شرجاوي،، ذنيني يبا يشاورك

السلام عليكم

طبعا الموضوع للجميع بس انا خصيت شرجاوي فيه لأني ادري انه عنده المام بهالموضوع

بما اني قريبا جدا بداوم في دبي، قمت افكر جديا اني أداوم بدراجه !!

لأنه زحمة الصبح صدق شي ما ينطاق و لو ما خالفت و ضاربت في الشارع صدقني ما بتطوف.
فـ قلت باخذلي دراجة و بفك عمري من الصدعة.

المهم، انا من يوووووووووم يومي اعشق شي اسمه هارلي ديفيدسون :ghostface:
و احس انه هذا هو الوقت المناسب لشراء هذه الدراجة >> بتعلث بالزحمة :tounge:

المهم، جد جربت دراجات الهارلي
او تعرف حد جربها

شو انطباعك عنها
شو تعرف عن قطع غيارها و صيانتها، هل هي مكلفة ولا عادية

؟؟؟؟؟؟


المشكلة انه ما عندي خيار غير الهارلي، يا هارلي يا ما باخذ شي لأني ما احب هالدراجات الكبار شرات قوم جولد وينج
و الدراجات السبورت احسبها مال الفوضوية لول :a058:

وعليكم السلام والرحمه

نصيحتي لك خذ لك سيكل احلى شي
:tounge:

الموديل الي في خاطري هو Fat Boy :tounge:

http://www.moto-net.com/images/nouve...ley/fatboy.jpg


http://www.penrickton.com/harleyraffle/fatboy.jpg

انا موافق

بس سلفيني فلوس و بردلج اياها خلال 4 سنوات P:

اوكي بس الشرط كل سنه لها ثلاث اضعاف القيمه يعني بتطلع
3+3+3+3 =12ضعف القيمه

شفتني كيف كريمه

السلام عليكم..

والله فكره جريئه ماشاء الله ..

بس شو بتسوي في هالحـــر..!!!

..

ناصر : انت ترمس جـد ؟ http://smilies.sofrayt.com/%5E/2/paranoid.gif
شحلاتك وانت عليها بغترتك وعقالك لول .. بتخييييس من الحر انزيـن ..


والا تخيلني وحده اداوم وياك ..
اقول حق الموظفه اللي عدالي تعرفين ناصر ؟ تقولي أي ناصر ؟ اقولها نااااااصر راعي الدراجه
اسميييييييك بتستوي مثل متداول لول ( لاحظ اني احاول أكرهك فـ الموضوع http://smilies.sofrayt.com/%5E/a0/rottease.gif )

كل من جرب الهارلي ما تمت عنده فتره طويله .. قطع غيارها سم بمعنى الكلمه سم .. ما اقص عليك اذا قلتلك اسعار قطع غيارها قريبه من اسعار قطع غيار المرسدس و يمكن اغلى بعد .. يا ريال ب 100 ألف خذلك جولد ونج ابركلك .. ارخص و اهدى و ( اسمت هههه ) .. كفايه النافيجيشن اللي فيها و المكيف لا تنساه

شوق القلوب

اصلا في هالحر كل الاجانب يشردون و يردون بلادهم و محد يتم غير عيال البلاد

يعني في الصيف محد بيستخدم الدراجة :fa44:

=========


اليـاه

يمكن يكون كلامج صحيح نوعا ما، لكن المكان الي ان شاء الله بداوم فيه ما فيه ولا بنت وحده
و اصلا ما اقابل الناس فيه.
لأنه عباره عن مركز عمليات الـ .... ما بقول وين بداوم هيهيهي :tounge:


ولا لو المكان فيه موظفات جان سرتو خذت قرض و بطلعلي بورش توربو ولا فراري عسب البنات يقولون ناصر راعي الفيراري :tounge: >>> لول، تخيلي عاد خخخخخخخ، اسميها بتكون مهزلة التاريخ ذنيني ياخذ قرض عسب يكشخ خخخخخ

شرجااااوووووي

:glare:

انا ما احبك ياخي :fa44:

قص علي و قول انها زينه خخخخخخ
بس في ذمتك ما تحسبها ملكة الدراجات و لها هيبة في الشارع :fa32:
الجولد وينج ما تعيبني احسبها ليموزين مب دراجة لول
و انا فيني طبع، ما احب الشي الي فيه اشياء مش له
يعني الدراجة في نظري هي عبارة عن تايرين و مكينه و سكان
و مصنوعة لسواقتها على هذا الاساس، ما احب فكرة المكيف و المسجل و و و
وايد old school لول بس جد الجولد وينج مووول ما احبها

انزين شو رايك بدراجه سبورت بمحرك صغير على سبيل المثال CBR600 او شي جي،
لأني ما ابغي استخدمها في اي شي غير الدوام و الحواطة
ما بستعرض ولا بتسابق

لا شرات هذه

http://www.yamaha-motor.com/assets/c...2_3975fc94.jpg

احسبها احلى من الدراجات العادية، جي شكلها متوحش اكثر :inlove:

http://www.yamaha-motor.com/assets/c...f_bfb68f9e.jpg

عقب بسمي عمري Ghost Rider العيماني خخخخخ :ghostface:

ههههههههههه .. نصور .. شو سي بي ار .. خذلك هايابوزا و بتشوفني كل يوم وراك هههههههههههه .. بس هالسبورتيات صدق صدق دينجر و اول ما تسوقها بتقول بجرب و بشل و ثواني و نصور عالقبه هههههههههههه ..

انت حط ف بالك لا سمح الله اذا انخرطت على القار ف عز الحر شو بيستويبك ؟؟ صدقني بتتصلخ تصليخ .. بتحصل هوندات شرا الهارلي و اعتقد ارخص عن الهارلي .. و اذا انت معزم تاخذ هارلي .. خذ هاي .. ياخي وايد تعيبني http://www.morganandwacker.com.au/im...vel3-flhrc.jpg شكلها كلاسك زياده عن اللزوم بس حلوه

إتهقون بعد خمسين سنه .... عادي حريم يسوقون دراجات؟؟ :m_mar7ba:

ما عليك مني يا ريال
صدقني أكبر ردي لول

سوالف قطار الموت و ما ادري شو ازيغ منها،
هذا و انا مربـّـط و حالتي حاله

فـ شو بالك بالدراجه لول

لا انا اباها حق الشتاء و ايام المدارس
يوم بيكون درب دبي مزدحم و ما ينطاق
ولا انا خبله اركبها في هالحر لول
ولا تخيل انا طالع من الدوام و درجة الحرارة فوق الـ 50 و انا حاط هالخوذه على راسي !! و ياي من دبي !!

حلوة الهارلي الي حطيتها بس الـ FAT BOY غير
ياخي انا دب يعني لازم آخذ فات بوي خخخخخخ

انا عيبتني الياماها الي حطيتلك صورتهاـ احسبها سبورت و في نفس الوقت مميزه و غير عن باقي الدراجات من ناحية الشكل

عقب 50 سنه بتسوقين دراجه و انتي عمرج 70
p:

عن خاطري............................كم الواحد يعيش في هلدنيا

الحين البنات يسوقن دراجات .. نصور .. اذا ناوي ع دراجه سبورتيه . خذلك هايابوزا ولا كاوازاكي ninja zx-14
http://www.zx14ninja.com/zed3.jpg
http://www.zx14ninja.com/kawa1a.jpg
http://www.zx14ninja.com/kawa1k.JPG

هههههههههه

والله كشخة الحركه سوها نصور عجيبه ^_^

احيد ولد عمتيه سواها مره سار الدوام من ام قيوين لين بوظبي ههههههههههه بدراجة ( بس مادري شو نوعها خخخخخ)

ولد خالتي من بوظبي لين صلاله

انزين كشخة احس مغامره ^^

عااااد في هالحر يا ناصر الله يهداك ناوي تاخذ دراجه .. لا و تسير فيها الدوام بعد !

ياسلام عليـك يا نـاصـر !

كفايه الريال اللي ويانا في الكلاس .. ايي بدراجه .. يوم يدخل الكلاس نخلي الباب مبطل و الدرايش مفتوحه خخخخخ

بصراحـه أشجـعك على هـ الخطـوه
بس ان شا الله تستمر عليـهــا ومـا تهون مـن أول يوم دوام لول

كلكلوووش لووووووووول
عـيل خـذ لـك شَور أول مـا توصـل وبدل ثيابك .. ! مـالك حـل ثانـي

.
.

بس خطوه جريئـه بصراحـه اللي اتخذتها يا نـاصر

بس انا ما اشجعه .. كفايه ربعنا اللي اتوفو بسبة الدراجه .. خلك ع الموتر و في الزحمه ابرك ..

كلكلوش : ههههههههههههههههههههههههه هههاااااااااااااااااااااا اييييييي

اصلا تمينا نقطعه لين ما اصطلب الحين و قام ايي بالموتر كيكيكيكيك

^ هههههههههههههههه
وحليلــه .. لول

خـذ لـك اياهـا وجربهــا .. يمكـن تعيبك وتكـون أفضـل لـك من السياره !
بس مـن ناحـيـه الحـوادث وجـذه .. ترا الموتر أسـلم لك ..

شفراوي قصدي شرجاوي

الهايبوزا زينه و قوية لكنها غالية و ثانيا وايد وايد قوية
يعني مب حقي انا، هذه حق سباقات او ناس محترفين
انا ابغي شي يأدي الشغل و استانس على سواقته
ما ابغي شي من ادوسبه يوقف على تاير لول

النينجا يمدحونها بس شو عن قطع غيارها
و بكم سعرها، ما ابغي شي غالي و انا اصلا افكر بوحده مستعمله عسب ما اخسر وايد عليها


كركرووش

قلنا حق ايام المدارس، يوم بيكون الجو بارد
مب حق الصيف و يا ويهك القرمبع

و ثانيا حتى لو ما كانت للدوام
ياخي ابغي دراجة، في خاطري !

الكاوازاكي مشكلتها صعب تحصل قطع غيارها .. ياخي الهايابوزا فن .. خذها و طولها شوي و رنجات كروم و صبغه حليوه .. و سلندر صغيروني ورا و انت و الخير رباعه

خذ ليسن دراجه بعدين تعال قول تبغي دراجه ( اشكره تحطيم معنويات )

بدور هني و هناك عن شي مستعمل و زين
و اذا حصلت شي ان شاء الله بتكون اول واحد اشاوره

بنت ناس و عرب

ليسن الدراجة آخر شي افكر فيه
لأني اصلا مب ناوي عليه p=

ما انصحك ذنيني .. اخوي العود توه بايع دراجة ..

يقول صح توصل بسرعة .. بس في الزحمة ما يروم يمشي وايد (اكثر شي 60 )..
كمن مرة بغا يروح فيها ..الله سلمه

وساعات ما يشوفونك ويلفون عليك .. اتبهدل .. وايد ..آخر شي اقتنع يرد على الموتر ..

وهاي ثاني دراجة يشتريها .. وكل مرة يشتري .. ويرد ايبيع بخسار لأنه ما منها فايده وموب امان ..

وبالتوفيق عزيزي


CBR 600

http://cbrworld.net/photos/other_mot...8/425x265.aspx

::

عاش راعي الهارلي ..

:11:

:

أشكر حياتك ذنيني على هالفكره ..

والله أنا سمعت عن هذا اللي يداوم في اتصالات بدراجه ..

وعيبتني الفكره وايد ..

لكن المشكله انها مش سيفتي .. :k_no:

أحس خطره سواقتها ..!

:

ولد عمي كان عنده هارلي .. بس باعها من فتره ..

لكن بصراحه عجييييييييييييييييييييييي به .. طرررررررررر

أتخيل شكلك راعي الفراري :vertag: وانت اتسوقها ..

وخاصه مع الهلمت واليلد الاسود .. شي بصراحه ..

سااااااااامت :k_harhar1:

:

أنا أقولك توكل على الله وخذ الدراجه ..

لا تخلي شي ف خاطرك .. الواحد كم بيعيش ..

:a018:

::

اذا تبا بسأل لك ولد عمي عن دراجته ..

:11:

وعن قطع غيارها وجيه ..

ولا خلاص هونت :icecream:

ما يهزك ريح

والله ما اعرف شو اقولك، ادري انها خطره و محد يسويلك سالفة لكنها تنفع حق التخشيش من بين المواتر و خاصة صوب الشارجة الي تلوع بالجبد من زحمتها


ملاك الروووح

أسألي أسألي

ما نقول لا
ناخذ جميع الاراء و المقترحات

:

خلاص ان شاءالله بتصل فيه اليوم وبسأله ..

:11:

بس أحس شبهة .. بيقولي حق شو تبين تعرفين عن الدراجه

لووووووووووول

:

الله يعينك عالزحمه بصراحه ..

واذا بتداوم من عيمان .. لازم تظهر من البيت من وقت ..

عشان ما تعلق في الزحمه ..

:k_no:

نصوركا انت سألت والريال رد عليك
لكنك عنييييييييييد ونسيا حبتين
اكيد تذكرت احم احم لووووول
:tounge:
ربي يوفقك ويسر امورك
قول اميييين انزييين !

شرااايك تاخذ بو شراااااااع ...
حلوة ورخيصة وقطع غيارها حلوة( أحلام فقارى)

ألم ترى

آآآميييييين
لول

هواجيس مشتاق
والله حصلت بو شراع زقرررررت من سوزاكي
مكينته 400 سي سي لول
و شكله فخخخخخخخخممممم
و سعره 22 الف

كلكلوش
ههيهيهيههيههييهيهيهيهي مسكين حاله
؛؛

ذنيني
أشـكـــــرك ياخوي
فكرتـك عجـيـبه
بس نفس ماقالوا المشكله انها خطره يعني سلامتها هب ذاك الزود
أبرك انك اتم في الزحمه ولا تخاطر بعمــرك
؛؛

بس يالله جذي ولا جذاك الله يوفقـك

ربي يحفظك...فكرة حلوة والله استانس عالناس العمليين بس وايد اخاف من هالدرجات انت مقتنع انك تقدر تكون بأمان وانت تسوقها...انا ريلي مستحيل اخليه يسوق هالنوع احس ما منه امان...ربي يحفظك