بعد شوي مباراة المنتخب .. تابعوها

السلام عليكم

بعد شوي بتبدأ مباراة المنتخب مع منتخب ماليزيا ..
هالمباراه راح تكون اول تجربه وديه للمنتخب في المشوار الآسيوي ..

بنشوف المنتخب بالتشكيله الجديده و الاسامي اللي راح تختبر ..

المباراة بتبدأ الساعه 4 ونص و راح ينقلونها على دبي الرياضيه ..

بالتوفيج للمنتخب .. و ان شاء الله تكون تجربه ناجحه ..

ما تهمنا النتيجه كثر ما يهمنا الاداء الجيد .. و اهم شي ميتسو يكتشف الاخطاء الموجوده في التشكيله قبل التحدي الآسيوي ..

مشاهده ممتعه ..

ســلام
كـلـكـلـووش

سبقتني توني يايه بنزل مووضوع ^_^

الله يوفقهم وان شاءالله يأدون بشكل حلو

اتمنى التوفيق للمنتخب

نتمنى انشووف الاخطـاء في هالمباريااات الودية ، عشان ما تتكرر في الرسمية ..

شكرا كلكلووووش ,

الله يوفقهم ..



شكرا كلكلوش

:

بالتوفييج لمنتخبنا ..

هدفنا واحد.... كأس اسيــا :a034:

:

اييششش ذااا ؟

ما يظهرون المباراة الا عالقنوات الارضية ؟!

من وين نطلعها هاي بعـد !!!

تونا يالسيييين نمدح قناة دبي ونشكرهم خخخ خلاص اسحب كلامي !

حطي قناة ابوظبي الرياضيه . ناقلينها على الفضائيه

المنتخب مجدم بهدف واحد عن طريق فيصل خليل ..

الاداء للحين اكثر من رائع ..

الشوط الاول انتهى بتقدم المنتخب بهدف عن طريق فيصل خليل .. و اجمالا الاداء كان جيد نوعا ما .. في ضربة جزاء ما انحسبت للمنتخب لصالح فيصل خليل ..

نتمنى نشوف تغييرات و جوه يديده في الشوط الثاني ..

المباره حلوه

وان شااءالله يستمرون جي

ونشوف اداء احسن واحسن

انا شفت دبي الرياضضيه هب محطينها
تعايزت ادخل الواحات واقول انها على ناقلينها على بوظبي الرياضيه ^_^

بس ويا راسه ماحسب ظربه الجزاء

هممم ما حصلت قناه بوظبي الرياضيه :( اووف موول مب موقته ...
كـلـكـلـووش تسلم على الاخبار....

هدف ثاني للمنتخب عن طريق اسماعيل مطر ..

ميتسو دخل بتشكيله مغايره تمام عن الشوط الاول . كلهم لاعبين شباب و صغار .. و ادائهم ما شاء الله يطمن ..

زين الحمدللهـ ... فالهم كاس اسيا ان شاء اللهـ ..

هدف ثالث للمنتخب عن طريق محمد سعيد الشحي .. اداء جميل

نحن ليش ما عدنا قناه بوظبي الرياضيه:smile2:

لاعبي ماليزيا شكلهم كانو يلعبون كاراتيه بعدين صارو لعيبة كرة قدم ! عن بوه .. ما خلو لاعب ما ضربوه في منتخب الامارات .. و اكثر واحد تلعوز اسماعيل مطر .. مره فـ ريله و مره فـ ظهره و مره واحد حفد عليه ! احسه و هو يلعب يقول كوااابنكاااا لوول > كلمة في عالم الكراتيه خخخ

منتخب ماليزيا سجل هدف في آخر دقيقه من المباراه ..

الجهه اليسرى لمنتخبنا يبالها شوية تعديلات .. الباك يسار لمنتخبنا كان يترك مركزه كذا مره .. لاعبي الارتكاز في المنتخب قلة حركتهم مما سمح للاعبي ماليزيا بإستغلال الفرصه ..

عموما اداء جيد .. لكن مش هذا هو الامتحان .. الامتحان بيكون جدام السعوديه يوم الاحد الساعه 12 ونص الظهر ..

بتكون مباراة صعبه و مباراة قويه ..

خطايــا .. ما عليج اعتقد المباريات اليايه بينقلونها على دبي الرياضيه .. اليوم حولوها على الارضيه بس عسب سباق الخيول ..

يعني سباق الخيوول أهم امحق سباق محطيين على الحريم ويا قحافيهن لووول ...

على العمووم انته مب مقصر كفييت ووفييت والله .. الله يعطيك العافيهـ

والله يعيين لعيبتنا :(

والله حلييييييله اسماعيل مطر

اقول لخويه ها الانسان جان ماظربوه او ماسو فيه
شي مايرتاحون خخخخخخخخخ

بس التشكيله الثانيه افضل من الاولى الاولى كانت ممله بس بعد التشكيله الثانيه الدفاع كان هب لين ذاك الزود دفاع التشكيله الاولى احسن

وان شاءالله فمباره السعوديه يكونون بعد احسن واحسن عن مبارتههم اليوم

والله ويوفقهم

امييييييييييييييييييييين

تسلمين على الاخبار انتي بعد يالدلووعه ...

هذي اول مباراة تجريبيه .. و بعده باجي 3 مباريات ..

اعتقد ان المباراة اليايه ميتسو بيدمج بين التشكيلتين .. هو قال ان في مباراة كوريا الجنوبيه بيظهر التشكيله اللي بيعتمدها للبطولة ..

بالتوفيييييييج لمنتخبنا ...

مبـــــــــــرووووووووك الفــــــــــــــوز لمنتخبنــــــا ,,

تسلم كلكلووووش^_^