رد: امــوفر والا امــفلس !!!
جميل موضوعكِ ..
للاسف انا ما عندي مصروف ..
بس اذا كنت محتاج اطلب من اخواني وهم يعطوني ..
يعني محد يعطيني اول الشهر ولا نص الشهر ولا اخر الشهر ..
عند الطلب احصل ..
ودي يكون عندي مصروف اول الشهر ..
بس ان مش من طبعي اني اصرف .. احب اوفر لشيء اكبر ..
يعني تقريبا على حسب كلام الناس .. 50% زطي .. ^__^
الف شكر على الموضوع ..
ومثل ما قلتي بنتعلم توفير المصروف من الاعضاء ..
ومنكم نستفيد .. ^__^
رد: امــوفر والا امــفلس !!!
جد شفت نفسك امفلس من اول الشهر او نصف الشهر .. لدرجة انك فكرت انك تتسلف من امك او ابوك ؟؟؟ (( لا اتقولون انكم ما تتسلفون )) ما بصدق !!!
اممم هي -- البنك ما يقول لا اتقوله تبا عشره يقولك ليش تاخذ عشره خذ عشرين
-اذا كنت انسان اتحب اتوفر :- شو هي الاسباب اللي اتخليك اتوفر ..؟؟
يا ريت بس ما تحس بجيمة الفلوس الا لما تشوفهم ماشي
-ولو ما اتوفر ..؟؟ شو اللي ايخليك اتفلس ابسرعه ؟؟
مصاريف وايد
-هل واجهتك ..ايام ..شفت عمرك متأزم ماديا ؟؟ (( شو هي الايام )) ؟؟
ايام ؟؟؟؟؟ احتفظ بها لنفسي بس انحلت
- شو هي الطريقه اللي تتخذها ؟؟ في تنظيم مصروفك الشهري؟؟
اي شي احتاجه اشتريه ولا بخاطري وبس ويوم يخلص تراه خلص وادبرها
تسلمين الشوق
رد: امــوفر والا امــفلس !!!
الســـلام عليـــكم..
حيالله الشــــــــــوق ^_^
والله موضوعج موضوع مهم و يخرخش في جيوبنا..! :14:
الله يسلمج.. شوق القلوب تستلم مصروف من ابــوها.. و لكــــــــــــن.. بعد يومين اتلاقيني امفلسه :4: .. و السبب اني اصرف و امدلعه عمري ع الاخر.. ع قولتهم جنه المعاش اللي عندي معاش شغل !! و عادي الشهر كله انا في حاله اكتئاب و السبب الجيب الفاضي.. و مرات الله يفتحها علي و انحصل همـــجااااات مني و منااااك.. :icecream: .. دوم يقولولي " وَفِي السَّمَاء رِزْقُكُمْ وَمَا تُوعَدُونَ (22) "
و الحمد الله .. امي ما اهون عليها يوم اتكون الحاله كسيفه.. بس احاول كثر ما اقدر اني اتحمل مصاريفي بروحي.. :fa51:
.
.
طبعاً موضوع التوفيـــر.. شي ملغاي في حياتي..! دومه الرصيد واقف ع الـ 50 :4: ولو كنت اروم اسحبها.. جاااان سحبتها بعد :whistling:
.
.
اوه ما جاوبنا ع الاسئله ..
اذا كنت انسان اتحب اتوفر :- شو هي الاسباب اللي اتخليك اتوفر ..؟؟ :fa42:
مااا اوفر أصلا... :fa51:
-ولو ما اتوفر ..؟؟ شو اللي ايخليك اتفلس ابسرعه ؟؟ :look:
أكثر شي يفلسني فواتير التلفون و طلعات السوق :fa35:
-هل واجهتك ..ايام ..شفت عمرك متأزم ماديا ؟؟ :a116: (( شو هي الايام )) ؟؟
كـــــل يوم :14:
- شو هي الطريقه اللي تتخذها ؟؟ في تنظيم مصروفك الشهري؟؟
أول ما استلم المصروف احاول اني ادفع كل اللي علي.. و الباجي يتم للعبان .. :doh:
رد: امــوفر والا امــفلس !!!
.
.
الســــــــــــلام عليــكم
( إصرف مافي الجيب ، يأتيك مافي الغيــب)
دوم هالمثــل على لســـاني
بس والله مايوََََكـل عيش على قولتهم (مادري منو هم:icecream: )
.
.
-اذا كنت انسان اتحب اتوفر :- شو هي الاسباب اللي اتخليك اتوفر ..؟؟
اممم اذا فـ بالي مشرووع شي يعني ابغي اشتري شي ابدا بالتوفير يوم أعرف إنه
محد بيشتري لي بس قمت اتبع سيــاسه يديده واحصــل كل شي بالســـاهل لدرجه إني استويت بطراانه :4:
.
-ولو ما اتوفر ..؟؟ شو اللي ايخليك اتفلس ابسرعه ؟؟
اممممم اول شي التلفوون ، الجامعه ومتطلبااتها من كل النوااحي ( اللي ماتخلص )
.
-هل واجهتك ..ايام ..شفت عمرك متأزم ماديا ؟؟ (( شو هي الايام )) ؟؟
يووووووه الله لايعيدها من ايــــــــام
بس مخاوين شمــا مايقصروون
الله يطول بعمــار الشبيبه اللي فالبيت ، اتمسكن عليهم عشان احصل هبّـات ريح
.
- شو هي الطريقه اللي تتخذها ؟؟ في تنظيم مصروفك الشهري
للأسف ماعندي ولا طريقه
.
رد: امــوفر والا امــفلس !!!
السلام عليكم
الشوق إنتي بصراحه يالسه تضربين عالوتر الحساس وخصوصا إني الحين امفلسه رسميا:thumbup1:
بحياتي ما خذت مصروف بأول شهر ولا بآخر شهر ....يمكن لأني ما كنت أحس بمعنى البيزات أصلا! يعني أشتري وغيري يدفع لين وصلت للجامعه وصار لي مصروف أسبوعي بزياده مستمره...
( ربي يطول بعمرهم ويدفعولي دوووم):a050:
بس من اشتغلت ..........حدث ولا حرج ! البيزات حالفه يمين ما تيلس بالبنك ! وأحيانا ! أقصد دائما آخذ من الوالده بدون سلفيات .... ما عدنا سالفة سلفيات( عقولة إخواني الأعزاء) :k_smile2:
يمكن أحاول أحط لي ميزانيه بالصرف ! لكن كل محاولاتي باءت بالفشل الذريع :boxed:
والمشكله مرات واجهتني مناسبات احترت كيف بدبر مصاريفهن ! يعني صدق صدق أتازم واستويت أستحي أشحت ( أقصد آخذ):7:
الشوق ! وإنتي ما خبرتينا ! كم مشروع عندج ؟ وكم مليون بالرصيد؟:a116:
اووووه نسيت أجاوب على الأسئلة :fa54:
اذا كنت انسان اتحب اتوفر :- شو هي الاسباب اللي اتخليك اتوفر ..؟؟ ما أوفر إلا قبل السفر بشهرين
-ولو ما اتوفر ..؟؟ شو اللي ايخليك اتفلس ابسرعه ؟؟ طلعات السوق وخصوصا مع لصغاريه ....
-هل واجهتك ..ايام ..شفت عمرك متأزم ماديا ؟؟ (( شو هي الايام )) ؟؟ أيام المناسبات الفجائيه
- شو هي الطريقه اللي تتخذها ؟؟ في تنظيم مصروفك الشهري؟؟كل محاولاتي باءت بالفشل ....
رد: امــوفر والا امــفلس !!!
جد شفت نفسك امفلس من اول الشهر او نصف الشهر .. لدرجة انك فكرت انك تتسلف من امك او ابوك ؟؟؟ (( لا اتقولون انكم ما تتسلفون )) ما بصدق !!!
* هـيه لـوكنـت عاطيـه حـد بيـزات افلس بسرعـه ، امـا إذا لا فـعادي لأخر الشـهر نحاول انيود شوس
ولـواحتـجت مـافكر اخذ إلا مني امـايه< اما اخوانيه وخواتيه وابويه> اسـتحي منهم
-اذا كنت انسان اتحب اتوفر :- شو هي الاسباب اللي اتخليك اتوفر ..؟؟
* مـاعـرف اوفـر
-ولو ما اتوفر ..؟؟ شو اللي ايخليك اتفلس ابسرعه ؟؟
* اشـتري كل شي ، مـاخلي شي فخاطريـه ،اممم واغـلبهن ع بطايق التـلفون والعـزايم
-هل واجهتك ..ايام ..شفت عمرك متأزم ماديا ؟؟ (( شو هي الايام )) ؟؟
فـالاجازات لاني ماحب اخذ من حد
- شو هي الطريقه اللي تتخذها ؟؟ في تنظيم مصروفك الشهري؟؟
امم ولاشي ، المصروف مقسم بين الرصيـد ، وبيـن الـعزايم
شكرا اختـيه الشوق
.
رد: امــوفر والا امــفلس !!!
السالفه فيها فلوس
اولا ماعندي مصروف شهري
اي وقت ابا اخذ من بابا >> بشكل عام
اما حق الجامعه >> مجرد مصروف اسبوعي
-جد شفت نفسك امفلس من اول الشهر او نصف الشهر .. لدرجة انك فكرت انك تتسلف من امك او ابوك ؟؟؟ (( لا اتقولون انكم ما تتسلفون )) ما بصدق !!!
ما افلس دام طويل العمر موجود :a010:
وسالفة السلفه مب موجوده في بيتنا الحمدالله الا اذا كان الموضوع على 2000 وفوق
-اذا كنت انسان اتحب اتوفر :- شو هي الاسباب اللي اتخليك اتوفر ..؟؟
ماعرف كيف اوفر بس احس التوفير حلو
-ولو ما اتوفر ..؟؟ شو اللي ايخليك اتفلس ابسرعه ؟؟
همممم كل شي
اكثر شي عالاكل :k_harhar1: والعزايم
سوالف الجامعه
واكيد الـ شوبينج الي مايخلص
-هل واجهتك ..ايام ..شفت عمرك متأزم ماديا ؟؟ (( شو هي الايام )) ؟؟
همممم ما كان تأزم بس كان احراج
شاشة اللابتوب انكسرت وكنت قافطه اني اشل همجه من بابا
ويوم افصل عبي حق الاعراس :shutup:
- شو هي الطريقه اللي تتخذها ؟؟ في تنظيم مصروفك الشهري؟؟
ما عندي طريقه
البيزات يوم تخلص اتي غيرها
الله يعين اخاف يوم اداوم مايتم لي شي ، ماحب سالفة المصروف الشهري :boxed: احس بسرعه يخلص
تسلم يمناج خيتو على هيك موضوع
ماخبرتينا عنج
رد: امــوفر والا امــفلس !!!
-جد شفت نفسك امفلس من اول الشهر او نصف الشهر .. لدرجة انك فكرت انك تتسلف من امك او ابوك ؟؟؟ (( لا اتقولون انكم ما تتسلفون )) ما بصدق !!!
ولا مره في حياتي تسلفت من حد لأني مفلسـه .. بس أتسألف من حد اذا مثلا أكون ناسيه بوكي في البيت بالغلط ..
الحمدالله .. كل شهر أمي تعطيني معاشي .. وعادتا يبقى منه شي .. سيده احطه في البنك:thumbup1:
-اذا كنت انسان اتحب اتوفر :- شو هي الاسباب اللي اتخليك اتوفر ..؟؟
لازم أوفر .. لاني ابا اشتري لامبرغيني:fa41:
-هل واجهتك ..ايام ..شفت عمرك متأزم ماديا ؟؟ (( شو هي الايام )) ؟؟
لا الحمدالله!
- شو هي الطريقه اللي تتخذها ؟؟ في تنظيم مصروفك الشهري؟؟
أستخدم عقلي ..
كل شي ندفعه بفلوسنـا .. الا في السفرات + أعيـاد .. اما كل شي بفلوسنا
ف .. نادرا ادفع لثيابي بفلوسي .. لاني أتأكد انه اشتري كل شي في السفرات والأعيـاد .. يعني اشتري على دفعات .. انا مب من النوعيه الى اشتري شي يديد كل اسبوع نفس اختي .. عشان جي هي مفلسه وانا لا:k_harhar1:
ف اشتري اغراضي في الوقت الصح = مب لازم أدفع:fa42:
رد: امــوفر والا امــفلس !!!
رد: امــوفر والا امــفلس !!!
اول شي مشكووووره الشوووووووووق على الموضوع اللي طلع في وقت باااااايخ ..
نحن تونا طالعين من عرس اخوي العود ودفعنا وااااااااااايد
يعني من الحين انا واخوي الثاني اعلنا افلاسنا ..
انا قبل سنه كنت استلم مصروفي من ابوي وأمي والحين أستلم منحة وادرسس في الجامعه ..
جد شفت نفسك امفلس من اول الشهر او نصف الشهر .. لدرجة انك فكرت انك تتسلف من امك او ابوك ؟؟؟ (( لا اتقولون انكم ما تتسلفون )) ما بصدق !!!
وااايد وااايد شفت عمري امفلس .. وعادي اتسلف منهم عيل ليش اهلي بس يعني ما اطلب اللا اذا شفتهم رايقييييين
-اذا كنت انسان اتحب اتوفر :- شو هي الاسباب اللي اتخليك اتوفر ..؟؟
للأسف ما اوفر شي من معاشي يعني معاشي زين زين يوصل لييييين اخر الشهر
-ولو ما اتوفر ..؟؟ شو اللي ايخليك اتفلس ابسرعه ؟؟
اول شي قصد سيارة ولابتوب وفاتورة التلفون والأكل ( على فكرة ما اطلع وايد انا قصدي ما اسير السينما ومطاعم و هالعلوم وايد )-
هل واجهتك ..ايام ..شفت عمرك متأزم ماديا ؟؟ (( شو هي الايام )) ؟؟
واااااااااااايد خاصة في الأجازات يوم يوقف الراتب ...
- شو هي الطريقه اللي تتخذها ؟؟ في تنظيم مصروفك الشهري؟؟
اممممم
400 درهم في الأسبوع(وبعد ماتكفي مرات )
مرات اصرف اقل من ال400 بس الأسبوع اللي عقبه اصرف اكثر ..
رد: امــوفر والا امــفلس !!!
-اذا كنت انسان اتحب اتوفر :- شو هي الاسباب اللي اتخليك اتوفر ..؟؟
لأني ما احب اتسلف من عند حد .. فلازم اوفر .. وبعد لأني في الصيف احب اسافر وما اقر في البلاد لازم اوفر عشان اقدر ادفع مصاريفي انا واختي وامي .. لأنه السفره دايما اتكون على حسابي من تذاكر لين فنادق ..الخ
-ولو ما اتوفر ..؟؟ شو اللي ايخليك اتفلس ابسرعه ؟؟
حمدالله ما جد فلست .. لازم اخلي لو شي بسيط لين اخر الشهر ..
-هل واجهتك ..ايام ..شفت عمرك متأزم ماديا ؟؟ (( شو هي الايام )) ؟؟
احيانا يوم تخترب السياره فجأه واكون موب حاسب حسابي .. بس بعد انا من النوع اللي يوفر مبلغ للأزمات العارضة .. فما عندي مشكله من هالناحية ..
- شو هي الطريقه اللي تتخذها ؟؟ في تنظيم مصروفك الشهري؟؟
اولا .. اول ما ينزل الراتب .. احط في بطاقة البترول E-Cash مبلغ 500 .. كبدايه .. :thumbup1:
ثانيا .. احط تقريبا من 500 - 1000 للتليفون + الإنترنت .. عشان انا عندي فاتورة موب مدفوعه بس تنسحب نص الشهر فأنا احط البيزات من بداية الشهر .. ما فيه على الأزمات :k_harhar1:
ثالثا .. انا مخصص من راتبي حق الأهل راتب شهري .. ( ابويه + امي +اختي الصغيره )..
رابعا .. اسحب نص او ثلاث ارباع الراتب واحطه في حساب بعيد عن عيني كتوفير عشان ما اصرف منه .. :bye2:
خامسا .. اللي يتم في الرصيد بعد الأشياء اللي ذكرتها .. هو مصروفي الشهري ..
وطبعا احاول قد ما اقدر اني ما اسحب من رصيد التوفير إلا في الأزمات :fa39:
سادسا .. ما احط في بوكي ازيد من 200 درهم كاش .. واذا ابا اي شي .. اشخط بالبطاقة >> الأخ مصروق وتايب :7:
وهاي سالفتي ..
وبعد انا ما اشتري شي إلا اذا انا مقتنع فيه .. وانا صعب اقتنع بشي .. واذا توهقت واشتريت شي موب مقتنع فيه اعقه على ولد اختي .. ما شاء الله عليه يتقبل الهدايا طول السنه .. :k_harhar1:
وبطريقتي هاي قدرت اوفر واشتري سياره كاش + رصيد حلو في البنك اقدر آخذ اللي اباه في اي وقت و ما احاتي :a049:
شو رايكم فيه :k_harhar1:
رد: امــوفر والا امــفلس !!!
:(
-اذا كنت انسان اتحب اتوفر :- شو هي الاسباب اللي اتخليك اتوفر ..؟؟
...عشان في مرات احتاج اصرف اكثر شرات المناسبات الاعراس...بعد سوالف البنات ماتخلص فستان روحه 2500 هالرخيص...غير الصالون و و و .... انا اقول لو اهل العرس عم يتكلفون بهالمصاريف احسن خخخخخ
-ولو ما اتوفر ..؟؟ شو اللي ايخليك اتفلس ابسرعه ؟؟
... اللي يخليني افلس اني يوم اشوف طلاب واقف يكسر خاطري بكلمتين اعطيه 100 اقول ماعليه فدا راس عيالي اللي مايبتهم :( و بعد اللي يخليني افلس ان كل شهر عالاقل لازم افصل عبايتين لان العبايه ماتعيش وايد بالكثير شهر احصلها مطروره من تحت ليش الله اعلم!! و كل عبايه لا تقل عن 400 درهم عالاقل..
-هل واجهتك ..ايام ..شفت عمرك متأزم ماديا ؟؟ (( شو هي الايام )) ؟؟
... لا الحمد لله الحكومه ماتخليني اتأزم اللله يخليهم لي (^_^)
- شو هي الطريقه اللي تتخذها ؟؟ في تنظيم مصروفك الشهري؟؟
... اصرف على الاولويات فقط و اخلي الاشيا الثانيه لأجل مسمى!! ودووووم احط نص المبلغ بعيد عن عيني.......البيزات شرات الكحول من كشفت عنها تتبخررررر كييييييييف مادري؟ من جي لازم انخشهن في مكان ماينشاف هههههه
.و سلامتكم
(^_^)
...
رد: امــوفر والا امــفلس !!!
عشان اوفر الكتابه والرد عليكم جواابي طلع نفس الاخ مايهزك ريح ...
رد: امــوفر والا امــفلس !!!
عيبنـي الموضوع .. وعيبتنـي ردود الاعضاء ، قلــت أشارك أنا بعـد ..
-جد شفت نفسك امفلس من اول الشهر او نصف الشهر .. لدرجة انك فكرت انك تتسلف من امك او ابوك ؟؟؟ (( لا اتقولون انكم ما تتسلفون )) ما بصدق !!! :k_harhar1:
طول حيـاتي بلا بيزات ، أخوي الصغير من يشم ريحة بيزات عنــدي ايي يزورني ويتودد لبـوكـي
فـ يوم أحتاج بيزات ما أتسلف ، أسولف ويا الوالد شوية ، وآخـر شي أقوله : أبا المبــلغ الفـلاني :k_smartass:
-اذا كنت انسان اتحب اتوفر :- شو هي الاسباب اللي اتخليك اتوفر ..؟؟ :fa42:
اممم نادر إنـي أوفـر ، لأني أصلا آخذ المبالغ اللي أطلبها على قد الحاجة اللي أبـاها ، لا أكثر ولا أقل
-ولو ما اتوفر ..؟؟ شو اللي ايخليك اتفلس ابسرعه ؟؟ :look:
مصاريف الحياة ، تعرفووون بييت وعيال وشغاله وتلفون خخخ
أقصد يعني الحاجات الاساسية والمهمة واللي لابد تكون عندي ..
-هل واجهتك ..ايام ..شفت عمرك متأزم ماديا ؟؟ :a116: (( شو هي الايام )) ؟؟
تقـريبــا ..
هي نفسها الأيــام اللي تكون الحالة المادية متأزمة عند أفراد البيت كلهم
- شو هي الطريقه اللي تتخذها ؟؟ في تنظيم مصروفك الشهري؟؟
ما عندي مصروف شهري ..
بس المبالغ الكبيرة اللي نادرا ما توصلنـي ، أخليهـا في البنـك
ويوم أكون بروحي في السوق ( وهاي نادرا جدا بعد ) أصرف على عمـري .. و بعـد ما بيتوفر شي :fa55:
وبس ..
رد: امــوفر والا امــفلس !!!
ماشاء الله عليكم امس حاطه الموضوع ..
ما قصرتوا . اتنفاجأت ابعدد مشاركاتم ..
وعجبتني ردودكم ..
واكثر رد عجبني وتنظيم لاخونا ما يهزك ريح ..
صدق ما يهزك ريح يااخوي ..
على العموم نعود لاخوانا في الردود ...
-------------------------
الملهــــــــم :-
زطي مره وحده .. الله يستر عاد احينه اخوانك ما امقصرين عليك ..
المفروض مستقبلا ما اتقصر معاهم .. خل ايدك سخيه اشويه ..
فلا تتعود على البخل وايد... لكن كون سخي ..لانك انت بتحتاج اتساعد الناس في المستقبل علشان
هم يعاونوك طبعا بعد مشوارك العملي ...
شكرا ع المشاركه
.
.
بـــو زايـــد:-
لا اتقول تاخذ مكشوووف .. والا تستخدم الكرديت كارد (( اكثر مصيبتين .. تستخدمهم .. اذا كنت من ذوي مستخدمين هالاشياء )) .. خبره كوني موظفة بنك ..
خبرني اذا كنت في بداية كل شهر .. تستعين بالمكشووف بعطيك الحل الســــريع ...
.
.
.
شوق القلــــــــــوب ..
من يوم ما نزلو البطايق الخضر والحمر احسهن ما فيهن بركه ..
تبينها نصيحه مني .. مثل ما امخليه شي حق اللعبان خليلج شي للحاجه
واتبعوا بعض من نصايح المزوحي وما يهزك ريح ..
بيفيدونكم .. ولي عوده لنصايح ثانيه
.
.
.
غــــــــــــواني ..
شو هذي السياسه اليديده .. عل وعسى نستفيد منها
بس على فكره مب كل مثل تتبعينه ممكن يفيدج ..
انتي اتقولين (( اصرف ما في الجيب .. باتيك ما في الغيب ))
وانا بعد اقولج اتذكري هالمثل
((القرش الأبيض ينفع في اليوم الأسود))
وممكن على الانسان اتمر ايام .. صدق بيحص انه محتاج لهالبيزتين ..
اتسد ضيقته .. وما بيحصل حد يسانده
.
.
لي عوده مع الاخرين
:8: :8:
رد: امــوفر والا امــفلس !!!
السلام عليكم ورحمة الله وبركاته
في البداية أشكرج الشوق على طرحج ها الموضوع الحلوو وبصرااحة يستاهل النقاش فيه
بتكلم عن الموضوع بإختصار :
عن نفسي .. المعيشة غالية وايد ، طبعا البطالية مابيحسون في ها الشي ( رقاااد وأكل :m_atmasha: ماوصييكم على الوالد هههه )
أما عن اللي يشتغل ويستلم معاش شهري إذا ماحاسب على فلووسه بتطير بسرعة
في البداية كنت أصرف بشكل غبي في بداية دوامي ( ينزله معاش وماشايف خير :b015: كل شي يبا ههه ) لكن الحين أحاول أسويلي جدول للراتب اللي ينزل
فمثلا إني أخلي جزء من الراتب للجامعة اللي أدرسها :k_smartass: و جزء للبترول لأني أعاني من الخطوط وايد ههه ( بطاقة رحال :thumbup1: ) طبعا أخيرا مصروفك الشخصي لكن إذا فلست طبعا طبعا الوالد مابيقصر ههه ( آخر العنقووود )
رد: امــوفر والا امــفلس !!!
سلاام
مشكوره الغاليـه على هالموضوع
-جد شفت نفسك امفلس من اول الشهر او نصف الشهر .. لدرجة انك فكرت انك تتسلف من امك او ابوك ؟؟؟ (( لا اتقولون انكم ما تتسلفون )) ما بصدق !!!
صراحـه لا ..
إذا اللي عندي ما كفى حق شي معين ! وقت ما أبا أمي وابويه بيعطوني فلوس ..
لانه ولا مره سوولي مبلغ ( محدد ) .. يعطوني اياه من اول الشهر ولازم أصرف منه كل الشهر !
يعرفون اني مستحيل بسوي جي لول ..
ويعرفون إني نادرا ً ما أظهر وأرد بفلوس وايد
لازم مخلصه نص الفلوس بس مب في أشيا وايد سخيفه بس لاني أحب الشوبينج
-اذا كنت انسان اتحب اتوفر :- شو هي الاسباب اللي اتخليك اتوفر ..؟؟
لا ما أوفر ألا إذا في شي فت بالي و وايد غالي .. بس بشكل عام ما أوفر لانه أعرف أن أهلي يوفرولي
-ولو ما اتوفر ..؟؟ شو اللي ايخليك اتفلس ابسرعه ؟؟
ما فلست لول
-هل واجهتك ..ايام ..شفت عمرك متأزم ماديا ؟؟ (( شو هي الايام )) ؟؟
الحمدالله لاا ..
- شو هي الطريقه اللي تتخذها ؟؟ في تنظيم مصروفك الشهري؟؟
ماشي طريقه لانهم مب محدديلي مبلغ معين حق شهر كامل .. وهالشي اللي مخلني أسرف لول
ومب معتمده على عمري
رد: امــوفر والا امــفلس !!!
ما شاء الله أغلب الأعضاء مرفهين أعمارهم :icecream:
بالنسبه لي أنا ما أحب أخلي شي في خاطري، ولان طبيعة دوامي 14 يوم في الدوام و10 أيام إجازه
في أيام الدوام ما أصرف غير 200 درهم ويمكن أقل بعد لأن كل شي عندنا متوفر هناك وما في أشترية إلا معجون أسنان أو لبن أو بفك أو غيرها :glare:
أما أيام الإجازه فلو حسبت متوسط الصرفية بيطلع 500 درهم يوميا ويمكن أكثر ويمكن أقل على حسب الجدول ومب شرط إني كل يوم أصرف هذا المبلغ، في أيام أصرف فيها أكثر عن 2000درهم وفي أيام ما أصرف فيها أكثر عن 100 درهم.
والحمدلله الباقي أحطي في البنك، هذا إذا ما صرفته على تعديل الجيب حق البر أو في المخالفات اللي وصلت آخر مره عندي 3000 درهم :glare:
حاليا أحاول إني أيمع الباقي حق البيت وحق الزواج بإذن الله وما أدري متى بتوصل المبلغ المطلوب :glare:
بالنسبه للأسئله:
جد شفت نفسك امفلس من اول الشهر او نصف الشهر .. لدرجة انك فكرت انك تتسلف من امك او ابوك ؟؟؟ (( لا اتقولون انكم ما تتسلفون )) ما بصدق !!!
الحمدلله ما أتسلفت إلا من أبوي لما اشتريت السياره ورديتهن له من فتره، أحسن من سلفية البنك وفوايدها
-اذا كنت انسان اتحب اتوفر :- شو هي الاسباب اللي اتخليك اتوفر ..؟؟
أكيد البيت والزواج حاليا..
-ولو ما اتوفر ..؟؟ شو اللي ايخليك اتفلس ابسرعه ؟؟
الحمدلله أحاول إني اوفر
هل واجهتك ..ايام ..شفت عمرك متأزم ماديا ؟؟ (( شو هي الايام )) ؟؟
أحس إني متأزم لما آخذ من بيزات التوفير بس أحاول إني اردهن الشهر اللي عقبه :a046:
- شو هي الطريقه اللي تتخذها ؟؟ في تنظيم مصروفك الشهري؟؟
احدد بشكل تقريبي مصروف التيلفون ومصروفي الشهري واحطي لي target للتوفير خلال سنه أو أكثر, وإذا بسافر مكان أوفر قبلها بكمن شهر
شكرا شوووق :)
رد: امــوفر والا امــفلس !!!
حلم الطفوله :-
المشكله انج تشتغلين في النهايه اتين تتسلفين من اهلج
ساعات اتقولين بينج وبين نفسج ..
باجر بكبر وبشتغل وبعاون امي وابويه على تعبهم اللي تعبوا عليه
وان شاء الله ما بقصر وبعطيهم
واتحصلين نفسج قد ما تعطينهم في اول الشهر . تاخذين منهم زياده في نص الشهر او اخر الشهـــر
.
.
.
لي حلول وايده يالغلا ..
بس تابعيني لين نهاية النقاش وراح اتحصلين حلول كثيره
وقولي عقب الشوق قالت
تحياتي
الشوق
مهابه ..
تسلمين يالغلا ..
خواتي اوخواني ما امحلاحظين ان اغلب مصاريف الاعضاء اتروح على البطايق والرصيد
يوم انتوا الرصيد ياخذ اغلب مصاريفكم ليش ما تاخذون فاتوره بدل الرصيد
.
.
.
بنت الدلع + اليـــــــــاه + شمعة أمل .,,,
لي عودد لردودكم ..
:a032: :a032:
رد: امــوفر والا امــفلس !!!
أبوظبي :-
الله يخليهم لج اهلج .. بالرغم من احساسي ان اهلج يخافون عليج لدرجة فوق ما تصورينه ..
احساس جميل ورائع يدل على اهتمام الاهل لبنتهم ..
.
.
بس بوظبي بسألج سؤال ..
المصروف الجامعي اللي اتقولين عنه خمسين او ميه ..
هل هالمصروف اتحصلينه اب شكل يومي ..
بس حق الاكل في يوم واحد .. :fa45:
.
.
.
هواجيس مشتاق :-
تسلم يااخوي ع المشاركه الحلوه والله يوفجك في دراستك ..
لكن ما خبرتنا ما فكرت في طريقه اتوفر فيها واتحل ازمتك في الاجازات
.
.
.
عمة العيم ..
كريمه (( طلاب يكسر خاطرج تعطينه مره 100 درهم ))
عيل لو يووج 10 طلاليب كم بتعطينهم ؟؟ كل واحد 100 يعني المجموع 1000
اتخيلي بس .. ذكرتيني اب حركه صارتلي وسويتها .. بس بخبرج بموضوعه في رساله خاصه
الله يزيدج ويباركلج ان شاء الله
وبخصوص العبي .. لا تستخدمين (( عباية صالونه - خذيلج الكريب السعودي او ابراج الامارات )) نوعيتهم احسن وما ينطرن . .وبيتمن عندج حتى سنه كامله ..
.
.
.
لي عوده
:)
رد: امــوفر والا امــفلس !!!
تسلمين يالشوق عالموضوع
وانا عن نفسي ماعندي مصروف طبعا غير مصروف الجامعة
يوم ابا شي اخذ عنهم (لنه لو حطولي مصروف شهري صدقيني مابيتم خخ)
جد شفت نفسك امفلس من اول الشهر او نصف الشهر .. لدرجة انك فكرت انك تتسلف من امك او ابوك ؟؟؟ (( لا اتقولون انكم ما تتسلفون )) ما بصدق !!!
عني انا ماتسلف لنه اصلا هم اللي يصرفون عليه فكيف بتسلف خخخخخخخ
يعني الله يخلي اخوانيه وابويه مامقصرين فمايحتاي اتسلف
-اذا كنت انسان اتحب اتوفر :- شو هي الاسباب اللي اتخليك اتوفر ..؟؟
للاسف مافور عسب اخبرج كيف اوفر ^_^
-ولو ما اتوفر ..؟؟ شو اللي ايخليك اتفلس ابسرعه ؟؟
اممممم انا يوم تكون عندي بيزات فيدي والله ماتم طير خخخخخخخ
وخاصة يوم اخويه الكبير يكون هني يعني ها دوم إلا طلبيات ومادري شو
مفجوعين صح انه مرات يدفع بس مرات انا ادفع اوني بعزمة لاكن يفقرني ^_^ مادري ليش يمكن مايعطونهم اكل فداومهم مادري شو السالفه
او اغلب بيزاتي تسير مابقول الرصيد لنه اوردي التلفون ماتسخدمة وايد ودومة مفرور
وابويه ولا اخويه يعبولي رصيد لاكن فالثياب والاكسسورارات وهاي السوالف خاصة يوم ادخل محل كليرز مادري ليش اتخبل خخخخخخخخ احب سوالفة وايد امي دوم تهزبني يوم تشوف الاشياء السخيفة اللي مشترتننها اونه ها حقج ولا حق اختج الصغيره هههههه يعني بروشورات وهاي السوالف مال المدرسة لين الحينه انا اشتريهم ^_^
-هل واجهتك ..ايام ..شفت عمرك متأزم ماديا ؟؟ (( شو هي الايام )) ؟؟
لا بس يوم الكل يتأزم ^_^
- شو هي الطريقه اللي تتخذها ؟؟ في تنظيم مصروفك الشهري؟؟
ماعندي طريقة اصلا لنه ماعندي مصروف شهري محدد ^_^
