شوفوا شو يطلبون من الكفيل !!

قبل اسبوع وحدة من الشغالات الي عدنا في البيت سوت فلم فلبيني وقالت ان ابوها توفى وتبغي تسير بلادها اسبوع وترد ،،
معزبتها قطعت لها تذكرة سيرة وردة ، بعد ما سافرت يت وحده ثانية من الشغالات وقالت ترا هاي تقص عليكم وهي ابوها لا ميت ولا شي ، هي بس تبغي تسافر وقالت بسوي هالحركة عشان يعطوني تذكرة وهي بعدها ما كملت سنة :boxed: وكانت امبيته النيه اذا الخطة ما نجحت انها تشرد !!

((الظاهر سمعت عن القانون اليديد تبع رواتب الفلبينيات ))

معزبتها قالت ماشي الا ايب وحده ثانية ،، سارت مكتب للخدم وطلبت فلبينية تخيلوا يوم عطوها شروط العقد اليديد شو طالبين فيه :

• قياس البيت بالمتر المكعب :m_afaker:
• وصف تفصيلي للوظيفة التي ستقوم بها الخادمة:k_shock_1:
• شهادة تفصيل راتب :b015:
• عدد الغرف في المنزل :shocked:
• عدد افراد الاسرة :crosseyed:
• شهادة حسن سير وسلوك من الشرطة تفيد بعدم وجود ملف لك لديهم !!!:shutup: (بدون تعليق)

هذه الي اتذكره وهي تخبرني السالفة البارحة طبعا غير بعض الشروط الاساسيه مثل الدوام ثمان ساعات فقط ((يعني لو بدت الساعة سبع الصبح تشتغل الساعة ثلاث الظهر هي مخلصة وكيفها شو تبا تسوي تسوي )) ومن الشروط بعد ان جوازها يكون في ايدها (اترك التعليق لكم ) :h_negab:

الي يقهر في السالفه هو موافقة وزارةالعمل والعمال على هذه الشروط الغريبة ، والله محد وقف لهم غير حكومة السعودية الي قالت اذا استمريتوا بشروطكم هاي لن نقوم باستقبال أي عمالة من الفلبين ، ونحن الحمد لله والشكر المويه تودينا واتيبنا ...

ما اعرف لين متى بتم قرارتهم تصب ضد مصلحة المواطن :fa39:

مرحبا اختي الاستقراطيه

اوكي حفظة حقوق الخدم بس حقوق الكفيل محد حفظها

انا في رايي الشخصي لو يسون شركه وهي المسؤوله عن الخدم يعني الخادمه اتي تشتغل الصبح وتروح الفليل وترد باجر الصبح .. واذا شردت او شي ع الشركه ... تصدقين ان الواحد يوم يبا يسير يختار بشكاره يقولوله تعرف تطبخ وما اعرف شو وخبره يوم اتيي ما تعرف شي نيلس نعلمها من يديد بس المشكله ان الي عندها خبره تدفع لها اكثر ...

لا تنسون ان في عوايل ما تعاملهم ابدا معامله انسانيه .. فهذا يحفظ لهم حقوقهم . .

ولا تزيغون دامنكم واثقين انكم تعاملونهم عدل

---

وبالنسبه لاصدار مثل هاذي الرساله .. احب انوه ان امريكا الحين تخاف من تطور بلادنا فتحاول بشتى الطرق ابرازنا بابشع صوره .. وهالرساله احسن شي استوى عشان يثبت لهم ان المجتمعات الاسلاميه مجتمعات انسانيه .. وهالشي شي عادي عندنا فبليز كونو كول وطبقو هالسوالف

خاطري اعرف بلادنا لوين ناويه توصل باللي قاعده اتسوويه
شو هالمسؤولين اللي عندنا؟؟؟
يفكرون بكل شي يريح الوافدين والخدم
اما راحه المواطن ما يفكرون فيها ولا اتي ع بالهم اصلا

المواطن اييب خدامه ويصرف عليها عند الصحه والهجره وغيره
اخر شي جوازها يكون بايدها عسب تشرد وقت ما تبا
انزين في هالحاله منو بيرد ع المواطن هالمصاريف كلها
والله حاله يتحرون المواطن يالس ع بنك ويغرف من البحر
ويمكن بعد حاطين في بالهم ان في بيت كل مواطن بير بترول
شو هالحاله؟؟؟
نبغي حد يفكر في حقوق المواطن اللي ضايعه في بلاده
الله المستعان

ويعطيج العافيه اختي ع الموضوع

اختكم.. بنوتة جميرا ..

استاذي الفاضل البدوي ،،

علييييييييك نور منو بيحفظ حقوووق الكفيل ،، بتشرد وبتسوي الي تبغيه واخر شي يوم تبغي تسافر بيتصلون بك الشرطه هات قيمة تذكرتها ،،

وبخصوص الشركات الخدم ، ترا المكاتب ما تضمنهم غير ثلاث شهور بس، ولو سوو مثل هاي الشركة الي طريتها يعلمنوهم في بلادهم اذا ما عيبكم الوضع سيرووو السفارة ، وهناك بيبدأ مسلسل طاش ما طاااش ،،

وحدة من ربيعاتي يابت خدامة تمت عندها شهرين وبعدين شردت،، والله انها كانت اتعاملها بالحسنى بس قالت لها ما اباج ادخلين رياييل عندي في البيت، اذا في بلادكم مسموح نحن لا،، ما جذبت خبر ثاني يوم شاكحه من الدريشه وشارده، بعدها بيوم اتصلوا بها مخفر الشرطه تعالي ويوم ساروا الا السفارة مقدمه عليهم شكوى اونه الخدامه تتهمهم بضربها وما عطوها راتب ، والمطلوب منها تدفع راتب سنتين مقدم مع تذكرة سفر عشان ترجعها بلادها معززة مكرمة !!!

وترا كل الخدامات الي ايوووون في السيره الذاتيه يكتبن انهن يعرفن كل شي ، واول ما توصل بتلووص عليك وبتجذب واونها بس في البيت الجديم الي كانت تشتغل به بس كانت اتيود الصغاريه !!

تسلم على التواصل :k_smile2:

عزيزتي بوظبي ،،

ما انكر انه في ناس استعبدو الخدم وفعلاً ما يعاملونهم معاملةانسانية ابداً، لكن ما نقدرر انعمم على الكل ،، لانه في ناس من ناحية ثانية يعاملون خدمهم كانهم من افراد المنزل ، مو مخلين عليهم قاصر
الحين المشكله انه هالقانون للحين بس للعمالة الفلبينية ، ويوم باقي الدول الي نستورد منها العمالة الوافدة بيشوفون موافقتنا على هالتصرف فبيسون هم نفس الشي ، وان غداً لناظره لقريب ،،

اشكرج على التواصل

بنوتة جميرا،،

نحن الحين وجوزاتهم بيدنا مسوين لنا مشااااكل ، عيل باجر لو عطيناهم جوازهم بيدهم ((مثل ما ينص القانون اليديد )) بدوور لج ويا الف رغيد ولوووث وبتي اخر الليل اتبات عندج في البيت ، هاااي كيف اتأمنينها !!

اشكر لج مرورج الغاليه وتسلمين على التواصل ،،

السلام عليكم :
لا تنزعجون من هذا القرار أتعرفون ليش ؟!
لأن إذا شافوا الناس ماتقبل أبداً على هذي العمالة بتكثر البطالة في بلادهم و بيسحبونه هذا القرار أو يلقون بعض بنوده مثل ارتفاع المعاش أو عدد ساعات العمل ..
يعني الخدامة يايبينها تشتغل في خدمة الكفيل طول الوقت و لا بس 8 ساعات عيل حق شوه أييبونها يشتغلون روحهم في البيت و يوفرون المعاش حقهم بيسوبه شي يستفيدون من وراه :8:

اميرة الود،،

عيل تخيلي لو باقي الجنسيات سوت مثلهم ،، يعني الاندونوسيات والهنديات والبنجاليات والاثيبويات قالو اشمعنى هم بس ،، نحن بعد نبا ،، شو بيصير ،،

ماشي الا نسوي روبوتات تخدمنا @_@

وتسلمين الغاليه على التواصل

:mad:

سمعت انه بعد من حق البشكاره الفلبينيه انها تاخذ اجازه يوم فالاسبوع

شرات الدريوليه يعني تسير وين تبى :fa55: .. "بس مادري إذا هالخبر أكيد"

.
.

لا تيبون فلبينيات

إذا شافوا الطلب عليهن قل.. أكيد أنهم بيردون كل شي شرات قبل

..

لا للفلبينياااااااات


المشكله طال عمركم.. مب خدم وبــس.. في نااس اييبون هالفلبينيات عسب يمشون محلاتهم.. مثل.. شيشه.. كوفي.. نت كافيه..

اما لو حطاا هندي محد بييه..

وصدقوني انه الفلبينيات اوصخ ما خلق ربـــي:fa55: الا 1% منهم يعرفون معنى النظافه..

والله يستــر من القرارات الي توافق عليها الدوله وهي مغمضه عيونهــا:shutup:

اخاف بالمستقبل يستوي العكس.. نحن نروح نشتغل عندهم:3: جان اتخيل:hysterical:

انا ما عندي مشكلة.. بس بشترط عليها انه اتدور مكان ترقد و تاكل و تيلس فيه!!! و تنسى انه نعطيها موبايل و تشوف التلفزيون و تغسل ثيابها في البيت!!!!

عيل اييبها عشان تشتغل بهالشروط!!! مب مكلفة انا!!!! باجر بتقولي ياللا بروح خلص دوامي و مواعدة بشكارة الجيران نتلاقى في السينما!!!!!


الحين ماعندي بشكارة و ان شاءالله عقب ما اربي بييب اللي ايوون بارت تايم..

وحي القلم ،،

لا ويقولون بعد انه لازم اتوفرون للخادمة هاتف شخصي حتى يتسنى للسفارة تتصل بها في اي وقت عشان تطمن ان اهل البيت يعاملونها عدل ،،
((بلا تعليق))

شكرا على التواصل :k_smile2:

خيال الحب ،،

اذا وزارةالعمل خذت بمبدأ ولا الضالين ،،امين
مو بعيده نحن نشتغل عندهم (( الله لا يقول))
وتسلم على المرور

ملانه،،

ربي يعينج ،، بس حتى البارت تايم ما منهم امان لازم تكونين واقفه على راسهم وهم يشتغلون ترا ايدهم وايد خفيفه والله يقومج بالسلامه

آمين فديتج ^_^

و معاج حق حبوبة ..بس اييوني متى ما ابا و أوقف على راسهم و لا اييبلي علة ع قلبي!!!

انتوا وين والدنيا وين...

بشاكيرنا الفلبينيات تطورا... الحين اشترولهم من الصكوك الوطنيه... واذا وحده منهن فازت بالملييون شكلنا راعيي البيت بنشتغل عند البشكاره..

بكل بساطه.. القوانين هني مقلوبه... واحسن شي نسويه هو ان نقلب نفسنا عسب نسايرها!!

يعني شوو البشكارات بيتوقفن عند الفلبينيات ؟؟ برايهم هم الخسرانين ويا هالشروط المعقده .. خذولكم هندية احسنلكم صح انهم وصخين شووي بس مع الايام يتعلمون :k_shock_1: .. انا ماتفرق عندي جنسية البشكاره لانه كله حظ ..

سبانش مان والله ضحكتني صكوك وطنية مره وحده ، ما عندهم بيت في النخلة او المرسى بصراحة بشاكيركم خطيريين ،،
تتوقع لو قلبنا نفسنا ويا الدنيا كيف بتصير حياتنا !!
((الله يرحمك يا بوي زاايد ويجعل قبرك روضة من رياض الجنة ))

ملانة،،
قبل فترة بشكارتي الاندنوسية سوت مشاكل وطيرتها بلادها ، وتميت بلا بشكارة تقريبا شهر ،، بصراحة راحه باااال ،، وتكونين على راحتج في كل شي ،،
والبارت تايم يبالهم عيون صقر وعساج على القوة

طيف السحاب ،،
المشكله في الي وافق على هالقانون،، لي متى هم بيقولون ولا الضالين ونحن ووراهن امين ،، باجر هالجنسيات الثانية بيقولون اشمعنى هم ونحن لا خلنا نسوي مثلهم ،، ذييك الساعة شو بيصير ؟
ومشكور عزيزتي على التواصل

نحن مب بس وحده نحن عندنا 5 ينطحن بعض ! خيبه يقولون رواتبهم بيكون 1500 * 5 = 7500 + دريولين 1300 * 2 = 2600

7500+ 2600= 10100 شهريا اما سنوياً بيكون 121100 خيبه !! هذيلا بروحهم يبالهم ميزانيه

بدون العمال اللي في المزارع و بدون اللي فالاسطبلات و بدون وبدون

كل هااااااااااا

الله يعين

بنت ناس .. شو هذا بيتكم كله فليبينيات فيه؟؟ ملجئ للفلبينيات ولا شو

خخخخخخخخخخخخ
نحن الوالده من زمااااااااااااااااااان مقاطعة الفلبينيات ^^
واللسنه محطيه فبالها تبا تيب فلبينه بس سبحان الله
من درت بالقرار قالت برايهم بتم عالاندنوسيه احسن خخخخخخخ

بنت ناس وعرب ،،
اظني انتو الي مطمعين حكومة الفلبين فينا :fa56: رواتب الي عندكم بروحهم مع القرار اليديد بتسوي لهم شيء وشويات

انا اقول بعد ليش سافرنا الفلبين هالسنه خخخ

شونسوي والله هالدنيا

اللي سمعته إنه هالرواتب بتكون حق الفلبينيّات اللي في الشركات والمعامل ومادري ويــــن يعني مب البشاكير ، وأمسات قوم عمّوتي يايبين فلبينيه بس عادي ما طروا لهم شي عن هالقرار

بس لو طبّقوا هالقرار على البشاكير يا ويــــل بشكارتنا "بخليها تكوي كــــــــل اللي في كبتي كل يوم":k_harhar1: وبخلّيها تنظف السطح كل يوم ، وكل يوم بعزم حد عنده يهال عشان يحشرون البقعه ويخيسونها===> مجرمه

لوووووووووول والله بشكارتنا مرتاحه ما تعرف غير الكواي والغسال والتنظيف(طبعا هذا كلّه تخلصه الصبح) وما تطبخ غير الغدا وأميه على راسها ومرّاااااااااات العشا :fa55: وترقــــد أكثــــــــــر عــنّـــــــــي وتنش الساعه7:boxed: =====> يعني حرام راتبها 1500:h_qor9anah: ...

قصايد غلا،،

هههههههههه طلعتي خطيره ،، السطح بتخمه بعد ،،
بس في القانون اليديد بيكون لها وقت محدد ،، يعني تخيلي لو بدت الساعه سبع الصبح شلغها الساعة ثلاث الظهر خلاص تقعد وترتاح وما لج حق تقولين لي تسوي شي ،،

تابعوا جريدة الاتحاد ((عدد اليوم ))الصفحة السادسة شو كاتبين وبقرار من سيف بن زايد

أنا فاكه روحي من الصدعه لا بشاكير ولا صدعه رأس...

يوم مالي خاطر اطبخ المطاعم ما تقول شيء

يوم ما أروم أكوي الدوبي ما يقول شيء

هي مسألة تعود نحن كم بنتم محتاجين للخدم.؟

طير الحب ،،
اتمنى اسوي مثلج ، جربتها شهر تقريباً بس المشكلة ولدي الصبح وين اخليه يوم اسر الدوام؟