تجمع أعضاء الواحات قبل رمضان

بسم الرحمن

:m_mar7ba:

إشحالكم يا أهل الواحات

فديت روحكم يا شباب الواحات

موضوع بختصار

نتفق احنا الاعضاء (الشباب) :a042:

ان نتجمع في مكان ونتيلس وانحش في الاعضاء الي ماحظروا و العضوات :g_aloof:

سوالف

يعني انسوي يلسه

ونتجمع نفس قبل

اذكر كنت متواجد في اول و ثاني و ثالث تجمع للواحات

:k_winner_third_h4h_ :k_winner_third_h4h_ :k_winner_third_h4h_ :k_winner_third_h4h_

اتشرفت بمعرفت الكثير من الاعضاء

مثل

ولد راعي البحر و تويتي والقلب الطفولي و سفير الخيال و قلوب دبي و حرامي دبي و فقير متين اسود وبن دبي و صلوح يشرب جاي واحلى حلو و جميرا ... والله ماذكرهم كلهم اليذكرني لايزعل

والحمدلله قامت صداقه بينا و بين بعض الاعضاء

فأتمنا ان يكون لقاء قبل شهر رمضان الكريم

يعني نرتب و نشوف

وكل واحد يقترح علينا المكان و الزمان

انا اقترح يوم 30 -8 ..... و المكان تجمع اي كوفي او شيشه في دبي

ولاتبخلون علينا بقتراحاتكم

....

اتمنى لو ايتم التثبيت لمدة اسبوع فقط

يا حظ الأولاد يلتقون بكل سهوله
ام نحنا فلازم دراسة حاله وشالفه عويصه ^^.
يالله انشالله تتلقون على خير والله يجمعكم في الدنيا والأخره

هيه والله صدقتي ايه احبك ,,,

ان شاءا لله تتلاقون على الخير ,,,

متيمعين في الجنة إن شاء الله مع الحبيب محمد صلى الله عليه وسلم
^_^

ان شاء الله معاكم
خلنا نشوف منو من الاعضاء بيحضر و عقب ان شاء الله بنختار مكان و زمان يناسب الاغلبية

تسلم يالمتادور على هالبادره

بسم الله الرحمن الرحيم ..

هلا خوي ..

من العين هاي قبل هاي بنثبته ليش لأ دام فيه تجمع ! ..

الله يجمعكم ع الخير إن شاء الله ..

يثبت لحين يتم تسجيل حضور الأعضاء ف التجمع ..

دمتم بحفظ الرحمن ..

فكره حلوه
وانا اسجل اسمي وياكم ..






























وانتوا ماتصدقون شو :k_harhar1:

لول بطلع بكرامتي

نحن بعد نبا نتلاقى عيل اشمعنى الشباب بس:pullhair:

الله يديمكم ع المحبه و الملاقاه الدايمه

( البنات )
تبون تتلاقون صدقوني 20 بنت بتقول اوكيه يوم بني نتلاقا من هايل ال20 بس بيصفن 3 او 4

لووول البنات حياتهم اصعب يا بنت ناس
الوحده ما تقدر تاخذ راحتها الا كلوها

اكثر الردود

للبناااااااااات

هههههههههههههههههههههه

وين الشباب ماشوووووووووووف في قبول للفكره

الم ترى تسلم على التثبيت... واباك انت اول واحد متواجد حتى قبلي

ذنيني ...اترياك و خبر الربع

بنات الواحات مب مال ميتنغ .... * :k_santa_1: *

فكرة حلوه :)

وتتلاقون على خير

تتلاقـــون ع الخير إن شاء الله

:)

هههههههههه هي والله مب مال ميتنغ .. يبالنا نشبك الخطووط ونرمس في التيلفون وبس *وايد علينا*

الحين كملنا 3 ايام و ماشفنا شي

...الردود اغلبيتها من البنات و الشباب الي ردوا قالوا تلتقون على خير

نبا حماس

وينكم ياشباب الواحات

مرحبا الماتادور .. الشباب مسافرين .. والباقين دوام .. وشغل وكراف ..
ما شي وقت الواحد يحج راسه ..
والويكند محجوز للطلعات ويا الأهل ..
الأسبوع اللي طاف سرنا الجبل الأخضر ..
وهالأسبوع يبون يسيرون الفجيره ..

نحنا ما نتيمع إلا في الويكند .. عشان جيه احسبه صعب ..
واذا ما كنا مخططين لطلعه ..
اخويه كل خميس تقريبا يتيمع ويا ربعه في البر وانا اسير وياهم وازقر ربعي بعد ..
وكل مره انسير مكان ..
فما اقدر اوعدك اني ايي .. لأنه في دقيقه كل شي يتغير .. :fa46:

والسموحة منك

افا

الغالي ....انت اقترح علينا و حاول

احنا بعدنا ماقررنا

بس نبي اقتراحات الاعضاء لليوم و التاريخ و الساعه و المكان

بس جنه السالفه يت في وقت غلط

او الي كتب الموضوع انسان غير مرحب فيه

على العموم باجي 3او 4 ايام و نكمل اسبوع

وبنشوف عقبها

انزين اخوي الماتادور مجرد اقتراح
شو رايك لو نخلي التجمع في رمضان
و يكون في نص الاسبوع و خاصة انه في رمضان الواحد تقل ارتباطاته
بيكونون الربع ردوا من اسفارهم
و اغلبنا نقدر نسهر الى وقت متاخر حتى في ايام الدوام
طبعا مجرد اقتراح

اقتراح حلو ذنيني ..

افا الماتادور منو قال انك شخص غير مرحب فيه .. ما اطيع يا الغالي ..

ان شاء الله بيي وبسحب اخويه ويايه بعد ..

والله مادري ياخوي.. انا انسان ما اقدر اوعدكم بشي

انتوا اذا قررتوا خبرونا وبنشوف اذا قدرنا اني او لاء

والسموحه منكم

السلام عليكم ورحمة الله وبركاته

اخوى الماتدور شكراً جزيلاً اخوى على الدعوه

طال عمرك موضوعك فى محله وانا خارج المعموره واتمنى من الكل يوم يرجع بالسلامه ان شاء الله

تلتقون على خير وانا مااقدر اخاابرك انه موجود وبيي ... لانه كل ايامى شغل فى شغل صبح عصر كراف ...والسموحه

السلام عليكم ..

من ناحيتي مابى أقولكم بحضر وعقب أنشغل فـ عشان جيه مارديت وقلت بعدما تتفقون
على العدد والمكان والزمان بشوف وبرد عليكم وشكرا
على الدعوة اخوي
:yes:

الاســـطـــوري
أخوكم

بسم الله الرحمن الرحيم ..

هلا اخواني ..

دام إن الروؤس النوويه مش موجوده ضاع مستقبلك يالماتادور ! ..

انزييييين ليش ما تحددون زمن ومكان ووقت ثاني تلتقون فيه ..

يعني ع سبيل المثال إن اكثر الأعضاء مشغولين صح ؟ ..

دامكم مشغولين حددوا وقت ثاني لجل صاحب الموضوع يرد يطرح موضوع ثاني عن اللقاء ..

واحد مني ما بتواصل معاكم ف اللقاء ومن الله اطلب بأن تلتقون ع خير ..

مرحبا بالشباب . .سلام عليكم ورحمة الله وبركاته .

ما عليك يالماتدور إن شاء الله ليش لا ؟ :12: بس حاليــا أنا فالخــــارج . . لو تخلي اليمعه في رمضان إن شاء الله بكون إحسن . . أعتقــــد الأغلبيه بتكون متواجده مثل ما تفضل أخوي نصوركــاااا ( راعي السوشي ) :a068: . . :icecream: وبنسير إنفطركم سوشي :tounge: .. !! هيهيهي .. لا سوالف عمي . . بس أنا أقترح إتخلي الموعــد في رمضان لأن العرب مسافريــن . . هذا الاقتراح بالنسبه للوقت والمكان إن شاء الله يكون في دبي :fa46: !! ولا على كيفكم مجرد إقتراح لول .

وأشكركـ على الدعوه وأقــول أنا بيي إذا كان الموعــد في رمضان وماصار لي ظرف . . :a033: هذا وتقبّل مروري . . يالله يا شباب شورايكم ؟؟

:fa46: نصيحتي لكـ يالماتدور حدد الوقـت والمكــان . . حزتها بتشوف النتيجه !! :fa46:

:icon_rr: وع فكره منو قال إنك شخص مش مرحب :14: بتنضرب ترا . . خخخ ( سوالف ) !!

للأمـــام ســـر ، ونحـــن خلــفك يا الماتــادور

حــدد الموعد والمكـــان .. وإذا قـدرت تأكد اني اول الحـاضرين

تلتــقون علــى خيير ان شاء الله :)


وهالله هالله بالحش

السلام عليكم و الرحمة ،،

الماتدور ،
يا هلا بها الطله ،

فديت خشمك احيد كم مره جفتك من بعيد بس انت ما جفتني ، :birgits_giggle: ولا يمكن ما عرفتني ،،


انتوا اتفقوا وانا اذا كنت موجود ان شاء الله بكون متواجد وياكم ( بحاااول بس مب اكيد )

لانه طول الاسبوع اكون ف الكليه واطلع في الويك اند ،


لو اتخلونه في اي اجازه طويله اتي ايكون احسن
اجازة العيد او ف رمضان ،،


السموحة ،،

السلام عليكم

مرحبا الغااالي

والله ودي تاريخ 30 بس المشكله إن عندي موعد أسنان في بوظبي العصر فما أعتقد إني أقدر..

بس أنا ويا الشباب لو في رمضان أحسن وأنا ما أقدر أوعدكم لأني يمكن أسافر بس الين الحين ما أعرف بس بإذن الله بحاول,, ما بوعدكم نفس قبل وعقب انشغل وما أيي :doh:


وإن شاء الله نلتقي لأن في خاطري أشوفكم واحد واحد :smile:

خلاص

القرار الاخير

التجمع في شهر رمضان المبارك

وانا راح انزل موضوع واكتب فيه المكان و الزمان انشالله

تسلمون والله على هالردود الي تثلج الصدر

هالردود الي انا كنت اتمناها

وفالكم مايخيب

ونحن انزين :k_icon28:

انتوا قررو في بيوتكم و اتريو نتايج التجمع لول

نتايج التجمع :k_special2: لول

مرحبااااااااااا

انا رجعت
وسجلوا اسمي
وفي اي وقت
بس شرط
ما يكون نص الأسبوووووووووووووووووع

ويه منو ها الي داش عرض XP
تقبال الله يا عمي XD

بسم الله الرحمن الرحيم ..

ينزل من التثبيت لـ حين طرح الموضوع الثاني ! ..

شكرآ لكم :smile: ..