عرض للطباعة
فيني حمى وزجام وبلاعيم
ويربت اخذ بندول فلو وارقد ولا يفيد معاي خاصه الفليل رقادي يتقطع ....... اظطر اني اداوم اليوم الثاني ونا تعبانه ومب راقده غير ساعه :fa55:
والمشكله بندول نايت يخلي الواحد لمدة 24 متهايز وتكيسل وماحب هالشي ابدا :fa55: يحسسني بالكآبه
الموهيم
فالحين مخمخت قبل لا اخذ البندول
قلت بخلط
باكل حبه من نايت وحبه من فلو وبنشوف الناتج ............ بس اخاف انش ونا ديناصوره ولا كائن ثاني XP
شو رايكم؟
حد منكم يعرف شو لازم اسوي؟
يربت كل شي ما خلو شي ماعطوني
بصيح والله بصيح
وبليز محد يغير موقع الموضوع .. حطيته هني لاني اعرف الواحات الثانيه مهجوره
اجر وعافيه بوظبي
:fa41:
خذي لج شاور بااااااااااارد وطفي الـ A/C
و للبلاعيم
شفتي المسمار اللي يحطونه بالاكل
خذي لج منه 4 حبات و وتمي اهضمي الروس بس
سلامات الغاليه
احسن حل هو انج اتسيرين المستشفى ويضربونج ابره ..
خلال نص يوم بتشوفين عمرج مثل الحصان :)
لا تخلينهم يعطونج ادويه وحبوب .. ترى ماشي فايده
احسن شي الابره ..
ويعطيج العافيه ..
شكرررررررررررن والله يعافيكم يا رب
بس انا سرت كل المستشفيات
يربت كلشي
تخيلو محمومه من شهر >.<
مممممم
ضربوج ابره؟؟؟؟
انا بندول فلو نفعني بس بندول نايت يهد حيلي
تفركي بفكس وطفي المكيف...
ما تشوفين شر
انا بعد اقولج ما شي غير الابره ...
خذيتي مضاد عشان بلاعيمج ...
الله يعافيج ان شاء الله ...
حاسه فيج انا ظربني ايام البرد بتقريب كملت شهرين
مثل ماقالت مزن هتان المسمار وانا كنت اخذ حبتين بس
هيه حطي ملعقة صغيره كركم +زنجبيل وعسل واخلطيه وابلعيه او حطيه مع الحليب..
وفي شي ثاني اخذي قطعة بصل وحطيها مع كميت عسل وسكريها عدل خليها لمد24 ساعه
وبعدين طلعي قطعة البصل وكل يوم اخذيلج ملعقه او 2 من العسل
انا ماجربت هذي الطريقه بس اختيه يربتها
هيه اطلعي لاتمين في الحجره طول الوقت انا يوم كنت اطلع تخف بس من ارجع البيت يرجع التعب ..
وكنت اخذ اسبرين كان يخفف بس بعد فتره يابولي حبوب من تايلند بس صدق صدق من اخذهن وارقد
انش وانا مافيه شي ........شكلهن مثل البندول بس صفر بس للاسف ماعرف اسمهن
وعليج بالحلول انا ماافتكيت منها الا بعد ما شربت مرتين وبتقريب بينهم 3 اسابيع
الله يعافيج ويهون عليج واجر وعافيه ان شاء الله
بسم الله الرحمن الرحيم ..
هلا اختي بوظبي ..
نفس الحاله ههههه ! ..
عليك بـ المضاد الحيوي والزعتر والله يجعله سبب ..
اجر وعافيه ياختي وما تشوفين شر إن شاء الله :fa41: ..
بحفظ الرحمن ..
سلامات ماتشوفين شر خيتو تحفه
الله يعافيج .. انا اشوف دواء قم جلفار مايصلح عجيييه بحر اما الوارد يسوى شغل
سلامات أختي ما تشوفين شر
الغالية عليج بالعسل على الريق
و شرب شاي الزعتر و الزنجبيل على الصباح و المساء
اهم شي الفيكس ترى فايدته كثيرة جدا
ادهني منه بالليل الصدر و الوجه والرقبة و تغطي زين
راح تحسي الزكام خفت شوي
نصيحه ابعدي عن الادوية قدر ما تقدري
شوفي الطب الشعبي
أجر و عافية
ســؤاال مـــهم . .
هممم .. عاندي المرض *الحين بتصفع*
بس صدق
انا يوم أمرض .. أسوي عكس كل الى يقولولي أسويه..
كله أكل أيس كريم & كله اطلع وامشي وايد
بعدين المرض يخوز عني بسرعه.. *مجربه مليون مره* .. انا واختي الصغيره جي .. يوم نمرض ناكل ايس كريم ونسوي كل شي العكس .. بعدين يخوز عنا ..
أنا عن نفسي يوم أمرض ما استعمل ادويه،، ولا اروح العياده
و اذا راسي عورني آخذ حبتين بندول.. ومرات آخذ فيتامين سي الفوّار
اللي اسويه اني اودر السوالف البارده،،
أكثّر من السوالف الساخنه،، شوربه وجاي وحليب
ما اجابل المكيف مول لأنه يمرّض اكثر
احاول اني ما اطيح مكاني عشان ما اتعب.. اتحرك وايد عشان اتنشط
واذا زجمت ما ادق شي اسمه كلنكس،، لأنه يزيد الزجام
والحمد لله،، استوي زين بدون ادويه.. اما اذا موول تعبت وصدق طحت اضرب ابرة الحصان خخخ
وانصحج بالعسل واللومي.. عاد عسل اصلي مب مال جمعية
وما تشوفين شر ان شالله... زين المرض،، تخسرين ذنوب :k_harhar1:
الله يقومج بالسلامه :a070:
هيه والله صدقك اخوي
تخســر ذنــوب
ياحليلج والله.. ماتشوفين شر
بس لاتاخذين البندول العادي .. لانه ما يرقـــد لانه يحتوي على نسبة من الكافيين.. مثل ما البعض فاهمين انه البندول يرقد..
ما بنصحج باي شي غير الفيكس
مره يوم مرضت ماماتي حطت لي فيكس فصدري ورقبتي ورقدت من الصبح لين العصر
وقمت وانا بكل صحه وسلامه
كل حد يدش يكتب لج وصفه ههههه
شكرن حبايبي ما تقصرون
حمدلله الزجام خف بس الحمى ارتفعت زياده >.<
الشر ما اييكم
اجر وعافيه ياختي
طهور إن شاء الله
:smile:
يمكن حد حاسدنج @__@
اقري على عمرج
أجر و عافيه يا تحفه ،،
ما تشوفين شر يا تحفه
صابتج عين ما صلت عالنبي....
الله يعافيكم
لول على سالفة الحسد .. بس صدق اذا حاسديني بكرهم http://oasis.bindubai.com/bin/upload...1173624297.gif
:boxed: الله يعيـــــــنج على الحمّى ، أنا 4 أيـــام يتني وهلكت وما خازت عنّي إلا يوم تمّيت أقرا دعاء أبويه علّمني إيّـــاه
البندول أنا قــد ما أقدر أتجنّبــه لأن إذا خذته أكثر من مرة في اليوم تستوي لي حساسيه في الدم :mad:
فــ يوم أكون محمومه آخذ مسكّن اسمه "إنلفا" :yes:
صلّــي صلاة الفير في وقتها لا بتصيبج عيــن ولا ســحــر ولا شي من خريط هالأيــّــام ، والعين حـــق بس دايما حصني عمرج بالمعوّذات ...
مشكوره اليوم حمدلله صلت ع الوقت لاني مارقدت الين الصبح اصلا لول
ماخلوني اخذ بندول نايت http://oasis.bindubai.com/bin/upload...1173624297.gif $%$%^&^*)&$##@ اونه مب زين
أجر وعافيه ام خدود , ماتشوفين ان شاء الله :fa41:
.
.
المرض من الله والشفا بعد من الله
انا امرض وااشفى بدون ما اخذ ولاشي
حتى لو اتم شهرين متعذبه ~ عادي الحياه حلوه ~
.
.
لاي مرض عليج بـ العسل وايد مفيد , حتى ويع الاسنان
بس الحمى مادري بـ صراحه :shutup:
اذا محمومة اتسبحي فماي بااااااااارد وبتخوز عنج ^_^
السلام عليكم
تحفه انصحج انج اتزورين مجمع الموسى الطبي
وان شاء الله تتحسن صحتج و مأجوره و كفاره للذنوب ..
اقتباس:
المشاركة الأصلية كتبت بواسطة الدلووووعة
ما اتسبح بماي حار ..... أصلا مضر للبشره :9:
بس مشكوره
------
قلوب دبي : مشكور بنجربه ان شاء الله جان ما فافدت جلسات الادويه التقليديه الي يدوتي تسوي لي اياهم :fa56:
-----
مشكورين اخواني وخواتي :fa41: