مسابقه في مجال فن الرسم في واحة الفن التشكيلي ( والدعوة عامه )

السلام عليكم ورحمة الله وبركاته

اخواني واخواتي اعضاءنا الاحباء

بالاجتماع مع الاداره

قررنا نطرح مسابقه للرسم بإشرافي وإشراف الفنانه القديره عمة العيم بإذن الله

وقبل لا نطرح مضمون المسابقه قلت باخذ بشور الاعضاء سواءأً بالرسايل الخاصه

أو في هالموضوع عشان نحط المضمون إلي يناسب ميولكم بإذن الله

انا بعد ما سألت عدد معين من الاعضاء ..البعض منهم افادني انه اتكون المسابقه

في مجال النقل ( يعني نحاول انقلد صورة واتكون من اختياري )

وانا يتني فكرة ثانيه بعد اضيفها وانتو اختارو بين الفكرتين

والفكره هي انه اقولكم ارسموا لوحه عن عالم البحر أو على الشاطئ أو منظر معين

وهاي هي فكرتي الثانيه

فأبغي من الغالبيه يعطوني رايهم وانا بشوف أكثر الاعداد إلي وافقو غلى أي فكرة من الفكرتين

وعقب بنبتدي المسابقه بإذن الله.

...............

...........

وطبعاً في اعضاء سجلو اسماءهم للمشاركه

وإلي حاب يسجل اسمه يتفضل مرحبا فيه في اي وقت يحط اسمه :k_smile2:

وبتكون هناك جوائز قيمه بإذن الله عقب بخبركم عنها :vertag:

وبتكون فترة المسابقه لمدة أسبوعين من تاريخ طرحها

وبحدد اليوم النهائي لتسليم الرسمات بعد

بس طبعاً نحن ما بدينا لين احينه ( لين ما ناخذ آرآءكم في موضوع المسابقه المناسب لكم )

وطبعاً انا ما بشترك ولا عمة العيم لأنه بنكون انا وهي من ضمن لجنة التحكيم ان شالله :h_negab: :m_m6awa3:


.....

نقطه ثانيه إلي بيخاف يسجل في المسابقه او انه يستحي يخبرني

عشان ازقرله ألم ترى يستلمه في واحة الاصدقاء :wow: :k_harhar1:

....

والمسابقه تشمل الكل والدعوه عامه للجميع

وان شالله عقب ما يتحدد الموضوع بنرتب توقيع للدعايه في المنتدى

شاكر لكم جميعاً وفي انتظار تسجيل أسماءكم بإذن الله تعالى :fa41:

موفقين بإذن الله

محاق

:

يااااااااااي

وناســــــــــــــه


أنا بسجل اسمي وياكم استاذنـــا

:a049:

وأنا أتفق مع الفكره الاولى .. :vertag:

بما اني مبتدئـــه يعني .. وعلى قد حالي ..

ف أحس لو نبتدي شوي شوي بيكون أفضـــل :fa42:

يعني انه نقـــلد رسمه انت تحطها لنـــا

بس حط شي بسيط عاد هع هع

:

يعطيكم ألف عافيه على الفكره المتميزه

وان شاءالله انشوف اقبال على المسابقه .. :a049:

لكم تحياتـــــــــــي

:fa41:

ملاك الروووح

:boxed: هههههههه


انت ليش واعيه لين احييينه :h_qor9anah:

يبالج قب على راسج ( انتقام من آخر سالفه :b015: )

هلا فيج اختي وسهلاً في موضوع المسابقه

واشكرج وايد عالمشاركه وعلى رايج وان شالله بيكون من ضمن التقييم

وانا اذا بحط صورة اكيد بحط صوره بسيطه جداً لمراعاة جميع الاطراف

من جي ما بخلي عمة العيم تشترك ههههههه :a049:

شكلها بتغسلني هي وانامل قلب وياها :k_harhar1:

....

واتمنى يا ملاك انج اتكونين جاهزه بقوه لأنه في جوايز حلوة ان شالله

مقدمه من شركة المحاق ( الوهميه ) اللامحدوده ... يمدحونها وايد هههههههه :k_harhar1:

لا .. جد في جوايز بتعيبكم ان شالله بكشف عنها لاحقاً بإذن الله

.............

أوووه صح نسيت

في شي ثاني

( هل تبغون المسابقه اتكون بالألوان ولا بقلم الرصاص والفحم بس )

انتظر ردودكم

وشاكر لج اختي وايد عالمشاركه وبالتوفيق يا رب :thumbup1:

محاق

:

هلا محاقنــــا ..

:a049:

اللي موعنك هو نفسه اللي موعني :k_harhar1: لووول

والله فيني رقاد .. بس قلت بتريه الصلاه .. لأني أعرف عمري ما بنش عقب :k_special2:


جني سمعت حد يطري القب :h_qor9anah:

<< تلاميذ آخر زمن هع هع :k_harhar1:

:

هلا بك زود ياخوي ..

وبالنسبه لي أنا .. أفـــضل بقلم الرصاص ..

<< ما تعرف غير بقلم الرصاص أصلاَ :vertag:

وممكن انلونها بعد .. أحس بتطلع أحلى .. :k_icon9:

يعني انت شوف راي الأغلبـــــيه .. وشوف شو بيفضلون .. :a049:

:



أفا عليك لا اتخاف بتريه المسابقه تنطرح بس .. بسنتر هنيه .. :b050:

وبكون من أول المتواجدين .. بس انتاكشف الستار أول شي عن الهدايا الوهميه :vertag: << اهم شي :k_harhar1:


والله فكرة المسابقه حلوه وايد .. وبيكون شي حماس .. ومنافسه بين الأعضاء ان شاءالله ..

:fa42:

بنتريه راي باجي الأعضــــاء ..

عاد لا تبطون علينا انت وعموه .. :h_qor9anah:


نرقبــــــــــــكم :a049:

ويالله رقاد :k_harhar1:

احم :blush: >> ليش مستحيه مادري

وعليكم السلام والرحمه

من يومين وانا ابا ارسم
وافكر وافكر وافكر
ويوم ماعرفت شو ارسم
رديت افكر وافكر

اخر شي ماظهرت ويايه فكره عسب ارسمها :a116:

احم >> لا شكرا مابا ماي بس صوتي ميّود :tounge:

فكرة المسابقه عيبتني
وانا اشوف الفكرتين اوكي
بما اني ماعرف شي في الرسم > عيل ليش رازه بويهج؟ ياخي الواحد يستفيد يعني مب عيب :fa46:
يمكن تكون الفكره الاولى اسهل
بس الثانيه تعطينا مجال اكبر
ممكن نبدع فيه > اسمع انته :hysterical:
يعني مابنكون متقيدين برسم معين
كل شخص بيرسم الي فهمه من الموضوع
وبجي بتكون عندنا رسومات منوعه

> احسبو كم مره قلت رسم <

بس كبدايه يمكن الفكره الاولى تكون انسب

كل الشكر للطارح والمطروح، قصدي لطارح الموضوع ولعمة العيم :fa42:

أخيييييييييرا حطييت الموضوووع..

لي عوده .. ^_^

اممم حلوة المسابقة
خاطري اشترك
يمكن اذا كانت الفكرة الاولي :: مبتدئة
ماعرف ماعرف ماعرف ..!
بس داشة عرض

مرحب المحاق المشتعل :h_terms:

خاطري اشارك :k_special2:

بس ما اعرف ارسم خخخخخخخخخخ :shocked:

انا ييت..

أفضل الفكره الأولى..
هل تبغون المسابقه اتكون بالألوان ولا بقلم الرصاص والفحم بس )

مممم .. انزين استاذنا محاق..
شورايك كل واحد يرسم حسب قدرته في الرسم .. سواء ب أقلام الرصاص والفحم أو بالألوان

عني أنا ما عرف ألون .. برسم بأقلام الرصاص او الفحم (:

مجرد رأي لاا أكثر ..
^_^

ملاك الرووووح

أشكر لج وجودج الطيب وافا عليج

زين انه الدييج مب هو إلي امواعني

كنت امصدع من جي ما رقدت ( يمكن امصدع من القب مالج آخر مرة )

والله ان اشوف انه المسابقه اتكون بقلم الرصاص أو الفحم افضل

ليش لأنه الكثير ما يعرفون يلونوون

واذا واحد يعرف يلون

بتكون لوحته اجمل عن كل اللوحات

وهني ما بيكون التقييم مناسب

وانا إلي افكر فيه

انه التقييم النهائي بيكون بيني وبين عمة العيم

ما بيكون من ترشيح الاعضاء عشان ما يستوي اي تلاعب

بس مع هذا بناخذ ترشيح الاعضاء عشان نعطي اللوحات حقها

وعقب نحن بنقرر الفايز بطريقه جداً آمنه بتفاهم فيها وياكم عقب

والجايزه طال عمرج هي عباره عن ادوات رسم قيمه ما بذكرها في الوقت الحالي

وان شالله تنال اعجاب الفايز بإذن الله تعالى من جي شدو حيلكم :a049:

شاكر لج هالتواجد الرائع ملاكنا

موفقين

محاق

الاااااااااااااااااح

انا بشااااااااااااااارك ^_^

الفكرتين حلوات ..

وانا اترك الاختيار لباقي الاعضاء :)

شكرا لكم

فنانتنا بنت الدلع

كل كلامج الحلو إلي كتبتيه وإلي فيه رسم وتلوين :k_harhar1:

ابا اعرف هل بتشتركين احينه وايانا ولا لا :h_qor9anah:

انتي فنانه وانا اعتقد انج بتبدعين والمسابقه ما بتكون صعبه

والهدايا قيمه ... فليش ما تشتركين :wow:

:shutup:

( انا احينه مب متأكد إذا اشتركتي ولا لا هههه )

فنانتنا القديره

الموضوع يستقبل فنج الكبير في اي وقت

وكل آرآئج إلي طرحتيها بناخذها ان شالله بعين الاعتبار

بس عمتنا الهيزه ما يت لين احينه ( يبالها قب على راسها :h_qor9anah: )

ان شالله اول ما توصل بإذن الله بنتفاهم على الشروط المناسبه للمسابقه

وفنانتنا القديرة ابغي تأكيد منج على إنج بتشاركين ان شالله

في انتظار سموك الكريم

محاق :thumbup1:

شهوووودة الامورة

هلا فيج أختي في اي وقت

( من إلي سجلو اسماءهم مسبقاً )

مال حكومه من يروملهم :k_harhar1:

عبرات حالمه

اشكر لج تواجدج الطيب أختي

انزين ما بيستوي شي لو شاركتي .. شو بيستوي يعني :crazy:

في كل الحالات ما بتخسرين شي .. ولا انا غلطان :k_smile2:

يلا انتظر تأكيدج ان شالله على المشاركه بإذن الله :thumbup1:

أخيرا ..
ياخي ذليتونا عالمسابقه :fa54: >>> أسولف والله ..

