نظام التعرفه المروريه..هل انتم مع أم ضد؟؟

السلام عليكم ورحمه الله وبركاته
:m_mar7ba:
اشحااالكم؟؟

دبي اصبحت لا تطااااااق من الزحمه
الواحد ماقام يحب الظهرات من الزحمه
مشوار ربع ساعه الحين ناخذه بالساعات
وكله من الزحمه
هل انتو معاي في هالشي؟؟والا انا بس اشوف انها وااايد زحمه:glare:

سؤال ودي الاقي له جواب
منو هم سبب الزحمه في بلادنا؟؟
مب هم الوافدين
كل من هب ودب قام ايي البلاد
كل من هب ودب لو سيارته مكحكحه<<يعني جديييييييييييمه يجددونها عادي
والله سيايير في الشوارع ماعرف مال اي سنه يمكن 1970 يصير والله

اتعرفون كم عدد السكان في الامارات؟؟!!
قريت اليوم في الجريده
يبلغ اجمالي السكان في الامارات 4,1 ملايين نسمه :shutup:
وتعرفون نحن المواطنين كم انمثل منها؟؟!!
انمثل بس 20% من هذا الاجمالي:10:
شكلنا بننقرض في بلادنا :bye2:

المهم نرجع لموضوعنا
دولتنا الحبيبه قامت عسب اتحط حل وتوقف من الزحمه
اكيد كلنا سامعين بنظام التعرفه المروريه
اللي دبي حطته عسب اتخف الزحمه
طبعا كل واحد منا يوم سمع بالخبر هذا شق الحلق:a033: وقال واخيرا الزحمه بتخف
وانا منهم قلت واخيرا بنروم نظهر شرات الاوادم والزحمه ما بطفربنا
وشو يعني 4 دراهم كل مره عسب التعرفه
بس خلوا في بالكم 4 على 4 على 4 ...... في الشهر بتوصل 800 او 1000 ويمكن اكثر بعد

سألتوا عماركم منو اللي بيدفع هالتعرفه ؟؟؟!!!
اكيد المواطن 100%بيدفعهم
وطبعا اغلب الوافدين في المؤسسات الخاصه وغيرها شرات ما يعطونهم بطاقات البترول
بيدفعون عنهم هذي التعرفه
يعني هم مب متأثرين وبيمرون ع هالشوارع عادي لان مب هم اللي بيدفعون
وعلى هالنظام الكثير من المواطنين بيدورون طرق ثانيه بديله ماتتبع هالنظام

انزين ابغي اعرف
هل انتو مع او ضد هالنظام؟؟وليش طبعا؟؟
هل في اعتقادكم هالنظام بيخف من الزحمه؟؟
وهل نحن كمواطنين بنتأثر بهالنظام وبنحس بفرق؟؟
والا هالنظام بيشمل المواطنين بس؟؟والوافدين متعززين وتندفع عنهم التعرفه؟؟

ودي اشوف تفاعلكم وابداء آراءكم تجاه هالموضوع

اختكم.. بنوتة جميرا ..

أكيد مع هالنظام.. لانه وسيلة عشان تخفف الزحمة..
امم اتوقع ايه.. راح تخف الزحمة لان المواطن ما تفرق معاه الـ 4 دراهم.. لكن الوافد يوفرها و يحاتيها بالتالي راح يزحفون كلهم للمكتوم و يخلولنا القرهود..
اممممم لما بتخف الزحمة بتحسين بالفرق..
يشمل الكل عزيزتي.. :)



روي

تسلمين اختي بنوته ع ها الموضوع ^__^

والله الزحمه امسويه ازمه للناس محد يقدر يطلع

مللينا من هاي الزحمه

متى بيخلص الميترووووووو!!!!

خخخخخخخخخخخخخخخخ

بس نظام ال 4 دراهم وايد زين

خله ياخذوون 10 بعد خخخخخخخ

بس نفتك من الهنوووووووووود

-____- شوهاااا!!!!!

و السموحـــــــــــه ^_^

الزحمه اللي ع جسر القرهود حدها 10 دقايق و تعدونها .. انا ضد هالنظام

مثلا انا ساكن بوظبي .. وعندي دجوام عالصيييف في دبي
يعني كم بدفع !!!!

اوكي واللي بيسييير الشمالية بعد بيدفع ؟؟.

الغالي هن بوابتين .. بوابه عند موول الامارات و البوابه الثانيه على جسر القرهود . كل بوابه 4 دراهم ..

لو هالنظام ( زين ) جان محمد الزفين ما اعترض عليه .. و طالعين لنا طلعه يديده بعد .. محد يمشي اقل عن 60 عالخطوط .. يعني اللي ينجبر يوقف ( موتره اخترب ولا يباله تبديل تاير و و و و ) بيضطر انه يدفع مخالفه لوقفته هذي .. قرارات غبيه و كل تفكيرهم المكسب المادي دون مراعاة ( جيوب ) الناس .. الله يعين

صدق احس هالنظام ما بينفع بالعكس بيزيد الزحمه

اكبر شارعين في دبي شارع الشيخ زايد و شارع الامارات
اذا قلنا الناس ما بيستخدمون شارع الشيخ زايد عشان الـ 4 فالسيره و الرده
ما اتخيل شو بيتسوي بشارع الامارات اخاف زحمة الصبح تووصل حدود ام قيوين

الله يعيين اذا صار هالشي

ما درسوا النظام عدل .. و اذا حد قالهم شو فايده النظام قالو
والله في اوروبا يستخدمون هالنظام و ناجح
يوم استخدموا هالنظام هناك عندهم بدل الشارع الواحد 10 غيره
يعني لو خلوو شارع ولا شارعين بفلوس الحركه مب بتتأثر لانه شي شوارع بديله
بعكس بلادنا اللي شوارعها تخطيتها مب سليم ابدا



صدقك شرجااوي

اذا مشيت 60 بيخالفونك
و اذا مشيت 200 و فوق بيخالفونك و بيحجزون الموتر
عقب سيير عن فلان و علان عسب يطلعون الموتر
واذا طلعلك رائد نحس انسى السالفه ههههه


رويان

اختي منو قال انه المواطن ما تهمه الـ 4 دراهم ؟
مش كل المواطنين اغنياء عسب ما تهمهم الاربع

عوايل (الريال و الحرمه و عيالهم) اتعيش على 4000 و الـ 5000 فالشهر
تتوقعين اذا دفعوا 1000 على الشوارع حياتهم ما بتتأثر ؟

مرحبا اختي بنوته

بدال ما تكون البطاقه سالك بتكون عالق

ليش اولا

الدول الثانيه يوم طبقت هالنظام البنيه التحيه عندها جاهزه ياما مترو او قيطار او شوارع ثانيه

نحن المترو ما خلص ويبون يدفعون الناس يعني مافي بديل ولو في البدائل قليله

مثلا بنكوك سوت نظام الدفع الهاي ويي جسور فوق الشوارع العاديه الشوارع الي تحت ببلاش والي فوق بفلوس....

ثانيا ...

من هب ودب قام يشتري سياره امس شباب عندنا ماخذين سياره من سنه الف وتسعميه وحطبه مثل ما نقول جديمه يعني الي بيلس فيها بتيه سكته قلبيه ... وتصدقون انهم املكينها والله شو الحاله ... يبونها حق اللعب اونهم خلصو الامتحانات والصيف ياي ...

وفروا البدائل ومن ثم سوو هالنظام ... صدقوني بيستوي عالق وبذكركم بعد....

والي ياي يشتغل قالكافتيريا حق شو يطلع ليسن هذا في فيزته كافتيريا يعني فالمطبخه وبس حق شو يعطونه ليسن المفروض وزاره العمل اطلع قوانين حق هالشي والا وزيرهم من يا فرحان كل يوم يطلعلنا شي جوفوني انا اطور .... ركز ع الشي المهم وعقب الباقي ....

الله يكون فالعون

رويان
منو خبرج ان المواطن ما تفرق معاه؟؟!
اكيد بتفرق معاه يوم في الشهر بيروح 800 او 1000 ويمكن اكثر من راتبه ع هالنظام
واللي ما بتفرق معاهم اكيد الوافدين اللي تندفع عنهم هالتعرفه شرات البترول وغيره

شكرا ع مشاركتج

عديم الشوق
لو خلوه بـ10
فكرت بنفسك بس لو انت اتروم تدفعهن غيرك لا
واللي كل يوم في دربه لازم يمر ع الشيخ زايد شو بيسوي يعني؟؟!!كم بيدفع؟؟!
طار الراتب ع التعرفه المروريه
نظام ابد مب مدروس

شكرا اخوي ع المشاركه

شرجاوي
زحمه جسر القرهود10 دقايق ونعديها؟!!
ماظن
صح ان الزحمه مأرفتنا وصدق قهر والواحد نفسيته تتعب من الزحمه
بس حلها مب بالتعرفه في بلادنا

شكرا اخوي ع مشاركتك

هواجيس مشتاق
لو تموا ع هالنظام وطبقوه
الله يعين

صريح
دولتنا تبغى اتماشي الدول الاوروبيه في التطور وكل شي
اكيد كل واحد منا زاير دوله اوروبيه
هناك ما عندهم كل هالسياييراللي في بلادنا
العايله الوحده لو كثرت عندها سيارتين
ونحن هني ما شاء الله

الدول الاوروبيه عندهم واااايد شوارع مثل ما قلت
يعني لو شارعين بفلوس ما بيأثر

شكرا اخوي ع المشاركه

البدوي
صدقت ما خلصوا القطار ويبون يدفعونا
وبعدين منو اللي بيركب القطار غير الهنود

هالشباب بعدهم ما اصطلبوا
سيايير عسب اللعب
هالكثر قصص وشباب يتوفون بسبه هالاشيا
بس محد يتعض
الله يهدي الجميع

شكرا ع مشاركتك اخوي

:k_blush-anim-cl: :k_blush-anim-cl: :k_blush-anim-cl:
حبيبتي تسلمي على الموضوع الحلو
الزحمة صايرة في كل مكان حتى في قلوبنا
تسلمي يا احلى بنوتة في الكون
وشكرا لاحلى مواضيع
:k_blush-anim-cl: :k_blush-anim-cl: :k_blush-anim-cl:

جنه عدن
ربي يسلمج يالغلا
عندكم زحمه مروريه في الجزائر؟؟

:k_blush-anim-cl: :k_blush-anim-cl: :k_blush-anim-cl:
اكيد يا حلوة الزحمة وين بتروحين
بس بالمدن الكبيرةبس
وين انا عايشة مفيش
ومبعرفش الزحمة الاعبر التلفزيون الله يعينكم حبيبتي
:k_blush-anim-cl: :k_blush-anim-cl: :k_blush-anim-cl:

جنه عدن
الله يعين الجميع

السلام عليكم

موضوعج واااايد حلو ومهم ،، لكن شو الفايدة من الكلام :fa45:

قلتلكم رشحوا واحد من الواحات حق المجلس الوطني :1:

المهم ... انا ضد هالقرار ... احس السالفه مب سالفة زحمة ,, السالفة سالفة بيزات (يعني الحكومة قاعدة تفرض ضرائب وتبا دخل مادي) هذا راي :a032:

ثانيا:: الزحمة مابتخف ،، لان الوافدين يالسين يطيحون من السما علينا مثل المطر (يريت عندنا مطر) الله يسقينا ان شاءالله .. ولاتنسون الاستثمارات والمشاريع اللي مالها نهايه في دبي ،،، وحبايبنا الهنود بيزيد عددهم لان الحكومه موجهتلهم دعوة خاصة للاستثمار في دبي... والله المستعان

وفي النهاية المواطن هو الضحية .. يدفع المخالفات ويتحمل سعر البترول وايجار البيت وغيره من المصاريف الي يالسه اتزيد يوم عن يوم وهو في بلاده ؟؟؟؟

ومساكين اللي يداومون في ديره وهم من بردبي والعكس ،، والا الي يودون عيالهم المدارس والا اللي يسيرون عند اهاليهم في البر الثاني او العكس .... ومع الايام بيسون الجسور الثانية بالتعرفة .. وبعدها الانفاق ... ماشي الا نسوق سياكل (لا بترول ولا تعرفة ولا ماتعرفه :tongue: )

وصدق محد متهني في هالبلاد غير الوافدين كل شي ابلاش ،، وقاموا يتصرفون وجنهم اهل البلاد :m_ma9dom:

ومع السلامه :icecream:

لبن مثلج
اكيد السالفه سالفه فلوس
ويطلعونها من جبد المواطن<<حليله
وع قولتج الوافدين يطيحون من السما شرات المطر
والله وااااااااااااايدين واااااااااااااااااااايدين
والله في بلادنا احس نحن الغرب وهم اهل البلاد

محد مبتلش غير المواطن

مشكوره ع مشاركتج الغلا

تراهم قالـوا .. يبـون مصادر دخـل ثانيـة غير النفـط ..
والحمدلله الحين مب هامنهم إذا النفط خلص أو لا ..
مصـادر الدخـل البديلـة قـوية جدا وترفع اقتصـاد البلاد بشكل كبير .. والله يخلي جيـوبنـا


أنا أنصح بتغيير وجهة الحواطة من دبي إلى الغربية .. أو الاكتفاء الذاتي بأبوظبي والعين خخخ

العجيبه
والله هالفكره يت في بالي
اقول لابويه شو رايك انسير نسكن في العين والا صوب الفجيره
بس مصالحنا كلها بتتعطل جي
الجامعات والمدارس والاشغال
الله يعين

شكرا الغلا ع المشاركه

يمكن بالغت لما قلت ان الـ 4 دراهم ما تفرق ؟!!! :ohboy:
فالمعذرة.. !!!

اللي مستغربة منه ان على كل اللي مسوينه البعض يشكك في نزاهة الحكومة و يعتقد انها محتاجة الـ 4 دراهم المفروضة على الطريج ؟

يا جماعة في ناس قاعدة تفكر و تخطط و تفتح شوارع جديدة بمليارات و ما خذت و ما فرضت على المواطن انه يساعدها أو يحط شي من راتبه..

و اللي نفخ الروح في اعز الخلايق.. اني على ما رجعت للموضوع صرت استخدم الخليج التجاري و كل ما امر افكر كيف و متى و كم كلف.. رغم اني عانيت لان البداية كانت غلطة بعد محطة الامارات.. و صار الطريج عادة لانه اقرب لي.. !

و مع ذلك مستانسة على سالك وملزقتها و احس انها " شي حضاري " نحتاجة عشان نتنفس.. :tongue:


خلونا ننتظر 05/07/07 و نشوف
على كل..وجهة نظر و المعذرة !

روي

رويان
لج رايج

بنوتة جميرا ... يوميا امر على جسر القرهود و تقدرين تقولين ف كل الاوقات ... مثل ما قلت لج 10 دقايق بالكثير ... الظاهر مافيج صبر

شرجاوي
انا صدق ما فيني صبر
بس والله كم مره اكون ع جسر القرهود
الزحمه تاخذ مني اكثر من 10 دقايق
لو 10 دقايق بسكت ما بقول شي

شكرا مره ثانيه

صدق قهررر..


انا اقول لو نحن الاماراتين يودوناا جزيره ثانيه نقعد فيهااا احسن لنااا .. اشووف حقوقنااا مهضومه بالبلاد..

عيل الي عنده شقه بشارع الشيخ زايد .. هاا لازم ما يطلع من شقته

الله المستعاااان


اخوي الشرجاووي .. بس على ايام المهرجان كم دقيقه توقف عند القرهود @__@

والله اني مقهوور من الخااااطررر من الي يستوي بالبلاد.. ونحن مب قادرين نحرك شعره :((((

خيال الحب
فكره حلوة<<جزيره والله لو كانت صغيره بتكفي المواطنين

المشكله لو هالنظام بيسوي شي ماعليه
بس مافي شي بيتغير
هالنظام اللي بيدفعون له المواطنين
وشرات ما قلت قبل الوافدين بتندفع عنهم هالتعرفه شرات ما تندفع عنهم اشيا ثانيه

الله المستعان

مشكور ياخوي ع المشاركه

ضد وإلا مع

ماشي فايده

لأنه الوافدين بيدفعون ونحن مابنقدر

يعني الجسر الفاضي حقهم ونحن بنسير صوووب الزحمة ...

شوفي رواتبهم

همم مب حسد

لكن هذا الواقع

صدقت يالمزوحي
الوافدين لهم امتيازات غير رواتبهم العاليه
اما المواطنين عايشين ع رواتبهم
واللي في هالوقت لا اتودي ولا اتيب

شكرا ياخوي ع المشاركه

أنا اشوف انه اكبر عيب من انه نحن عيال البلاد ندفع تاكسز في بلادنا ونسبتنا في البوبيوليشن ما تتعدا الربع !!!!!!!!!!!!!!!!!!!!!!!

انا ماكنت مفتكره بالموضوع بشكل سيريس الين ما شفت الفت مال قطوتي ورمسنا عن هالسالفه
الموهيم تم ايقولي انا غريب بس اعشق هالبلاد بس وايد متضايج من التغيرات الحديثه (هو دكتور نوق شيوخ وفي بلادنا من اكثر من خمس وعشرين سنه ) .. وتم يقولي انه قلبه ( ينقبض) يوم يشوف بنت امواطنه تشتغل في الكاشير وفي بلاده يسمون هالنوع من الاشغال لو كلاس وما يشتغلها الا خريجين السجون الي محد يتقبلهم ... او قال انه يعرف ان اخس بنت عندنا انضف من انضف بنت عاديه عندهم لول .. يشوف ان شي جنوني نعيش في بلادنا وندفع حالنا حال الغريب

هني صدق قلبي كلاني على هالسوالف . . .

عنا ناس مواطنين ماعندهم بيت ملك ......... عيب وايد يعني الاجانب مب خسرانين شي ( كفلائهم بيتكفلون ابكلشي )


شكل المواطنين بيدورون لهم كفيل بعد علشان يقدرون يعيشون في بلادهم لووووول!

لول .. لازم حد يقول حق الشيخ محمد بن راشد ان المواطنين زايغين !

مثلا نحن بيتنا اللي ساكنينه مو ملك ... وو
شعبيتنا قريب المطار
والحين يبون يوسعون المطار ..
والتوسعات توصل ليش شعبيتنا ...

بيعوضونا وللا لا !!!!

أنا الصراحة ضد هالنظام

اوكي إذا أنا وغيري انروم ندفع كل ما نسير دبي 4 دراهم

في غيرنا ما عندهم وما يرومون يدفعون

وما أحس ها الحل عسب يخففون الزحمة

لازم يكون في خطة ناجحة عسب يخففون هاي الزحمة

مثلا ليش ما يسوون عدة طرق تودي للمكان اللي نبي

يعني نحن اللي انشوفه الحين إن ما شي غير درب واحد الناس كلهم يسيرون منه

وما أظن إن هالنظام بس حق المواطنين حتى حق الوافدين ليش على راسهم ريشه ونحن ما ندري

وأصلا حتى لو نحن كنا ضد هالنظام محد بسويلنا سالفة ، نحن حليلنا بس نرمس بس ياليت حد يسمعنا

انا بعد ضد هالنظام
يعني هم يبون يخففون الزحمة ليش ما فكروو انه اساس هالأزدحام هم الجاليات الأسيويه الي ينعطون لياسن وهم اساسا مب عرفين السوقة وطريقتها الصيحيحة
الحين التاكس هو الي بيخفف من الزحمة ..ما اظني.. سبب الزحمة الرئيسي هو الي ذكرته لانه الهندي اذا شاف حادث سياره يتحرى فلم هندي ايتم ايطالع مبهت ويدور المخرج وعاد خلق الله يتعطلون عشان خطاره او لاء اذا في زحمة ما يتم مكان واحد ايلف ولا السيد الاول او الثاني وما يدري وين ايسير ...واذا كان مواطن يبي درب ما يعطيه لكن اذا من ربعه يفج له درب عووود

انا اقول انه لو يحطون فكرة التاكس على الجاليات الغير مواطنة لنه هالجالية بتتعلم كيف اتسوق او تمشى على النظام اما نحن فل مفروض ما ندفع لنها ارضنا صح انه قيمة التاكس شويه بس المفروض ما يعملونه شرات الغرب لنها ارضنا


:fa46:
ايه احبك

تحفه
منو اللي يسمعنا؟؟
والله ياريت حد يوصل هالرمسه للشيخ محمد

يقهروني لما يقولون نظام سالك
اوكي اللي بيعبر تحت البوابه اللي ع شارع زايد وانسحبت منه ال4 دراهم
ومشى شوي وصل جسر حديقه الصفا او صوب المركز التجاري واصطك الشارح من الزحمه
شو اللي حصله هالشخص اللي دفع سالك ؟؟!!

يحطون قوانين صدق غبيه

شكراا تحفه ع المشاركه

مجموعه انسان
لو شعرك كان اشقر
بيعوضونك
الله المستعان

بنوتة ورديه
انقول انه نحن ضد بس ل متى؟؟

للحين مافي حد في البيت حط بطاقه سالك
وشكلهم مب ناوين
شوارعهم هاي خلها حق الوافدين يمرون فيها بهدوء
الله ينتقم من اللي كان السبب وحط هالقوانين اللي صدق ترفع الضغط

شكرا ع مشاركتج الغلا

ايه احبك
الواحد صدق ينقهر لما يشوف الوافد في بلاده ينعطى امتيازات احسن منه

كذا مكان سافرته والله خسي يعاملون الوافد فيها احسن من ولد بلادهم
بس نحن هني مستانسين من اللي يسوونه في المواطنين
ولو رمسنا يقولولك لا هذا وافد متغرب عن بلاده
انزين عساه يتغرب محد ضربه ع ايده وقاله اطلع وتعال عندنا
شو يعني اتغرب اتعاملونه احسن من ولد البلاد
قهررررررررررررررررررررر

شكراا ع المشاركه