هام لخريجي كليات التقنية العليا !!!
[align=center]http://www.7obrak.net/upload/upload/alslaaaam.gif
هلالالالالالالالالا والله
شحالكم عساكم طيبين
نهيان: نسبة البطالة بين خريجي وخريجات التقنية «صفر»
http://www.meeeem.com/community/gall...IMG_0654me.jpg
أوضح معالي الشيخ نهيان بن مبارك آل نهيان وزير التعليم العالي والبحث العلمي رئيس كليات التقنية العليا أن نسبة البطالة بين خريجي وخريجات التقنية العليا الراغبين في العمل بلغت صفراً، وهو ما يترجم نجاح إستراتيجية الكليات في المواءمة بين ما تطرحه من برامج دراسية واحتياجات القطاعات التنموية في الدولة،
مشيراً من جهة أخرى إلى جاهزية مؤسسات التعليم العالي وكليات التقنية العليا بصفة خاصة، وقدرتها على مواكبة التحديات التي يشهدها قطاع التعليم العالي في العالم، بعد أن نجحت الكليات في تطبيق إستراتيجية أكاديمية ومجتمعية تتفاعل من خلالها مع تحديات العصر وثورة المعارف والعلوم والاتصالات.
ولدى استقباله بعثة طلاب كلية التقنية في أبوظبي المغادرين إلى مدينة كامبردج البريطانية لدراسة اللغة الانجليزية ضمن خطة الدراسات الصفية للكليات، بحضور الدكتور طيب كمالي مدير كليات التقنية العليا، أكد الشيخ نهيان أن كليات التقنية وهي تدخل عامها العشرين تنطلق بمسيرتها من تميز إلى آخر أرفع منه،
وتضيف سنويا مجموعة من البرامج والخطط الدراسية التي تخدم العملية التعليمية وتحقق التوازن المنشود بين مخرجات التعليم واحتياجات سوق العمل. ومن جانبه لفت الدكتور طيب كمالي إلى أن استمرارية برنامج دراسة اللغة الانجليزية في كامبردج يضاف إلى سجل المبادرات الأكاديمية الناجحة التي دشنتها كلية أبوظبي للطلاب خلال السنوات الخمس الماضية.
مشيرا إلى دعم وتشجيع معالي الشيخ نهيان لكافة البرامج والمبادرات المتميزة التي تطرحها الكليات وذلك ضمن فلسفتها في جعل الطالب محور العملية التعليمية.
أبوظبي ـ البيان
=================================
اذا كان هذا كلام وزير التعليم العالي بخصوص الخريجين في الكلية
فاعتقد انه لا يعلم عما يحدث في الواقع والحقيقه
لو مسكنا كل إماره وذهبنا لخريجين التقنية العليا لوجدنا الكثير منهم عاطلين عن العمل
كيف يقولون نسبة البطالة ( صفر ) !!!
واعتقد لو كتبنا موضوع في المنتديات الاماراتيه بعنوان : من منكم متخرج من التقنيه ولم يحصل على عمل
لوجدنا مئات الردود من طلاب وطالبات تخرجوا من التقنية ومازالوا يبحثون عن عمل
وترسل لشيخ نهيان وزير التعليم العالي .. بيعرف انه كلامه غير صحيح وانه الاحصائيات والارقام شي والواقع والحقيقه شي آخر
هذه رساله لكل باطل من كليات التقنية العليا في الامارات
اذا كنت باطلا عن العمل
فارساله رساله عبر هذا الايميل ( ايميل التعليم العالي ) : mohe_sr.mohe@uae.gov.ae
واكتب العنوان ( خريج باطل او خريجه باطله عن العمل ) وارسل المقال الموجود في الاعلى
ليعلموا ان ما ذكر في الصحيفه مجرد كلام لا واقع
وانشر هذا الموضوع بين منتديات الامارات
حتى تصل للخريجين
وشكرا
http://www.7obrak.net/upload/upload/7qooq.gif
http://www.7obrak.net/upload/upload/Boa7med.gif [/align]
رد: هام لخريجي كليات التقنية العليا !!!
باختصار وبعيد عن كل اللي مكتوب في الموضوع
ما عندنا في الإمارات شي اسمه بطاله !
الشغل موجود وفرص العمل هااااااااالكثر،، بس محد يبا يشتغل
الواحد فينا طمعان في وظيفه قويّه من البدايه.. ما يبغي يبدا من
الصفر.. ما يبغي يشد حيله
ما انكر انه فيه واسطه في الموضوع وانه اللي ما عنده واسطه
ما بيحصل شغل بسهوله،، لكن في الأخير يحصل
انا هالسنة تخرجت بس ناوي اكمّل دراسه ان شالله.. قبل التخرج اتيني
تيلفونات من اماكن يقولون طرش لنا الـ CV.. وآخر مكان كان دبــــي
العالميه،،، اتصلوا فيني يوم الخميس... يعني قبل 4 أيام
ولو ما خذوني تراهم بياخذون غيري ومن الكليه توصلنا ايميــلات
عن فرص عمل موجوده وعلى تخصصنا.. يعني الكليّه مب مقصره
بس الواحد فينا هني يبا مكان معيّن وشغله معيّنه وحاطنهم فباله
وانتهى الموضوع.. لا يراكض ولا يدوّر ولا يسأل !
اكبر دليل تنمية،، تتصل في الناس تعالوا خذوا دورات !.. ما يبون !
دورات بلاش وزينه تنمون مهاراتكم.. وبعد يرفضون :fa55:
فـ اذا الواحد ما يبا يروح دورات عشان يطوّر نفسه كيف تبونه يحصل
شغل؟؟.. هذا ان دل يدل على هيازته !
والله الوظايف موجوده وانا عمري ما شفت او سمعت عن حد من ربعـــي
واللي عرفتهم انه تخرّج وما لقى وظيفه.. الحمد لله كلهم يتوظفون وبدون
واسطات بعد
بس العيب في شبابنا.. ما يبغي يبدا من تحت.. يبا يكون مدير على طول
على قولت الشاعر//
لو أنا أمير وانته أمير منو يقود الحمير؟؟ :k_harhar1:
والسموووحه منكم
رد: هام لخريجي كليات التقنية العليا !!!
بالعكــس انا أشــوف إنه خريجي كليــات التقنيه يلقون وظــايف بســرعه
كليــات التقنيه تعتمد إعتــماد كبير على الانجليزي ويظل الانجليزي وياهم
لين التخرج ، على عكــس الجــامعات اللي تطرحه بس فالسنه الاولــى
الاســاسيه وهذي بحط ذاتها نقطه لـ صالح كليـات التقنيه ،
إســهر معي ليله
اقتباس:
ما يبغي يبدا من
الصفر
منو الحين يبغي يبدا من الصــفر ؟! ،كل واحد يدور الــراحه ،
ع قولتك الكل متعايز الواحد من بعد مايتخرج يبغي شغل يطلع له مبلغ محترم آخر الشهر
بس نســوا إنه الواحد يطور ويرتقي لين مايوصـل للمســتوى المطــلوب
كل موظــف يبدا صغــير بس مع الوقت و الدورات والخبره بيوصل لـ مرتبه عـاليه
اقتباس:
ما انكر انه فيه واسطه في الموضوع وانه اللي ما عنده واسطه
ما بيحصل شغل بسهوله،، لكن في الأخير يحصل
مش شــرط يحــصل ، في نــاس متخرجين ولين الحيــن مب لاقين وظــايف
والسبب مافيش واسطـه ولا ظهر قوي يستندون عليه
اقتباس:
على قولت الشاعر//
لو أنا أمير وانته أمير منو يقود الحمير؟
منو هالشــاعر ؟!
:vampire:
رد: هام لخريجي كليات التقنية العليا !!!
اقتباس:
المشاركة الأصلية كتبت بواسطة مزايا
مش شــرط يحــصل ، في نــاس متخرجين ولين الحيــن مب لاقين وظــايف
والسبب مافيش واسطـه ولا ظهر قوي يستندون عليه
ما يحصل.. لكن الوظيفه موجوده.. محد يدوّر
وكل واحد يبا مكان قريب.. ومكان يرتاح له
وهالشي فيني انا بعد
لكن مب معناه اذا ما حصّل اللي بغاه يعني ماشي وظايف.. هاللي اقصده
اقتباس:
المشاركة الأصلية كتبت بواسطة مزايا
منو هالشــاعر ؟!
:vampire:
- انسل ادمز -
رد: هام لخريجي كليات التقنية العليا !!!
أنا ماقــول إنه ماشي وظــايف
بالعكـس في ووايد بعد بس عشــان الواحد يمسـك هالوظيــفه لازم تكون عنده واســطه
في شيئيــن يمكن يظمــن لك الوظـيفه ، أول شي الــواسطه وثاني شي ، مستــواك ( تقديرك الدراسي)
تعــرف شو القهر يا إسهـر معي ليله ( إسمك وايد طويل)
إنه لما ماتحصــل شغـل وتضطر تشتغل شغله مب من ظمن تخصصك
كـأنك ضيعت سنوات دراستك عالفــاضي
رد: هام لخريجي كليات التقنية العليا !!!
تعرفين يا مزايا
بالنسبة لي عادي.. لأنه الشغل غير والتخصص غير
ايام الدراسه الواحد ياخذ فكره عامّه.. اما الشغل هو
التطبيق العملي.. ومستحيل تكون فيه دراسه مطابقه
للشغل 100%
مثال//
انا درست IT.. بس على دراستي مستحيل احصّل مكان
يخلوني اطبّق اللي درسته.. واللي هوه تصميم برامـــج
فـ عشان جيه.. اشتغل في قسم آي تي عالأقل.. لأنه
عندي فكره في شو هم شغالين او عندي فكره كيف
شغل الشركات اللي اتي تعرض برامجها وتكون
عندي فكره كيف يصممون وشو هيه احتياجات
المكان اللي انا فيه
وايد افكار عندي خخخ
يعني انا ما بصمم لهم برنامج.. انا بشرف و بكون
عارف كيف تشتغل البرامج اللي هم يستخدمونهـا
وبكون مشرف عالشركات اللي تصمم البرامــــج
للمكان اللي انا فيه
لاحظي؟.. ابا اكون مشرف :whistling:
رد: هام لخريجي كليات التقنية العليا !!!
إسهــر معي ليله وحس بلوعتي ليله
اقتباس:
ايام الدراسه الواحد ياخذ فكره عامّه.. اما الشغل هو
التطبيق العملي.. ومستحيل تكون فيه دراسه مطابقه
للشغل 100%
مش معارضتنك ، لانه كلامك 100 % صح
بس انا اقصد لمــا تشتغل شغــله بعيده تماما عن تخصصك
يعني الشغله فـ صوب و التخصص كان فالصوب
وتعتبر هالشغله تصبيره لين ماتلاقي شغله تناسبك
وعقب تلاحظ إنك قزرت حيــاتك كلها على نفس الشغله
اقتباس:
لاحظي؟.. ابا اكون مشرف
خطير إنته ، مشرف مره وحده :Oo:
هذا وإنته تقول
اقتباس:
بس محد يبا يشتغل
الواحد فينا طمعان في وظيفه قويّه من البدايه.. ما يبغي يبدا من
الصفر.. ما يبغي يشد حيله
يالله ماعليه بنعديها لك :fa46:
رد: هام لخريجي كليات التقنية العليا !!!
^
^
تراني قلت الواحد فينا،، يعني انا منهم وان شالله حزتها ما نكون منهم
هاي مجرّد رغبات.. و الواقع شي ثاني وان شالله نكون من القنوعين
رد: هام لخريجي كليات التقنية العليا !!!
متابعة .. :thumbup1:
و على طاري الواسطة.. أنا مع اللي يقول انها مجرد هاجس
و " شماعة " نعلق عليها البطالة..
اليوم الفرص كثيرة.. للي يستاهل و اللي ما يستاهل و بدون واسطة
الامر صار مفروض على الشركات انهم " يراكضون" ورى المواطنين
رد: هام لخريجي كليات التقنية العليا !!!
أختي رويــان
انا ويــاج إنه الحين الشــركات تركض ورا المواطنين عشـان يطبقون شي اسمه توطين
بس مش معقوله كل مواطن يتقدم للوظيــفه يقبلونه ، الواسطه ساعات يكون لها إيد فالموضووع من قريب ولا من بعيــد ، بس الواسطه ماراح تخلي الاجراءات العاديه في توظيف المواطنين فحـالها أو تاخذ مجراها الطبيعي فالتوظيف
رد: هام لخريجي كليات التقنية العليا !!!
ربعي الي تخرجوا وياي كلللللللهم حصلوا وظايف
ولا واحد منهم تم اكثر من 3 شهور "الا اذا يبغي يتم بطالي بإرادته"
و انا سويت مقابلة و ان شاء الله جريييييب بتوظف
و كلام الشيخ نهيان صحيح و خريجين التقنية ما شفنا حد منهم بطالي "الا الي وايد يتشرطون او يبغون وظايف على مزاجهم"
لكني ما جد شفت حد خريج من التقنية يشتكي و يقول انه مب محصل وظيفة الا اذا هو ما دور و ما قدم اوراقه و يترياهم يتصلون فيه خخخخخ
هيه صح،، من يوم دخلت التقنية "من خمس سنوات" و نحن كللللل سنة يعرضون علينا الانتساب للبنوك و لبعض الشركات الخاصة و فوق هذا يعطونا رواتب اثناء فتره الدراسة على اساس انه من نتخرج على طول نحصل وظيفة في انتظارنا
و تراهم ما يرفضون حد و هذا دليل على انه الي يشتكون من البطاله "اذا في حد يشتكي" تراه هو السبب،، مب من التقنية
تحية حب و تقدير و احترام للشيخ نهيان بن مبارك
رد: هام لخريجي كليات التقنية العليا !!!
كلام اخوني كلهم صح وانا من الكليه ما تخرجات والخلق يتصلون اللهم لا حسد اللهم بارك وزيد
وغير عن جيه الكليه اصلا ما ترتاح الا لما توظفنا بحيث انهم هالسنه سوا عدنا شرات الكرير فير في الكلية ويابووا شركات متنوعة من كل مكان واخذوو الشركات يشرحون عن الوظائف الي عندهم الي حب قدم والي ما حب شاف مكان غير
وبعدين الكلية ما دربنا ولا تأهلنا على شي معين عشان نشتغل في مكان واحد ومعين بالعكس نحن عيال البزنس نعرف عن الايتي والعكس صحيح يعني نقدر نشتغل في اكثر من مكان فبتالي مستحيل انه ما نحصل فرص
وانا اشوف الكليات احسن من جامعات الدوله للي يبي يشتغل
رد: هام لخريجي كليات التقنية العليا !!!
اقتباس:
المشاركة الأصلية كتبت بواسطة الذهــب
اذا كان هذا كلام وزير التعليم العالي بخصوص الخريجين في الكلية
فاعتقد انه لا يعلم عما يحدث في الواقع والحقيقه
لو مسكنا كل إماره وذهبنا لخريجين التقنية العليا لوجدنا الكثير منهم عاطلين عن العمل
كيف يقولون نسبة البطالة ( صفر ) !!!
واعتقد لو كتبنا موضوع في المنتديات الاماراتيه بعنوان : من منكم متخرج من التقنيه ولم يحصل على عمل
لوجدنا مئات الردود من طلاب وطالبات تخرجوا من التقنية ومازالوا يبحثون عن عمل
وترسل لشيخ نهيان وزير التعليم العالي .. بيعرف انه كلامه غير صحيح وانه الاحصائيات والارقام شي والواقع والحقيقه شي آخر
هذه رساله لكل باطل من كليات التقنية العليا في الامارات
اذا كنت باطلا عن العمل
فارساله رساله عبر هذا الايميل ( ايميل التعليم العالي ) : mohe_sr.mohe@uae.gov.ae
واكتب العنوان ( خريج باطل او خريجه باطله عن العمل ) وارسل المقال الموجود في الاعلى
ليعلموا ان ما ذكر في الصحيفه مجرد كلام لا واقع
وانشر هذا الموضوع بين منتديات الامارات
حتى تصل للخريجين
وشكرا
[/align]
:14:
كلام كبير يحتاج الى اعادة النظر فيه
رد: هام لخريجي كليات التقنية العليا !!!
الســلام عليكم ...
أولا.. ركزوا ويايه ..
اقتباس:
أوضح معالي الشيخ نهيان بن مبارك آل نهيان وزير التعليم العالي والبحث العلمي رئيس كليات التقنية العليا أن نسبة البطالة بين خريجي وخريجات التقنية العليا الراغبين في العمل بلغت صفراً،
الي مكتوب باللون الاحمر .. الراغبين في العمل .. و هالكلام صحيح 100% ..
انا من خلال تجربتي .. درست في التقنية و قبل ما اتخرج بشهر و شويه يتني اتصالات من شركات و مؤسسات و دواير حكومية تطلب مقابلتي، و يوم اسألهم من وين يابو الرقم يكون جوابهم من قسم التوضيف في التقنية ..
التقنية دورها مب اكاديمي فقط، بل تأهيلي، تؤهل الشخص وتساعدة يدخل ميدان العمل بسهولة و يسر ..
كلامي ابدا مايعني ان البطالة مب موجودة .. بالعكس، البطالة موجودة عند الي غير راغبين في العمل و ياااااااااااااااااااا مكثرهم الي اعرفهم من خريجين التقنية و مايشتغلون .. و صحيح أيضا هناك البعض ماحصلوا وضايف مناسبة .. لكن إجمالا و عموما هذا هو الواقع ..
شكرا يالشيخ انهيان على اهتمامك :)
رد: هام لخريجي كليات التقنية العليا !!!
وعيـال الجامـعـات اللي متخرجين من سنين وماشي شغل وكلهم بطاليه
مالهـم رب .!!
:glare:
رد: هام لخريجي كليات التقنية العليا !!!
^
^
اعتقد أغــلب اللي مب لاقين شغل متخصصين فـ شي مش مطلوب
أو فـ شي صار فيه إكتــفاء
رد: هام لخريجي كليات التقنية العليا !!!
:3:
اقتباس:
المشاركة الأصلية كتبت بواسطة دمعة شوق
وعيـال الجامـعـات اللي متخرجين من سنين وماشي شغل وكلهم بطاليه
مالهـم رب .!!
:glare:
أنا جامعية :fa46:
و توظفت عقب آخر فاينال بـ 12 يوم بالتمام و الكمال..
من دون واسطة..
.. من وجهة نظري الخاصة و من واقع تجربتي مع صديقاتي
و مثل ما ذكر الأخ..
أن اللي ما يتوظف.. يا لأنه ما يبا غير مجال تخصصه
أو انه يستقل من جيمة الوظايف
أو ما توظفت.. الكل حطمني و قالي كيف ترضييييين بها الراتب وانتي جامعية.. و و و..
و اليوم.. الحمد لله.. توظفن بس برواتب اقل من راتبي.. :tounge: طبعا عقب ما كملت فترة التدريب و سوو لي أول تقييم
طبعا هذا رزق.. بس اللي أبا أقوله ان الوظايف متوفرة وحتى لو ما اتصلتوا.. بابهم مفتوح و جربي
رد: هام لخريجي كليات التقنية العليا !!!
:glare:
التخـصص اللي متخصصينـه مطـلوب جـدا ً جـدا ً
وكـل شـي شغـل واسـطـه
؛
ومـب سالفـه مايبـون الشغل بالعـكس والله ما خلوا بقعه ماراحولهـا
بس ماشي كله خريط
؛
وانا ما اقول ماشي ناس ماتبا تشتغل بالعكس هالفئه وايد ، اللي يبغونه انهم يرقدون وتيهم العيشه وهم قاعدين مايبون يشتغلون يبون بس فلوس على الجـهـاز
؛
امبونهم عيال الجامعـات خرر والتقنيه اففف فووق
إمره قبل لا يتخرجون يتوظفون ولا الجامعين ماشي منه
أغلب المتخرجين قاعدين في البيت بدون شغله ولا مشغله
ولاتقولون انه ماراحوا والله من أربع سنين يدورون بس ماشـي شغـل
؛
وتـقـولـون ماشـي بطـاله .؟!
شو هالمنـطـق
:glare:
رد: هام لخريجي كليات التقنية العليا !!!
اختي رويان
كـل حـد وحـظـه يمـكن الحـظ خاب هالمره بس بيخيب عشرطعش مره وطول الأربع سنين بيخيـب ؟
