ذنــيــنــي ضــايــق و حــالــه مــعـتــل

السلام عليكم و رحمة الله و بركاته

يقولون انه ذنيني اليوم من الصبح متنرفز و انه هاليوم بالذات كله مشاكل,
من اصبحت و هاليوم فيه مشاكل و عقب الغداء مشاكل و عقب المغرب مشاكل حتى قبل شوي قبل ما ارجع البيت كنـّا نتناقش في موضوع المشاكل

يعني هاليوم كان مشاكل في مشاكل

بس مب هني المشكله و مب المشاكل الي مضايقتني و عافستني عفسه
الحمدلله من يوم انا صغير ابويه علمني كيف اوقف في ويه المشاكل الي تواجهني
لكن في شي ما تعلمته الين الحين و للأسف هالغلط كررته اكثر من مره
وهالشي هو اني ادخل الامور في بعض

و احياناً قهري و غيضي يطلع على شكل كلمات قد تكون في بعض الاحيان على شكل رصاص من حدتها
هذا الشي الي اليوم صارلي و حسيت اني جرحت انسان عزيز علي جدا جدا
مع انه هالشخص انصدم من كلامي لكنه ما زعل مني و كلمني بشكل عادي و كأنه ما صار شي من بينا
و بالعكس حاول انه يحتويني و يخفف من غيضي
لكن بيني و بين نفسي بعدني احس بتأنيب الضمير
و احس اني سمـّعت هالشخص كلام ما كان المفروض انه يسمعه منـّي :ohboy:

ما ادري اذا هالشخص انسان مشارك معنا او لا
ما ادري اذا يقرا كلامي هذا ولا لا
و ما ادري اذا حد بيوصله هالكلام ولا لا

مجرد كلام كان في خاطري و قلتله تفضل
و السموحه منكم

الله يفرج همـك ويخـفف عليـك يا نـاصـر
هـذا كـل اللي أقـدر أقـوله والسموحـه منك =(

السلام عليكم

وليش تتوقع إنه مشارك أو يقرأ الموضوع أو حد يوصل له هالكلام ! ماله داعي هالاختيارات

أسهل حل يا أخوي ...تتصل به الحين وتقوله هالكلام مباشره فيس تو فيس !

لأنه ما خرج من القلب سيستقر بالقلب :12: ( كل افاده لين ما تتأكد إنه ما حط بخاطره منك:tounge: )

وربي يدوم عليكم صداقتكم ويوفقك بحياتك

ما برد عليك هني .. لإني رديت عليك يوم كنت وياك قبل شوي ..

خلك كووول .. و كل شي بيمشي على طووول

لإنك ان اتنرفزت و خليت هالشي يسيطر عليك ما بتقدر تفكر كيف تتخلص من المشاكل .. و كيف تواجهها و تحلها ..

خلك كوول .. و دام هالشخص عارف اللي فيك صدقني واللي مار فيه صدقني بيعذرك ..

فكر في اجتماع باجر .. بهدوء و انت مبتسم .. مب بضيج و مدة بوز ^_^

و كلنا بنطلع من هالمشاكل ان شاء الله ..

قرموشة

تسلمين اختيه على دعوتج الطيبة

=========

حلم الطفولة

انا ادري انه هالشخص مب زعلان مني "يخسي يزعل, بدوسه في بطنه والله"
و الدليل على هالشي انه تفهم الموضوع من البداية و تم يسايرني بس عسب ما يصير زعل من بينا
و فوق هذا اعتذرت له و حتى قبل ساعه مكلمنه و كان عااااااااااااااااادي ولا جنه شي مستوي

بس الي صاير عندي هو شعور داخلي بتأنيب الضمير لأني قلت كلمات كان المفروض انها ما تطلع مني و كانت باسلوب ابدا مب حلو

الواحــد في لحظه غضب يقع كلام وهو مب حاس بعمره
وزين منه انه ما قالك شي ..
وهذا ان دل يدل على انه شخص يحبك .. :thumbup1:

فأفضل حل انك ادقله وتستمح منه
وتقول انك مب قاصد الكلام الى قلتله ايـاه

على الاقــل ما بتحس بتأنيب الضـمير ..

والله يبعد عنك المشـاكل ..

:

كلكلووش

الي نرفزني انه انا و "الفيلسوف" بنكون في ويه المدفع و كل شي بيكون في ويهنا و "فعلا" هالاجتماع بيكون "اعجوبه من عجائب الدنيا" بحضور ناس "فعلا" مسوين مشاكل لنا و "فعلا" الله يعينا عليهم و على مواجهتهم في الاجتماع



و "فعلا" اشكرك على مرورك
و "انا سعيد, سعيد لأني كنت وياكم قبل شوي"

اقتباس:

---

المشاركة الأصلية كتبت بواسطة ذنـيـنـي

انا ادري انه هالشخص مب زعلان مني "يخسي يزعل, بدوسه في بطنه والله"

---

احـلف انت بـس ! :fa46: الحـين هـا تأنيب الضمـير :fa46:
أسمـيك يا نــاصــر
الله يخـفف عليك هـ الشعور وييسـر أمـرك ورايي من راي حـلم ..
اذا كنت حـاس بهـ الشعـور عـليك تواجـهه .. وصدقني لا كـلامـي ولا كـلام غيري بينـفع
اذا الشخـص نفسـه ما خفف عنك اللي فيــك

وتصبحـون عـلى ألف خـير

وعليـكم السـلام والرحمـه

:a070:
الله يحفـظك ياخـوي
اامبونـه الإنسـان في لحـظـة الغضـب مايعـرف شـو يـقـول
يفقـد أعصـابـه فـيـتـفاعـل ومايـعرف بعمره شو قـال ؛ ألا بعـد مايهـدى ويفـكـر شو سـوا يوم كان معصـب ؟!!
||
فـ دق للإنسـان اللي غلـطت عليـه واستسـمـح منـه
وماشاءالله عليـه هو فـاهمنـك فـ ماقالك شـي بالعـكس حاول يهـديك بدل مايـزيد الطيـن بـله !
دقـله ووقـوله اللي بخـاطـرك ؛؛ صـدقنـي بتـرتـاح واايـد وايد
:image005:
||

الله يـصـلح ما بيـنـكم
ويوفقـكم ويحـفـظـكم مـن كـــل شــر
:fa35:

السلام عليكم..

ربيعك هذا.. صدق اقدر اسميه صديق !

الربع مب حزه الوناسه.. الصداقه تطلع وقت الازمات..

وماشاء الله .. امبين انه انسان متفهم..

صح.. الكلام يحز في الخاطر.. لكن انت تقدر بعد اتنسيه هاليوم و اتعوضه بمواقفك وياه..

عمر الربع الصدق ما يتخذون من المواقف الصعبه عذر للتخلي عن صداقاتهم..

..

الله يجمعكم على خير دايماً..
و اتعلم تضبط نفسك في المرات اليايه.. بس اتخيل لو حد قالك هالكلمه.. شو بيكون موقفك..!

اهم شيء انك اعترفت بخطأك وندمت عليه .. احلى شيء سويته ..
وثانيا الحق وكلمه واعتذر منه رسميا .. الاعمار بيد الله تعالى ..

ومثل ما قالوا وقت العصبية صعب ان الواحد يمسك نفسه ويمسك لسانه ..
وكل ابن ادم خطاء .. بس الخطأ الاعظم انك تستمر على الخطأ .. وها اللي انته تحاشيته ..

واحلفلك .. اذا اعتذرت منه رسميا صدقني بتحس براحة وبيروح الضيق منك .. لان صديقك اكيد بيقبل اعتذارك وبيفرح منك .. ودام انه فرح منك اكيد انته بتفرح .. والهم بيزيل ان شاء الله .. ^__^

الله يجمعكم على الخير .. امين ..

هههههههههه فعلا يا ناصر فـعـلا .. و ( صدقني .. صدققققققني ) المشكله ما تكمن هني .. المشكله ان كل شخص في " صراع داخلي مع نفسه " .. انا فعلا اكتشفت هالشي يا ناصر .. ( صدقني .. صدققققققني ) انت في " صراع داخلي مع نفسك " من اجل الاجتماع .. لكن صدقني كل شي بيعدي على خير بإذن الله تعالى .. و هذي كانت اقتراحاتي .. و اتمنى انكم تقبلون فيها > محد بيفهم شي طبعا غير نصووور خخخخخ

< ردك القبلاني دليل على ان الضيج راح عنك >

ياربي يهالاثنينه كله يتصاصرون جدامنا ( يالسه اتحرطم :h_negab: لول )

الحمدالله أنه ما زعل منك يا ناصـر
وأكــيد هو أوريدي عارف أنك ماتقصد - دليل أنه مازعل منك - لأن مثل ما قلت كنت متضايج ومتنرفز فـ ماتنلام :fa54:
إذا تبا تسوي كنترول حق هالشي ! دايما ً دايما ً حط نفسك مكان هالشخص
وجوف ردة فعلك ع اللي بتقوله كيف .. بجي يمكن تعرف اللي لازم تقوله وبأي طريقة :k_icon9: ؟


لكن حاليا ً
لا تيلس تفكر وتقول أنا ليش سويت جي ؟ وأنا ليش قلت جي
لأنـه بيشغلك وبيخرب عليك وايد أشيا .. أنت بس حاسب حق باجر ولا تيلس تفكر في شي
ستوى وخلـّص ( الحياه حلوه :icecream: )

انا ادري انه هالشخص مب زعلان مني "يخسي يزعل, بدوسه في بطنه والله" < ياعيييييييييني ع تأنيب الضمير ههههههههههه XP

والسموحــه

.
.
.

السلام عليكم ورحمه الله وبركاته...

أخوي ناصر...ما اعتقد ان ربيعك شل بخاطره عليك لأنه يعرفك ويعرف طيبة قلبك...واكيد هو عارف انها لحظة غضب وراحت لحالها فإذا انت وايد متضايق اتصل فيه واعتذر دايرت وترى في اعتقاد خاطىء انه اوقت مب كفيل بحذف المواقف البايخة من عقولنا...ساعات نعتقد انه نحنا بموق هدمنا كل شيء ودمرنا علاقة ما بس اي علاقة اساسها متين بتواجه كل المواقف الصعبه وبترد احسن عن قبل بس مسألة وقت...لا تضايج بروحك يا اخوي وتاكد انه ربيعكمب متضايق ان شاء الله..يالله اتصل فيه...ربي يحفظ لك صداقاتك .

السلام عليكم

دامك بدوسه ببطنه ...فالظاهر إنكم رجعتم سمن على العسل ( دووووم يارب)

وإن شاء الله تتوفق باجتماع اليوم ....وبشرنا بالنتايج وآخر المستجدات :thumbup1:

اخـويه ...الســـلام عليـــــك...
مع اشراقة كل صباح عليك أن تقرأ الحمد وتتعوذ من الشيطان...(مجربه)
(( لا تثقل يومك بهموم غدك،،فقد لا تجىء هموم غدك،،وتكون قد حرمت سرور يومك))
.......أخوي..اللي يحبك ويعزك يتحمل اي شي منك...لانك اتهمه ويغليك..ويحترم ظرفك وحالتك اللي انت فيها.. وانك ماتقصد الاساءه.وهذا مجرد ظرف طارىء..وبيعدي.
ولا شوه دور الصديق؟؟ بس مرافق في الفرح والدراسه و اللعبه؟؟
اللي يحبك ويغليك..قلبه أكبر واوسع من الدنيا وما فيها..والعلاقه اللي بينكم ساميه..مب مصالح ومؤقته....:12:
ولايحط بخاطره ..وسبحان الله الانسان مب معصوم عن الخلط....
انت ...الله يهديك ...لاتشل كل هذه الهموم ع راسك....ترا الدنيا حلوه وتفاؤل تجد الخير واليسر جدامك..
كلنا عندنا مشاكل ...وكل يوم ...كل دقيقه..تضغط علينا ...وتهزنا شويه ...بس مانخليها تهزمنا وتنتصر علينا..بالاراده والتحمل ..نقدر نسوي المستحيل...
وانشالله ...يرضى عنك...وينسى اللي صار...الواحد مايحط بخاطره..هي بس لحظات وننسى كل شي ... الله يحفظك اخوي ويسهل دربك....والله لا يفرق بينكم...:fa47: :12:

بسم الله الرحمن الرحيم ..

هلا خوي ناصر ..

تدري عاد هاي هي مزة الأخوه وحلاة الربع ! ..

هي والله انك تزعل وتزعل وبعدين تراضي وتتراضى ..

الله يفرج همك وكربك ويهل امرك ..

والعذره ياخوي ..

بشر ؟

اخويه ذنيني ..

كم هو رائع هذا الاحساس الذي بداخلك .. وكم هو رائع تأنيب الضمير الذي يعتصر قلبك .. لان ليس كل انسان يمكنه الاحساس بتأنيب الضمير ..

كلنا نواجه مشاكل في حياتنا .. والقليل منا باستطاعته الصمود طويلا ..
وكما قلت انت (( و احياناً قهري و غيضي يطلع على شكل كلمات قد تكون في بعض الاحيان على شكل رصاص من حدتها )) وهذا الامر طبيعي مقابل ما تواجه من مشاكل وعوائق وضغوطات نفسيه ..

وكم هو رائع بل اروع تلك العلاقه القويه التي تربطك بأصدقائك .. وكم تلك الصفه جميله التي يمتلكها صاحبك حين لم يعر لكماتك اي انتباه ولم يأخذها على محمل الجد .. لانه على يقين انك لم تقصد قوله وانه على يقين ايضا انك تمر بظروف اجبرتك على قولها ..

وهنا .. الآن ..

الاجمل مافي الامر .. ان تذهب اليه .. وتطلب السماح منه ..

والاجمل ان علاقتكم ستزداد قوة ..


نجمة دبي

يالله عاااد...بشرنااااااااا......
قاعدين نتريا.....
شورايك تبدأ انت تتصل به ؟؟؟؟
لا طولووون السالفه..

خيال الروح

والله زين منه انه تحمل الرمسه الي قلتها لأني متأكد 100% من اني لو قلتها لشخص ثاني جان زعل مني و فوق هذا مستحيل يرضى لأنه الرمسه الي قلتها فعلا جارحة

==============

دمعة شوق

اتصلتبه و راضيته و شرحتله الي صار و قالي انا اصلا كنت حاس فيك فـ سكـّت
و و و و الحمدلله الامور ردت شرات قبل و يمكن احسن

مرحبا أخوي الله لا يفرق بينكم...

هميــــــــــــــــــــــ تني
الله يعينك

عنبوووووو ماشي عزيمه.....
بسكوت حتى...عصير..اي شي!!!!

الحمدلله عدّى الموضوع على خير و علاقتي بهالشخص ردت شرات قبل و احسن بعد
على قولتهم سمن على عسل لول



اشكر كل شخص دخل موضوعي و نصحني و السموحه منكم ما اقدر ارد عليكم واحد واحد لأني خلاص نسيت السالفه و ما ابغي ارد اتذكرها


========

روضه

عزمتهم على عيش و همبا
بس يمكن ما كنتي موجوده