اسأل وفكر بصوت عالي !

بسم الله الرحمن الرحيم

السلام عليكم ورحمة الله وبركاته

نرحب بأعزائنا المتخرجين والمتخرجات ونبارك لهم بنجاحهم
وبنسبهم الجميله

بما انكم على ضفاف دخول الكليه او الجامعه
يسرنا ان نفتح لكم المجال للسؤال
ونقدم لكم جميع الاختيارات والحلول التي تناسب ميولكم

هنا تستطيعون الاستفسار عما يحلو لكم
اذا كنتم محتارين في دخول التخصص المناسب
او تريدون معرفة التخصصات المطلوبه في سوق العمل

ما عليكم سوا السؤال
ونحن سنقوم بالرد على استفساراتكم باذن الله >> استوت مال اتصالات :tongue:


نعلم بأنها اصعب مرحله من المراحل الدراسيه
وجميعنا مررنا بها
( الختطيط والتفكير للمستقبل )
لا يسعكم سوى السؤال والتفكير والتوكل على الله

كل الشكر يعود لصاحب الفكره خيال الحب

تحياتي ..
بنت الدلع

:fa55: جان يسوولنا طاف:fa55:

السلام عليكم ورحمة الله
خيال الحب + بنت الدلع
يعطيكم العافية ع المجهـوود الطيب

أنزيـن انا مخلص الثانوية
ومقدم على تقنية دبي
وماعرف شو أتخصص
وانا سمعت انه بعد السنة الاولـى تتخصص
مع العلم انه ميولي كمبيوترية :fa32:

أبي أسمــع شوركم
:2:

خيال الحب
شفت كيف =(


عيماني وكلك فخر
اذا انته علمي
ليش ما ادش هندسه؟
دراستها حلوه
واغلبية الاشيا عمليه
ويبالها تفكير وتشوف الاشيا جدامك
وغير هذا يوم بتتخرج
شهادتك بتكون على مستوى
ومسماك الوظيفي مهندس
وبتحصل علاوة المهندس فوق الراتب

وعندك تخصص الآي تي
وايد مطلوب
وحلو
وشي تخصص يديد فاتحينه في كلية الآي تي
والي هو
IT security
امن نظم المعلومات
كله يخص الكمبيوتر
ويوم بداوم مكانك بيكون حلو
كل مكان مطلوب الامن
انته بتكون المسؤول عن الملفات السريه و حمايتها

اهــاا

اشكرج أختي بنت الدلع ع الافادة
لكن انا تخصصي أدبــي
ولاهنتــي خيتي

^ اي تي حق الاثنين

يامرحباا والله بعيماني..

حاول تتخصص بشي تاخذ منه باكالريوس ..

لاتطمح للدبلوم..

شد حيلك وحاول تاخذ على الاقل دبلوم عالي..

لانه فرص العمل والمعاش بتكون عاليه وحلوه

وبالتوفيق..

بنت الدلــع .. خيال بن الحب

تسلمــوون والله ع النصيحـة وماقصــرتوا
وإن شاء الله أقدر أردها لكم

خويكم
:12:

عليكم السلام و رحمة الله و بركاته

أبغي أسأل عن الصيدله

شو رايكم في هالتخصص ؟ على شو يعتمد بالضبط ؟

قالولي انه يعتمد على الكيميا أكثر شي.. فـ قلت بتأكد

لانه أقل درجه عندي في الكيميا :tongue:

.
.

و مشكورين يا بنت الدلع و خيال الحب

على هالموضوع المهم.. ما شفته قبل

يمكن أرد مره ثانيه لانه عندي وايد أسئله :fa46:

وبنكـون متـواصليــن ويااكـم للـرد علـى أي شي يخـصص الهندسـه أو البزنـس :thumbup1:
وعـن الجامعـات وبالاخـص جامــعـه الشاارجـه ..
وأي سـؤال بغيتـوه ان شا ءالله ما بنقـصر ويااكــم بالاجابـه
بنت الدلــع \ خيال الحـب .. مـوضـوع مفيـد جـدا .. شكـرررآآآ =)

مـووضـوع شيــق ومفيــد ...
اذا تبـون تسألــون عن تخصــص البـزنس في جــامعة الشــارجه أنا زاهبـه ..
ما يــردكم الا كيبــوردكــم .. :)

مــرحبــا السـاع في ذمتـيـه
حــي هالمواضـيع
تـثـدقـون كنـت بـنـزل موضوع بتخبـر فيـه ؟
وزيـن أنيـه لقـيت الدعـوة لهـموضوع .!!
؛؛

امممممم أنا نـاويـه أدث جامـعـة الإمـارات
وووامممم
مـاعـرف يـعـنـي أكثــر ثــي حاطتنـه في بـالـيـه
اممم
لا تــثـــردون ثــمعونيه للأخير
:k_sadwalk:

قــانــون
:icecream:

امممم امممم ادري يباله وايد بس انا ماثــي ورايـه
فـ ماادري يعـنـي ماادري وفي بالي ثــي ثـانـي اللي هـو الإعـلام .؟!
؛
وليـن الحينه مااعرف وثـــكليه برثــي على الـقـانـون
ثــــو رايـكم . وثـــو فـكـرتـكم عن هالتخصـص .؟!
؛؛

خبيلـوه وأم سـعيـد

ياخي انتوا تمام أشكـركم على هالمووضوع الترتوبـي
ولكم الأجـر إن شاءالله
:police:

وكنـت حاطه في باليـه تـرجمـه وعلوم سياسيه بس الحينه الغيتهن من باليـه
؛؛

عـذورنيـه فوق ضرسـيه طايح خخخخخ

قبقوبه و قرموشه

دام انكم يبتو طاري البزنس

شو رايكم إذا درست محاسبه ؟ حلو التخصص ولا لا ؟ :tongue:

دمعة شوق
القانوون وااايد حلوو وبيفيدج ف حياتج بعد
وحتى عقب ماتتخرجين إن شاء الله لو بغيتي تستوين
محامية ادشين المعهد القضائي سنة وشي أو سنتين
وبعدين بتستوين محامية قد الدنيا =)

اقتباس:

---

المشاركة الأصلية كتبت بواسطة وحي القلم

قالولي انه يعتمد على الكيميا أكثر شي.. فـ قلت بتأكد

لانه أقل درجه عندي في الكيميا :tongue:

.

---

نصيحة .. لا تعتمـدي على درجــاتج في المدرسة ، هاي شكليــات بس ..
دشي الشيء اللي تحبينه واللي تحسين انج بترتاحي له

وسمعـت ان الصيدله فيه كيمـيـا .. تعرفين تجـارب المعايـرة اللي سوينـاها الفصل الاول أظن ..
كنــا نحـاتي إنه ولا ملــيلتر يـزييييد ولا ربع ملي ينقـص .. خخخخ الصيدلة جي وأكثر :woot: < حرق أعصاب

والله يوفقــج وين ما تروحييين ..


خيـال الحب + بنت الدلع
موضوع مفيــد ويا في وقته ، شكـرا لكم :fa35:

مشكوره يالعجيبه ^_^

و جان تبين الصدق أنا ما حب الكيميا

عشان جيه مب مقتنعه وايد بالتخصص :glare:

.
.

انزين شو تعرفون عن تخصص (( حماية و أمن نظم المعلومات )) ؟

انزيـن شـ سمه محد فكـر لو لـ مجرد تفكير يدخل المعهد البترولي عشـان أحس اني
ماغلطـت يوم دخلته )=
شو هاا نبى بنـااات عدنا نقص لووول ..!

^
هـ المكـان وايـد زين .. و علاااواتــه ومميزاتـه يوم التخرج والتوظيف عااليــه
ما غلطتــي يوم دخـلتيــه .. لول

وحـي القلـــم .. تخـصص المحـااسبــه صدق واحـد من تخـصصات البزنـس المطلـوبـه جـدآ
اذا دخلتـيـه ما بتندمـيــن .. وقبقوبـه بتعطيج التفاصيــل .. ان شاء الله ...

وحي القلم
بالنسبه لتخصص الصيدله
معلوماتي عنه شبه معدومه
قريت عنه قبل لا افيدج بس مب كاتبين التفاصيل
غير انج بتسوين تحاليل
وبتنظمون وبتشتركون في مختبرات
وهو تخصص دقيق
يبالج تحفظين جميع الادويه الي في العالم >> مول ماخوفتها

ان شاء الله عافك الخاطر تقدر تفيدج اكثر
بما ان تخصصها شووي قريب من تخصص الصيدله

==

قرموشه & قبقوبه
اشكككركم الصراااحه
تعاون جميل منكم

===

وحي

المحاسبه واااااااايد مطلوبه
ومب وايد عندنا مواطنين عندهم بكالوريوس في المحاسبه
وبعدين في كل مكان ترومين تشتغلين
وخلال سنتين او اكثر بتم ترقيتج لمسؤول القسم

العجيبه

اشكرج على مرورج ونصيحتج عزيزتي
ودرجات المدرسه مثل ماقلتي
الواحد مايعتمد عليها
لا مب دايما تقيم الطالب

والعفوو ^_^

===

وحي القلم
شرات الي كتبته في الرد على الاخ عيماني وكلي فخر

===

الشين
يييتي عالعووق
كل يوم اتحلم بهالمعهد انا =( >> جذابه مب كل يوم
مب كل يوم يمكن يوم وترك >> بعد جذابه P=

بس صدق والله واااايد فخاطري ادرس هنااك
من سنتين وانا اقول بسير
والسنه الي فتحو حق البنات ماسرت
الله مب كاتب

المعهد البترولي مستقبله مظمون
وربعتي كانت بتسير هناك والصراحه واايد نصحتها
وانتي ماغلطتي يوم سرتي
بالعكس مخج مفتح
حلوه سالفة اللابات وانج تجربين اشيا
خاصه في البترول
الي يعتبر من اهم مصادر الدخل في الدوله

وعليـكم السـلام ورحمة الله وبركــاتــه


الشيـــن ..
أنتـي تدرسيـن في المعهـد البتـرولي في بوظبي ولا ..؟!
وكيـف دراستـهم بشكـل عـام ..؟ وكم النسبـة المطلـوبة ..؟!



ومشكـوريـن على موضـوعكم الطيـب ..



السمـوحـة

^_^

يامرحباااا والله

شكلي وهقت بنت الدلع بالموضوع لووول

انزين اختي وحي القلم..

طال عمرج لاتاخذين رمسة الناس

انا قبل ماتخصص.. قالولي الهندسه الكيميائيه صعبه وكلها كيميا ومادري شوو

ودخلتهااا .. ولا يخصها بالكيميا مال المدرسه ولا شي..

كلها رياضيات وفيزيا
ودراستها وايد حلووه
وانا الي سمعته من وحده من الاهل.. انه الصيدله وايد حلوووه..


انزين يالعجيبه انتي ما قلتي وين بتروحين..

وما سالتي عن شي !!

ليش

حق ليش ما تسئلين هااع


دموع قلم ان شاء الله الاخت الشين تفيدج ^__^

والله يوفقكم

خيااال..
الا ماوهقتني لول
بالعكس يسعدني اساعد خواتي ^_^

دموع قلم
النسبه المطلوبه فوق الـ 70
والمعهد البترولي مافيه الا في بوظي

والباجي الشين بتساعدج

اقتباس:

---

المشاركة الأصلية كتبت بواسطة وحي القلم

انزين شو تعرفون عن تخصص (( حماية و أمن نظم المعلومات )) ؟

---

يبــالج تسئليـــن ما يهــزك ريـــح.. اتوقع بيفيدج أكثـــر..

..

وحــــي.. فكـــري شو ميــولج ؟

كل دراسه فيها تعب.. بس التعب بيهـــون اذا كنت حابه تخصصـــج..

..

يعني اذا كنت اتحبين سوالف الاحيــاء.. عليج بالتخصصات الطبيه : مثل المختبرات و الاشعه و هالسوالف..

اذا اتحبين الرياضيات ( مثلي ) : عليــج بالهنــدسه ..

اذا اتحبيـــن البرمجه : عليج بعلــوم الحاسب..

اذا اتحسين عندج ميول اداريه : عليــج بالبزنــس ..

..

فكري.. عقب 5 سنين.. شو تبين اتكونيــن..و وين بتبدعين..

صبــاااح الخييـــر ..



شـوق القلــوب ..

مـا تـدريـن اشكثـر أحـب الريـاضيــات .. أحبهـــا وااايــد واااااايــد ..
ويـوم خبـرتهـم .. يقـولـون لـي أدش المحاسبـة أو الإحصـاء .. بس مـاحد يـاب طاري الهنـدسة ..!

وتـدرين .. فكـرت في الهندسـة من فتـرة ..
بـس قـالولي الهنـدسة أكثـر شي للشبـاب .. ويـوم بنتـوظف بيختـارون مهنـدسين قبـل المهنـدسـات ..!


اممممم .. ممكـن تفيـدينـا شـوي ..
وأي هنـدسـة أنتـي دارســة ..؟!





خيــال الحــب ..
مشكـور أخـوي مـاقصـرت .. ^_^




وووالسمـوحـة ..

^_^

اممممم ..
بسـألكم .. ويـن أقـدر امتحـن أيلـــس ..؟!


اتصلـت في بـريتـش كـاونسـل مـاحد رد علي.. مشغوليـن ..!

اتصلـت في قريـة المعرفـة.. خبـرونـي اتصـل في وولـونج يـونفيرسيتي ..

ويـوم اتصلـت فيهـم .. خبـروني انهم بيعطـوني الامتحـان ع شهـر 9 ..
وأنـا أبـي من وقـت .. عالأقـل ع شهـر 8 ..!

فـ ويـن ممكـن امتحـن بعـد ..؟!



وووالسمـوحـة حشـرتـكم ..

^_^

سيري المعهد إذا ما ردوا عليج

و هم بيحددون أقرب وقت تقدرين تمتحنين فيه

بس لا تنسين تاخذين جوازج و صورتين ^^

لانه كل ما أجلتي التسجيل كل ما تأخر موعد الامتحان

قرموشه :: بنت الدلع :: خيال الحب :: شوق القلوب

مشكورين ^_^

لاتخـلون الواحـد يـتأمـل منـكم نصـيحـة ولا شـي
وآخـر شـي ينـصـدم فيـكم
:glare:

شـكـرا ً يـ مـزايـا
وإن شاءالله بـاخـذه لان كـل المؤسسات تقريبـا ً تحتاج حـد تخصصه قـانـون
ومـاعليـج أنـا من الحينـه أدافـع واكـتـب قضـايـا والحمـدالله نجـحـت فـ أكـثر من قضـيـة
:icecream:

عـزيـزتي وحـي القلـم ..

اممممم أي معهـد قصـدج ..؟!

خيــال الحـب ..

أنا ناوية ع جامعة الامارات ان شاء الله !

وبس كمن شيء يحوطون فـ بالي ألحين ، وفي تخصص فـ خاطري أدشه بس بعدني ما اعتمدته !

السنة الأولى شو يدرسون فيها ؟ والانجليزي كيف بيكـون ؟ أييب الشهادة قبل ولا أترياهم هم يدرسوني ويمتحنوني ؟


شيء ثاني ..
السكن .. سمعت انه في سكن خاص حق عيال السفارات واللي يايين يدرسون من دول ثانية ..
اذا صدق هالكلام .. شو مميــزات هالسكن ؟ بيعطوني غرفة بروحي ؟
ما يستوي نستأجر غرفة ؟!


وبس .. بعد قوول العجيبة ما تسأل !

دمعتيييييييييي فديييييت خشششششمج انا

اسمحييييلي الغلا
البارحه وانا ارد نسيييت ارد عليج
والله مب معناته ماسويتلج سالفه
اسمحيييلي فديتج
بس كمن شي يدور في مخي مالحقت يعني
حقج علي دبووووه

عن تخصص القانون انا اشوفه وايد اوكي
واذا انتي فيج لسان وتحبين تجادلين وترمسين دشيه
بس دراستهم متعبه
بعد ماتخلصين بدشين معهد وبعدين تدريب في المحكمه
الدراسه مسليه والشغل حلوو بتستمعتين
بس لازم تشوفين اذا انتي فيج هذي المقومات ولا

الـ برتش كاونسل يا دموع (^^)’

بعد أذن صاحب الموضوع

دمووع قلم ترى في امتحان تاريخ 1/9 في بريتش سيري لهم اهناك ويا صورتين واو صورة جوازيج و 750 درهم وسجلي ولا تترينهم في التيلفون

دمــوع قــلم ..

عزيزتي انا دارسه هنــدســة كمبيــوتــر..

و خــلال هالفتــره درســت 6 مواد كلها Math .. و باجــي المواد كلها تعتمــد على مســائل و حل.. يعني مب حفظ ..

لانه لليــوم صراحه ما اتخيــل عمري ادرس اشيا فيها حفظ و هالسوالف مثل البزنس و الاعلام و الطب. .

..

عندج هندســه: كمبيـوتـر \ كهربائيه \ معمـاريـه \ ديكــور \ بتروليه \ كيميائيه ..

ســـؤال : حد يعرف معاهد.. جامعه .. المهم مكان في الشارجه يدرس الايلـــس...

إيـه أحبــك ..

إن شـاء الله بسيـرلـهم وبطـالع ..
اممممم بـس مـاشـي مـوعـد أقـرب من جيـه ..؟!

شوق.. الايلتس ما يباله دراسه.. أنا اللى جيه سرت امتحنت و نجحت

وايد سهل و الله