عرض للطباعة
السلام عليكم
شباب والله دار راسي وانا ادور سياره دفشه بنظر البعض
السياره اللي ابيها هي الشفر بوكريل اللي فيه اربع تواير ف الخلف !
اليوم من الظهر وانا اترتر ف العوير وماشيء اثر لها او ان ع عيني غشاوه
:crazy:
ربي يسعدكم دورولي حد عنده نفس هالموتر وناوي يبيعه
يمكن ما عرفت افهمكم صح والعتب عليه والله تعبان حيل
بحفظ الله
السلام عليكم..
دوروووولها له يا جمــاعه..:fa51:
ما صدقنا يدخل هالانســـان.. :a074:
..
و حيالله معاذ .. ^_^
حبيت انوه بأن اللي يدخل ومايرد يبتعاقب !
كيفي عاد خقاق ويباله ضرب هههه
:fa46:
يلا ساعدوني عن اطير الغوازي
منوره يا ملح الواحات
:2:
هههههههههه...شوف معارض الشارجه عل وعسى تلقاها
شوف اليوسف موتورز
احيد عنده كمية للبيع بسعر رخيص يداد و مع الظمان
ربيعي ماخذ عنهم دبل تاير و دبل كبينه بـ اقل من 80 الف و المكينه 6.0 بعد
هيه صح
احيد واحد من ربعي يبغي يبيع جمس مب شفر، لكنه كبينه و نص و مب دبل تاير
لكنه مزود على الخفيف، عليه اقزوز كامل و انتيك و برمجة كمبيوتر بالاضافة الي بريكات رياضية
سلفرادو 3500
ان شاء الله اذا قدرت خلال هاليومين بمر المعارض و بشوفلك ( اذا ما نسيت خخخخخ )
بتحصله عند اليوسف.. واذا تبا مستعمل تراه مكوّد في المعارض
فيه مجله تحصلها في شيش البترول اسمها Auto Trader وبتحصل السياره للبيع في وايد معارض
مادري اذا هي شرات السياره اللي فبالي
بس اذا شراتها الصرااحة عجيبه وانا يوم اشوفها اقول طالعو الوحش خخخخ
( تراك قلت اللي يدخل ومايرد بيتعاقب جان ارد ^_^ خوافة خخ)
بسم الله الرحمن الرحيم
هلا اخواني
اشكر كل من حاول يساعدني
:fa41:
ذنيني
حاول تتواصل ويا الريال بو دبل تاير إذا يقدر يفيدني
يعني من وين شرى الموتر وهل هناك مواتر غيرهم او خلاص
:bye2:
وبخصوص ربيعك راعي الجمس
زين بتسوي إذا بتحطي سعره ولونه واشياء عنه يعني
شرجاوي
إذا الله كاتب ليه رزق ف هالموتر فبتكون انته سبب بعون الله
لاتبطي بارك الله فيك
:b050:
اسهر معي ليله
هي صح انا مايت ع بالي هالمجله !
بس اي معاض تقصد فيها هالموتر مكود ؟
:wow:
ف انتظاركم إن شاء الله
ألم ترى
أول شي الموضوع مكرر وموجود باسم بن الخطاب
http://oasis.bindubai.com/bin/showthread.php?t=34780
ثاني شي
اليوسف موتورز باعوا جميع الكميات الموجودة عندهم
وانا بدور لك إن شاء الله وإذا حصلت بخبرك
وايد معارض.. امسات اطالع المجله اشوف سيايير للبيع
والسياره موجوده في كذا معرض.. شوف المجلات مب خسران شي
وبعض المعارض اييبونها هيه والجمس ويا رنجات اكبر،، وسوبر جارج
ولو تحصل اللي باعهم اليوسف زين.. لأنهم رخاص.. بس اعتقد انهم مب فل اوبشن
لم ترى،، هذا اللي انته تدور عليه
http://www.chevrolet.com/i/pic/silve..._gallery04.jpg
بس لاحظت قبل فترة انه فيه ناس عندهم كبينه وحده بس دبل تاير،، شكله غريب و حلو :thumbup1: واللي شفتهم جماسي
::
::
شو رايك في الشكل اليديد؟؟،، اعتقد ما بينزلونه !
http://www.chevrolet.com/i/pic/silve..._gallery30.jpg
http://www.chevrolet.com/i/pic/silve..._gallery31.jpg
بسم الله الرحمن الرحيم
ألم ترى : صدقنك يبالك هزاب من الخاطر ... والله لو كنت قدامي جان صلخت اظهرك بالمطرق اللي عندي ...
عيل حاشرني حشره من أمس نزل موضوع ونزل موضوع ... ويوم إني نزلت اتي من وراي وتنزل موضوع ثاني ...؟
ما عليه ... إن ما حطيت صورتك في الواحات ما أكون ابن الخطاب
بسم الله الرحمن الرحيم
حصان طروادة
ما ادري وربي انه موضوع مكرر !
ف انتظار مساعدتك يا خي الكريم
:a014:
اسهر معي ليله
اف اف ع الصور الغاويه !
اسهر لا اتخبل فيني ع هالخبال اللي عندي
انزين حبوب انا اشتريت المجله اللي تخبرني عنها بس ما حصلت اللي ابيه !
وإذا انته شايف الموتر مكان عطني اسم او رقم المعرض بارك الله فيك
:9:
ف انتظارك شيخي
ابن الخطاب
يود هالبوسه اموووح وحقك عليه
يلا حلل راتبك ويا الجماعه
:a116:
بحفظ الرحمن
بسم الله الرحمن الرحيم ..
اسهر معي ليله ..
اتصدق رديت جيكت ع المجله جان احصل جمس بوكريل دبل تاير بس مبيوع بـ 170 تقريبآ ! ..
وشيء الحجم الصغير عاد ما اتصلت اسآل عليه ..
الله يجعلكم سبب ..
معــاذ
:fa56:
سألت صاحبنا عن موتره و قال لي مب للبيع
و موتره ديزل مب بترول .. و جااري البحث
و ان شاء الله نحصل لك واحد يعجبك
:m_atmasha:
الغالي معاذ
بتحصل الجماسي مكودات للبيع من عقب شهر اربعه
لأنه الشكل اليديد في شهر 4 بينزل و الناس متخبلين عليه
ابن الخطاااب
انا لوووووووووو بدالك بخليه يدور روووووووحه ههههههههههههههه نذله فديتني ,,,
الم ترى
تراااااااااااااااااااك لفيتليه راسي ,,,
في كل مكااااااااااان موضوع عن السيارة الي تباها ,,, لو لقيتها ما بخبرك بس غيااااااااض ,,,
الله يوفقك وتحصل الي تباه خخخخ
غريبه !
انا دورت في العدد الأخير وما لقيت غير شفر واحد بس الكريل العادي
و جمس كابينه وحده !
يمكن خلصن من السوق :k_harhar1: مر الوكاله واسأل يمكن
تقدر تطلب،، لأنه اليوسف عنده غير اللي باعوهم قبل..
اللي باعوهم بيض و مب فل ابشن.. يمكن يقدر اييبلك واحد فيه مواصفات ولونه حلو :thumbup1:
لأنه لو تدخل على موقع الشفرليه تحصل سلفرادو 2007 الشكل اليديد
وسلفرادوا كلاسيك 2007 اللي هوه الشكل الجديم.. يعني بعدهم ينزلونه
و شوف الجمس بعد.. حلو تراه
بتمل من الموتر بسرعه ... ماتفكر تغير
بسم الله الرحمن الرحيم ..
هلا اخوي اسهر معي ليله ..
عاد استوى المنكر اللحين :shutup: ! ..
الجمس غاوي لكن الشفر مخصر وشكله احلى بستثناء المقدمه ..
يلا ما علينا وتشكر حبوب :fa41: ..
هلا اخوي المزوحي ..
هلا ما بمل منه لئنه نحن من سكان رأس الخيمة هههه :fa56: ..
الشوارع ارف ومايباله غير وحش شرات هالوحش ! ..
يمكن اخذ موستنغ 2006 إذا ماحصلت اللي ابيه :a116: ..
بحفظ الرحمن ..
اقتباس:
المشاركة الأصلية كتبت بواسطة المزوحي
بالعكس اذا تعودت عليها ما بتفكر تغيرها
لأنه السيارة بتنفعك في تحميل الاغراض و تنفع كـ سيارة استخدام
و في نفس الوقت كشخه و "كوول"
اذا زودتها شوي بتطييييييييير
يعني ما في مجال انك تمل منها، بس اهم شي انته و قناعاتك :thumbup1:
اقتباس:
المشاركة الأصلية كتبت بواسطة ذنـيـنـي
هلا بو نصره
شهر اربع امممم شكلي بنتحر ههههه
:fa56:
ياخوك إذا ماحصلت بجلب ع الموستنغ
تشكر ع التواجد والمساعده شيخي
لاااااااااااااااااا
كله ولا الموستينغ
انزين مب لازم بو دبل تاير
خذلك بو كبينه و نص العادي
عملي اكثر و بينفعك حق البر و جي
ليـــش عاد :crazy:
ما تفرق وياي الكبينه واهم شيء عندي دبل تاير
انزييين دورلي واحد رخيص هههه
اقتباس:
المشاركة الأصلية كتبت بواسطة صريح
هلا صروحكا
انزين شيخي ما رديت لنا خبر بارك الله فيك !
ع الأقل طرش لي مسج قولي ارقد بدال ما اترياك هههه
:fa56:
ع العموم اللحين الديزل تمام ولا شو سالفته ؟
اللي اعرفه بأن الفيول بم غالي بـ 12 ألف وهاي علته صح ؟
ف الأنتظار
اقتباس:
المشاركة الأصلية كتبت بواسطة العيناويه
هلا بـ طويلة العمر
انزين عاد هالمواضيع المنتشهر تدل ع الضروره ولين اللحين ما نها فايده !
افا اختي ليش عاد ما بتخبريني ؟
:mad:
خلاص ما بنكلف عليكم خبروا ابن الخطاب بدالي هههه
شكرآ ع التواجد
معــاذ
الريال موول ما يدش المسن و تلفونه في امريكا دووم مغلق
عيزت و انا اتصل به كله مغلق
سألت كم واحد من اللي عندهم الجمس عن مكينه الديزل محد عنه فكره
و كلهم ماخذين مواترهم فوق الـ 120 الف ... اللي تييك جاهزه و معدله ويا السوبر من امريكا
و محد يبا يبيع موتره ... لا تحتشر عليه الحيين انا ما يخصني :fa56:
خلاص عيل توكل وإن شاء الله تحصل السيارة الزينه
الحمدلله حصلنا اللي نبيه
والشكر موصول لكل من ساعدني سواء ف الواحات او خارجها!
:fa56:
شفروليه ابيض كبينتين ونص ومخصر ودبل تاير بـ 85 ألف
طبعآ عليه تواير عراض قيمتهم بـ 3500 تقريبآ ورنجات كروم بـ 4000 تقريبآ
يعني الموتر معدل ع الخفيف !
واللي عليه اني اركب اقزوزات حق الصوت وشوي حلويات لـ اعضاء الواحات واهلها الطيبين
:fa41:
باجر بعون الله بشتريه والله يتمم البيعه ع خير قولوا امين
ومتى سفير بيركب معاك وهو لابس نظارتة الشمسيه :cool:اقتباس:
باجر بعون الله بشتريه والله يتمم البيعه ع خير قولوا امين
بالبركه علييك عزيزي والله يعطيك خيرها ويكفيك شرها :smile:
والله استانست لك
كيف تبي تركب وانته بعدك ما امنت !
وانا مستانس لمعرفت واحد شرواك
:fa41:
كل الود
مبروك اخويه الم ترا ^_^
يله يوم بتخلص من المرور ومادري شو ها اللي تسونها يوم تشترون سياره يديده
المهم ودنا حوطنا فيها وردنا الوحات مره ثانيه ^_^
اللي يبا اي من الحينه يحجر مكان ^_^
بالبركه اخوي.. اهم شي الصور نبا نشووفها
بالبركه يا معـاذ
شووف اول ما تيبه اتصل بي
15 دقيقه بالكثير و انا بكون جدام المنــار اتريااك
:fa56:
مبرووووووووووك
من الغلطان اللي بيلف علييييك الحين
اقتباس:
المشاركة الأصلية كتبت بواسطة الدلووووعة
الله يبارك بحياتج ياختي
إن شاء الله يوم الأحد يسجل الموتر بأسمي وبعطي الريال باجي الفلوس
لا لا بنات ممنوع !
:fa56:
شكرآ ع التواصل
اقتباس:
المشاركة الأصلية كتبت بواسطة إسهر معي ليله
هلا بالغلا
تامر امر انت
:thumbup1:
وإن شاء الله بصوره وبطرش الصور لـ سفير او ابن الخطاب وهم اللي بيحطونهم
ادري إني بوهقهم وياي بس يتحملوني شوي ولا اكنسل مواترهم ههههه
:a116:
شاكر لك تواصل ياخوي