^_^ ..
سبحان الله .. توني مكلمة دموعتي عن المسابقه بالدرب واحنا رادين من الدوام ..
أكلمها عن الموضوع " ومتى بينزل ياربي ! " .. >> طرار ويتشرط لول سكتو عني .. : )

امممم .. أستاذي الطيب المحاق المشتعل ..
بالنسبة لسؤالك عن أي الفكرتين انسب ..
بالنسبة لي أشوف ان اذا المسابقه للي قدراتهم شراتي " هاويين " فالأسهل بيكون النقل ..
أما لو بغينا شي أصعب ونظهر القدرات الابداعية الخاصه لكل منا فالفكره الثانية تلائم أكثر ..
ومن اللي فهمته " عن المسابقه " .. فالفكره الأولى " النقل " هي اللي بتساعد بشكل أكبر ..
وتلائمنا اكثر كبداية لنا في هالمجال .. ! >> وعقبال المسابقات الياية تكون اصعب واصعب >> :boxed:

وعن سؤالك الثاني " أداة الرسم " .. فأشوف " راي " ان لو نوحد المطلوب أحسن ..
لان الكل يدري ان الرسمه الملونه تقييمها غير عن الرصاص .. والمظهر العام جدا مختلف .. ومابيكون فيه تسوية بالموضوع ..
والله اعلم طبعا .. ^_^ ..

بالنسبة لي ماعندي وقت استخدم الالوان لول .. خخخ .. خلكم مني وايد ارمس .. >> اللي يسمع يقول شاطره بالتلوين :whistling:
بصراحة .. كنت اود لو الموضوع انطرح او ينطرح بوقت أسرع لأني بكل يوم يمر أنشغل أكثر ..
ماقصد طبعا التعجيل بالطرح .. لأني من الاساس مب ضامنه وقتي .. ولا ضامنه مشاركتي .. :fa39: ..

لكن ان سمحلي الوقت فجدا بكون سعيده بالانضمام والمساهمه ..
ويشرفني طبعا ذلك .. وسأساهم طبعا ضمن حدود امكاناتي ..

وكنت بقول شي بس نسيت :k_special2: ..
تعبت من زود ماقعدت أفكر " ياربي شو كنت بقول " لكن ماكو فايده .. :fa55: ..
شكلي ماصحصح الا لمن أنام العصر ..
خلاص بنجلع لـ :sleepy: ..
وان شاء الله برد اشوف الاوضاع بوقت آخر .. وبرز فيسي طبعا.. بشوفكم وين رسيتو ..
وشو القرارات اللي ظهرت من وراي :h_negab: ..

بعد لازم نعرف آخر الاخبار .. يمكن يكون لنا نصيب بالمساهمه والفوز لول .. :bye2: ..

:

ومثل ماقالت بنت الدلع ..
:blush: >> ليش مستحية مادري ..

:

وجل شكري وامتناني واحترامي لكم ..
ماقصرتو .. أخوي المحاق .. وعمو الشرية اللي هواها الطق :whistling: .. >> أمزح : )

وبحفظ الرحمن دوم يارب .. ^_^ ..

سلاام ..

الأفكار وايد حلوه والمسابقة أحلى .. نتريا ابداعات الأعضاء
وأنا براي الفكرة الأولى كـ بداية وايد زينـه ..
ونتدرج شوي شوي في مسابقات يايـه ان شاء الله =)

بس اذا كان عندي وقت اكيييييد بشارك
انا فالـ waiting list اوكي لول

عديم الشوق

اسكت يا عديم الذوق :k_harhar1:

تراني سجلت اسمك وانته اتعرف ترسم

يبالك قب انته الثاني على راسك :h_qor9anah:

بالتوفيق يا اخويه لا تتغيب عن التواجد :fa41:

محاق

شهوووودة الامورة

هلا فيج اختي من جديد

اشكر لج هالتواجد الطيب

بالنسبه لموضوع مادة التلوين

هممم انا اقول بنرسى على قلم الرصاص والفحم

بيكون افضل ( ها من رايي ) بنشوف راي عمة العيم بعد ان شالله

وبنفيدكم باقرب فرصه بإذن الله

وانا اشوف الغالبيه اختارو الفكرة الاولى

وانا اشوفها هي الانسب :k_smile2:

بس بننتظر آراء الاكثريه :fa42:

موفقين بإذن الله وشكراً جزيلاً عالمشاركه اختي :thumbup1:

محاق

نجمة دبي

هلا فيج فنانتنا

وها اسمج سجلناه وبالتوفيق يا رب

اشكر لج مشاركتج فنانتنا :thumbup1:

اويه والله طلعت ذكيه
كتبت وكتبت وكتبت
ونسيت اكتب اني بسجل وياكم
بس يعني لاتحرجوني لان رسمي احم ^_^ وايد بدائي

والصراحه اخجلتني يوم قلت فنج الكبير
الله يهديك بس اي فن ترمس عنه
مايي شي جدام فنك بصراحه ^_^

علامة السكوت الرفض
يعني اعتبر عمري مش مقبوله ؟ :(

انامل الفنانه

يتشرف موضوعي بهذا الحضور

بس وينها عمة العيم عشان اتحصل كمن بكس :boxed:

جداً ممتن لهذا الحضور وهذه الاشراقة الحسنه منك ايتها الفنانه

ويشرفني دوم انج اتكونين من الحضور في اي اطرح نقوم به هنا

بالنسبه لفكرة التلوين واقلام الرصاص

انا وياج في نقطتج إلي ذكرتيها

لأنه لا يمكن تقييم كلا الجانبين معاً

وان شالله في المرات اليايه بنسوي مسابقات حق إلي حابين يلونوون ان شالله

واما عن فكرة النقل انا اضم صوتي لصوتج واشوفها هي الانسب في الوقت الحالي

بس طبعاً انا بصور صورة لشي ثابت ( مب شي صعب ) وبخلي الاعضاء يرسمونه بإذن الله

فإن شالله ما تصعب عليكم الفكرة وتنال اعجابكم :thumbup1:

....

شوها شو يالسه اتخربطين

انتي ما يبالج قيلوله :b015:

انتي يبالج مكشة عمة العيم إلي مودنتنها في ماي الملح :k_harhar1:

....

انامل الابداع

اشكر لج هالتواجد

وفي انتظار مشاركتج بإذن الله

اسمج بحطه في الويتيين ليست :thumbup1:

تقديري لج وعلى هالحضور :k_smile2:

محاق

السلام عليـكــم والرحمـــه

محــاااق ..

أفضـل الاخـــتيــار الأول .. ويكـون الرســم بالطـريقـه اللي نباهــا ..
يعني سـوااء بالرصــاص أو الفحـم أو الالـوان .. لانه بهـ الطريـقه بنفتح المجـاال للكــل ووبتكون الفرصـه أكـبر
لكـن بعدين في مـراحـل متقدمـه من المـسابقـه تقومون انتو لجنـه التحـكـييم بتقرير الرسمه ونوعيه الادوات المستخدمـه فيهــا
شرااايــك ؟
ولكـن طبعـا في الاخـير يعود الراي لكـم =)

بنت الدلع

افا عليج والله لا سكوت ولا شي

انا طلعت اشويه وسرت اخلص شغلي في الوكاله ورديت

اهلاً وسهلاً فيج دوم يا فنانه ليش انردج :fa41:

دايماً مرحبا فيج وواحة الفنون كلها تحت امرج تدللي بس :k_smile2:

وها اسمج وسجلناه وان شالله انشوف تواجدج الطيب ويانا يا فنانه :8:

جل كلمات الشكر والتقدير لمشاركتج

محاق

الياه

يا هلا فيج ومرحبا بج في المسابقة الناريه :k_icon28: :k_harhar1:

اهلاً فيج وسهلاً وشرفتينا بحضورج المرموق اختي :k_smile2:

وها اسمج سجلناه في الويتين ليست وحاضرين للطيبين

وعن الفكرة الأولى خلاص ان شالله بنمشي عليها بإذن الله تعالى :thumbup1:

جزيل الشكر والتقدير عالمرور

محاق

قرموشه

يا هلا بالفن كله وحضور سموه الكريم وطلته

هلا فيج أختي المبدعه

( طبعاً من الاسماء إلي سجلناها للمشاركه خلف الكواليس ) أحم أحم

هلا والله فيج يا طويلة العمر وكبيرة الذوق الطيب :k_smile2:

فكرتج فكرت فيها

ولقيت انه كلامج بالفعل صح ( رغم انه افكاري اتشتت ههههه )

هو في الواقع في ناس اتعرف تلون بس ماتعرف ترسم اوكيه

وفي ناس اتعرف ترسم وماتعرف اتلون

وفي ناس اتعرف اتظلل بالرصاص بس ماتعرف اتظلل بالألوان

ونحن بناخذ كل هاي القيم

وبنخلي الموضوع مفتوح لكل مجالات الرسم بالرصاص أو التلوين

وبناقش عمة العيم بهاي النقطة أكثر يمكن اتفيدني اكثر ان شالله

فنانتنا القديرة

شاكر لج هالحضور

وكنت بطلب منج طلب ما يامر عليج عدو :vertag:

مادري هل عندج فكره لتصميم توقيع للدعايه عن المسابقه هاذي

شاكر لج كل جهودج الطيبه :fa42: :fa42: :fa42:

محاق

اخواني وأخواتي الاعضاء

إلي عنده بعد افكار في تواقيع للدعايه عن المسابقه

أو يقدر يساهم بتوقيع

يخبرني يزاكم الله خير =)

موفقين بإذن الله

شاكرين لكم جهودكم


ربي يوفقكم



متابعين

...............

السلام عليكم ..
احم عدنا .. >>> انزين وش تبين .. ! :k_icon9: ..

اممم .. واضح انكم استقريتو عفكرة النقل ..
والحمدلله قبلوني في الويتنج ليست لول ..

وكاني ناطره الصورة .. ^_^ ..

أما عن الاداة المطلوبة ..
فأشوف الراي للحين مب واضح .. وطبعا الراي رايكم والشور شوركم .. : )

:

أخوي وأستاذي الكريم المحاق المشتعل ..
آنا أشوف اللي لازم تنطق اهني خيتو عمة العيم :d014:.. مب نحن المساهمين ..
اذا اللي بلجنة الحكم غايبة .. فنحن ماننلام لول .. خخخ

:

سعيدة بجهودكم صدقا .. وأتمنى ان تلاقون اقبال طيب .. بطيبة نيتكم ..
وان شاء الله الموضوع مايثقل عليكم ولا يتعبكم أو يضيق من وقتكم ..

.......................... :: احترامي ..
وجل الشكر لكم ..

..:: وعموه ليكون مستحية :fa56: ..

خلاص اكتــبوا اسمي ويااااكم بعـــد :fa56: :fa56: :fa56:


:fa56: :fa56: :fa56: :k_smartass: :fa47: :fa51: :fa42: :fa56: :fa56: :fa56:


<< وايد متحمسة الأخـت ..

هذا أول ما شفـت الموضوع

بس عقــب ما شفـت الردود

اسـتـويت جي :look: :k_icon9: :wacko: :fa55: :sad:


الحين مشاركتــي بتعتمــد على نوعية الرسمة المطلوبة، والزمــان ( يعني لا تعتمدوني رسمياً )

أتمنــى انهـا تكون من النوع الأول ، وفي حـدود مقدرتي الرسمية > هذا اذا كان شي مقدرة أصلا <
تنعــد عالاصابع المرات اللي رسمـت فيها، وبعد يايه اشارك :woot:


امممم الصراحة الاسماء اللي سجـلت وايد تخـوف، بس اذا شاركـت وياكم بتكـون مشاركتـي تطبيقا للمثل اللي يقول " حشر مع الناس عيد " خخخ .. يعني لا تخافــون مني .. ما بكون منافس قوي :vampire:


صدقوني يكفيني شرف المشاركة << هيهيهييي كلام حفظتنـي اياه ابلة الكيمياء :icecream:

وما ننسى نشـكـر لك جهـودك أخوي المحاق المشتعـل ، والأخـت عمة العيم .. الله يوفقــكم

هههههههههه

وهذا وعمة العيم لين أحينه ما تعرف شو السالفه و هي وينها ماعرف ههههههه

يبالها كمن بكس من انامل قلب :k_harhar1:


.
.
.
.

خنفروش

الله يابك

خلك جاهز حق التكفيخ عنا كمن عضو يبالهم اشويه :k_harhar1:

حبيب الشعب اشكرك عالمرور ولا تحرمنا انتقاداتك البناءه

:fa41:

هزااايم

هلا فيج أختي وسهلاً

شرفتي مسابقتنا المتواضعه

وها اسمج سجلته عالويتن ليست :fa42:

وان شالله بتسمعون التفاصيل عن قريب بإذن الله

شاكر لج مشاركتج :fa42:

موفقه بإذن الله

محاق

اختي الكريمه انامل

جداً شاكر لج حضورج الطيب

في الواقع انا يوم ذكرت عمة العيم على اساس انها بتقرا الموضوع

وبتعرف شو السالفه لكنها ماعندها علم مسبق بالسالفه كلها :k_icon9:

بس ننتظرها تحضر وإذا حضرت بتترتب كل الامور بإذن الله تعالى

أما إذا ما يت وإن شالله ما يصير هالشي .. انا بتصرف بالمسابقه كلها

لين ما تحضر ان شالله

عشان جي ما نقدر انحط اي شي أكيد للآن هي مجرد افكار اناقشها وعقب انثبتها بالتشاور

انا والعمة العيميه :k_harhar1: :k_smile2:

بس ان شالله تحضر عشان انثبت المسابقه

وان شالله بطلب منكم اعضائي الكرام خلال هاي الايام بتثبيت توقيع المسابقه

من ضمن تواقيعكم إذا كان ما عندكم مانع طبعاً

عشان نجتذب اكبر قدر من المشاركين :k_smile2:

فنانتنا القديره

اسمج موجود سرتي فوق نزلتي تحت :k_harhar1:

يعني لازم رسمه :h_qor9anah:

فشدي حيلج ونحن ما نستغى عن فنج ابد :thumbup1:

موفقه يا رب

محاق

العجيبه


إذا ها حماسج لا بالله نجحت المسابقه هههههه :k_harhar1:

عزيزه وغاليه اختي المتميزه:k_smile2:

اسمج اتسجل من ضمن قائمة الويتن ليست :vertag:

بس بتشاركين يعني بتشاركين:b015:

الرسمه ما بتكون صعبه

اذا كانت صعبه بفنش من الواحات هههههههه :crazy:

واذا كانت سهله خلو الهديه حقي :k_harhar1:

والوقت ان شالله اول ما اتي عمة العيم بنحدده

مش لأني ما اقدر احدده احينه

لكن لازم هي كفنانه ولها احترامها اتكون متواجده معانا

وبعدين انحدد كل المطلوب بإذن الله تعالى

اهم شي العجيبه ما تبردين وخلي حماسج فوق

وانا بتصل في خالد حريه عشان يزيد حماس الاعضاء اكثر :fa54:

( شكلي اتدخلت في الرياضه وشؤونها وشكله كلكوووش وحليله بينازعني هههه :k_harhar1: )

ومنو قالج الاسماء اتخوف ... انا اشوف كل واحد يقرا اسم الثاني يخاف ليش :k_icon9:

السالفه كلها ما يبالها شي اختي

كل إلي في الموضوع أنج بمشاركتج ما بتخسرين شي

وبتسوين جو حلو من المنافسه والمرح

والفايز الله يهنيه بالفوز :fa42: وان شالله اتكونين انتي :k_smile2:

شرفتينا بحضورج والشكر لج مني وبالنيابه من عمة العيم لج ولكل الاعضاء إلي قررو المشاركه

وان شالله يكون الفوز من نصيبج

كل التقدير

محاق

السلام على مبدعي الواحات (زمااااااااان ع الوااحات :shutup: )

و صباح الخير :whistling:


شميت ريحة منافسة و تحدي بين الأعضاء .. عادي أسجل اسمي ف هالمعركة الفنية :love:




::


كلمة شكر و تقدير لبابا محاق و المبدعة عمة العيم و بقية فناني الواحات .. يعطيكم ألف ألف عافية


:boxed: لي عودة بإذن الله !

"""""""""""""" ناااااااااااااااااااااااا ااااااااااااااااايس """""""""""

:::::::
:::::::::::::
:::::::::::::::::::::::::::::::::::



بالتوفيج للجميع //////////////////////

(((((((((((( محاق انا قبل قلت بشارك بس ,,,,,,, الحين غيرت رايي لأني ما اعتقد اني بفضى ،،،،،،،،

:::::::

يعطيكم العافيه اخوي محاق واختي عمة العيم ........

قطرة ندى

حياج في اي وقت فنانتنا وها اسمج سجلته

وان شالله اتكونين من المتواجدين بإذن الله

واشكر لج كلمتج الطيبه في حقي وحق عمتنا

وان شالله موفقه بإذن الله

محاق

الدافيه

شاكر لج جداً عالمرور

وان شالله حصل خير والله يعينج على انشغالج

بس إذا فضيتي وحصلتي فرصه الموضوع مفتوح لج أختي

فلا تترددين بالمشاركه

دمتي في الحفظ والصون

محاق

:k_icon28:

هااااااااااااالحيييييييين ااااااه عمة العيم و عمة العيم تطروني من الصبح و انا اعظ لساني في اليوم 100 مره و تكفخوني من الصبح

يعني يعني يا محاقنا انا زعلانه

لييييييييش تتفق ويا غيري قبل لا تحط الموضوع عن المسابقه و ماتخبرني؟؟؟

بعد حاطيني في لجنة التحكيم ؟ :h_negab:

بالله عليكم هذه رمسه؟؟؟؟

اناااااا زعلانه

:k_icon28:

زين ماعليه

الله يصاااااامحق :mad:

انا رايي

كالتالي:

نشوف كم عدد المتسابقين....و كل متسابق شو بشو يعرف يرسم .....يعني بنشوف عندنا ناس يرسمون بالرصاص و عندنا ناس يرسمون بالفحم و عندنا ناس يرسمون بالالوان الزيتيه او بالمائيه
عقب بنشوف من كل نوع كم متسابق عندنا؟

عقب بنقسم المسابقه الى مثلاً مسابقة الرسم بالرصاص - مسابقة الرسم بالفحم- مسابقة الرسم بالزيتيه.....فرضاً ماعندنا حد يرسم بالباستيل فما بنسوي عن الباستيل و جي....فهمت يا محاق قصدي؟

عقب المسابقه بتكون على اساس ان....
مسابقة الرسم بالرصاص:
لجنة التحكيم تختار صوره فوتوغرافيه
و المتسابقين يرسمون الصوره بالرصاص
و نختار افضل رسمه تمام؟

مسابقة الرسم بالفحم:
لجنة التحكيم تختار وره فوتوغرافيه
و المتسابقين يرسمون الصوره بالفحم
و نختار افضل رسمه حلو؟

......... الخ

زين عقب بنجمع افضل الرسمات من كل مسابقه رسمه او فائز

و طبعاً الفائزين ينالون على جوائزهم


عقب

بنييب صوره فوتوغرافيه وحده و نخلي جميع الفائزين من الرصاص و الفحم و الزيتي
نخليهم يرسمون الصوره هذه

و الجائزه الكبرى تكون من نصيب افضل و ادق و اتقن رسمه من بين هالانواع من الرسم


:h_negab:

شو الراي محاقنا

(^_^)
...