شخبط شخابيط ...لخبط لخابيط :)

السلام عليكم ورحمة الله وبركاته

فضفضتي اليوم عباره عن شخابيط !
:ohboy:
فإن تشابهت شخصيات شخابيطي مع أي شخصيه واقعيه فهو من باب الصدفه لا أكثر !

لا تقولون ما قلت:glare:


الغيره :mf_leia:

احساس قد يعمي بصيرة البعض ويجعلهم ألعوبة الزمن الخبيث

فتستوعب هذه الحقيقة المره التي ابتلي بها أقرب الناس إلى قلبك

يغار ...من نجاحك .... من حب الناس لك ....من جمالك !

حقيقة صدمتني أنا الأخرى ... عندما اكتشفت أنها تغار مني عليهم


الوغاده:glare:

ممممممممممممممممممم هل كيف بشرحها هاي !!!؟

أن تستمع لما يروقك فقط من كلمات منمقه ومختارة بعناية لترضي غرورك بنفسك

أن تظن بأن الجميع ( تحت الإنشاء ) بعد أن ارتقيت بفضلهم لبرجك العاجي البعيد

أن تعتقد لبرهة بأن الذي لا يفهم حديثك معدوووم العقل ورفيق البلاهه

أن تستفسر عن أشياء لا تعنيك ....وتخوض بتجارب غيرك كأنك بو العريف

صدق إنك ....وغد ! وإنتي صرتي وغده أخس عنه !


اللف والدوران !:k_nono:

أن تستخدم كل الحيل والألاعيب الشيطانيه ....لتصل إلى ما تريده

فتخدع أناس أبرياء طيبين ....ونسبة السذاجه فيهم تخولهم لأن يكونوا ثرثارين

ذكي ...شاطر ! ولكن ألا تعرف طريقا مختصرا أفضل من هذا ؟

أسلوب الثعلب أخبث الطرق التي عرفت بالتاريخ

مخطئ من ظن يوما أن للثعلب دينا


شخابيط :smile2:

صدقها نانسي لما صدعت راسها وغنت للأطفال وقالت :

شخبط شخابيط ....لخبط لخابيط ...مسك الألوان ورسم عالحيط !

هذه الشخابيط البسيطه قد تكون متنفس لأحدهم هنا .....

وهذه اللخبطه شيء طبيعي لا تحتاج لا تبرير ولا تفسير ولا (سي في)

إن كان حديثك لا يسئ للآخرين ....فلا تخف بالله لومة لائم

وإن كانت شخابيطك تطري زيد وعبيد وفطيم وصبحه ...فخاف ربك ترى عندك ولايا وورعان !:osama:


فضولي :alien:

مممممممممممممممم بعد هاي كيف يشرحونها !

كلكم تعرفون فضولي ...وإلي ما يعرفه يشتري مجلة ماجد يوم الأربعاء وبيحصله مندس فيها !

فضولي هذا طيب وحبوب ويتحصل بسهوله ! :pickaxe_rune:

بس فضولي الثاني .... يندس شرات السم بالأكل ( حشا بديت أخورها )

فلانه من وين ؟ وهالبيت بهالصوره شايفنه مكان ! وهالياهل ولد جيرانا فأكيد بهالبيت وحده بالواحات !

وفلان طلع ولد جيران قوم خالي ! وسيارته دوووم إطوف حذالنا ! وهو مشترك بالواحات باسم ؟؟؟!!

فمنعا للقيل والقال وكثرة السؤال .... اتقوا الشبهات !


قررت أغير نك نيمي !:fa35:

لسبب بسيط جدا جدا جدا ....

وهو إني بعد بشترك بنك نيم ثاني عشان أدخل الواحات بهدوء وأتصفح بهدوء

وعقب ها كله أرد بموضوع أكشف كل إلي يستوي خلف الكواليس !

إن زين .... شو الفايده ؟

أكيد الفايده كبيره ....بكشف خبايا وأسرار ووووخربطان

إن زين .... شو حقه ؟؟

دامك من قوم خلف الكواليس وتعرف الصادر والوارد ! ليش طرحت مشاركتك بنك نيم ثاني ؟

؟؟؟؟؟؟؟؟؟؟؟؟؟؟؟


قلتلكم شخابيط ! دامها واحة الفضضه فأكيد بتستوعب شخابيطي :redface:

دوّرت براســي الآنســـة نانســــي

حبــة بندول اتعدل الراس ولي عودة

..

نحنى أصلا انتريا هالشخابيط يا حلم

.

استمتعت بموضوعج وايد وايد :laugh:

فـ لا تحرمينا من سوالف الفضولي و ربعه

:fa35:

.
.

السلام عليكم

اخوي المنصوري

س: شو بلاها الخلق هالأيام تعاني من دوار هالراس ؟ أكييييد من الحر ...:fa35:

بانتظارك ...


وحي القلم ...صديقة ربيعتي :12:

مشكووووره عالكلام الطيب .... ومشكوره على وجودج ...والحمد لله ما دار راسج :fa35:

............

.
.
[ حلمـ ]

جداً استمتعت بموضوعج .. يقولج كنت اقرا بصوت عالي :fa35: عشان اختيه تسمع بعد ..
شخابيطج روعهـ << ها الكلام من عند ماي سستر ترا :icecream: ..

نتريا يديد شخابيطج صديقتي << تسمحيلي اقولج صديقتي :fa35: ..

.
.

شوها الشاخابيط الحلوه .. يا حلم الطفوله .. :fa35:
عن جد استمتعت وانا اقرا .. :14:

وعليـكم السـلام ورحمـة الله وبركـاته ..


حلمنــــا ..
كـانت شخـابيـط جميلــة متنــوعــة ..
استمتعنـا بكـل لـون من ألـوانهـا ..


لا تحرمينـا من المـزيد عـزيزتــي ..

^_^

شخــابيـــطج حلــووه

:icecream:

السلام عليكم

صديقتي هزومه

هزرج ينفع نحبسهم مع المارد السحري ! يبالنا نجرب مع أحدهم:tounge:

مرورج خفيف عالقلب :fa35:

خطايا

مب زين جيه ! هاي شخابيط ما تنقرى جدام الناس ...هاي بس يقرونها بعيونهم:k_puppyeyes:

تسلمين عزيزتي وسلميلي على إختج :redface:

ما يهزك ريح

مشكور أخوي على المرور ... تسلم:14:

دموع قلم المختفيه:glare:

وجودج الأجمل :fa35:

حبوبة دبي دار الحي:12:

شخابيطج الأحلى

حلومتي ,,,, خيزرانه محنايه تمريغنهم بها وحياتج ما اييب راسهم غير جذه *_*

البارحه شريت قطعه عسب اخورها عليها شخابيط بس كشخه وطول الوقت
اقول شخبط شخابيط لخبط لخابيط مسك الالوان ورسم بالخيط *_*
هاي نانسي عبيد ههه

وعليكم السلام



جناويتي ... يبالهم هالعصا لمحنايه:d014: !

مشكوره ....:12:

نانسي عبيد أونه!:a068:

هي والله فديتني نانسي عبيد هههه فضل عنها *_*

اطري الاصليه مب بنت عبيد فديتها انا

الجناويه ...نانسي عبيد وإلا بنت عبيد ..... المهم والأهم ... خبريها بأنها ذلتني بهالعزيمه :d014:

موضوع رائع استمتعت جدا بقراءته ... شكرا أختي حلم الطفولة و لا تحرمينا من مواضيعج المتميزة

و دمتي بود

لووول حلوه شخبايطيج انزين قولي شو بتسمين عمرجXP

وعليكم السلام ورحمة الله وبركاته ..
حلم الطفولة .. العضوة النفيسة .. ولا شخابيط نانسي عجرم الصراحه ..

مميزة بفضفضتك وخربشاتك ..
وأجدتِ وبتفنن وضع النقاط على الحروف ..
بهذا البساط الخفيف .. ما شاء الله ..

ولو كان ودنا نشوف شخابيط زود ..
لما تحملين من اسلوب جاذب ..
متألق ..

:

الله يعافينا من شر الصفات سواء كانت منا أولنا ..
ويزيد من خربشاتج الكيوتية .. ^_^ ..

ودي واحترامي لشخصج الطيب ..
والمعذرة .. !

حلووو موضوعج
يسلمووو الغلا
بانتظار المزيد

يا امحلاها الشخااابيط هذي

ويا مكثرهم الفضوليين :doh:

كثري منها مره ثانيه :4:

شكرا... حلمنا الطفولي

شكرا لأنك منحتي عقلي ما يحتاجه...لعلي فقط بحاجة الى ان ادون بعض الشخابيط.

ما راح أقول غير ...

ما شاء الله عليج بوركتى وبوركت أناملج

قررت أغير نك نيمي !:fa35:

لسبب بسيط جدا جدا جدا ....

وهو إني بعد بشترك بنك نيم ثاني عشان أدخل الواحات بهدوء وأتصفح بهدوء

وعقب ها كله أرد بموضوع أكشف كل إلي يستوي خلف الكواليس !

إن زين .... شو الفايده ؟

أكيد الفايده كبيره ....بكشف خبايا وأسرار ووووخربطان

إن زين .... شو حقه ؟؟

دامك من قوم خلف الكواليس وتعرف الصادر والوارد ! ليش طرحت مشاركتك بنك نيم ثاني ؟



مــا شـاء الله وايد من هالأنواع اهني للأسف اكتشفت ناس فالواحات قاموا يسوون هالشي

بس لأن يبون حد يفتقدهم

ويتابعون كل صغيرة وكبيرة

ومن هنــاك يسألونهم


مــا ندري شي عنها ..

ناس مريضة للأسف

فضولي