خذت ريلج!!منو السبب؟؟

السلام عليكم ورحمه الله وبركاته
اشحاااالكم؟؟
في موضوع حابه اني اتناقش فيه معاكم

هالسالفه صارت لوحده غاليه عندي وايد
اتقدم لها زوج ربيعتها
الكل مصدوم طبعا
بس فعلا صار هالشي مب من البنت اللي اعرفها
لا من ربيعتها
ربيعتها شو كانت اتسوي؟!
كانت اترمس ريلها عن البنت اللي انا اعرفها
وتمدح فيها واي شي اتسويه لازم اتخبر ريلها عنه
وكل طلعاتها معاها ويوم تعزمها
كذا مره صارت انها اتخلي ريلها بعد موجود عسب يشوف ربيعتها
يعني هي اللي يابت هالشي لعمرها
البنت كانت اتحاول انها ماتقبل عزايمها ولا تحرج عمرها لانها ماتقدر تقعد مع واحد ماتعرفه
المهم في يوم
طلب الزوج رقم اخو البنت اللي اعرفها من مرته
والحبيبه ماصدقت اتصلت بالبنت والفت قصه المهم خذت رقم اخوها وعطته ريلها
خذ الريال الرقم واتصل بأخو البنت وطلب ايدها
يا الاخو وسأل اخته عن الريال
والبنت مصدومه مب عارفه شو تقول والا شو تسوي؟!

لو كنتوا مكانها شو بتسوون؟؟
هل لو الريال زين واخلاقه زينه بتقبلون فيه؟؟
والا على طول وبدون نقاش بترفضونه؟؟
وليش؟؟
ولو كنتي انتي مرت الريال شو بيكون موقفج؟؟

واترك لكم حريه النقاش في الموضوع

اختكم.. بنوتة جميرا ..

هي لو مامدحت ربيعتها جدام ريلها بإمكانه يتزوج حتى لو حده ثانيه على سبيل المثال ..

لكن هذا سبب كذلك .. كثر الدق يفج اللحام .. من كثر ما ترمس عنها .. دخلت باله ..

هالشي غلط طبعا ... حتى لو اللي تمدحها كانت أختها .. بعد المفروض ماتمدحها ..

أنا أقول يمكن هي واااااااااااايد تعز ربيعتها وتحب زوجها ... يعني هالشخصين اعز الناس عندها

وأي شي يستوي تخبره .... لكن هذا ريااال مهما كان ...

حتى لو تميتي تمدحين وحده جدام أخوج ... وهو مب متزوج يمكن يتعلق بها ..

بإمكانها ترفضه وتبتعد شوي شوي عن ربيعتها ...

صح حلال يتزوجها ... لكن مب بـــ هالطريقة ...

واكيد مرة الريال بتنصدم .. وعادي تنتقم من واحد منهم ...

عيل شو رايج انت ؟؟؟ يو عرفتي الموضوع ؟؟

هي انا بعد سمعت نفس السالفه

وسمعت ان في حريم يرشحون حق رياييلهم حريم < ماعندهم سالفه

وين الأمان في هالدنيــا

وهذا هم الريايل ما فيهم خير
والمفروض منها تـاخذ حذرهـا ليش هيه مب عايشة في هالدنــيــا !!

امســات أبويه يـالس يخبرنيه هالســالفـه


محـد قـال لـها تمدح ريلـها

أنـا ريليه مابطري أي شي عـنه ، زين ولا شيــن !!

الـزمن ضعـيف

لي عوده للرد عليكم

بس حبيت اوضح لمهابه
هي ما كانت تمدح ريلها للبنت اللي اعرفها
هي كانت تمدح البنت جدام ريلها
عسب جي فكر انه ياخذها وحبها بعد

يقولج اصعب شي ع المرأه انه ريلها يقولها باخذ غيرج ولو كان يجذب عليها

يقولج مره واحد كان دوم يقول لحرمه بعرس عليج وبعرس عليج صدعتها

المهم مره حلم انه يا واحد وخذ حرمته تخبل الريال نش وهو متخبل يقول الحمد الله انه حلم
الحين الحرمه نفس الريال يعني تغار ع ريلها

والله الغلط من الحرمه ليش ترمس ريلها عن ربيعتها ...

والله ما اعرف شو اقول بس الله اييب الي فيه الخير نقول مبروك والا لا

طااااااعوا ..

وشو الغلط في ها الشيء ..
الاسلام حلل اربع .. يعني مافي شيء اذا الريال تقدم للبنت ..
اذا كان ذو اخلاق وادب .. وممكن انه يعيش البنت في سعادة وراحة ..
شو المشكلة ؟؟ ..

يالله انقول الف مبروووك .. ^__^

السلام عليكم ورحمة الله وبركاته ...

ماشاء الله عليج يا بنوتت جميرا موضوعج يفتت الصخر *_*

أنا أشوف أنه الغلط من الاول على الحرمه ما ادري كيف تتمدح بربيعتها جدام ريلها يعني انا لو مكانها حشا عليه ما بييب حتى طاريها انا يوم اخوي يغايضني بربيعاتي (طبعا ما يعرف الاسامي الا بسياراتهن يعني راعيه الرنج وراعيه التيما ) أتغصص واضاربه واخبر اميه عليه عيل وين ريلي حرام يا اني اذبحه ولا امدحها جدامه ...

تدرون في نظريه الاولين يطبقونها يوم اتعرس الوحده يفضل أنها ما ترابع البنيات واتكثر يلستها ويا الحريم تعرفون ليش ؟؟؟؟ عشان ما يصير الي صار رغم اني كنت ضد هالمبدأ واحسبه تخلف بس الحين اقول والنعم والله بهالمثل واطبقه كل شي ولا الريل حد يقرب صوبه :love:

انا لو مكان الحرمه بذبح ريلي عادي بكل برود اعصاب حلوه هاي ياخذ ربيعتي ما يبا عمره والا ناوي على عمره جان ما احرقهم ع الكوشه هم الاثنين

لو سمحتوا شباب ما يخصكم لا تردون ع تعليقي عن اطرش ينوني صوبكم

جن جن جنيوه

المزوحي
انا معاك في اللي قلته
وانا اول ما خبرتني بالسالفه تطلب رايي
في اول لحظه توقف تفكيري مب عارفه شو اقولها
لكن مع الوقت طلبت منها انها تبتعد شوي عن ربيعتها وماتظهر وياها شرات قبل
وطبعا ترفض الريال
اصلا امها من عرفت بالسالفه
قالت لها لو كان هذا اخر ريال ماتاخذينه حتى لو اتمين عانس
كيف تاخذين ريل الحرمه اللي دشت بيتنا ودشيتي بيتها
شو بيقولون عنا الناس
طبعا كلام الام صح
بس الريال للحين مصر يبا البنت وكل شهر تقريبا يرد يرمس اخوها انه يباها
وطبعا كل هذا صاير والحرمه ما تدري
بس قبل اسبوع تقريبا عرفت حرمته بالسالفه وقولوا شو كان موقفها؟؟
بخبركم بعد مارد ع باقي الردود

شكرا ع مشاركتك اخوي المزوحي

تحفه
هي ما رشحت
لكن هي بغباءها ماعرف بشو اوصفها الصراحه
المهم فتحت عيون ريلها ع ربيعتها
والريال اتعلق بالبنت وحبها والحين يباها اتكون حرمته

شكرا الغلا ع المشاركه

محد يستاهل
الغلطه مب غلطت الريال
الحرمه هي السبب

شكرا ع مشاركتج عزيزتي

البدوي
اكيد اصعب شي ع الحرمه انه ريلها ياخذ غيرها
ومنو ربيعتها
اكيد صعبه
وبتعرف هالشي من ردت فعل الحرمه

شكرا اخوي ع مشاركتك

الملهم
كلامك صح ان الاسلام حلل اربع
بس السالفه هي انها مب حلوة ع البنت تاخذ ريل ربيعتها
حتى لو ربيعتها هي السبب
يعني تستاهل
بس للحين مجتمعنا وهلنا يرفضون

شكرا ع المشاركه

الجنيه
شرات ماقلتي
هاي غلطت الحرمه
ولو نحن مكانها اكيد ما بنمدح ربيعاتنا جي
عسب مايصير اللي صار

وانج تذبحينه او تحرقينهم الاثنين ع الكوشه
ردت فعل طبيعيه من وحده غيوره اكيد جي بتقول..خخخ..
بس بالاصل لو هي كانت غيوره هل بتيلس تمدح ربيعتها جدام ريلها؟؟؟؟

شكرا ع مشاركتج غاليتي

ردت فعل الحرمه
بقولكم اياها بعد الكلاس والبريك
تراني قاعده ارد الحين وانا في الكلاس..خخخخخ..
خوش انتباه..خخخخخخ..
بس الحين بسوي stop وبنتبه لانه بيشرح شي مهم

لي عوده

بـنوته جميـرا:

كـل الطرق تـؤدي إلـى رومـا

فـالأخير النتيجه وحــده :)

مهابه
لا انا اشوفها تفرق
تفرق يوم الحرمه ترمس عن ريلها وربيعتها اتحط عينها عليه
يعني تسرق ريلها
اما في هالحاله
الحرمه الغلطانه
ترمس عن ربيعتها جدام ريلها وتمدحها

ربما كانت تلك المرأة في نظر البعض
ساذجة .. أو .. واثقة من طرفين مهمين في
حياتها ( زوجها + صديقتها )

و لكن الأكيد أن ذلك الزوج و تلك الصديقة
كانوا بعيدين كل البعد عن استحقاق تلك الثقة
أو حتى السذاجة :smile:

غريب ان تُتجه أصابع اللوم على من وثقت
و تختفي اضواء الذنوب من السارقة
التي لم تستحق ان تكون محل ثقة / سذاجة
و بعيدة كل البعد عن مسمى صديقة

.
.

الله يعطيك العافيه بنوتة جميرا

اتمنى
ليش اللوم ع الصديقه؟؟
هل هي المذنبه؟؟
لا ماظن
انا ماقاعده ادافع عنها لانها قريبه لي
لا بس هاي الحقيقه
منو اللي فتح عين الريال ع البنت؟؟
ليست هي الزوجه؟؟
السبب يرجع لها هي في الاخير

شكرا اتمنى ع المشاركه

بنوتة جميرا

مم عدت من جديد ياختي موضوعج يردني غصب ,,,

أنا اشوف انه الغلط مش من ربيعتج كونها مالها علاقه بالي قالته حرمة الريال يعني هي ما كانت حاطه في بالها هالشي بس بعد ما عرفت الموضوع يفضل انها تبتعد خير شر عن ربيعتها وتكتفي بالاتصالا لاغير ,,,

ياختي فيني فضول اشبعيه لو سمحتي ابي اعرف الحرمه شو كانت ردة فعلها ؟؟؟ اضني اتصلت وسبت ربيعتها سب وقالت لها سراقه الرياييل ...

كيفي غيوره ويدي ريلي وحلالي ما يحق لي اغار عليه ؟؟؟؟ :b015:

مرحبا ..

نفس هالسالفة صارت .. و انا سمعت عنها من ناس قراب ..

بس أهل البنت رفضوا .. مع ان حرمة الريال عرفت و انصدمت و عشان خاطر ريلها اتصلت ف البنت

و قالت لها خذي ريلي انا راضيه .. بس هي مب من خاطرها ..

و طبعا البنت اقتنعت .. و اخوها بعد اقتنع لأن الريال كان زين ..

لكن .. أهلها رفضوا بشدة ..

ف ما صار الموضوع ..


سوري .. ادري اني طولت ..

بس ما ادري يمكن سالفتج انتي غير ...




السموحه

انا ويا أختي الجنية و كلامها مليون بالامية اوكي!!!

الغلطة من الحرمة اصلا عيب تمدح بنت الناس و توصفها جدام اي ريال مب بس ريلها.. و لو انا مكانها ما بلوم ربيعتي بلوم نفسي و ريلي لانه فكر ياخذ علي لول!!!

سوري ما دخلت الصبح عسب ارد عليكم
لاني كنت تعباااانه
بس الحمدلله الحين احسن

الجنيه
راح اشبع فضولج وفضول باقي الاعضاء
وابغي منج رد يوم بتعرفين شو سوت؟؟

شكرا غاليتي مره ثانيه

جنون امراه
لا سالفتي انا غير
وشوفي ردت فعل الحرمه

شكرا الغلا ع المشاركه

ملانه
انا بعد وياكم
شكرا عزيزتي ع المشاركه

رديت عسب اتعرفون ردت فعل الحرمه

الحرمه لاحظت تغير ريلها عليها
بروحها يت عنده وقالت له
انا ادريبك تبا تعرس
وادري ان وحده ماتكفيك واكيد بتاخذ الثانيه
وانا اعرف هي منو
اكيد ربيعتي
وادري انك حبيتها بس حامض ع بوزك انك تاخذها
خذ اي وحده ثانيه بس هاي ماتاخذها
وبعد قالتها ابغي احرق قلبك
والريال تدرون شو قالها ؟؟
تراج مب قدي ولو عاندج بسوي اللي فراسي
ولو وصلت للطلاق
بطلقج بس باخذها
والبنت يوم درت بهذا كله ويوم درت بحقاره ربيعتها
الحين قاعده تقنع امها انها اتوافق
وانا تبون الصراحه وياها
والله يوفقها وياه ان شاء الله
ولو خذته وصارت من نصيبه تراكم اول ناس بتعرفون

شو رايكم في ردت فعلها؟؟
ولو كنتوا مكان البنت شو بتسوون؟؟

× × × × × غـــ لــــــــــــــــــــــــ ـــــــط × × × × ×

يعني الموضوع كله عناد ف عناد !!!

مافي تفكير منطقي ..

ترى هالريال شرات ما رخص حرمته بها الطريقة ..

باجر بيرخص الثانيه بنفس الطريقة .. و شرات ما هي رضت ع ربيعتها ..

خ ترضى يوم ريلها بيفكر ياخذ وحده ثانيه بنفس الطريقة اللي بياخذ فيها ((ربيعة الحرمة))

و اساسا هالانسان مزاجي .. يمشي ورا عواطفه بس !

ما فكر ف مشاعر حرمته .. يعني (أناني)
............. أنا مب ضد ان الريال يتزوج .. لأن هذا حقه في الاسلام ..

لكن أنا أعارض الطريقة!!!!!!!

جنون امراه
بالعكس مب عناد
لما الحرمه تكون بهالاسلوب
شو معنى رمستها بحرق قلبك
ليش يعني؟؟
هذا مب انسان
وهي يوم جي سوت درت ان ريلها بيتعلق في ربيعتها
بس اتمادت عسب يحبها ويخطبها
وع قولتها تحرق قلبه

شكرا مره ثانيه

بنوتة جميرا

هههههههههههههههههههه أشهد انه كيدهن عظيم حرمه والله كفو عليها

بس انا ضدج والله اي وحده ممكن تتصرف نفس تصرفها او اخس بس هي اشويه خانها ذكاءها المفروض ما كانت اتخليه يعرف انها على علم بنيته وكانت بطريقتها تقنع ربيعتها تبعد عن حياتها واعتقد البنت نفسها يوم اتعرف نية ريل ربيعتها بتعوف اتطب بيتهم مره ثانيه ...

اتمنى انه البنت ما اتوافق عليه من كل قلبي واذا حرمته قالت ابي احرق قلبك تراه هو بعد يحرق قلبها بمجرد انه يفكر يتزوج عليها الحرمه بشر حالها من حاله ولا اتحامين عن الرياييل تراني برتكب فيج جريمه

والريال صدق مب ريال عنبوه كيف هانت عليه حرمته عقب هالعشره ايي يتزوج عليها بسبه العناد ؟؟؟ مافيه عقل ويقولون شو الحريم ناقصات عقل ودين ,, مع اني اشوف انه الرياييل لا فيهم عقل ولا طشه منه (كيفي )

الجنيه
حرام عليج
ترتكبين فيه جريمه؟!
اصلا الحرمه تعرف ان ريلها يبا يتزوج
وهي عادي عندها
بس اونها بتحرق قلبه عسب ما ياخذ اللي يحبها
ردودج تعيبني
شكرا الغلا مره ثانيه

اقتباس:

---

المشاركة الأصلية كتبت بواسطة بنوتة جميرا

جنون امراه
بالعكس مب عناد
لما الحرمه تكون بهالاسلوب
شو معنى رمستها بحرق قلبك
ليش يعني؟؟
هذا مب انسان
وهي يوم جي سوت درت ان ريلها بيتعلق في ربيعتها
بس اتمادت عسب يحبها ويخطبها
وع قولتها تحرق قلبه

شكرا مره ثانيه

---

مرحبا ...

الحين الريال نسى كل شي .. و وقف ع كلمة ((بحرق قلبك))

و هي عادي قلبها يحترق !!!!!؟؟!!!!!

بعدين ردة فعل الحرمة طبيعيه !!

لأن هذا ريلها و يبى ياخذ ربيعتها ..

.. و بعدين يمكن هي ما خططت لها الشي ..

هي كانت عندها ثقة ف ريلها و ربيعتها ..

ما توقعت مثلا في يوم ان يصير اللي صار !!!

((ربيعتها))

لازم تقدّر مشاعر الحرمة .. اذا كانت ربيعتها بمعنى الصداقة الحقيقية !!!

و ما تـبـنـي سعادتها على تعاسة غيرها !!!...

اعتقد انهم فكروا من الجانب العاطفي .. فقط ..

و هذا أكبر غلط ..

والله يعين الحرمة .. كاسره خاطري !!!


السموحه ..

جنون امرأه
في البدايه كنت مثلج
وقلبي عورني ع الحرمه
بس طلعت وحده مب سهله
وتستاهل اللي ياها
لانه كلامها واسلوبها يقهر الواحد
دام انه بروحها قايله حق ريلها انا اعرف انك بتعرس
خذ اي وحده ثانيه بس البنت هاي لا
لانك اتحبها
هاي رمسه
هي تسويها سالفه عناد الريال بيعاند اكثر عنها
لاتقولون عني شريره والله اني طيبه..خخخخخ..

شكرا مره ثانيه جنون امراه