حبس مواطنة سنة عن الاتجار بالمخدرات

بعد مانقرأ الخبر ، حد يشرح لي مالسببات لهذخ الحالة ، وكيف لنا تفادي وقوعها فالمستقبل ؟ قضت محكمة جنايات دبي بمعاقبة المتهمة المواطنة (ف.إ) طالبة تبلغ من العمر 19 عاما، بالحبس لمدة سنة عن تهمة حيازة مادة الحشيش المخدرة بقصد الاتجار، وبراءة المتهم الثاني المواطن (ع.ح) البالغ من العمر 20 عاما من نفس التهمة.

وكانت معلومات وردت لإدارة مكافحة المخدرات تفيد بمتاجرة المتهمة بالمواد المخدرة والمؤثرات العقلية، وعليه تم إعداد كمين لضبطها، وتوجهت مصدر إدارة المكافحة لمنزل المتهمة التي رافقت المصدر في سيارتها، وتوجهتا لمحطة بترول في منطقة القوز، وسلمتها قطعة المواد المخدرة والتي بلغ إجمالي وزنها 92, 0 جرام من الحشيش مقابل ألف درهم، وبعد عملية الاستلام والتسليم تمت مداهمة السيارة وألقي القبض على المتهمة، والتي اعترفت بعملية المتاجرة وأقرت بأنها حصلت على المواد المخدرة من المتهم الثاني الذي طلب منها بيع المواد المضبوطة.

الله يسلمك هاي نتيجة عدم مبالاة الأهل هل.. جينرشن اخس جيينرشن

لا حول ولا قوة إلا بالله ..
كلكم راع .. وكل راع مسئول عن رعيته ..
الشرهه على اهلها .. وعلى قولة العيايز .. " مـن هـمَـل افـتـقـد " :k_no:

لا حول ولا قوة الا بالله ...

ما يجوز نحط اللوم ع الاهل بنسبة 100% انا ما انكر انه رقابه الاهل وتربيتهم واجبه لكن بعد ظروف الحياه والمغريات ممكن انها تساهم في تفشي هالنوع من الظواهر ...

أول مرة أسمع عن هالسالفة
الله المستعان شو اللي يالسين نسنمع عنه مخدراااااااات !!
وين العلة أبى اعرف؟؟!!
وين الوازع الديني ؟؟
وين الأهـل ؟؟
:
والله ما عرف شو لازم أكتب بس والله حراااااااام منو السبب في كل هذا كله ؟؟

هالخبر ف أي جريده ؟!
وبعدين مانقدر نعق اللوم على الاهــل ، يمكن الاهل تعبوا وربوا احسن تربيه ، بس البيئه وايد تأثر و صحبة رفــاق السؤ لها دور كبير فالانحراف والصاحب ساحب ، يمكن هالمواطن اللي كان ويا هالبنت علمها على هالشغله أو استخدمها ك وسيله لتتويه الشرطه ويمكن عشان يبعد الانظـار عنه ويمكن بعد يكون مبتز البنت يعني في اشـيا كثيره ممكن خلت البنت تتجه لتجاره المخدرات

ع فكره بلاوي وايد تستوي ف بلادنا ومن هالنوعيه بعد بس ماخفّي أعظــم

الدنيا ما عادت بخير ! يوم هي بعده عمرها 19 وجي تسوي !!

الله يستر علينا وعلى المسلين ...~

بسم الله الرحمن الرحيم ..

نروح ونرد لـ الوازع الديني وتربية الأهل ! ..

اسآل الله بأن يلطف بها ويهديها لما فيه الخير و الصلاح ..

شكرآ لك اخي الكريم ..

.. . . .

الواحد قلبه يعوره لمن يسمع ابـ هالشغلات ..
هل الأهل اهمه اللي بدر منهم أي قصور ..
رفيجات السوء ..
الاعلام ..
البيئة المحيطه ابها ..
ضعف الوازع الديني ..
الفقر ..
الــ !!

ماقمنا ندري ..
لكن الأكيد .. إن الأسباب عديده ..
والحال ينتقل من سيء إلى أسوأ .. !!

:

أشكرك أخي على طرحك واهتمامك ..
وربي يستر علينا ويحفظنا دنيا وآخره ..

إحترامي ..
إختك أنامل قلب ..

السلام عليكم والرحمه

هـ النوعيه من الناس من ساعه كنا نرمس عنهن أنا واختي
الحكم عليهن في النهايه الإعدام .. لكن هل هو هذا الحل

عمرها 19 سنه <--- لـ هـ الدرجه وصلت الجرأه

هـ العمر البنت تقدر تفرق بين الصح & الخطأ والأهل أكيد ربوها على هـ الشي
عسب جي العوق مب من اهلها // بـ رايي السبه من تفكيرها & الصحبه & الدين

الله يستر عليها وعلى أهلها
وعلى جميع أمة محمد - صلى الله عليه وسلم

والسموحه

ويــن تبــا هــاي !!!

:k_puppyeyes:

.
.

الله يهــديهم بـــس !!

.
.

ممممممم

انتوا لين الحين تفكرون ان 19 سنه صغيره ؟؟!!
يا بوووي الحين اللي في الإعدادية يتحدونا في الخراااب
..

المهم
انا مب متفاجأ من الخبر .. !!!

صدق صدق
شي طبيعي

خلوكم معاي .. يوم كنت صف اول ثانوي
يعني قبل 5 سنين
لقوا في مدرسة في الدولة أبر مخدرااات في درسة إعدادية !!!

يعني صار شي طبيعي
وو
وبقولكم

مب على الأهل ؟؟
الوازع الديني 100% هو السبب
لان البنت او الولد لو تحطونهم بين اربع اطوف لو يبون يختربون يختربون
يعني بالطيب بالقوة بيختربون

والعكس صحيح

وإذا مب مصدقين ان البنت عمرها 19 وتسوي جذي !!! ترا في بنات واولاد على 15 سنه يشربون خمر
وتلقونهم في ...........

صدقه هواجيـس :)
الله يهديهـم

بسمم اللللللللللللله . .الله يعافينا منهم والله يهديييييييهممم!!!!!!!

يخووووووف

محد يقدر يلوم الأهل يمكن البنت هي المعيل الوحيد للعائلة و محد يصرف عليهم غيرها او انها خانت ثقة اهلها فيها
و الله أعلم

الله يهديهم =s

خيبه ! عوذ بالله ..

خلها تسوي شي مفيد في حياتها .. وتدخل السجن ابركلها وان شاء الله ما تطلع >X

اللــــــــــــــــــــه يعافينا