بغيت معلومات عن ال TOYOTA FJ

السلام عليكم ورحمة الله وبركاته

اشحالكم اعضاءنا الكرام عساكم بخير وصحه وسلامه

المكتوب يبين من عنوانه اتمنى اذا حد جرب هالموتر يخبرني عنه

او اذا شافه او سمع عنه والشكر مقدماً لكم

محاق

والله ما عندي معلومات عن هالموتر .. بس اشوفه ف الشارع
وما ركبته ولا اعرف عنه شي ..

أتمنى من الاخوان انهم يساعدوونك ويفيدوونك ياالمحاااق

شكراً عالمرور اخي خطاب :12:

ان شالله احصل حد جربها بيفيدني اكثر ان شالله :fa46:

وعليكم السلام ورحمة الله وبركاته

المحاق شكلك بتسوى مغامرات تسأل عن هالموتر

صراحه انا شفته فى المعارض وعلى الطريق كذا مره بس شكله مب لين هناك

لى اعرفه انه مكينته 6 سلندر .. 4.0 لتر والناقل اليدوى 6 غيار

واتمنى حد يفيدك اكثر والسموحه

مكينة برادو vx ... جير برادو vx ... دفريشن برادو vx ... البرادو افخم

الصراحه سواقتها حلوه .. و فيها هبه

برادو بس عاقين عنه ثوبه و ملبسينه لبس المغامر

بصراحه السيارة حلوة و مكينتها معروفه بقوتها "مثل ما قال شرجاوي تستخدم جير و محرك البرادو 6"

ما اعرف شو اقولك زيادة

السيارة حلوة بصراحه و تلفت الانتباه و كوول

مشكوووورييين وايد عالمعلومات :a054:

حد عنده فكره متى بتنزل في الوكاله وتقدير السعر بكم يمكن تنزل ؟

انا شفتها تنباع برع مستعمله اب 100 وشي 40 ألف وهي ماشيه 10000 كم

يعني معقوله جي غاليه بتكون ولا بيكون سعرها اقل :m_9admah:

ومشكورين مرة ثانيه وماقصرتوا :12:

هيه غالي سعرها

لأنها مش متوفره عند الوكيل و ما يحتاي اقولك عن استغلال اصحاب المعارض
الفيراري F430 المكشوفه سعرها في الوكالة اقل من 850 الف لكن السيارات الي على لائحة الانتظار بيتم تسلميها خلال سنتين على الاقل و لهذا السبب اصحاب المعارض يبيعونها بـ مليون و ميتين الف
يعني فوق الـ 300 الف درهم فايده في كل فيراري يبيعونها

لول الحين شو يخص الفيراري في موضوعنا !!
المهم حاول تتأكد من الوكالة، اذا بييبونها انتظر و اذا ما بييبونها شوفلك حد في امريكا عسب يطلبلك اياها من هناك

و اذا ما عندك حد هناك قولي و ان شاء الله ما بنقصر وياك يالمحاق

كان عند اربيعي خذااه اول ما طااح في معارض العوير اب 175 الف

لعنه فالبر ايام الشتاا فالفايه و على قص من القصوص الموتر
ضرب في حصا عود صوب الدفريشن اللي جدام و سار به الذيد و هو راد
من الذيد ع الخط التاير اللي جدام ع اليمين قفله عليه و هو يمشي و انجلب فيه
و تكنسل .. بس الحمد لله محد من اللي كانو فالسياره ياهم شي


سواقه حلوه و من ناهيه المكينه تراها ميكنه برادو و ما يحتاج امدحها
بس من ناحيه شكله موول ما دخل مزاجي تقول مكوك نازل من السماا خخخخ

و ما اتوقع الفطيم ينزلونه عدنا فالبلاد

الصراحه مكينة البرادو ماعليها كلام وايد قويه ماشالله

بس إلي يضحك اكثر انه اقوى قومه للباثفندر اتخيلو عاد :fa46:

مشكور وايد يا اخويه ناصر والله ماقصرت وماتقصر وخيرك سابق دوم

انا مادري ليش عايبتني هاي السياره احس إلي امخرب شكلها بس السله إلي فوق

:fa46:

المحاق أحيانا تعيبنا سيارة وبمجرد ما نمتلكها نمل منها بسرعه، ويمكن هالموتر يكون من هالنوع

صح موتر قوي مثل ماذكروا الاخوان ... وانا شفتها أول مره في معرض في الشارجه والحين اشوفها

وايد .. لكن ماعندي خلفية عنها ...

في ناس هوايتها تجرب كل شي مايهم السعر لو نزل في اقل منه سنه وياخذون موتر غيره ..


http://www.toyota.com/fjcruiser/index.html

ودانا السيح و ردانا حفاي ...

الغالي عندك البرادو .. قويه و زوينه .. و سعرها 127 الف .. و 119 الف عند ( دينا تريد ) ... البرادو اخير لك عن موتر وارد

اشوف الجيب رنجلر أحلى << منو ياب طاري الجيب :doh:

نزلوها في الخليج بس ما ادري اذا وصلت عند الفطيم ولا بعدها
الاسبوع الي طاف سوولها حفل في وكاله قطر و عمان

موجوده في الفطيم .. شفتها البارحه في معرض تويوتا اللي في شارع زايد ^_^ !!

عاد الحين انتشرت بصورة كبيرة، بتلحق إلا الهمر !

سرت الوكالة وشفتها ...

سعرها 111 و 121 ألف

السلام عليــكم..

بصـــــــــراحه.. هالسياره صدق صدق انتشرت..!! امس في كل شارع ندخله انشـــوفها ..!

..

بس ع فكـــره.. احس انها تركب عليك يا المحاق.. :fa51:

حلوه الصراحه

وتروح عن النيسان فتك ^____*

خياااال
شفت السوداااا اللي في سكن المرخانية !!!
\
وايد حلوة وخفيفه وفي الرمل بعد اوكي

امس جربناها

الحينه يشتورنها بزيادةأ اونه الجو اعتدل ويبونها حق الرمل، يعني استوت دراجه !

اللي يسمع سعرها 20 ألف

بس هااااااااا سواقتها في الرمل احلى بوايد عن القااار

بصرااحة ترتيب هالسياارة .. وعايبتني ...

وكفااية المكيينة إلي علييها ...

والحين منزلينها فل مع النفجييشن والكاميرا .. أعتقد سعرها بـ 135000
بس عيبها انها صغييرة ... يعني الجماعة إلي بييلسون ورا بيختنقوون ..

خطّاب .. مايحتاي فيها نفجتيشن وكاميرا .. لانه هي من داخل عادية جدا ... فمالهم لزمة أحس ...

مممممممم .. يعني بما انها سيارة دفشة فـ سوالف الدلع والرفاهية مالها لزمة ..

صح كلاامك .. بس يمكن البعض يفضل انه يااخذها فل اوبشن ..

النفيجيشن ينفعك في البر .. بس ..ولا الشوارع .. كل يوم تتغير ..