...1189436994.jpg

على طاري الiphone

موجود منه في المعرض ، لكن ما يشتغل على نظامنا ، وراح ينزل إن شاء الله على شهر 12 . :thumbup1:

على فكرة نزلوا لاب توب sony يديد ، وحجمه من اللي تدورين عليه ، ومصنوع في اليابان ، أمس ما حصلته في المعرض ، كنت حاب أشوفه .

موجود عند jumbo ، بمر عليهم وبشوف مميزاته .

هيه شفته جيمته 7 وشي استخسرته على الكليه
والاي فون في منهم ما مدحوه ويقولون سيستمه تعبان كونه بيكون اول فون اتنزله ابل
وبنسبه ايرفير اذا ما حصلت لون بناتي بحط بلنغ بلنغ عليه عسب يستوي غصب بناتي XP

الحاضر الغايب :

ipod NANO 8GB

http://oasis.bindubai.com/bin/upload...1189531854.jpg

المواصفات :

1- يمكن تحميل ما يقارب 2000 أغنية .
2- البطارية تعمل لما يقارب 24 ساعة .
3- الشاشة 1.5 إينج .
4- وصلة USB .

السعر : 899 درهم .


Creative Zen V Plus 8GB

http://oasis.bindubai.com/bin/upload...1189531854.jpg

المواصفات :

1- يمكن تحميل ما يقار 2000 أغنية .
2- يمكن مشاهدة مقاطع للفيديو والصور .
3- يحتوي على FM Radio .
4- one touch voice recording buttom
5- scratch free
6- الشاشة 1.5 إينج .

السعر : 799 درهم .

أظن الفرق واضح بينهم وبين الiriver ، وهذا سبب شرائي له .

ايه أحبك

اللي قال إن الiphone تعبان ، هو التعبان أصلا ، كيف يحكم على شي وهو ما جربه !!!

وشي ثاني ، أظن الكل يعرف كبيوترات الMAC ومقدرتها العالية جدا واللي فاقت مثيلاتها . فهل تتوقعين إن شركة مثل apple تفشل في صناعة تليفون !!!

وغير عن جذه ، لا نستبق الأحداث وبننتظر لين توصل دفعة الشرق الأوسط .

اليوم زرت معرض جيتكس وكانت عندي طلبات للمدراء في الدوام .

ومن الطلبات اللي كانت موجودة شراء هارد درايف بأحجام مختلفة ، منها 500GB ، ومنها 320GB ، ومنها 160GB .

الظاهر مدراءنا يشوفون أفلام وما يشتغلون خخخخخخخخ

المهم هذا الهارد درايف سعة 500GB :

http://oasis.bindubai.com/bin/upload...1189533453.jpg

اللي يبغي يشوف المواصفات يتفضل هنه :

http://www.maxtorsolutions.com/en/catalog/OTIII_Triple/


أظني هذا الهارد درايف ينفع لأصحاب المسلسلات اليابانية :m_9afgah:

اخويه حصان طرواده ..
بغيت استفسر عن اللاب توب سوني .. شو مواصفاته .. والأسعار ..
لأني ابا آخذ واحد ومب لاقي 2 جيج للرام .. وسرعه عاليه .. وجامبو يرفعون الضغط كل اللي عندهم 1 جيج للرام .. :k_icon28:

والسموحة :whistling:

كم سعر الهارد دسك سعة 500GB في المعرض ؟

مايهزك ريح :

Sony Vaio VGN-TZ17GN/B

لاب توب ولا أروع ، وله مميزات لم أرى لها مثيل ، وإليك بعضا منها :

1- عمر البطاية يدوم إلى 11 ساعة .
2- الوزن 1.2 كيلوجرام .
3- يمكن تشغيل الفيديو بضغطة زر دون الحاجة لتشغيل نظام الويندوز والدخول إليه .
4- ضد الخدوش .


أما ما يتعلق بالمواصفات الأخرى :

1- نوع المعالج Intel Core 2 Duo 1.2 Ghz .
2- الرام 1GB قابل لإضافة رام آخر 1GB .
3- الهارد درايف 100GB .
4- عرض الشاشة 11.1 إينج .
5- Built in Camera .

وهناك مواصفات أخرى تستطيع أن ترجع إليها من خلال هذا الرابط :

http://www.sonystyle.com.hk/ss/produ...n_tz17gn_b.jsp

ومما يميز هذا اللاب توب عن البقية أنه مصنوع في بلده الأصلي (اليابان) .

وبخصوص الرامات ، غالبا أجهزة سوني تحتوي على رام 1GB ، وهناك بعضا منها يحتوي على 2GB ، لكن هذا الأمر لن يسبب لك مشكلة خصوصا إنك قادر على إضافة شريحة رام إضافية .

أما السعر ، فأنا حاليا السعر الحقيقي ما أملكه لكنه يتراوح بين 7000 درهم إلى 7600 .

مشكور على المعلومات اخويه حصان طرواده ..

الأسطوري :

هارد درايف سعة 500GB
السعر : 640 درهم (سعر المعرض) .

هارد درايف سعة 320GB
السعر : 340 درهم (سعر المعرض) .

وكذلك متوفر هارد درايف سعة 1000GB و (سعر السوق) حوالي 1300 درهم .

طبعا الأنواع المذكورة كلها من شركة MAXTOR

مايهزك ريح:

في الخدمة أخوي :thumbup1:

تعيس حظي والله
ما رحته =( يالله خيرها في غيرها
بنسبه للهارد درايف مب جنه عووود جنه بتري السياره

ايه أحبك

تراج وايد تعبانه ، ما خليتي فينا حال أيام كمبيوترج العطلان ، ولين ألحين ما زرتي المعرض !!!

صدق يبالج ضرب

بخصوص الهارد درايف ،

في نوع أصغر منه وبنفس السعة لكني ما أذكر شو نوع البراند ماله ، ولكنه في نفس الوقت أغلى اشوي .

انزين يعني ما تحتايينه لمسلسلاتج اليابانية ؟

اقتباس:

---

المشاركة الأصلية كتبت بواسطة حصان طروادة

ايه أحبك

تراج وايد تعبانه ، ما خليتي فينا حال أيام كمبيوترج العطلان ، ولين ألحين ما زرتي المعرض !!!

صدق يبالج ضرب

بخصوص الهارد درايف ،

في نوع أصغر منه وبنفس السعة لكني ما أذكر شو نوع البراند ماله ، ولكنه في نفس الوقت أغلى اشوي .

انزين يعني ما تحتايينه لمسلسلاتج اليابانية ؟

---

لوووووووووووووووووووووووووووووووووووووووول:4:
منو هي التعبانه :a0360:هههه انزين انا لو ما استفدت غير بيستفيد لوول مو ذنبي الهوى ضدي


الحين بسألك هذا بتري بيخزن لي كل المسلسلات الي عندي بس المشكله في التنقل
روحه يباله شنطه :fa46:
ولد عمي قالي شي 120 قيقا وبصراحه انا اشوفه يكفي لني انا من النوع الي يطالع اون لين اكثر من التخزين :fa42:

في بو ال260 جيجا ، حجمه صغير ومعقول .

تعرفين شو يبالج ؟

portable hard drive ، بينفعج وقت السفر في تشغيل الفيديو خصوصا إنه يحتوي على شاشة ، وفي حجم 160 جيجا .

تعرفينه ؟

لا اول مره اسمع عنه غير ها شو في من فسيلتيز ؟؟

شكرا لك على هذا التواصل اخوي ...

ينزل من التثبيت ...

اخوي حصان بن طرواده وين اقدر احصل هارد درايف سعة 500 GB

وشو الشركه الي تنصح اشتري منها

خيال بن الحب

قبل لا أخبرك ، عندي سؤال :

ليش تحتاج هارد درايف سعة 500 جي بي ؟

عندي لاب توبين وفيهم وايد برامج غاليه وفيهم افلام .. وكلهم سعتهم عااااااااااليه

من غير اني ابا انقل مسلسلات من عند عيال عمي فافضل اني اخذ ال500 احسن

خيال الحب

أفضل شي في حالتك إنك تاخذ هارد درايفين ، كل واحد منهم سعته 260GB أو 320GB .

عندي أسباب كثيرة ، منها على سبيل المثال إن الهارد درايف في النهاية مكون من قطع إلكترونية وميكانيكية وفي أي وقت بتكون معرضة للتلف .

وكونك تملك كم هائل من الفايلات المهمة في النهاية ما تبغي تروح عليك الفايلات ببلاش بسبب هارد درايف تعرض للتلف ، صحيح هناك برامج تعيد لك الفايلات لكن راح تدفع عليها أضعاف مضاعفة من الأموال .

قوم بتقسيم فايلاتك إلى قسمين ، وخزن كل قسم في هارد درايف واحد ( مع الاحتفاظ بجميع الملفات في الكمبيوتر الشخصي ) ، ففي حالة إن واحد منهم تعرض للتلف ما راح تفقد جميع ملفاتك .

هذي أبسط طريقة لحفظ الملفات وبطريقة آمنة .

لكن ، إن كنت فعلا تريد تحفظ ملفاتك وبشكل احترافي ، لابد تحفظها في عدة أماكن ، في الفلاش ، الهارد درايف ، سيديات وغيرها من أمور . وفي نظري أفضل طريقة احترافية لحفظ الملفات تقوم بتقسيم الهارد درايفات إلى قسمين :

القسم الأول : تحفظ فيه الملفات ، ويكون للاستخدام اليومي ، وبالتالي لابد إنك تشتري هارد درايف سعة 500GB أو هارد درايفين سعة كل واحد 260 جي بي أو 320 جي بي .

القسم الثاني : تحفظ فيه الملفات ، وما يكون للاستخدام ، وطبعا سعته بتكون 500GB .

وهناك قسم ثالث ، ويكون عبارة عن هارد درايف يقوم بتخزين ملفات القسم الثاني ، وكذلك ما يكون للاستخدام .

واللي يسوونه كثير من الناس هو شي يسمونه (Back up Server ) .

هذا ما يتعلق بالنصيحة وشوف شو اللي يناسبك (شكلي طولت وايد خخخخخخخخخخ )

ـــــــــــــــــــــــــ ـــــــــــــــــــــــــ

أما ما يتعلق بنوع الهارد درايف ، فهناك أنواع كثيرة جدا في السوق ، من الMAXTOR ، إلى WD ، إلى iomega ، إلى التوشيبا .

أفضل نوع استخدمته إلى الآن هو الMAXTOR ، ودايما أنصح بشرائه .

وتأكد لما تشتريه يكون one touch ، ويحتوي على برنامج للbackup . هذا أهم شيء . وأحلى شي فيه إن ضمانه 5 سنوات .

وين تحصله :

مر مركز العين للكمبيوتر ، أو هايبر باندا (آخر مرة شفته عندهم) ، أو كارفور (حصلته عندهم) .

السعر :

320GB : يتراوح بين 350 إلى 400 درهم .

500GB : يتراوح بين 650 إلى 700 درهم .

لا لا لا ما انصح انه سيف في سيديات مول مول
انا سيفت :*_*: وتكسر السيدي نهايته كانت مفجعه كل الصور راحت

انزين حصان شو يعني ون توج ؟؟؟

سامحني خيال دشيت عرض ^^;

ايه أحبك

الحفظ لابد يكون في عدة أماكن ، والمشكلة اللي صارت معاج إنج حفظتي الملفات على (سيدي) وبس ، فلما تكسر راحت الفايلات !!!

لكن إذا كنتي حافظة الملفات في سيدي + فلاش ميموري مثلا ، وفي حالة تكسر السيدي الفلاش بيكون موجود .

على كل حال ، طرق حفظ الملفات تختلف من شخص لآخر ، وأفضل شي مثل ما قلت هو الحفظ في الهارد درايف وبالتفصيل اللي ذكرته (هذي وجهة نظري) .

ــــــــــــــــــــ

أما سالفة الون توج ،

يعني بكبسة زر يقوم الهارد درايف بعمل الbackup للملفات .

كيف جذه ؟

الهارد درايف فيه زر (وأقصد الMAXTOR ) ، بعد ما تنزلين البرنامج المتوفر فيه ، وفي حالة تبين تسوين backup لملفاتك ، تقومين وباختصار بضغط الزر المتوفر في الهارد درايف ، بعدها يفتح لك صفحة من البرنامج وفيها جميع الملفات المتوفرة عندج على الكمبيوتر سواء كانت على الC أو الD درايف .

تختارين اللي تبينه منهم وتتبعين الخطوات .

حصــان طرواده

ماشاء الله عليك موسوعة معلوماتية قيمــة .. انته الصراحة فلته
سلمت يمنــااك ع المعلومات القيمة الي حطيتها لنا بالموضوع << وايد أستفدت :12:

مااننـــحرم :)

صدقك يا عيماني موسوعه االكترونيه قيمه XP
وعسب جيه انا اتريا اللموضوع الي عن لابس الي وعدنا به XP
---
تبي الصراحة انا كنت مخزنتهم من زمان ومحطيت في بالي انه السيدي ممكن ينكسر
ثانكس حصان

عيماني

شكرا على الإطراء يا أخوي ، هذي مجرد معلومات أي واحد منا يقدر يحصلها عن طريق المطالعة .

أشكرك مرة ثانية

ايه أحبك

فضلت إني أنزل الموضوع بعد رمضان ، لأن الواحات تعاني من الركود .

بخصوص التخزين في السيدي ،

تذكري دايما إنج تحفظين السيدي في مكان ما تطاله الأيدي العابثه ، ومكان محد يعرفه غيرج ، تراه في النهاية بيكون سيدي محفوظ فيه جميع ملفاتج وبيي يوم بتحتاجينه .

وعندي لج معلومة يديدة ، الشركات الكبرى مثل المايكروسوف ، والسيسكو ، والديل ، وغيرها تحفظ بياناتها وملفاتها في عدة أماكن في العالم ، وعلى سبيل المثال :

شركة السيسكو تحفظ بياناتها في بريطانيا وعندنا في مدينة دبي للإنترنت ، عندهم backup servers جدا ضخمه .

كل هذا لحفظ البيانات !!! فتخيلي الكم الهائل من البيانات تروح من أجهزتهم في أمريكا لخلل صاب الهارد درايف يا ترى شو راح يسوون لو ما عندهم بيانات مخزنة !!!

تسلم الغالي.. ماقصرت والله
خلاص باخذ 320 وبتوكل على الله ..

الله يسلمك يا خيال الحب

وأنا في خدمتكم في أي وقت يا أخوي