القبض على ام خماس و شلتها !

الــســلام عــليــكم

http://upload.bindubai.com/download/a7mad/111.JPG
http://upload.bindubai.com/download/...1111111111.JPG

انا اقــول زين سووبهم .. الريايل لبسو براقع و البنــات تلثمو بالغتـــر !

اذا هذي الحركـــات بيظــهرونها بــعـد كل بــطولة ناخذهــا الله ما بيوجــفنا مره ثــانيه و ما بنــاخذ بطولــة ثــانيــه !

نســـأل الله الــعــفو و العافيــه

و ان شــاء الله يكونــون عــبرة لغــيرهـــم ..

و شكرا لــشرطــة دبــي على اللي سوــه .. بــدت تحــد من ظــاهره قامــت تنتــشر و تستوي فــاضحه اكثر و اكثر يوم عــن يــوم ! :glare:

ســـلام
كـلـكـلـووش

الله يبشرك بالخير

المسيرات الي كنا فيها شفنا فيها بلاوي, ما كنا نتوقع انه نشوفها في يوم من الايام
أتمنى كذلك ان يتم ايقاف و معاقبة البنات الي كانوا يرقصون في الشارع و الي شفنا منهم رقص ما ينشاف الا في الاعراس "ام علاية"

و الله المستعان

الله يبشرك بالخير
وعقباااااااال البقيه ان شاءالله

وبعد لو يحققون ويا البنات زين...مظاهر جدا سلبية...والله المستعان

ولو زاخين ها الشباب الي قاموا يهتزون جنهم رقاصات بيسوون خير
عنبوكم هذي هيه المريله!!

تسلم اخوي ..

ولد خالي ضابط في شرطة دبي .. قال الكل تم استدعائه .. حتى البنات اللي كانت عليهن حركات .. وقت المسيرة ما قالو لهم شي .. بس سجلو ارقام مواترهم و الحين بدو يحاسبونهم ..

و ام خماس و شلته بينسجنون ..

ياحليلهم والله..

لو يكتبونهم تعهد يكون احسن..

لانهم لبسو لبس الفريج.. وكان قصدهم اضحاك الناس بس..


وووو لاتعليـــق

زين سووبهم :thumbup1:

المفروض يوقفون هالاشكال عند حدهم.. عن تمصخ السالفه

بصراااحه يستاهلون

والله استوت مصخره الريايل قانو يتشبهون بالحريم والحريم بريايل

الله يهديهم بس

صح ان الواحد يفرح بس هب بهاي الطريقه

بس حرااااام يسجنونهم السالفه ما تستاهل هم عبروا عن فرحتهم بطريقه غلك بس

السلام عليكم

احيي شرطة دبي على هاي الرقابه الواعيه .

خاصــة مسيرة الممزر
ماتم شي ما ستوى فيـها حشى ! وعادي عيني عينك .. بس جد زين سوو فيهـم .. مشكووور كلكلوش

السلام عليكم

المعروف إنه الشيء يوم يزيد عن حده ينجلب ضده !

يعني سالفة هالريال الأسمر إلي لابس عباه ومتبرقع ويحوط بالشيشه ! شو قصده!

وهالشباب إلي لابسين الأقنعه ويمشون بين السيارات كأنهم مهرجين ! شو عدهم!

وهالبنات إلي متلثمات بالغتر ويوايقن من السيايير! وين نحن !

ما أقول إلا الله يهديهم .... كلنا فرحانين بس للفرح حدود .... وموقف شرطة دبي يرفع الراس:thumbup1:

والله كفو عليهم شرطنا

زين يسون فيهم و يستاهلون

مو حاله هاي يعني لازم يطبقون المثل (خالف تعرف) بس مو في كل شي

ما يستاهلون

فرحانين حليلهم


تعهد يكفي

ههههههههههههه

دوااااهم .. زين سوو فيهم .. يستاهلووون!

يستاهلوا اللي صار عليهم
استانست و انا اقرأ الخبر الصبح
لاننا لو تساهلنا هالمرة معاهم
راح تزيد المشكلة و تصير ظاهرة لا حياء بها

ان شاء الله تكون رادع لهم

في الاخير هم يمثلون مجتمعنا
و الناس راح تكون فكرتها مختلفة عنا

افضل شي سوته الشرطة لردع مثل هالامور

والله يستاهلون مسودين الويه!!!

انا يوم اسير اي مسيرة لازم اشوف بنات متلثمات بالغترة ..
الله يعين .. احيي شرطة دبي .. ^__^

يستاهلون
شقى يمشون ف الشارع جي اخ لااه

الله يهديهم

والنعم في شرطة دبي

رافعين روسنا

مبيضين ويوهنا

صدق انهم رجـــال


انا سامعه انه في شباب (تفصخوا)

يعني ربنا كما خلقتنا!! ليــــــــــش؟!

السموحه
(^_^)
...

زين يسوون فيهم
لا خيال ومستحى
بنات جذه يودرونهن !!

لحظه لحظه
يقولون لكم هذي العولمه
في بلاد الغرب تصير هالسوالف محدن يعترض


شغلوا مخوخكم نحن لنا دين يشرفنا ولنا عادات وتقاليد ترفع من شاننا

الدنيا فووووضه
ويقولكم علثتهم أونه أول يوم ليه ماخبروونه إنه ممنوع؟!:Oo:
على الدنيا السلام

وقفه احترام وضرب سلام
لشرطه دبي بكل التزام:1:

شفت يوم مباراتنا مع عمان وحده من الجمهور لابسه ثياب واحد!!!! وحاطين الكاميرة عليها ... مب مره أكثر من مره والله بروحي استنكرت السالفه ....
عيب والله مباراه منقولة لجميع محطات العالم ...ناقصين فضايح؟؟؟؟
اتسد سالفة غنتوت ...!!!!
والله مره كنا عند محطة بترول ..ونزلت واحده من السيارة ناعمه ورشيقه ..وحاطه نظارة اتجنن والشعر ناعم وطويل ،،،يوم نزلت لانها لابسه ثياب ولد..انصدمت منها..طلعت واحد في ثياب واحد بس مسوي نفسه بنت وحركات بنت!!!..ولا حد يصدق انها وااحد!!!..
الحمدلله ع كل شي ...
ونعوذبك من هذا التخلف والانحراف..

ها غير الشباب اللي مركبين بنات وفرحانين فيهم مظهرينهم من الفتحة .... ؟!؟
تحية لشرطة دبي ... وعتب على قناة دبي الرياضية يقولون انهم مركزين عالجنس اللطيف وايد نحن مب ناقصين كفاية كيمرات الميدان ؟!؟

انا معاكم في كل اللي قلتوه
هالشباب والبنات يستاهلون اللي استوابهم
وشرطه دبي نشكرها جزيل الشكر على اللي سوته
بس خلنا نفكر لحظه ...
وين الشرطه عن الاشيا اللي تستوي في المولات والسناتر..اقصد بها تصرفات الغرب..
انا عن نفسي كل ما اسير مول الامارات لازم اشوفلي اثنين لاوين على بعض يتحاظنون ويتباوسون
وين نحن؟؟ليش اتصير مثل هالتصرفات عندنا؟؟ليش الشرطه ما توقف هذيل بعد عند حدهم؟؟
والا لانهم بس اجانب وسياح ساكتين عنهم؟؟والا ليش؟؟
والاجانب اللي لبسهم كانهم مش لابسين شي
ليش ما يحاسبونهم؟؟
يقولون حريه شخصيه
دام ان هالاجانب في بلادنا لازم يحترمونها وهاللبس الفاضح ما يلبسونه عندنا
ترا هذا بعد تشويه لصوره بلادنا
يوم بنرمس خلنا نرمس بعقل
والشرطه يوم بتحارب شي لازم اتحاربه من جذوره وكل شي يخص اللبس والاحتشام
مب ياخذون شي ويودرون شي

هذا رايي

اختكم.. بنوتة جميرا ..

والله كـفوا عليـهم شرطة دبـي :fa34: خـبرر مفررح جداً :thumbup1: وإن شااءء الله عاد يتـعضـون ؛؛
شكراً كلكلووش :fa35: