عرض للطباعة
إليكم آخر موجز الأنباء . .
تم إقتحام مركز وافي من قبل عصابه مسلحه ( مافيا ) اليوم بسيايير مسروقه إلى مركز وافي وتم سرقة 70 مليون من محلات بن هندي .. !!
وتم تفجير السياره في زعبيـــــل !! وحتى الآن لم يتم القبض على هذه العصابه < المافيا > .
ونسأل الله لنا ولكم السلامه من شر هذه العصابات في دبي . . !!
وسوف أنقل لكم الفيديو إن شاء الله قريبا
مراسلكم . . المقاتل . .
السلام عليكم...
شو هالخبر..!!
بسم الله .. استوت عدنا سوالف المافيااااا.. :boxed:
..
وكيف هذيلا حاطين 70 مليون في مركز تجاري..! ولا هم سارقين اشياء قيمتها توصل لـ 70 ..!!
نتريا الاخبار و التفاصيل..
..
وتسلم يا المقاتل..
OMG !!
أمـسات خطفنــا صوب وافــي
حليلهــم والله !
الله يحفظ بلادنا ويحفظنا
شـوق القلـوب ..
المركـز هـذا بكبره ماراكـات فـ مـاركـات
وغـير مـحلات المجوهـرات اللي قيمه الاشيا اللي فيها بـ الملايين
يعني هـذا يعتبر شـويه لول
والمقاتـل قال من محـل واحـد بس 70 مليون .. فمـابالج بالاشـيا الباقيه
قرموشه..
هي أدريبـــه انه كله ماركات و الاشياء اللي فيه كلها غاليه..
كنت اقصد المبلغ كاش.. مب قيمة بضايع..
العصابة سرقت من محلات بن هندي وهي عباره عن ألماس ومجوهرات تصل إلى قيمة 70 مليون .. هيه نعم أختي شوق القلوب عصابة المافيا متواجده في دبي من زمان .
:a046: والقهر إنها مش أول مره اتصير . . هاي الصرقه الثانيه إلي حصلت من تاريخ مركز وافي . . !!
. . المقاتل . .
اميييه شوهالخبر
ليش فجروا السياره !
الله يستر و ان شاء الله يزخونهم بسرعه
السلام عليكم ..
أول شي أنا شكيت في المعلومه بس يوم سألنا واحد في التحريات أكد لنا الخبر والسالفه صارت تقريبا
على الساعه 10 او قبل بشوي مب متأكد وهم سيارتين أودي A8 مسروقات
وحده سوده ووحده بيضه دخلوا بهم في المركز وهم
مسلحين وأصابوا عامل حاول
يمنعهم و السكيوريتـي مال المركـز لا حـول ولا وقـوة طبعـا وجهـاز الانذار أشتغـل بس كل شي صـار
بسرعه وهم لابسين لبس عصابات أسود في أسود من فوق لـ تحت ومايبين
منهم شي وطلعوا من بوابة ثانيه وعلى طول حرقوا
هالسيارتيـن في زعبيل
بس وحده منهم لحقوا عليها المطافي قبل ماتحترق ، وعندي بعض الصور اللي إلتقطها الجمهور
اللي كانوا هناك وطبعا للعلم الصور منقوله من مواقع ثانيه وعندي لكم
بعد فيديو هـنـــــا ، والله يحفظنا ويحفظ بلادنا
من العصابـــات
الاســـطـــوري
أخوكم
بسم الله الرحمن الرحيم ..
:boxed: ..
لاحول ولاقوة الا بالله ..
الشكر موصول لـ المقاتل والأسطوري ع التغطيه ..
الله يحفظ بلادنا وبلاد المسلمين من شر هالأعمال ..
اللـه المستعان
لاحـول ولاقـوة
شكـل المركز وهو متـكسر يـخوف والله !!
الله يحفظ بلادنـا من كل شـر
انشالله فأقل من اسبوع بنجوف صورهم فالجرايد .. دبي هذي يا بابا دبي .. يا ويلهم من بو راشد
ويـــــــــــيييه باسم الله
شو هاللي يستوي في بلادنا !!
من كثر اللوث والاجانب الي فيها لازم نتوقع كل شي
من وين لهم الأسلحه؟؟؟؟
حتى لو هم يايين البلاد ،، مستحيل يقدرون اييبون عندهم الاسلحه!
فـ هذا اول شي لازم يعرفونه..
إذا هذيلا قدروا يوصلون لأسلحه مثل جي،،
أكيد غيرهم بيقدر. . .!
الله المستعااااان..
:k_icon28:
وهذا الفيديو
http://bushhab.multiply.com/video/item/31
أويه حــــــــرام !! مع انه اتعس سنتر عندي بس حــرام
حرام عليج الحين وافي اتعس سنتر
بالعكس انا وافي و برجمان و امرتس مول عندي رقم 1 لول
وبعدين سفورا طبعا و التاون و مركاتو و مينا السلام وبالم سترب و ذا فلج وخخخخ
اخيس شي عندي حمرعين والستي
والله كل ما اسيرهم اصدع وبطني يعورني و يصيرلي اكتئاب ولا اعتبرهم مكان لطلعه نفس الناس و الاوادم
ع فكره سياييرهم محترمه ماتقولين حراميه
ابييييييه بسم الله :crazy: ؛؛
وشرات ما قال اخوي بريد الكتروني ان شااء الله انـجوف صـورهم هالاسبوع في الجريده هاي دبي :thumbup1: ؛؛
اتصدقون خاطري اسيير وافي الحيين ؛؛ اعيش آثار الحدث:woot: ؛؛
الله يستتر ويحفظ بلادنا من كل شر يارب :fa41:
وي بسم الله
وين عايشين نحن
ليتني اعرفهم جان تقاسمت وياهم الـ 70 مليون p=
loooooOL
عادي... دخلوا اجانب زيادة البلاد... والا من متى بلادنا فيها هالسوالف..
لووول توني اقول ل ربيعتي عن السالفه
قالت دام سارقين من عند بن هندي نفاد عندهم بيزات وايد والـ 70 مليون زكاة عن بيزاتهم =)~
شي يقهرر ووالله ؛؛ السير الـحين يالس في الكلاس يرمسـنا عن الحـدث ,,
اوووه داشين بالسيايير دااااخلللل حشى فلم
انا جفت الفيديوا هم سريعين فالسرقه لكن جنه المركز كان فاظي لهم يعني وين الرقابه وين كل هذا ونحن اونه فدبي و فدبي !! صعقه
ومب غريبه كان صاير فبرج العرب من قبل
^
^
لا مب فاضي
لو تشوفين الفيديو فالبدايه بتلقين ناس فالطابق الثاني يمشون
أوييييييييييييييييييييييي ييييه انا يوم خبروني أمس ما صدقت قلت شو ها وين يالسين نحن ليكون في امريكا خخخ بس ماعليه بيطلعونهم من تحت الارض وقريب ان شاء الله .
وتبدد الأمن والأمان في دبي يا حرام والله انها عين ما صلت ع النبي
:fa43:
:d010:
انا كنت هناك
ماتشوفون ويهي مصفر لي الحين
:6:
ماعرفت كيف الله وصلني البيت
الله يستر علينا
(^_^)
...
شيكاغوووو مب دبي !
من فترة تراهم دخلوا وافي وبرجمان في نفس الوقت
ما احتاطوا ؟؟
المزوحي
يمكن مب هم نفسهم!!!
:wow:
خل يتعلمون
امشرعين البلاد حق الاجانب
وحارقين السيايير في زعبيل جدام قصر واحد من الشيوخ مابقول اسمه
اذا انتو عرفتوه مبروك P;
لو تعرفون شو ردود افعال ربيعاتي لول بتنفجرون من الضحك
وحده مستانسه اتقول الحين بلادنا اتطورت استوت نفس ميامي لولولول
والله تصدقون بنات
يحتايلنا هالرشاشات الصغيره انحطها في شنطنا
والله ها و سرقه عيني عينك تمو الشباب الي في المركز امتنحين ( مادري وين السكيورتي لول )
يعني عادي والله باجر يشلونا يقطعونا ويحطونا في كياس زباله جنه ناس ما نرزى ~,~
زين،، بعد نبا أبراج ومشاريع
كل يوم اجنبي يديد... وكله على حسابنا !
اليوم في الجامعه اسمع بالسالفه
ووحده من ربيعاتي ساكنه في زعبيل
اتقول البارحه حسيت بعمري عايشه في نيويورك
اتقول الفريج كله شرطه وجلاب وهلكبترات من فوق
وكان عندها تسجيل في تيلفونها شفته
والله زياغ
شو اللي قاعد يصير في بلادنا
الله يحفظنا يارب
شكرا اخوي المقاتل ع الموضوع
طبعاً لا شك بأن إلي حصل ماساة لنا نحن كشعب إماراتي وحتى للسكان في دولة الإمارات ،
ولكن هناك بعض الأسئلة وأود أن أجد لها أجوبه :
1) من أين حصل هؤلاء على الأسلحة؟ إن كانت من خارج الدولة فهل هذا يدل على إهمال موظفين الجمارك ؟
2) كيف تشكلت هذه الخليه وخططت وتشكلت ولم يكن لأي جهه أمنيه أدنى فكرة ؟
3) كيف يتم كسر بوابة المركز ولم يصل رجال الامن " علماً بأن هناك أنطمة أمنيه متصله بشكل مباشر بمراكز الشرطة " ؟
4) عندما كسر الباب لماذا لم يهرع رجال أمن المركز ؟
6) إذا هرب المسلحون إلى زعبيل ، فكلنا نعرف بأن زعبيل مقر الحكم واغلب أفراد الأسرة الحاكمة فيها إذاً أين كاميرات المراقبه وأين دوريات الأمن في زعبيل؟
7) هل نتوقع سرقات مشابه في المستقبل وهل ستتحول دبي إلى سان فرانسيسكو ؟
تحياتي
:look:
حسبي الله و نعم الوكيل