بــو فلان !!! خــــــرف وقعــــــد ..

"""الســـــــــلام عليكــــــــم ورحمـــة الله وبركـــــاته """

بعد خمس وخمسون سنه من زواجهما ... أصبح الان في السبعين:k_wheelchair: من عمره
حالته ليست مثل ما كانت ..
فقد كان في شبابه قوي البدن .:fa32: . يأمر وينهي باعلى صوته ..
ابنــــــاءه يخافون منه .. ويهابونه في لحظة ان فعلوا شيئا ...
يعملون له الف حساب وحساب ..
هذا ما دار في ذهنـــــــــــه:ohboy:
.
.
.
...
افاق فجأه من لحظته تلك ...
أخذ يردد كلاما غريبا ... لاحداث غير واقعيه
وقد تكون احيانا وقائع حدثت من سنين مضت او وقائع بعيدة المدى
.
.
تصرفاته باتت غريبه..وفجأئيه :a058:
تراه احيانا يصرخ بأعلى صوته :pullhair:
وأحيانا يبكي .. يتذكر أحبابه الذين ماتوا
وأحيانا يخرج من بيته مثل التائه :k_sadwalk:
فيصرخ في وجه هذا وذاك ..
وأحيانا يقر بلسانه بأنه يسمع اصواتا :ohboy: ...واناس يتكلمون
بالرغم من عدم وجود أحد
.
.
.

يا ترى هل هذه هلوسات؟؟ :Oo:
او انها مجرد مزحه من رجل كبير في السن؟!!
الناس يعتبرونه مجنونا .. نظرا لما يسمعون منه من كلام غريب
فيردوون ويقولون (( فـــلان خــــرف وقـــــعد))
.

مأثوره محزنه ومؤثرة ..:fa45: . .
تثير في نفس الانسان عندما يرى ما يصيب احب الانسان لقبه ..
وما هو الا شي مقدر من الله سبحانه وتعالى ..
اخواني الكرام
ما رأيكم في هذه القضيه ؟؟
هل صادفتك في يوم ما ؟؟ وكيف كان تأثيره عليك؟
ما هي الاشياء التي لمستها من الكبيرين في السن
كيف تعاملت معهم ؟

بكل صدق نأتيكم اليوم :a070: ... لنحاوركم ولنستمع لوجهات نظركم ..
اعود اليكم اليوم بموضوعي هذا .. وأتمنى ان ينال اعجابكم
كي نرتقي معا .. مر هنا واعطنا رأيك ..
.
لا تنســـــــــون حقوق الطبع محفــــــوظه فقط عند الشوق :fa35: :fa35:
وفي واحات بن دبي (( فقط )) 20-04-2007

هالشي ممكن يمر في بيوت كثيرة ... بعد مايكون الأب اللي يوم يفتح باب الفيلا

يخلي كل فرد يقول " ي " ي

فالحال يتغير

وصادفني إنه أشوف كبار السن يصرخون في ويه أبناءهم والأبناء يكونون مفتشلين جدام

الناس بسبب تصرف الأب مثلا ...

بس الواحد ممكن ينحط في نفس الموقف .. يعني لاتستحون لأنه هو كبير في السن مانلومه مثل

مرات مانقدر نلوم الطفل ..

المزوحي :-
اشكرك ع التواجد .. ذكرتني بالمقوله اللي اتقول:-
ان الريال دايما يحب ان يعامل مثل الطفل
.. وهو يحب في هالفتره يحصل الاهتمام والرعايه من اللي حواليه ..
.
.
شاكره لك هالتواجد الرائع
بس اسمحلي اخويه ما فهمت منك هذي الجمله (( يخلي كل فرد يقول " ي " ي))

الشووووووووووووق ،،

تدرين اول ما قريت الموضوع على طووول نطت في بالي صورة عم امي :m_m6awa3: ،، تعرفين يوم يقولون واااحد جباااار وقوي ومصيبة تتحرك في الارض:k_icon28: ،، كانت كل هالصفات فيييييييه ،، وكنا نخاف منه واول ما يدخل بيتنا نشرد:bash: ،،

بس تعالي شوفيه اليوم ،، يمشي وولده مساندنه ،، ويوم اسلم عليه يمكن تسع مرات يسألني انتي منو ،، ويعيد السالفة الي كان يقولها عشرطعش مره ،، ومرات يصيح وهو يسولف ،، والله الواحد ما يتمنى يوصل لهالعمر:k_wheelchair: ،،

مشكووورة الغاليه على هالموضوع الحلو ،، ومتابعين ان شاء الله

زهايمر قصدج؟

الارستقراطيه لي عوده

تحفه :) هيه يالغاليه مرض الزهايمر

الشوق ،،
في الانتظار ،، ولا زلت متابعة

الشوق اثرتي موضوع يتقطع له القلب ...

العام الماضي رحنا زياره للاستراحة الشواب كـ متطوعات صدقيني الي شفناه في الاستراحه يخليج ما ادري كيف اتحسين يعني شي مش طبيعي ابد معقوله العقوق يخلي العيال يوصلون لهالمواصيل ؟؟ لدرجه انهم يتخلون عنهم ويلا يسألون عنهم بحجة انه خرفوا ومشاكلهم زادت بالعكس هم الخير والبركه وبلاهم مافي نور ولا بركه في البيت ..

يلست ويا بومحمد ريال يدخل القلب من اول نظره الابتسامه الحلوه والويه المنور يشرح الصدر والله .. من طيبه ما اتعرفين شو اتسوين ما يبا شي غير انه يستعيد ذكريات الماضي عياله حطوه في هالاستراحه بس لانه وايد يرمس ويصدعهم بسوالفه مالت زمان اول وحنينه وشوقه للماضي الي متأصل فيه غمضني والله مع ذلك اتشوفينه يذكرعيال بالخير ويدعي لهم ويطلب لهم الهدايه انسان بعافيته وكامل قواه العقليه هل فعلا يستحق انه ينحط في هالاستراحه حاله حال اي قطعة أثاث ؟؟؟!!!!!

الشوق .. هيجتي المشاعر

فديتها يدتي فيها زهايمر .. اول مره ما تذكرتني قلبي تم يدددق ويهي اصفر عيوني حمرت

محد في عايلتنا يقول يتجرا يقول يتكلم عنها جيه ...... يوم تنسى نقعد انجاريها

بس دوم انرمسها عسب ما تنسى وايد مانخليها روحها .. على الاقل 1% يفيدها

حبيبتي يدتي والله :'<

مساالورد

تعرفين الشوق يغمضوني...يمكن لأني مريت بهالموقف هالفترة بسبب تعب يدتي...ويد بو عبادي...وكلهم تقريبا مروا بظروف مشابه لما ذكرتي...بس سبحان الله ساعات هالشيء ينتج من عامل نفسي يعني يدوه من شهور قالوا لهم في المستشفى اطلبوا لها الرحمه...هالكلام من اكثر من ست شهور وامسات بس شفتها عقب عودتها من فترة نقاهه ما كنت اعتقد انه دمعتي بتكون قريبة يوم شفتها وعرفتني وعرفت ولدي لانه من شهور كانت ما تعرف حد ابدا الا يمكن الوالد وكم شخص...سبحان الله ...كانت سعيده حسيت بنظرتها نظرا لصعوبة ان تتحدث بشكل مفهوم لكن نظرتها خلتني اغتبن...وايد فرحت...ربي يرحمنا جميع برحمته.


برجع بتكلم بموضوع مشابه جدا لما ذكرتي ان شاء الله

الارستقراطيه :-
الله يعينه يالغاليه وشي جميل بالرغم من انه رجل كبير في الســـــــن لكن قمة لالاخلاق هو عدم نسيانه وزجه في دار الرعايه يعذر انهم لا يستطيعوا ان يرعاه ..
وانه انسا ن امخرف ونستحي انخليه يقابل الناس ..
اذا نحن حسسناه انه خرف ..فشو راح يكون موقف الانسان لما يكبر ...
قد نمر في يوم من الايام ونصل الى هذا العمر يا هل ترى هل تحب ان ترى نفسك مكانه ..
جزاه الله الف خير على هذا الابن البار ...
صح نسيان الاحداث تصير بين الناس الكبيرين في السن .. ويمكن اتزيد واتزيد مع مرور الايام والشهور ..
.
.
هذي سنة الحياه
ودمتى ع هذا التواجد الرائع
اختج/ الشوق

الجنيــــــــــــه ..
هالفئة اللي يتركون ابهاتهم او امهاتهم بحاجه انهم ما قاموا يتحملونهم على قولتهم يابو الصدعه وعوار الناس ... هذيل باجر ربج بيجازيهم في عيالهم ..
عادي اتحصلين الولد يتمادي في ابوه ويتطاول عليه .... وذيج الساعه بيتذكر باللي سواه فيهم ..
.
.
.
الانسان يتمنى رضى والديه
ورضى الله من رضى الوالدين
بس صرنا في زمن كل انسان يفكر في عمره ..وفي نفسه
تاركين ابسط الامور ومستصعبينه في حياتهم
للاسف ...
الانسان ما قام يحط اي احترام لحد

تسلم يا الشوق على الموضوع العجيييييييييب ...
بس بصراحه انا مريت في موقف مثل هذا كنت رايحه عند ربيعته ... فشت يدتها ... رحنا نسلم عليها ... يلست تكلمنا .. عن اشياء ... والله انها غرييبه ... وكانت تصيح .. وتضحك في نفس الوقت ونحن سيرنا وياها وكنا نسووولف وياها .. بس كانت تنصحنا في اغلب رمستها ... تقولنا اشياء تفيدنا حليلها لان نعرف انا انسانه كبيره .. وبصراحه استانست واايد ... كانت تسووولف عن الغوووص ... عن ريلها الله يرحمه وحليلها ...
هذي معلووومه مني لكم
الانسان اللي يكثر في الحركه ... وخصوصا في السن الكبير ... ما يخرف عند الكبر ...
يعني كل واااحد وحده اليوم تقووووول حق الوالده والوالد انهم يتحركوون قد ما يقدرووون ...

الغاليه طيــــر
يت فترة .. ومريت اب هالازمه ..
مع اقرب الناس لقلبي ..
اقولج ثلاث شهور وهو في هالحاله ... مثل ما ااتقولين
فقدن للذاكره ( والحمدلله انها قصيرة المدى )
لان حاليا صار احسن ... ردت ذاكرته ... واستيعابه للامور ..
تدرين ساعات اقول ان الانسان يوم يوصل لدرجه ويتقاعد فيها
او يحس ان ما يشتغل .. هالشي يحسسه ان غير مرغوب ..
.
.
لكن ساعات ( الســــــــفر ,,, وتغيير الجو ،،، والجو العائلي ))
يكون الدافع الكبير في تغيير طبيعة الانسان ..
وارجاع الامور الى تصابها احيانا ..
.
.
.
ومثل نا قلتي العامل نفسي يساعد الواحد ان يتعايش ويحب الحياه
عزيزتي طير شاركه لج هالتواجد وفي انتظار العوده ياام عبادي
خويتج/ الشوق
:love2: :love2:

للرفع.. لاني ابي اقراه بعدين^__^

وايد حلوو شكله الموضوع بس انا الحين اتطالع مسلسلي

يوم بيحطوون دعايه ولا يوم بفضى بقرااه ان شالله

بسم الله الرحمن الرحيمــ ..

السلام ع اليميعـــ ..

حبيت اقول تسلم ع الطرح

كل انسان في يوم من الايام مر بلحظه ضعف في حياته
وهذي اللحظه هي اللي تكسر شموخه

هذا الانسان العادي جي اللي ماعنده عيال لازم يحترمونه
اللي ما عنده مسوليات اجتماعيه لازم يوفيها ..

شخص عادي مثل اي شخص عايش في هالدنيا

فما بالكمـــ ،،

بشخص عاش حياته كلها مهاب والكل يحترمه ويحسب له الف حساب
واحد كان هو المعيل كان هو كل شي للأسره
كان من دونه ضاعو ...

شي محزن ...

انا ما ارمس عن مثاليات ولا اقول اشياء وخلاص

صحــ ..

انا عندي يدتي الله يطول بعمرها

ساعات تعيد الرمسه مليون مره
وتم معلقه ع نفس السالفه طول الاسبوع
(( مافيها زهايمر والحمد لله ))

بس لي قعدت ترمس عن اول وعن سوالف اول

والله انها فــــــــن

تحياتي قبل حياتي ...
وسوري لو طولت عليكم

خيال الحب . .في انتظار ردك .
شتشووته .. اكيد خلص المسلسل لكن ما شفنا ردج وورايج في الموضوع ؟

عنكوشه المنكوشه
عليكم السلام والرحمه
صدقتي لحظة الضعف هي اللي تكسر شموخ الانسان لانه يكون تايه في خلال اتخاذه لهذا القرار
لكن في لحظه شفت ناس في المستشفى وكبار في السن .. للاسف عيالهم فارينهم والسبب في ذلك انهم كبروا
وانهم ما قاموا يتذكرون شي ..
يوم الواحد يشووف ان اقرب الناس لك في هالحال . .ليش مااتفكر في نفسك باجر لين كبرت
كيف راح يكون مصيرك . وكيف راح يعاملونك عيالك وناسك
محطوا عماركم في هالموقف ..
وراح اتحسون اب مدى الالم اللي يحسوونه الناس الكبار ..
.
.
وصدقها عنكوشه ..
ان الاوليين .. برغم من بساطتهم لكن كلامهم عسل وكله قيم واصاله
وسلامتي للحظور ..
اختكم/ الشوق