صاحب القلب الحزين

حــــبيبي لاتعذبني

يكفي اللي بقلبي من حزن .. يكفي اللي في قلبي من ألم ..

ماصدقت أحصل بــ هالدنيا حبيب .. يفهمني ..

ليش محد يفهم شخصي أنا

ليش بعمري أعاني ..

ليش بعمري أقول وين اللي يراعي ؟؟

ويوم أحصل على حبيب وأفتكره جــريب

أشوف كل شي يتلاشى ويختفي ..

حبيبي لاتعذبني ..

أنا عمري أنا ... دورت على عمري ولقيت نفسي في غربة ... حتى دايما أقول عن عمري

صاحب القلب الحزين ..

من صغري ... قررت ابعد هذا المسمى عن نفسي .. ولقيت هالأسم يعود لي غصب ..

حبيبي لا تعذبني .. كل اللي يصير غصب عني، وماودي بشي من هالقبيل ..

في قلبي كلام كبير ... أكبر من عمري اللي مضى في حــــبك

لكن ماقدر أعبر ... يمكن التعبير يغدر بي .. وترحل انته بعيد ..





يا أغلى ماعندي من اللي يساويك

يازهرة أيامي حياتي حلالك

المزوووحي
شدني عنوان الموضوووع وايد ومن جذا انا اول وحده ادخل

المزوحي صدقني تراك مب الوحيد اللي مب لاقي حد يفهمه

هونها واتهون وتم دايما مثل ما اتقول انت مب صاحب القلب الحزين
بييك يوم وبتفرج ان شاء الله وبتصير مزوحي المزوحي

اكيد تحسين تناقض بين " نك الواحات " المزوحي وبين " صاحب القلب الحزين

وعلى فكرة يوم اشتركت في الواحات .. كنت بكتب هالنك بعد

لكن في آخر لحظة غيرت وكتبت المزوحي

لو تعرفوا

لو كان في بينكم كلام .. حد يسلم لي عليه ..

لو تعرفوا

قولوا له و ابعثوا السلام لعينه وقلبه وليه

حق شو الحزن ياخويه الدنيا ماتسوى
وان شاءالله يسير عنك الحزن
وتم كوووووووووووووول على طوووووووول

يارك الله // عوّرت قلبي

السلام عليكم ورحمة الله وبركاته

نتضــايج .. نبكــي .. نصيـــح .. ونضيــع وقتنـــا وهـــم ولاحـــاسيــن بنــا

لاهيـــن بدنيـــاهم بعيـــد عنـــا ..

ليـــــش نضيــع وقتنـــا بلا فايــــده ..؟!!

اخــويه ..

تــرى مثــل مامريـــنا بحــزن فحيتنــا راح تمــر علينــا اوقـــات

بنستـــانس عليـــها قـــد اوقـــات الحـــزن للـي عشنـــاها

عيـــش حيــاتك .. وانســـى كــل شـــي

لاتفكـــر فـــي اللي راح لانــه انتهـــى

ولاتفكـــر باللــي يــاي لانــه بيــد ربـــي

فكــــر وعيـــش يومــك واستغلــه بشــي ينفعــك ^_^

والسمـــوحه منـــك

خويــــتك
صمـــت

الدلوووعة

حتى انا أقول لكم .. ليش الحزن ... بس الواحد منا يوم يكون بــ هذا الموقف .. كأنه محد يشعر به ..

خنفروش ... حسيت بي ؟؟ أقصد مريت ب هالشعور من قبل

مرحبا صمت الوداع

قهر .. يوم عاد هم لاهين ولا مفتكرين ...

المزوحي ===> يناسبــك أكثـــر وانسى صاحــب القلب الحزيـــن :yes:


لــيــش الحــزن ؟ دامنا بنعيش في هالدنيــا مرّة
لا تتكدّر ياخويــه ، يمكن تتكدّر إذا تمّيت تفكر باللي يصيبك
لكن حسّس نفسك بإنك مستااانس ومثل ما تجاهلوك اتجاهلهم

و مردهم لــك دامك اهتمّيـــــــت لهم في يــوم

إذا تجاهلتهم بيحسّون بالقصور من صوبك لأنك في البدايه اهتميت ولا حسّوا بك أو بالأصح ما قدّروا اهتمامك
و يوم بيحسّون إن اللي كان مهتم لهم ما عاد يهتم ==> لاااااااااااازم بيّونك عشان يعرفون سبب تقصيــرك :) ...

قصايد غلا

أنا مش من النوع اللي يفرض نفسه على الغير، ولا أحب أذل عمري لأي شخص كان ..

بس طبعي إن حبيت وفيت .. بس سبب تصرفي " وتسميتي " صاحب القلب الحزين لعدة أمور

ومنها : يوم تحب انسان مايبادلك الشعور ... أحس بإنه نفسي عزيزة وغالية ولا أرضى المذله

وبس ...

إشغل عمرك من دون انك تحط في بالك ان تسوي هالشي علشان تنسى الحزن الي فيك .. وبدون ما تحس بتشوف نفسك بعيد عنه

بــــوظبي

إن شاء الله :look:

انا وايد احزن حزن فضيع على الناس الي احبهم ويبتعدون عني او الدنيا تجبرهم ينسوني

أحب يدي الله يرحمه والحين لا اراديا ارقد علشان اشرد من واقع اني حزينه لأني متولهه عليه
+ يدوتي فيها زهايمر فيوم ما تذكرني اموت من الضيج





حاسه فيك والله
الدنيا من دون ناس معينين ما تسوى.

^ اسوي اشياء مالها بدون تخطيط بس علشان انشغل عن الاشيا الي تضايجني. صح تاثيرها قصير .. بس شي احسن من ولا شي ;)

بوظبي .. غــــير يوم تغلين انسان ... يعرف ويتجاهل ... غير عن يوم من الأساس مايعرف أو حتى

ماتبينين له ...

تدري
يوم من الأيام .. بتندم على كل هالحزن والألم الى حطيت نفسك فيه .. وبيخلص البترول عندك .. وبتنهار

انته وايد تفكر في ناس مايفكرون فيك .. حق شو؟؟ شو الفايده؟؟

لازم تحط في بالك انه محد بيتم معاك للأبد .. مثل ما الكره الأرضيه تدور .. حياتنا تدور

لازم ماتعتمد على شخص *واحد* .. لازم تعتمد على *مجموعه* ..

انا يتني فتره مريت في الحاله الى انت تمر فيها.. ويوم من الأيام نشـيت من الرقاد .. وقلت لازم أغيـر حياتي ..

غيـرت حياتي فعلا .. استويت مادش النت وايد .. ودرت وايدين اعتبرتهم ربعي *لكن في داخلي كنت اعرف انهم مايسـون* .. وبديت اعطي الناس الى يستاهلون سالفه .. وفي نفس الوقت استويت اجتماعيـه .. بالاحرى .. غصبت نفسي استوي اجتماعيـه xD وحياتي ولا أحلى


غيـر ربعك .. ورابع ناس وايدين .. انت مواطن وريـال .. هالشي وايد سهــل .. بس لازم انته تبدا بالخطوه الأولى.. *وصح لاتحط في بالك انه بس المواطنين هم بيكونون ربع اوكيـه .. رابع ناس من دول ثانيـه .. لانك بتحصلهم intresting*

شمعة أمل

كلامج مقنع يا شيخة

اعرف على ناس من دول ثانية .. تتعرفين على أمور ثانية .. ووايد أشياء ...

زين .. خــبريني من اللحظة اللي أرد الحين فيها ولين ماتدخلين تشوفين ردي .. شو أسوي ..

وأنا حـــاضر

الأشيـا الى ماتعيـبك في نفسـك غيـرها
النـاس الى يضايجوبك حط عليهم أكس عـود ولا تسولهم سالفه
شي وايد لقائات شبابيه في الواحات .. سييرلهم .. يمكن بتكون صداقات حلوه وياهم..
اذا مب مرتاح في شغلك غيـره .. ولا كمل دراستك؟
اذا ناوي تكمل دراستك .. مانصحك بالجامعات الى متروسه مواطنيـن .. لأنك مابتتعلم شي
spend more quality time with ur family

ماتقصرين شمعة أمل ... وقبل ما أدخل الحين أشوووف الرد .. كنت اتكلم عن الشغل ...

كنت ماخذ إجازة هالفترة وبداوم بالاحد وأحس بعمري أبغي أغير الشغل .. ومب من عادتي أغير ..

بس أبغي اطور من نفسي مش نفس الروتين ...

[mark=33CCFF]النـاس الى يضايجوبك حط عليهم أكس عـود ولا تسولهم سالفه[/mark]

ذكرتيني ... هذا الشي فعلا بسويه .....

مشكووورة

يقولك
عمر الحزن يوم و عمره مدام لدوم
والعمر فيه كم يوم ولابد يوم من الأيام يكون لك من نصيب منه
ونصيب الأحلى يوم تتكتشف انك تجاوزته ونلت الفرح

خلك متفاااءل ومتأمل ليوم احلى

والله الدنيا ماتسوى<<اقول الجمله وادعي بخاااااااااااطريه ربي يثبت معنها بقلبي

حالتك شروات غيرك
كم بنحزن
اكيد بيي لك يوم تفرح
صدقني:yes:

هلا بن عمـــي..

خلك كوووووووول يالغالي

اانا بكلمك عن نفسي..

اناااااا انساااااان واييييييييييد وايييييييد اتضااااااايج وازعل واتنرفز.. بس احاول اني اغير هالشي فيني .. مابين للناس اني زعلان او شي..
اروح اطلع ..

اسير البحررر .. حتى ما نصيد سمج بس نيلس ع البحرر نسوولف نضحك خلاص ننسى الهم

فليل لماا اضيج اشغل التلفزيون .. ولا احط لي مسرحيه واقعد اشووف.. صح انه بالي يكون مشغوول ومتضايج بس احاول اغيررر من نفسي

ولا اطلع مع الشباب.. كم تسوى والله يمعة الشباب .. سوالف وضحك


ماتشوف حالتي يوم اروح الجامعه والله دااااااق بوز .. بس احاول اني اكون مستانس.. اشغل اغاني .. ارمس بالتيلفون ..احط اذاعة القران والله انها تريح الصدررررررررررررررر.. يوم اوصل هناك اسوي عمري عادي.. واناا بموت من الضيج.. اتمشى شوي .. فليل اتم واعي لين الصبح ماييني رقااااد اروح الجامعه وانا مواصل.. ارجع السكن ابا ارقد ماشي فايده.. اروح ابا اكل شي مالي نفس .. حتى مالي نفس اشرب ماي بعد.. بس بعد يكون في اصرار اني لازم اتاقلم مع هالشي.. وعقب خلاص اتعوووود ..

الله كريــــــــــــم ..

انا الحين متضااااااايج بعد لاني بروح الجامعه وابغي اتاقلم مافي فايييييييييده .. رحت القريه اليوم وبعدني داق بووز مع اني كنت اسولف واضحك..

الله يعين

ادري ردي مافادك بشي

بس كلام بقلبي حبيت اطلعه

صدقيني هزاايم .. إذا بتقولين الدنيا ماتسوى .. بقولج: ماقلتي شي يديد !

ونعرف هالشي ونحن اللي نقوله للغير .. :3:

لكن ... أحس كل ما أمشي على خطى التفاؤل .. مادري شو اللي يستوي

على العموم مشكورة :k_blush-anim-cl:

أفااا خيال الحب

عسى درب الضيج بعيد عنك .. وإن شاء الله انا وانته بنكون غير ... :fa42: