عرض للطباعة
السلام عليكم ورحمة الله وبركاته
شحااااااالكم عساااااكم بخير وسهاله
المهم طبعا عرفتو الموضوع عن شو
يله كل واحد يدخل ويخبرنا عن اول يوم دوام
شو الاحداث والفعاليات اللي استوتلكم :a068:
( ابا ارد المدرسة مايخصني بس اول الايام ابا احتشر ابا اشاغب ^_^)
وشو درستو ماتوقع درستو اول يوم
بس في مدرسات مايتفاهمن من اول يوم دراسة :surrender:
يله مابطول عليكم وخبرونا شو سويتو ^_^
والسموحة
خليتينا نتوله ع ايام المدارس :fa35:
ما سوينــا شي يذكــر ،
بس أهم الاحداث :
* الحمامة اللي معششة في دريشة صفنا يابت توم خخ
* خذنا درسين انجلش في حصة وحدة !! ما في ون تو > وآخر شي يبونـا نفلح بعد ..
* كل المسات دشوا يشرحولنـا الامتحانات والتخبيص اللي فيها > خخ زين منــا ما نسينـا أسامينا وهم يقولون الامتحانات اللي قبل 3 أسابيع !!
* مشروعنـا العلمي ( أقصد مجموعتي ) خذ المركز الأول ع مستوى المدرسة وأونه ارتفع للمنطقة
خخخ والله أنا نسيت عن شو مشروعنــا كان أصلا !! وبعد يبوني أتذكر شو اللي قلته وأنا أشرح !!
* 6 بنات من صفنا غايبات لأسباب مجهولة ، واللي مداومات 11 أنا من ضمنهم !
* باجر بناخذ نقد في حصة العربي.
وبس
الشي المميز اليوم انه ++مفيييش ابلة عربي+++
ماشي ابلة عربي ويانا واليوم حصتين بس خذونا احتياط من حبهم الزايد
ما شي اليوم طبعا أول يوم
وكل سوالف ما صكينا حلوجنا هههههه
وخذنا درس انجليزي
وخذنا هزبه من المديرة على درجاتنا الزفته الحمد لله
وعورو راسنا من اول يوم بسالفة المشاريع والتقارير
الله يعينا...
0o0oo0o0
السلام عليكم ورحمت الله مرحباااااااااااااااااااااا فيكم وفيني ..
وادري اني نورت الموضوع لازززززم .. :k_smartass:
بدينا بالمعاير..:fa46: يادلالييييييييييع
ماشي والله .. كلللللللللللل يوم شرات اليوم ..
نشيييييييت الصبح .. صبحت عالكلاشن .. بكم من فره .. ( حلاته يتخرطف فوق راسي وينكسر وطاااااف للدوام :fa46: ) ..
ورحت عند بو عسكور ..( موتري ) احم احم .. على ما يحر 5دقايق ..
وسرت مريت على ربيعي عباادي ..
ودخلنا المدرسة :
صبحت على ويه كومار حارسناااااااااااا .. ( من اولها ) كومار حبيبي يود 10 دراهم .. وما اوصيييييييك قبل لا يدق الجرس بعشر دقايق افتح الباب عسب اظهر قبلهم ..
عاد هو تبخش شش خلاص منو قده .. : انشاااااااالـه ارباب ..:m_atmasha:
ونحن سايرين الصف ..
مرينا صوب ربعنا الي في الادبي .. وعزيناااااااهم على فقديتهم وحليله ماتت ( الاجازة ربي يرحمها ) :hysterical:
وكل ما يطوف صوبنا استاذ .. يقول لنا كل عام وانتو بخير .. ( العيد خلص فديتك :glare: .. مادري على شو تبارك عـ سواد ويهك الحلو ..:14: ) ..
وصلنا صوووووووب السجن الانفرادي .. ( قصدي كلااااااسنا المحرتم :fa34: )
بوميثه بصوت عالي .. : الســــــــــــــــــــــلام عليــــــــــــــــهم ..!!
الربع : وعليييييييييك السلاااااااااااااااااااااااام حسن الله عزاك
بوميثه : البقية في حياتكم شبااااااب .. ما علييييييييييي لا باااااااااس :fa34: كم من شهر وبتظهر من القبر ( الاجازة ) :k_smartass: ..
واجوف عمري من اول حصة مبركن وساااااافط الطاولة جدام الاستاذ ..
زاخ النووووت مالي واسجل ملاحظاتي اوني برد البيت بذاكر .. ( اوني شاطر :glare: ) ..
واجوف الحال ماااااااااايسر لا عدو ولا صدييييييييج ..
بوميثه يالس جدام .. !!!!!!!!!!! :1: .. والله عييييييييييب ..
واقم الحصة الثاني واعطييييييييه ريييييييييييييييييييييييييييييييوس عالقفى آخر طاولة .. !!
واطلع لكم اجهزتي واسلحتي الخطيرة .. ( 6 اكياس حب شمسي + لبان اكسترا حق الزلمات اصحاب الرواااايح الطيبه ماشالله ^^انتو عارفين بحالهم ^^:fa46: )
والـ ipod والسماعات .. و أشغل لك العـــــــوق^ آه من قلــبـ (ن) غدى حبــه جنوني !!
وطول الوقت تق ترق تق ترق تق .. ( مؤثرات صوتيه ههههههه ) اكل حب شمسي .. :14:
اليييييييييييييييييييييين الحصة السادسة .. وبعدينا ظهرونا ( من اولها ههههههههه )
وراحت العشر دراهم عالفااااااااااااااااضي .. ومافي امل ارد اشلهن .. خلاص فدوه ..
ويوم رجعت البيت ..
دخلت المنتدى وسمعت شوية نصايح هههههههههه وأوني بسير انفذهن
تغدييييييت ورحت ارتزعت في الحجرة اذاكر ..
ذاكرت كتااااااااااااب واحد .. واجوف الويه اصفر واحمر واخضر .. وقمت اتثااااااااوب
هههههههه ( خلاااااااااااااااااااااص حبي نام نام رقااااااااد :fa34: مب ويه مذاكره )
وبس نشيييييت من الرقادالساعة مادري كم 6 او 7 ..
:m_atmasha: وبس الحينه انا ويااااااااااكم
وأخ ايدي عورتني ههههههههه
سلاااااااامي عليج الدلووووووووعة.. ويالله باجي لج كم يوم ^_ ^
:12:
اول يوم دراسه اللي هو امس
ماشي تميت مواصله طول الليل على المسن
لأن هب متعوده انام بدري
وعقب سرت الدوام وكالعاده انا اول وحده اوصل المدرسه
وتميت انطر البنات وعقب سلمنا على بعض واستهبلنا وبعدين يا وقت الطابور
وشو تتوقعون سوينا شردنا اونا يالسين نرتب الصف وكله خرييط في خرييط
ههههههههههههههه
واول حصه بغت المس تدرسنا لكن عقب الردود اللي خذتها مني سكتت ويلست تطالعنا :k_harhar1:
ونحن تمينا طول الدوام مرتبشين كل اغاني المنتخب غنيناها ونترقص:fa34:
وطبعا انتو تعرفون البنات اللي يايبه علم والثانيه شرايط وشي:1:
وعلى العموم ترانا ما درسنا شي طول الدوام
اسمحولي بس انا في المدرسه مشاغبه ولساني طويييييييييييييل
وشكرج يا الدلووووعه على السؤال...
السلام عليكم ..
أول يوم من أحلى الأيام وبصراحه كنت دايما أكون متحمس بس لأول يوم وعقبه خلاص يبدأ
الشعور العكسي بالظهور وصرت الحين أحن للدراسه كلها بعدما فارقتها ،،
الله يسهل عليكم وتكون الدراسه حلوه وأحلى
مافيها ترا نشة الصبح كم
تسوى
:a049:
الاســـطـــوري
أخوكم
كنت أكره أول يوم مادري ليـش لول ؟ أنا مب أكره الدراسه بس أكره أسير المدرسـه
وكنت أعشق الأربعاء ههه
أيــــااااااام D=
ايام المدرسه لول .. اول يوم مدرسه كان أخس يوم في حياتي ..
لكن الحيين .. ايام الجامعه .. كشخه .. نتوله عالدراسه واللكشراات ..
البارحه كان أول يوم هممم شوسويييت
سرت الجامعه من وقت عشان اخذ تايم تيبل لاني كنت مسافره ايام الرجسترييشن..
كنت مخرفه من الزجام + حمى ويلست اسوي تايمتيبلي غلط .. يعني شي محاظره يوم الاثنين بس مادري ليش انا حطيته يوم الأحد؟؟ يوم رديت اقرى التايم تيبل الى سويته اكتشفت اني سويته كله غلط!.. خرفت من الخاطر ف خليتهم يساعدوني >_< .. هييه واكتشفت انه عدد المواطنين في الجامعه زاااادوو غريييبه
سلمت على ماي فرندززز وعلى ناس كانو وياي السمستر الى طاف .. بعدين رديت البيت لساعتيـن .. بعدين رديت الجامعه وكان عندي محاظره لساعتيـن .. كان روووعه .. وايد حبيته .. البرفسسر فنااانه واسلوبها في الشرح فنان .. وتعرفت على بنت يديده p= ماعرف شو اسمها .. شي بال ش .. بس شو ماعرف؟ نسيت
ورديت البيت وجفت تلفزيون وتعشيت شوربه ورقدت سيده بعد صلاة العشا وبس=)
واكتشفت اني أصغر وحده في كل الماحضرات + كلاسـات >_< كلحد اكبر عني بـ على قل سنتــين افففففف
نحن مداومين من 21 -1 بس أنـا *المصون*
داومـت تاريخ 28-1 لـ عذر مـاا ^^
أول يوم دوام سرت خذت سكجـولي لان ايميلي مب طايع يفج ف البيت:glare:
وعقب جفـت ربيعاتي وسلمت عليهم
دخلت كلاسي جان *اكتفـش* انه كلااس راااقد وهادي بشكل مش طبيعي
يعني أهدى بنت ف السمستر الي طاف فـ كلاسي
تساوي اشغب بنت فـ هالكلاس لول والي هي أنا:Oo: بس هاليومين مأدبتنهم شوي انا وربيعتي
المهم دخلت كلاسي سلمت ع بنتين اعرفهن من قبل
وطلعت من الكلاس كان عندي بريك
خطفن بنات وسلمن علي
وشوي ين ثانيات يسلمن علي
وعقب مشيت مشيت وسلمن علي كمن وحده
وانا اتريا اللفت سلمت ع وحده
يلست ف الكانتين وكذا وحده خطفت سلمت علي
وعدى اليوم وأنا بس أسلم لول :fa46: .. وأقول *الله يسلمج الشر ماييج*
موفجـين
:heart:
.
.
.
^^الشين
السلام عليج
اشحالج وعلومج
ما تشوفين شر
عسى بس مش تعباانه
=q
أحيد أول يوم مدرسه حلوو يكون,,الكل يكون طيب وبريء=q
وأول يووم دوم اسمع لي هالرمسه,,ليش قاعده ورى
صدق كانت ايام حلوة يوم كنا في المدرسة ما حسينا بقيمتها غير يوم خلصناااا =(
المهم نحن حليلنا مداومين من 14\1
خيبة ها السمستر وايد طويل .. بنخلص 15\6
طبعا أول يوم كان ممل بكل معنى الكلمة
واكتشفنا ان ابو وحدة *كانت* اربيعتنا بيدرسنا واصلن هذا روحه مستوية سالفة وياه
وكنا نتحراه شرير بس الحمدللــه طلع طيب ^_^
و بس
هزايـم ، طيبه طاب حالج ، شحالج انتي ؟
الله يسلمج عشـان الظرف الي خبرتج عنه ع المسن ^^
اللي كان اول يوم بالنسبة له وايد حلو
واللي كان ملل
بشوف انا اول يوم فالجامعة شو
لو اني اتوقع انه بيكون سخيف
لنه اول يوم فالمدارس غييييييييير
أول يوم جامعـه من اسبوع لول
كان متعب واااايد لانه اسميني مشيت .. أحس إني ضعفت من هاليوم لانه كنت أغير جدولي
وفي اسبوع واحد غيرته ثلاث مرات !
كل ها عسب يركب مزاجـي
ماباه كل يوم يبدا من ثمان
وجي يعني كان من ادفايزر لين ادفايزر .. وسلمت ع ثلاث اربع بنات مال أيام المدارس .. ماكنت ادري انهم فهالجامعه ..