كليات التقنية ،، الى متى ؟؟

بسم الله الرحمن الرحيم

السلام عليكم ورحمة الله وبركاته،،

شحالكم يا اعضاء الواحات ،، ما اعرف اذا سمعتوا عن سالفة عبدالله الطالب في تقنية ابوظبي للشباب ،،
انا عن نفسي اول ما سمعتها والله العظيم حسيت بحااارج في صدرق وقلبي يعورني عليه ،،
هو من مجلس طلاب الكلية ،، ومعروورف عنه انه دااايما يشترك في الاعمال التطوعية الي تراعاها التقنية مثل مؤتمر القادة الي ينعقد في قصر الامارات، والمعارض الي تصير في ارض المعارض وغيرها وغيرها ،، وهو هالكورس خريج ،، بيحصل دبلوم في الهندسة ،،

يوم الامتحان المراقب الي عليهم كان حاط عليه حطه ،، ويقول له انا في باد مووود((مزاجي متعكر))
وهو يدور بين الطلاب حصل ورقة طايحة عند ريوول الطالب عبدالله ، واعتبرها حالة غش ،، وعلى طول كتب فيه تقرير وحوله الادارة ،، وطبعا على طووول طررررررد،،

المشكله انه الورقة مش مالته ، ولا تبع المادة الي هو يمتحن بها ،، حتى المدرس يوم عرف انه السالفة فيها طرد ،، راح كتب رساله للادراة تبين الموضوووع ، وانه الطالب ما كان يغش ، وانه الورقة مالها خص في المادة،، بس عمكم اصمخ ،، ما شي فايدة،، وصدر قرار بطرد الطالب ،، وهو باقي له اسبوعين ويتخرج من التقنية !!

اني في رايي انه السالفة فيها ظلم كبير وقع على الطالب ،، حتى وان كانت الورقة تخصه ،، هل من المعقول ان يتم فصله من الكلية وهو باقي له اسبوعين ويخلص ويتخرج ينخرط في سوق العمل ،، انزين احرموه من المادة ،، او انذار ، او توقيف كورس ،، مش طرد نهائي ،، شوفوا نشاطاته وياكم في الكليه وخاصه انه من مجلس الطلاب وووغيره وغيره ،،

حتى وانا اسمع السالفة تذكرت النبت الي في تقنية بوظبي بعد والي كانت خريجة وروت ربيعتها البروجكت مال التخرج ،، ونشت ربيعتها وقدمته باسمها ،، وطردو البنت راعية البروجكت الخريجة ،، والله يقولون انه الدكاترة صاحوا عليها اكثر من الطالبات ،،

ما اقول غير حسبي الله ونعم الوكيل ،، والي سمعته انه هالقانون مال الطرد مش موجووود في ولا جامعة في العالم الا في الامارات ،،

ادعوووو له لان ما في شي يغير القضاء والقدر غير الدعااء ،،

انتو شو رايكم في الي صار ،،

لي عوده

ليش قرارت التقنيه دوم جذيه :fa55: ..!

مب المفروض يتأكدون من السالفه قبل ما يطردونه :a058: ؟

.
.

انا حسيت بهالمعاناه من دخلت الجامعه
ورسبت في اول تيرم
بس الحمدلله مب طرد خلوني اعيد التيرم مره ثانيه
وكنت احس انه بدون فايده

قوانين الجامعات والكليات وايد فيها ظلم للطالب
وااااايد بعد
يرسبون بسهوله ويطردون بسهوله اكبر
الواحد مايعرف شو السبب

احيد اول مادخلت الجامعه
كانت مليانه بنات
بس من هالفصل الجامعه تقريبا فاضيه
وين ساروا البنات؟؟كلهم طرد

والله يسهل على اخونا عبدالله ويردونه
لانه والله حرام ينطرد وباقي له اسبوعين

الله المستعان

طبيعي جدآ


في السنه الاولى .. الـ GPA مالي كان 3.67 و كنت الاول على كلاسي و الثاني على مستوى الكلية .. انا عندي مشاكل صحيه شوي و الكليه عندها تقرير و اعذار طبيه في كل مره اسير فيها المستشفى

قبل الامتحانات بشهر .. ييوني و قالوولي بما ان مستواك وايد عالي بنحولك بدبلوم عالي ..

حزتها كنت اداوم و خلوني اقدم استقالتي عشان يحولوني دبلوم عالي

و بعد هالخبر بنص ساعه يالي ورقه طرد من الكليه لان نسبة غيابي 13% !!

شو ها الاستهبال ؟؟

يمين و يسار و دخلت اخوي في السالفه لين ما رجعوني

الحين بعد شهر بتخرج و ليومكم ما حولوني و خسرت وظيفتي بسبتهم


لا بارك الله فيهم

الكليه نظامها ارف اخس عن الجامعات بمليون مره

حتى وحده اعرفها استوت لها شرات سالفت البنت اللي طرودها بس المشكله راعيت البروجكت هي اللي انطردت والثانيه لنها عدها واسطه ماطردوها والمفروض العكس ( بس هاي السالفة في تقنيه العين )

يعني التقنيات كلها دقة ووحده طرد فبيزه عندهم

شرات جامعة زايد بس شوي ارحم انه تعطي فرصه وحده

الله يعينا على هاي القوانين

فديتني انا بعدني اولى سنه في الكليه ودبلوم عالي كل شهرين يسولنا امتحان يشوفون مستوانا اونه ...
على كل امتحان يهددونا اذا ما نجحتوا بنزلكم دبلوووووم من بدايه السنه لين الحين فوق 150 بنيه امنزلينهم ... بس رايي انا دراسة الكليه مذله .. والواسطه تمشي واااايد

الله يعني عليهم ويعينكم
:"(

وحي القلم ،،
المفروض شي والواقع شي ثاني ،، وهالاداريين الملقطين من لبنان وكندا وغيرها ما بيحسون بمعاناة طالب باقي له اسبوعين وبيتخرج،، حسبي الله ونعم الوكيل،،

بنوتة جميرا،،
انتي حصلتي فرصة للاعادة وهو المسكين على طووول طرد،، الله يعينج على الدراسة ويوفقج ان شاء الله ..

الزرعوني ،،
الله يعينك بصراحه ،، يعني لا طلت بلح الشام ولا عنب اليمن ،، بس تقدر تكمل ان شاء الله وربي يوفقك

الدلوعة،،

عيل سالفة تقنية دبي والشاب المقعد الي الاستاذ الاجنبي زخه يغش وحاول مدير التقنية يكلم الاستاذ بشكل ودي اونه قال له يا انته تنطرد (يقصد المدير) او الطالب ينطرد ،،

يعني حقااااني الريال ويطبق القوانين بحذافيرها ،،

ما اقول غير حسبي الله على الي خلى هالاجانب متحكمين في مصير الطلبة ومستقبلهم ،،
شكرا على المرور،،

البدوي ،،
المفروض يكون في تدرج في العقوبة ،، مب على طوووول طرد ،، وين صارت هاي بالذمه ،، يعني في شي اسمه انذار ،،حرمان من الامتحان،، توقيف كورس ،، مش على طول طرد ،،
شكرا على التواصل


ذكيه_بس_غبيه
شدي حيلج من الحين عيل والله يوفقج ،،

يالزرعوني.. احييد نسبة الطرد 15% مب 13

وانا السنه اللي طافت وصلت 25% .. وخلوني اوقع تعهد اني ما اغييب مره ثانيه..

على فكره نظاااااااااااام التقنيييية خاااااااااااااااااايس.. واذا ما عندك ظهر.. الله يعييينك..

يالبدوي فتقنية الشباب اللي فالشارجه.. طردوا كمن ولد..

لانهم حاطيين نفس ديزاين الغلاااف فبروجكتاتهم.. وبعد مذله وبالوااسطة طبعا ردوا..


لييييييش فتحتوا هالموضووع.. ما ارووم اصخ الحيييييييين.. وخخخ

انا درست في الكلية ،، وعانيت بسبة سالفة الغياب
وما رضوا يعيدولي واحد من الامتحانات،، اونه ما عندج عذر مقنع لغيابج ..
ولما خبرتهم اني كنت مريضة ومخبره الاستاذ قبل الامتحان اني بغيب وما بروم احضر الامتحان ،، قالولي لازم يكون العذر اقوى "يا أنج مسوية حادث، ولا حد توفى" !!!

أما على سالفة الغش .. تراه في كل الجامعاات "على قولتهم البليجرزم" ما يسامحون عليه ابد والطرد يكون تأديبي ،، يعني من بعد ما يتأكدون انه الطالب/الطالبة كان يغش.. يطردونه وبعد هالطرد ما يقدر يلتحق بأي جامعة أو كلية!!!

وعلى فكره .. فركوشة .. نحن يحاسبونا على نسبة الغياب 5% انذار أول و 10% انذار اخير واذا تأخرت عن الحصة 5 دقايق بعد الانذار الاخير .. سيده طرد بدون تفاهم !!

وايد ناس انطردوا ..
ولأسباب تافهه ،، ما نقول غير الله يعينهم ويصبرهم..

كل الــــودّ. . .
أمطار

اقتباس:

---

المشاركة الأصلية كتبت بواسطة فركوشه

يالزرعوني.. احييد نسبة الطرد 15% مب 13

وانا السنه اللي طافت وصلت 25% .. وخلوني اوقع تعهد اني ما اغييب مره ثانيه..

---

10% طرد

اممم ما ادري


بس لما وصلت 10% عطوني انذااااااار..

حرااااااام ..

يحليله ... الله يعينه ..


والله قهر ..


والكليه مذلــــــــــــــــــــــ ــــــــه من خاطر بعد ...

والله حرام ...

يسلموالغاليه عالطرح ""

الله يعينه ويردونه مثل ما ردوني أنا

فركوشه،،
تسليمن عزيزتي على المرور على الموضوع ،، ومثل ما قلتي الي عنده اسطه اموره بتمشي في كل شي ،،،

امطار ،،
المشكله الي حاط هالقوانين مش من البلاد ،،يعني يايبين لج اكادمييين اجانب،، وهذيل ما عندهم تفاهم،، وتسلمين الغاليه على التواصل

الدافيه،،
مذله ومرض بعد،، بس منو يسمع،،اشكرج الغاليه على التواصل ،،

بدويه متحضرة ،،
الله يسمع منج الغاليه ويرجعونه ان شاء الله وتسلمين على التواصل،،

طرد طرد طرد طرد طرد طردطردطردطردطردطردطرد.

الله يعين طلاب التقنية والله....

من أقل شي يطردونهم....

الحمدلله أني شليت بعمري وظهرت قبــــل ما يرفعولي الكرت الاحمــر لـوول ، ،

بالفعل معاناه يعانيها طلاب وطالبات التقنيه وجامعة زايد . . كان الله فيه عونهم . . خفــوا عليــهم شويـه تراهم بـــشــر . . ولا بتذلونهم عشــان الدراسه ببلاش ! !

لا حـول . . كـان الله في عــون الطالب الي انطرد

دكتور الحب،،
المشكله انهم حاطين هالقرارات في يد اجانب وزلمات ،، اونهم مختصين في الامور الاكاديمية !!
الله يعين الجميع وتسلم على التواصل

عيون الليل،،،
ولين متى بيتمووون يعانووووووون وحليلهم ،، حسبي الله ونعم الوكيل وتسلمين على الرد

="(

حررررررررررااااااااام و الله ظلم

لو أنا جي يستويلي بفجر الكليه !!!

شو مب بني ادم ؟؟

والله مافيهم قلب !!!

ولا احساس

ولا شي!!!

إن شاء الله

الله يسهل على المظلومين و يوفقهم إلى مايحب و يرضى

ينقل للجامعات والمدارس كونها الانسب